استخدام التبويب في المدونات

الأبواب متل أقسام المنتدى .. بس على المستوى الشخصي لكل مدونة واللي بحدده الكاتب فيها ..

في لوحة تحكم المدونة رح تلاقي رابط اسمه أبواب المدونة. من خلاله فيك تضيف أبواب لمدونتك .. بحيث تنظم نشراتك في مدونتك ..

اضغط على إضافة باب جديد واكتب عنوان الباب .. مع الوصف .. اختار الباب الأعلى .. أو بدون باب أعلى .. (الباب الأعلى بتيح ترتيب الأبواب بشكل هرمي)

وبعدها حط رقم بعبر عن ترتيب الباب في مدونتك (رقم الترتيب .. بمكنك من تحديد الترتيب اللي رح تتبعه الأبواب في الظهور .. الرقم الأصغر بكون فوق) .. واضغط حفظ.

رح تنتقل لصفحة أبواب المدونة .. ورح تلاقي قائمة بأبواب مدونتك .. بتتضمن كل تبويب مع وصفه وعدد النشرات اللي بتنتمي إله + رابط لتعديل التبويب ...

بعد ما تضيف الأبواب .. فيك تروح وتعدل نشراتك .. رح تلاقي في الخيارات (ضمن صفحة التعديل) قائمة بالأبواب .. فيك تختار أكتر من باب لحتى تنتمي إله المدونة .. ونفس الشي بالنسبة للنشرات المستقبلية .. رح تلاقي أثناء النشر قائمة بالأبواب وفيك تستفيد منها بنفس الطريقة ...

النشرات اللي ما بتنتمي لأي باب بتكون في باب افتراضي .. اسمه "تبويب غير محدّد" ..

أنا بنصح الكل يستخدموا التبويب .. لأنه بسهل تنظيم مدونتهم .. وبتخلي الناس (اللي رح يشوفوا في مدونتك قائمة بالأبواب على اليمين) ياخدوا فكرة عن الموضوعات الموجودة في مدونتك ..