أنت تتصفح الموقع كزائر، للحصول على مساعدة في التسجيل أو استرجاع كلمة المرور قال لا يأس مع الحياة ......... علاك مصدي
تم النشر في Apr, 03 2008 الساعة 21:33 بقلم subzero
من طول عمري علموني ......
لا يأس مع الحياة ولا حياة مع اليأس ......وعلى طول لازم نبقى متفائلين
وراسنا لفوق
ولما دعكتنا الدنيا ..... وشلفت بطريقنا مشاكل وحجار مابتنشال
لامونا ......ليش قصرنا ( أنتو جيل مايع بدو اللقمة توصل لتمو )
......شو نعمل يعني .....شو بتريدو ؟؟؟
نضل واقفين عند كل شغلة ......نناطح الحيطان يعني
الأمر مالو علاقة بالقووة والضعف ......بس شي كتير طبعي أنو نواجه أمور مانقدر نحلها ......عالأقل حاليا .....وفق معطياتنا اللي عم نعيشها هلق
لدلك مو مشكلة إزا يأسنا منها .......وحولنا طاقتنا لشي تاني
شي منقدر نمشيه ......وإزا اهتمينا ......نبدع فيه
وبالنتيجة أنا شايف أنو لا يأس مع الحياة ......هادا علاك مصدي
بدي أيأس من كل الحلقات المفرغة ....... وعقد المجتمع ..... ..والفوارق ......والطبقية ....... والتخلف
وألتفت لأشيا تانية .........
لأنو ياجماعة اللي صاير أنو ......البأس من متطلبات الحياة
لا يأس مع الحياة ولا حياة مع اليأس ......وعلى طول لازم نبقى متفائلين
وراسنا لفوق
ولما دعكتنا الدنيا ..... وشلفت بطريقنا مشاكل وحجار مابتنشال
لامونا ......ليش قصرنا ( أنتو جيل مايع بدو اللقمة توصل لتمو )
......شو نعمل يعني .....شو بتريدو ؟؟؟
نضل واقفين عند كل شغلة ......نناطح الحيطان يعني
الأمر مالو علاقة بالقووة والضعف ......بس شي كتير طبعي أنو نواجه أمور مانقدر نحلها ......عالأقل حاليا .....وفق معطياتنا اللي عم نعيشها هلق
لدلك مو مشكلة إزا يأسنا منها .......وحولنا طاقتنا لشي تاني
شي منقدر نمشيه ......وإزا اهتمينا ......نبدع فيه
وبالنتيجة أنا شايف أنو لا يأس مع الحياة ......هادا علاك مصدي
بدي أيأس من كل الحلقات المفرغة ....... وعقد المجتمع ..... ..والفوارق ......والطبقية ....... والتخلف
وألتفت لأشيا تانية .........
لأنو ياجماعة اللي صاير أنو ......البأس من متطلبات الحياة
عدد التعليقات 7
التعليقات
 |  بفضل أقول ...لا يأس من الحياة ...لأنو دائما في فرصة للحل من حيث لا تدري ... بس هالشي ما بيعني إطلاقا إنك تتنح على شغلة ...لأ ...إذا شفت طريق تسكر بخلقتك فمن الحماقة إنك ما تغيرو |
تم النشر في Apr, 03 2008 الساعة 21:48 بقلم dr.mohi  |
| |  اقتباس:
ذا شفت طريق تسكر بخلقتك فمن الحماقة إنك ما تغيرو لا يأس مع الحياة و طول بالك ...و كل شي الو حل و وووو هدول بيقولن الانسان المرتاح للتاني اللي مو طايق حالو و مو شايف ابدا حل ... هلء ليش بيقلو هيك...لانو يمكن بيفكر اذ قلو هاد هو الواقع...هاي هي الحقيقة ... انو يتحمل مسؤؤلية انو رح يزيد حالتو النفسية سوء |
| تم النشر في Apr, 03 2008 الساعة 22:25 بقلم amarel |
| | مو مهم إش بيسموني الناس ...المهم النتيجة اللي بحصدا بعدين ... إذا أنا ضليت مصمم إني أمشي بطريق مسكر فبكون عبغلط بحق حالي وعبضيع جهدي هباء الحكمة إنو الواحد يعرف وين يحط جهده بحيث يطلع بنتيجة ... ما بختلف معك إنو الواحد لما بشوف ولو بصيص أمل لازم يضل مستمر وما يتراجع ..بس إذا لقا الأمور غير قابلة للتغيير فما في داعي يضيع وقته وجهده ببلاش  |
| تم النشر في Apr, 04 2008 الساعة 01:46 بقلم dr.mohi |
| | بتفق معك بكل شي قلتو ...انا كمان اذا اخدت قرار طبعا ما رح يهمني شو رح يقولو الناس بس نحن النقاش انو ليش هيك بينظرو لهالقرار هيك نظرة ...ليش بيعتبرو اليأس ذنب ? يعني احيانا نحنا منكون فعلا مو شايفين ابدا حل و مع ذلك ما بيقدمولنا حل و انما بيطالبونا بمحاولات جديدة فاشلة ...ليش  يمكن بنظرن انو هاد تشجيع و تحفيز للارادة اللي ممكن تعمل المستحيل هاي كانت نظرة اللوم ....في كمان نظرة المواساة اللي حكيت عنا بتعليقي السابق - و بظن كلياتنا مرت علينا و قلناها لحدا- انو طول بالك ...حاول كمان مرة ...ما في شي الو حل و من هالحكي ... |
| تم النشر في Apr, 04 2008 الساعة 12:22 بقلم amarel |
| |  اقتباس:
من طول عمري علموني ...... لا يأس مع الحياة ولا حياة مع اليأس ......وعلى طول لازم نبقى متفائلين وراسنا لفوق بس هنن شو عرفون؟ ما حدا بيعرف...ما حدا بيعرف غير انت..و مشان هيك ما حدا رح يقدر او يراعي...لانو الظاهر للخارج انو ماشي حالك و عين الله عليك...بس انت بالحقيقة ميت من جوا الحياة معقدة...و ما حلوة |
| تم النشر في Apr, 04 2008 الساعة 22:24 بقلم flower |
| | والله يا سب ويرو الشغلة مو شغلة يأس ،، الشلة انو هلشي اللي عبتكافح لأجله بيستاهل هالتعب ،، اللي رح تبذله منشانه ؟؟ شو رح يصير اذا حققت هالشي ؟؟ وشو مارح يصير اذا حققته؟ وشو رح يصير اذا ما حققته ؟ وشو مارح يصير اذا ما حققته ؟ بظن هون بيصر الواحد بيحسن يحدد اذا لازم ييأس ولا لأ ؟ في شغلة ،، انا ممكن ما ايأس من الهدف اللي بدي ياه ،، ابدًا ،، لانو انا مقتنع تماما انو فعلا بيستاهل ورح يغيرلي حياتي كلها ،بس ممكن ايأس من طريقة انا عبتبعها محسبها صح وهي متل ماقلت حلقة مفرغة ،، ما بتوصلني لشي ،، بتاكلني وبتاكل طاقتي ومواهبي وعقلي ،، وبالأخير بتكبني وما بترحمني وبطالعني فاشل  فالمشكلة مو بالهدف المشكلة كيف بدي اوصله ،،، اديسون جرب 73 مرة ،، وفشل وبعدين زبطت ،، وشوف شو صار من ورا نجاحة ، وعلى هاد ومتله ،،،  |
| تم النشر في Apr, 09 2008 الساعة 22:44 بقلم electron |
| |  ما بعرف شو يبتقصد باليأس هون ،بس بكتير أحيان يأسنا من أمر هو قمة الأمل والتفاؤل وهو الي بدفعنا للأمام (يعني يأسي من حب فلانة يريحني من سهر وعذاب الليالي) وبهيك ما دائما اليأس بيكون سلبي ممكن كتير يكون إيجابي.. بس كمان ما لازم نيأس من كل شي لأنو بهيك حالة عم نعمم السواد على الدني الي لازم نعرف كيف نتأقلم مع ظروف الحياة المتغيرة فيها... اقتباس: الحياة معقدة...و ما حلوة الحياة بسيطة وحلوة كتير بس لازم نعرف نعيشها نتأمل وننظر للأشيا بعين البساطة مهما كانت معقدة، بتهون... يمكن ما نلاقي الجمال بشي ما، بس إذا كان الجمال موجود بحالنا وبذاتنا فممكن نزرعه بأي جزء من هاد الشي وبهي الحالة منشوف انه صار حلو وفيه شي مميز بيستحق التعب مشانه.... مافي مشكلة اننا نيأس من بعض الأمور بس ما لازم اليأس يخليا نقف محلنا كتير لأننا بهي الحالة ما منكون يأسنا منكون فشلنا بإيدنا بسبب عنادنا وليس بسبب كذبة من الآخرين :لا تيأس... (سقوط الإنسان ليس فشلا ،لكن الفشل أن يبق حيث سقط....) |
| تم النشر في Apr, 10 2008 الساعة 23:05 بقلم Mr.sad |
نشرات subzero الحديثة
- هي .... ونفسي ......وأنا (Jun, 04 2008)
- قدوة .........بالمقلوب !!!! (Apr, 07 2008)
- قال لا يأس مع الحياة ......... علاك مصدي (Apr, 03 2008)
- دائما معك... (Apr, 02 2008)
- أحيانا ... (Oct, 22 2007)
