فيقتنا بنص الليل.. من شان هيك؟

"تباً لك.. يا سنفور..
ألهذا أيقظتنا..؟"
بقللي .. بنص الليل.. فيقتنا من شان تقللنا أحسن معنى هو الموت..
تبا لك.. ولمعانيك.. يلي ما إلها معنى..
شوف الحياة ما أحلاها.،، شلون عم تسري متل المي بينبوع.. متل الأخضر بشجرة.. متل البنفسج بالوردة.. متل الأنوثة بأنثى..
بقلله ما شايف..
وسيان عندي،..
..
ما بعرف شو يلي بخللي الواحد يحس هيك، إنو الأمور ما بتفرق..
شكل من أشكال العدمية الغريبة، بيتعلمها .. في سبب أكيد..
في سبب..
السبب إنو بحس بمحك الإختلاف، إنو بضاعته قيمتها ولا شي.. وإنو بضائع العالم النفيسة قيمتها ولا شي..
السبب، إنو ما عم يقدر لسا يوصل لمعيار للأشياء.. وما عم يقدر يحط إجره ع أرض أخلاقية أو معنمية للأشياء يلي عم تصير..
إيه.. بقللها.. حلو يلي عم تعمليها كتير.. وبيفرح من قلبه..
بفكر بعدها.. طيب لو حلو ليش ما عم تعمله إنت..؟
بقول.. أنا بعرف إنو هدا الشي يمكن ما منيح،، بس باعتبار إنو عم يمشي الحال.. فأنا ما عندي مشكلة.. بس عكسه حلو، بس باعتبارك ما قادر تعمله.. فما مشكلة..
فهمني وين المشكلة؟؟
فهمني شو هو المحل يلي بتفرق معك.. ؟
..
لما بتوصل لدرجة من الحرية بحيث إنو المقدسات بتصير متل الهوا..
وبتنفتح ع التغيير باتجاه المستحيل..
وقتها بتحس بشي.. أشبه بانعدام الوزن الأخلاقي،
انعدام الوزن المعنمي..
انعدام الوزن الشخصي.. شو ما بدك سميه..
..
ضرورية هي الشغلة؟؟
شو لازمتلك.؟؟ رجاع تمسك بالتراب.. ما أحسن؟؟
..
يا ريت فيني!