أخلاق..

أكيد في أزمة أخلاق،..
مركزة يمكن أكتر شي، عند يلي ما بحس إنو هو عم يعيشها..
ببساطة لإنه بكون راكد متل المي .. والمي بس ركدت، عكرت!
..
أزمة أخلاق، بنقلة من مجتمع لتاني..
من ثقافة لأخرى.. ليس بالضرورة نقيضة.. بس مختلفة جذريا..
..
أزمة أخلاق، بتصير لما بتنحط بمحكات جديدة،.. وبتحتار تتصرف متل ما كنت؟؟ وللا متل ما هون؟؟
وبتسأل.. يا ترى في شي أخلاق كونية عند كل العالم مجردة عن الثقافة وعن الهويات؟؟
..
أزمة أخلاق بتحسها لما بتترك معايير هناك للتقييم، وبتبدا تتمثل معايير هون..
وبهالقفزة.. بتحس لا هون ولا هناك..
حكيت من قبل عن هدا الإنعدام بالوزن، أو .. الأخلاق بمعنى ما.. (لإنو ببساطة إنت ما بتصير بشبه بأخلاقك حدا.. )..
هلأ.. عم حس إنو هي الفترة، من أهم الفترات يلي بمر فيها الواحد..
لإنو بيبدا ببلور أخلاقه الخاصة.. وفلسفته للدنيا..
برات الدين.،
وبرات العيب..
وبرات الخجل، .. و
أهم من هدا وهداك.. برات ثقافة الخوف..
..
كل الناس براتتك، .. ووحدك عم تدور ع قيمة ومعنى، لحياتك..
شو في أحلا من هيك؟؟
..
ما في..
خليك هيك..
( إذا زعجتك كلمة أخلاق، وحسسيتها كتير مقدسة وثابته، استبدلها بطريقة سلوك.. أو شي كويس وشي ما كويس..)