أنت تتصفح الموقع كزائر، للحصول على مساعدة في التسجيل أو استرجاع كلمة المرور كرت احتياط ...
تم النشر في Sep, 04 2007 الساعة 12:13 بقلم No Body
اقتباس:
اقتباس من ... أخطاء لابد واقعة
مازلت اعتقد أن اخطاء عدة تقع مرارا وتكرار ... وأن الكثير منها كان لابد واقع ... وأننا كثيرا ما نعمل متعمدين لوقوعه ...
فالشك بقرب وقوع الخطأ ... كثيرا ما يخلّف الأثر ذاته الذي يخلّفه وقوعه ... عدا عن أنّ وقوعه يمثل يقينا يمكننا التعامل معه ... بينما يبقى شكنا بوقوعه محض حدسٍ يعجز كثيرٌ منا عن تجاهله
مازلت اعتقد أن اخطاء عدة تقع مرارا وتكرار ... وأن الكثير منها كان لابد واقع ... وأننا كثيرا ما نعمل متعمدين لوقوعه ...
فالشك بقرب وقوع الخطأ ... كثيرا ما يخلّف الأثر ذاته الذي يخلّفه وقوعه ... عدا عن أنّ وقوعه يمثل يقينا يمكننا التعامل معه ... بينما يبقى شكنا بوقوعه محض حدسٍ يعجز كثيرٌ منا عن تجاهله
عمتاخدها بحسن نية
بتقول
هي مرحلة
وحتى لو
بالنتيجة الي مكان
وبيوم من الايام بصير أنا الاساس
(مرات الحقيقة ... بتخليك بعيد)
ههههههه
غلطان ...
انت بالكتير ...
كرت احتياط
الك لزمة باوقات محددة ... وبتخلص
زعلت؟
إذا زعلت فأجّلها
قلنالك هلأ خلص وقتك
وبس نرجع للظرفية (تبعة الممارسة) منبقى مننظر في وضعك
وبيجوز ننظر بوضعك ونشوف انك بلشت تتمادى وممكن يخطر ببالك تاخد
على مايبدو نسيت انك بس لازم تعطي
هي شغلتك
بتعطي
لطالما انت كرت احتياط فلازم بس تعطي
واذا
واذااااااا
صرت بيوم من الايام (اساس) ... ممكن تبلش تاخد
لانو مو منطق
اذا كل واحد ... بالكتير كرت احتياط ... بدو ياخد
بعدين بتخلص العلبة
.....................
بتزعل
بتجي لتمشي ... مابينقلك (تعا .. لاتروح ... الك بالقلب مكان)
بينقلك ... بدك تروح؟
اوكي موفق
روح ...
روح من منطلق
لانو هلأ خلص وقتك
روح من منطلق
الوضع تبعك ممارسة ظرفية ... بينيموها وقت بتعكرلون مزاجون او بتدّخل بمسيرتون
روح من منطلق
روح ... متل ما اللي قبلك راح
بينقلك روح
وعطرهن بانفاسك رايح معك (وعلى قولة أليسا ... والعطر عندو وفا أكتر من صحابو)
بينقلك روح
وخود العطر تبعك من انفاس المكان اللي كنت فيه
مشان مايترك أثر
عمتسأل ليش مالازم يترك أثر؟
لانو خط الرجعة لازم يكون محسوب
ومالازم حدا يعرف انك هون
ما لازم حدا ابدا يعرف
عمتسأل ليش مالازم يترك أثر؟
لانو لما يجي غيرك
مالازم يكون في الك ...
صدى للضجة اللي عملتها
أثر للعطر تبعك
حفرة حطيت راسك فيها متل النعامة
عمتسأل ليش مالازم يترك أثر؟
لانو اللي بدو يجي بعدك ممكن يكون
هو الاساس
وبضلك انت ياحبيبي بالبال ...
ذكرى كرت احتياط
هههههههه
عدد التعليقات 6
التعليقات
 |  سُخط ... عندما تضع لهم الطيبة والاحترام وهم يضعونك في قائمة الانتظار .. متى ما كساهم الملل أتوا ليبحثوا عنك ! حالة قريبة من حالة "كرت الاحتياط" التي ذكرتها بالاخير كل واحد بده يضمن مصلحته   تحياتي |
تم النشر في Sep, 04 2007 الساعة 12:34 بقلم TURBO  |
| |  ممممممم .. يا ترى هادا تفكيرك ؟ ولا إجاك دج ؟؟ ما بنكر استطاعة ناس معينين على الفراسة. يمكنك واحد منون. بس كيف بتتأكد انك "كرت احتياط" بمكنون شخص ما من غير ما يحكي ؟ التصرفات ما ممكن تدل. والله اعلم |
| تم النشر في Sep, 05 2007 الساعة 00:08 بقلم Kliopatra |
| |  مرعب هالتصوير يا نوبدي ..الفكرة بحد ذاتها بتثير الغثيان ...بس بظن في إلها أساس كبير من الصحة ..للأسف... |
تم النشر في Sep, 05 2007 الساعة 20:27 بقلم dr.mohi  |
| |  تصوير دقيق و موجود كتييييير...هلء اذا بلحظة اكتشفت اني كرت احتياط ...بزعل انو احساسي خاني و ما قدرت اكتشف بس اللي بيهمني هلء اني ما حط حدا كرت احتياط و تكون علاقاتي مصنفة وواضحة معن |
| تم النشر في Sep, 12 2007 الساعة 13:04 بقلم amarel |
| | الأنكى ... أن في ناس هنة يلي بيحبوا يكونوا "كرت احتياط" وبيحطوا حالون بهالظرف. وبيقولوا: أوكي خليني احتياط عندك !!! كيف بدنا نمزّء هيك كرت ؟ حدا عندو طريقة ؟؟ |
| تم النشر في Sep, 14 2007 الساعة 14:37 بقلم Kliopatra |
| |  نو بادي ... جبحتنا يازلمة ... حباب ..لابقى تحكي عن الواقع ... خلينا بالخيالات أشرف لنا .. لان الواقع .. مرعب عالأخير ... |
| تم النشر في Oct, 15 2007 الساعة 23:53 بقلم عابد |
نشرات No Body الحديثة
- ضريبة رفاهية (Mar, 30 2008)
- محو أمية (Mar, 16 2008)
- تحت الضغط ... (Mar, 10 2008)
- مقامر أو مغامر ... انهزامي أو نادم .... (جبسات) (Mar, 05 2008)
- رفعت الجلسة (Mar, 04 2008)
