أنت تتصفح الموقع كزائر، للحصول على مساعدة في التسجيل أو استرجاع كلمة المرور مقامر أو مغامر ... انهزامي أو نادم .... (جبسات)
تم النشر في Mar, 05 2008 الساعة 04:57 بقلم No Body
ما عميقدر يشوف من زاوية وحدة ....
بدو يشوف كل الزوايا ...
بيجوز يكلفو الموضوع تلف لعينيه ...
بس بدو يشوف كلشي
قالوله أكتر من جبسة بالايد ما بتنشال ...
قلون أنا ما معقول أصل لخط النهاية بجبسة وحدة
وما كلشي جبس ...
هي حياة ...
يا بعيشها صح ... بكل الجبسات (اذا صح تعبير الجبسات) ...
يا أما مابعيش
قالوله إذا بتشيل كل الجبسات ... فبتكون عبتغامر ... أو يمكن عبتقامر ...
ويمكن يتكسرو كلهون ...
أو يمكن ما تصل للنهاية أبدا ...
قلون انهزامي اللي بيكب كل الجبسات وبيبقي وحدة ...
وعميضحك عحالو اللي بيوصل لخط النهاية بجبسة وحدة وبعدا بيكذب وبيقول أنا ما بطلع لورا ... ومالي ساءل بالجبسات اللي كبيتها ومارح اندم عليها
قالوله
حتى على أبسط المستويات ...
يا بتبلع ...
يا بتتنفس ...
التنتين مع بعضون ما بينعملو ...
بتختنق ...
بتموت
قلون بس بالنهاية اللي بدو يعيش ...
بدو ياكل ...
وبدو يتنفس ...
وبلا وحدة منون ...
بيموت
بدو يشوف كل الزوايا ...
بيجوز يكلفو الموضوع تلف لعينيه ...
بس بدو يشوف كلشي
قالوله أكتر من جبسة بالايد ما بتنشال ...
قلون أنا ما معقول أصل لخط النهاية بجبسة وحدة
وما كلشي جبس ...
هي حياة ...
يا بعيشها صح ... بكل الجبسات (اذا صح تعبير الجبسات) ...
يا أما مابعيش
قالوله إذا بتشيل كل الجبسات ... فبتكون عبتغامر ... أو يمكن عبتقامر ...
ويمكن يتكسرو كلهون ...
أو يمكن ما تصل للنهاية أبدا ...
قلون انهزامي اللي بيكب كل الجبسات وبيبقي وحدة ...
وعميضحك عحالو اللي بيوصل لخط النهاية بجبسة وحدة وبعدا بيكذب وبيقول أنا ما بطلع لورا ... ومالي ساءل بالجبسات اللي كبيتها ومارح اندم عليها
قالوله
حتى على أبسط المستويات ...
يا بتبلع ...
يا بتتنفس ...
التنتين مع بعضون ما بينعملو ...
بتختنق ...
بتموت
قلون بس بالنهاية اللي بدو يعيش ...
بدو ياكل ...
وبدو يتنفس ...
وبلا وحدة منون ...
بيموت
Total Comments 16
التعليقات
 |  اقتباس: قلون بس بالنهاية اللي بدو يعيش ... بدو ياكل ... وبدو يتنفس ... وبلا وحدة منون ... بيموت الحياة مجموعة جبسات ..صح! بس إذا شلتون سوا بيتكسروا ..وإذا شلتون وحدة وحدة بتوصلون كلون لخط النهاية ... ولازم تشيل الجبسات المستوية قبل ..لأنو الجبسة اللي مو مستوية لبين ما توصلها لخط النهاية ..بيكونوا باقي الجبسات خربوا ...والأبشع من هيك بعد كل هالشي تطلع هالجبسة اللي ضحيت بباقي الجبسات كلون مشان توصلها لخط النهاية ...تطلع قرعة لك تضرب إنت وهالتشبيه ...  |
تم النشر في Mar, 05 2008 الساعة 21:58 بقلم dr.mohi  |
| |  غالبا بيكون خط النهاية بعيد ... وكلشي بتتركو علطريق ما ممكن ترجعلو ... يا بيكون راح ... يا أما بيكون حدا غيرك أخدو يا أما بيطلعلك خط نهاية تاني لقدام بيمنعك ترجع لورا |
| تم النشر في Mar, 06 2008 الساعة 00:31 بقلم No Body |
| | طيب جيت معك ... هلق أكيد متفقين إنو كل الجبسات ما رح ينشالوا سوا ...شقد ما عاندت هاد الواقع.. بس يا ترى لو نحنة أخدنا هالجبسة وتركنا باقي الجبسات ...إش اللي بيضمنلنا إنو رح نوصل هالجبسة لخط النهاية ؟؟ ما في احتمال تنخرب عالطريق ؟ ما في احتمال من الأول نتفشكل بشرش الجبسة ونقع وتنكسر ؟؟ بهالحالة إش منكون ربحنا؟؟...ولا شي بينما إذا كنا أصلا شايلين جبسة وقربنا نصل لخط النهاية فيها .. ليش لنرجع لورا ونشيل جبسة تانية ونصير نمشي مفاحجة وبالأخير فعليا منكون تخلينا عن الجبسة الأولى ؟؟؟؟ أنا رأيي الشخصي ..إنو جبسة بالإيد أحسن من 10 عالشجرة  |
| تم النشر في Mar, 06 2008 الساعة 09:30 بقلم dr.mohi |
| |  في مثل انكليزي مشهور بيقللك : اقتباس: jack of all trades .....masters non  |
| تم النشر في Mar, 23 2008 الساعة 12:37 بقلم subzero |
| |  اقتباس:
غالبا بيكون خط النهاية بعيد ... وكلشي بتتركو علطريق ما ممكن ترجعلو ... يا بيكون راح ... يا أما بيكون حدا غيرك أخدو يا أما بيطلعلك خط نهاية تاني لقدام بيمنعك ترجع لورا اقتباس:
بس يا ترى لو نحنة أخدنا هالجبسة وتركنا باقي الجبسات ...إش اللي بيضمنلنا إنو رح نوصل هالجبسة لخط النهاية ؟؟ ما في احتمال تنخرب عالطريق ؟ ما في احتمال من الأول نتفشكل بشرش الجبسة ونقع وتنكسر ؟؟ بهالحالة إش منكون ربحنا؟؟...ولا شي  اقتباس: jack of all trades .....masters non |
| تم النشر في Mar, 23 2008 الساعة 16:20 بقلم flower |
| | اقتباس:
هادا المثل يمكن ما بينطبق بالضرورة على هل جبسات...
وإنما بينطبق على اللي عم يشيلن  |
| تم النشر في Mar, 24 2008 الساعة 10:41 بقلم subzero |
| | ايه يعني....قصدي يلي عم بشيلون... بس مو كل مين شال كم جبسه صار من ضمن هؤلاء الـjacks و انحكم عليه بالفشل لانو جبسة عن جبسة بتفرق...و مو كل الـjacks متل بعضون.. |
| تم النشر في Mar, 24 2008 الساعة 18:03 بقلم flower |
| | فلورة .....العلة مو بالجبسات ولا باللي عم يشيل العلة بفكرة السعي لاتقان كل شيئ وإتمام كل شيئ والبراعة في كل شيئ .... هادا هو الغلط لأنو مهما كانو الجبسات مهمات بالنسبة ألنا .....بتبقى في أولويات لازم نراعيها .... وإلا منكون معرضين للفشل أو على أقل تقدير للنجاح ولكن بمستوى مابيرضينا  |
| تم النشر في Mar, 26 2008 الساعة 21:52 بقلم subzero |
| | طيب انا معك بهل فكرة...من وجهة نظرك هذه... بس من وجهة نظر اخرى...بنظرية بتقول اذا ما بلشت بالامر و سعيت فيه بنفس الوقت يلي بلشت فيه امر تاني...ما رح تقدر ترجع بالزمن لورا و مضطر تبدا بالامر التاني بعد ما تخلص الاول حصراً...طيب ليش ما نحاول نمشي اكتر من امر سوا...حتى لو كان للأول اولوية اكتر...منراعي هل اولوية على عيني و راسي...بس ما نكب الامور الاخرى..ما نترك باقي الجبسات عل طريق و نقول انا غير وحدة ما بقدر شيل...اصلاً هي حياة عم تتطلب منك تكون متل جهاز كمبيوتر...multi tasking...يعني بأسوأ تقدير حط الجبسات يلي ما بتقدر تشيلون بعربية و مشيها معك...لانو في حال عفنت الجبسة يلي شايلها...ممكن تمد ايدك عل عربية و تشيل جبسة جديدة... |
| تم النشر في Mar, 27 2008 الساعة 07:04 بقلم flower |
| | على مايبدو اختلفنا بالرمزية تبعت الجبسات بأيدك بالكلام اللي قلتيه 100 بالمية .......... بس برأيك شو التصرف الصح لما بتوصلي لنقطة فيها تعارض .... نقطة لما حمل أكتر من جبسة رح يهدد مصير الجبسة الأهم اللي شايلتيها شو برأيك الصح بهداك الوقت ........؟؟ مدري ليش مشتهي صيح : عال علام ياجبااااااااااااااااااااا ااااااااااااااااااااااااس  |
| تم النشر في Mar, 27 2008 الساعة 23:56 بقلم subzero |
| | هلق وفقاً لدرجة استواء الجبسة الاولى اولاً...و حسب اهميتها و ضرورتها ثانياً...ممكن يكون التصرف على شكلين... و بما ان الحياة كلها تجارب...فبقلك انو بدرجة عالية من الأهمية (بمقياسي "هديك" الأيام) وقت اضطريت اختار اشيل الجبسة التانية ام لا...رحت كبيتها...كبيتها و ريتني ما كبيتها...لانو خلص راحت...ضاعت بالطرقات الوعرة...  و هلق وقت برجع بفكر بالأمر بقول لحالي انو لو كنت شايلتها معي شو كان صار يعني...انو مثلاً بنتبه عل اولى اكتر و بخلي نظري عليها..بس باخد التانية معي...(بس يلي راح راح للأسف) اذا كنت عم تقصد امر مهم كتير...يعني متل شي مهدد بالحياة...بالوجود...بالاستمر ارية...او ممكن الواحد يخسر شي مصيري من جراء اختيار شيل جبسة تانية ام لا...فبقلك خلص بلاها التانية...مو ضرورية بس اذا الامر بيستحمل...فباخدها و لو اضطريت اتعذب شوي بحملها... |
| تم النشر في Mar, 28 2008 الساعة 03:34 بقلم flower |
| | اقتباس:
اذا كنت عم تقصد امر مهم كتير...يعني متل شي مهدد بالحياة...بالوجود...بالاستمر ارية...او ممكن الواحد يخسر شي مصيري من جراء اختيار شيل جبسة تانية ام لا...فبقلك خلص بلاها التانية...مو ضرورية
هيك طلعنا متفقين ........الفكرة اللي عم نحكيها وحدة ..........  بس باننهاية مافيني إلا سلم بأنو مافي أصعب من الاستسلام وترك الجبسة على الطريق ...... وخصوصي بعد ماتعودنا على شيلتها بس شو نعمل .......................... هيك الدنيا  |
| تم النشر في Mar, 28 2008 الساعة 23:20 بقلم subzero |
| | صرلي سنة عبستناكن تخلصو النقاش المحتدم وكنت عرفان إنكن رح تصلو لنفس الفكرة لأنا ببساطة ... بديهية  |
| تم النشر في Mar, 30 2008 الساعة 17:55 بقلم dr.mohi |
| | انتو اش عبيضير معكون؟ حدا يناولني سكينة ... خلينا نقسم هالجبسة وناكلها ونفض هالمشكلة في جبسات بتكون بالغة الاهمية ... وحمل أي وحدة منون بتخليكي تغامر بالبقية ... ولما بتكون من النوع اللي مابيستسلم بالساهل ... فحتى لو بلغت المشقة انك تكمل الطريق زحف ... وإنك تصل متأخر كتير ... وإنك تصل ميت من التعب ... وبيجوز تموت قبل ما تصل ... فحتى لو هيك ... بظن من الخطأ تستغني عن جبسة مهمة كرمال تانية بيجوز تكون أهم بشوي ... لأنو لما بيكون الأمر بالغ الأهمية عندك ... وبتتخلى عنه .... كرمال انك تكمل الطريق ... فأنا بضمنلك انك تكمل الطريق ... وبطريقة أسهل ... بس ما بضمنلك انك ما تكمله وانت ماشي بالمقلوب ... ماشي ودايما عمتطلع على شي تركتو وراك ... ومابضمنلك يا سبسوب بانك لما تهرب من التفكير فيو بالواقع ... ماتشوفو بنومك |
| تم النشر في Mar, 30 2008 الساعة 23:49 بقلم No Body |
| | أكيد الصورة اللي عم توصفها مؤلمة ........... بس هية كتير مرضية لما بيكون البديل أنو توقف وما بقا تكمل بنوب وبيبقى أنك تشوفو بنومك أفضل من أنو تبقى صاحي على طول ......وتنام كل سبع أيام مرة |
| تم النشر في Mar, 31 2008 الساعة 15:13 بقلم subzero |
| |  أنا مابحب الجبس كلو عبعضو..كل ما بنقي جبسة بيطلع قلبها أبيض....  |
| تم النشر في Mar, 31 2008 الساعة 19:55 بقلم keane |
نشرات No Body الحديثة
- ضريبة رفاهية (Mar, 30 2008)
- محو أمية (Mar, 16 2008)
- تحت الضغط ... (Mar, 10 2008)
- مقامر أو مغامر ... انهزامي أو نادم .... (جبسات) (Mar, 05 2008)
- رفعت الجلسة (Mar, 04 2008)
