أنت تتصفح الموقع كزائر، للحصول على مساعدة في التسجيل أو استرجاع كلمة المرور 
أريد أن أتنفس حرية
تم النشر في Mar, 05 2007 الساعة 08:21 بقلم No Body
الأب: بلوزتك ياقتها كتير واسعة ... مافي تنزلي هيك
س: بدي البسها ... ماحدا الو علاقة فيني ... أنا حرة ... بدي اتنفس ... بدي عيش
الام: هادا منظر وحدة رايحة علجامعة ولا منظر وحدة نازلة عسهرة ؟ ...
ع : ليش؟
الام: هاد اللبس مابينتزل فيو علجامعة ... شو هالبنطلون؟ وشو هالبلوزة الديقة ... راسمة صدرك رسم
ع: أمي ... أنا كبرت... وصرت واعية ... وبعرف شو عمأعمل
الأم: فوتي بدلي لبسك
ع: أمي البنت بس صارت بالجامعة بتصير اوعى ... وبيعطوها اهلها شوية حرية ... يعني بدي البس عكيفي ... وبدي اتنفس على كيفي ... بدي عيش
الزوج: فوتي بدلي هالبنطلون ... مرتي مابتلبس بونتكورات وعلاك مصدي
ص: بس انت وقت اتزوجتني أنا كنت البس هيك ... وشو صار هلأ؟
الزوج: هلأ صرتي مرتي ... يعني بتلبسي عكيفي ...
ص: الله يلعن هداك اليوم ... كنت ببيت أهلي البس متل مابدي... كنت على الاقل عايشة ... وحرة متل مابدي
س وين كان صوتك لما بطلك أبوكي من المدرسة؟ ... هلأ هي البلوزة اللي بلا ياقة هية حريتك؟
إذا هيك شايفة الحرية ... وهيك بتعتبري حالك عمتتنفسي ... فبلا تتنفسي ... اختنقي أحسن
ع وين كان وعيك و حدتك هدول لما امك دخلتك كلية على كيفها وانتي مابتحبيها؟ بعرف انو بدك تتنفسي الحرية ... وبعرف إنو التنفس الو علاقة بالصدر ... بس اذا هيك التنفس بيصير وهيك فهمتي الحرية ... فبلا تتنفسي ... اختنقي أحسن
ص الله يرحم أيام أهلك لما كنتي تتنفسي حرية عندون ... وتلبسي متل مابدك ... بس حريتك هي وين كانت لما تجوزتيه وماكنتي موافقةعليه؟ .. وين كانت حريتك لما قالولك لأ علشب اللي متتي فيه وكان بدك ياه؟ ... هلأ برأيك كانو عاطينك حريتك؟ ... إذا شايفة الحرية هيك ... وهيك بدك تتنفسيها ... فبلا تتنفسي ... اختنقي أحسن
س: بدي البسها ... ماحدا الو علاقة فيني ... أنا حرة ... بدي اتنفس ... بدي عيش
الام: هادا منظر وحدة رايحة علجامعة ولا منظر وحدة نازلة عسهرة ؟ ...
ع : ليش؟
الام: هاد اللبس مابينتزل فيو علجامعة ... شو هالبنطلون؟ وشو هالبلوزة الديقة ... راسمة صدرك رسم
ع: أمي ... أنا كبرت... وصرت واعية ... وبعرف شو عمأعمل
الأم: فوتي بدلي لبسك
ع: أمي البنت بس صارت بالجامعة بتصير اوعى ... وبيعطوها اهلها شوية حرية ... يعني بدي البس عكيفي ... وبدي اتنفس على كيفي ... بدي عيش
الزوج: فوتي بدلي هالبنطلون ... مرتي مابتلبس بونتكورات وعلاك مصدي
ص: بس انت وقت اتزوجتني أنا كنت البس هيك ... وشو صار هلأ؟
الزوج: هلأ صرتي مرتي ... يعني بتلبسي عكيفي ...
ص: الله يلعن هداك اليوم ... كنت ببيت أهلي البس متل مابدي... كنت على الاقل عايشة ... وحرة متل مابدي
س وين كان صوتك لما بطلك أبوكي من المدرسة؟ ... هلأ هي البلوزة اللي بلا ياقة هية حريتك؟
إذا هيك شايفة الحرية ... وهيك بتعتبري حالك عمتتنفسي ... فبلا تتنفسي ... اختنقي أحسن
ع وين كان وعيك و حدتك هدول لما امك دخلتك كلية على كيفها وانتي مابتحبيها؟ بعرف انو بدك تتنفسي الحرية ... وبعرف إنو التنفس الو علاقة بالصدر ... بس اذا هيك التنفس بيصير وهيك فهمتي الحرية ... فبلا تتنفسي ... اختنقي أحسن
ص الله يرحم أيام أهلك لما كنتي تتنفسي حرية عندون ... وتلبسي متل مابدك ... بس حريتك هي وين كانت لما تجوزتيه وماكنتي موافقةعليه؟ .. وين كانت حريتك لما قالولك لأ علشب اللي متتي فيه وكان بدك ياه؟ ... هلأ برأيك كانو عاطينك حريتك؟ ... إذا شايفة الحرية هيك ... وهيك بدك تتنفسيها ... فبلا تتنفسي ... اختنقي أحسن
عدد التعليقات 8
التعليقات
 |  متل يلي عم يقلله.. أكلت القتلة هديك المرة.. شو هالشغلة يا أخي.. هي قتلة وما كانت، كلها كمان.. أصلا إنت من يوم يومك بتاكل قتل!.. (مو تماما متل.. بس بيشبه..!!) إنت عم تقول إنو بدنا الحرية ع شي جوهري.. مو ع القشور.. أنا بقول .. الحرية كل لا يتجزأ.. والقشور (إذا افترضنا جدلا إنها قشور.. وأنا ما بوافق) فهي تجلي للمشكلة الجوهرية.. وهي غياب الحرية يلي ما حدا عم يقدر يتنفسها.. ولا تقل أهمية عن غيره.. الحرية تبدأ بإنك تفكر متل ما بدك وتحكي متل ما بدك.. وبتمر بدون ما بتنتهي بإنك تلبس متل ما بدك..! ... طبعا عم نحكي عن مستوى من مستويات الحرية.. (ما حدا يقول شوفو شوفو.. وين صارو!!) |
تم النشر في Mar, 05 2007 الساعة 16:16 بقلم سنفور  |
| |  الله يستر ما يتنفسولنا الحرية كلها ونصير ما نلاقيها غير بالانعاشات :emot30 |
| تم النشر في Mar, 05 2007 الساعة 16:26 بقلم etoil de la mer |
| |  ايه طبعاااااااااااااااااااا الحرية لا تتجزأ ......... فلما البنت بتعتبر هالقشور هية حريتها ... بينما ما بتمثللها بقية الامور شي مهم تدافع عنو بنفس الشراسة اللي عمتدافع عن القشور ... فهون هي اللي عبتجزأ الحرية ... مو أنا ... :badwink: |
| تم النشر في Mar, 05 2007 الساعة 22:39 بقلم No Body |
| |  شوفو شوفو وين صارو..... كني الحرية زايدة هاليومين!!!!...لك والله ماعم شوف اللي عم تحكو عنو....  ...لك الصبايا عم تساوي اللي بدها ياه والشباب عم يساوو اللي بدهون ياه.....الوضع كتير متحسن هالسنتين....وكتير عاجبني...والقشور تماااام التمام ومابدها تنين يتناقشو حولها....بس كلام نوبدي عن الجوهر هدا المهم مع أنو الحكي عن الجوهر وال real thing مانو تجاري وماألهو سوق بهالأيام..... |
| تم النشر في Mar, 06 2007 الساعة 04:25 بقلم keane |
| |  شوفو شوفو وين صارو... برأيي أمور اللبس أكل الدهر عليها وشرب...وياما صار علقات بلموقع مشانا في سبيل وصف الطبيعة:badwink: وما عم نشوف شي غلط من طالبات الجامعة أو لبسهن...بصراحة الغلط من الشب اللي بياكلها بعيونو:emot30 أما بالنسبة للزواج الجباري والدراسة الاجبارية....فهي للأسف كتير منتشرة بمجتمعاتنا... لسببين برأيي لا ثالث لهما....قلة المادة والجهل,,,! |
| تم النشر في Mar, 07 2007 الساعة 19:06 بقلم Atlantis |
| | أنا ماعمناقش فكرة اللبس غريبة ليش مناخد الشي الظاهر :badwink: |
| تم النشر في Mar, 07 2007 الساعة 23:02 بقلم No Body |
| | تنفس الحرية ... حتى اختنق بها  |
| تم النشر في Oct, 22 2007 الساعة 16:18 بقلم No Body |
| |  اقتباس:
تنفس الحرية ... حتى اختنق بها |
| تم النشر في Oct, 22 2007 الساعة 19:43 بقلم flower |
نشرات No Body الحديثة
- ضريبة رفاهية (Mar, 30 2008)
- محو أمية (Mar, 16 2008)
- تحت الضغط ... (Mar, 10 2008)
- مقامر أو مغامر ... انهزامي أو نادم .... (جبسات) (Mar, 05 2008)
- رفعت الجلسة (Mar, 04 2008)
