حب ... وكمان أنانية ؟

السلام عليكم


بيقولوا أن الحب والانانية ما بيلتقوا وما ممكن يتواجدوا مع بعض.


نحنا منحب الشخص اللي منقدرو ومنحترمو، منريد نوفرلو كل أسباب الراحة، مندللو، منظملو عشا عالشموع، منحضرلو صندوق هدايا بعيد ميلادو منكون عم نجمعون من شهرين، منعمل كتير إشيا بتاخد جهد ووقت ومادة .. مشان بالأخير نشوف الابتسامة عوجهو.

بس ما هادا هو الهدف الوحيد ... بيضل الهدف بالأخير أن هو يعطينا ........... بالمقابل ...............
الغيرة في الأنانية ............. لأنها بتترافق مع الحب. ومن هون بيجوا "الضدين" مع بعض.
التملّك .. حب التسلّط ... رغبة أن يهتموا فينا كتير ...
كلو هادا أنانية ........... بالأخير عم نعمل كل هالإشيا لنرضي أنفسنا ........ مو الشخص يلي مندّعي أن منحب نشوفو مبسوط وهون نقطة.
هون مو نقطة ...... هون مجموعة نقاط بعدها بيجي: لنكون رضيانين نحنا.



طيب مو الحب = الخير = أطهر الشي خلقو ربنا؟ ليش هيك طلع معي بالاستنتاج انه قمة الأنانية يلي بتتخبى بتياب تانية ؟




ما في شي بهالدنيا بدون مقابل ...... لإلنا

بتتذكروا المستحيلات الثلاث ؟
الغول والعنقاء .......... والخل الوفي

الخل الوفي هو الشي أو الكائن الأرضي يلي ما بدو مقابل.
ولكن حتى لما الواحد فينا بيعمل خير بدافع نفسي داخلي وبيدّعي انه ما بدو مقابل، بس هو بالمقابل بدو يفوت عالجنة، بدو يرضي ضميرو، بدو .. بدو .....

لذلك سدأ اللي آل ....... الدنيا أخد وعطا