سفر

سافر محمد ، أو هاجر.. لمدينة.. صارت من بعده هي المدينة الوحيدة.. وتسمت المدينة!
ومتله ابراهيم سافر.. وتنقل من مكان لآخر.. وهو عم يدعو الناس..
ومتله موسى.. كمان سافر هو وقومه.. لبلد تاني..
تشردو بالأرض.. أربعين سنة!..
يا حزرك ليش؟؟
...
السبب بسيط جدا، ..
ما بتتكون الشخصية لأي إنسان.. بدون سفر،..
الشخصية تعني شي شخصي، .. يعني بمعنى آخر.. لا جمعي.. أو بالمشرمحي.. لاقطيعي..
وهي الشخصية، الفردية.. ما ممكن بحال.. إنو تتكون بدون سفر،..
أو إذا بدك بالأفضل.. رحيل،..
يعني انقطاع..
قطع، بتر، شرخ... بيعمله الشخص بينه وبين كل شي إله علاقة بهويته الجماعية السابقة...
وحتى بهويته الفردية السابقة..
..
بهي المسافة، يلي هو آخدها.. بعييييييييييد..
بعيش شي، بحياته ما عاشه، .. شي اسمه حرية!
حرتي إني أكون أنا، متل ما بدي،.. إني ما أهتم بأي شي خارج ذاتي كمحدد لذاتي..
ما في مجتمع يقللي عيب حرام.. ولا أهل يقولولي خجلتنا ونكست بريمنا..
ولا قريب يقول خاين.. ولا صديق يقول ما هيك بحبك..
ما في غير إنت.. وذاتك.. والأفق القدامك..
فيك تمشي، لحد المستحيل.. وفيك ترجع، أو توقف.. أو تنزل.،، أو تعلا.. أو تموت!
هي اسمها ذات عم تتكون، بمعزل عن تأثير القطيع..
..
سافرو من قبل.. كتير من الكبار..!! وكبرو بالسفر.. أو سميه الهجرة..
الهجرة ما بتعني استقرار بالمكان الجديد، الهجرة هي طريقة حياة.. حرية من المكان !
هي هي الفرصة الوحيدة لتفتح الشخصية..
بيغلط يلي ما بهاجر،..
هالحكي ما من عندي،... هالحكي من سابع سما.. نزل علي بهالليلة!