أنت تتصفح الموقع كزائر، للحصول على مساعدة في التسجيل أو استرجاع كلمة المرور أقدام عارية تتابع على الورق
وطن مرات ومرات ..
تم النشر في Apr, 27 2007 الساعة 14:24 بقلم zorba
كان فيني اكتب هالرد كتعليق عمدونة سنفور .. بس الزلمي عم يهرب من ولاد البلد .. عم يعملولو متلازمة من الشعور بالذنب ومن الشوق والعتب وال......
الوطن هو أنا وانت وشارعنا ومدرستنا واهلي وزكرياتي .. البيت اللي ربيت فيه .. هو التاريخ اللي حفظتو وحتى اللي كذبو فيه عليي ..
هو ابن اللي حتى لو كان ناقصو ايد رح حبو .. رح حس أنو بيحتاجني أكتر لهيك رح حاول اعطيه اكتر
سوريتي ابنتي اللي إذا اغتصبوها ما رح حاول اني خبيها .. واخجل منها .. ما رح اخدا اعطيا عذرية مرقعة رح حاول فهما قدي جميلة هي .. قدي غنية .. قدي فيها تكون قوية ..
هي اب وام .. بيكبرو منحن علين .. لأنا وقت كنا صغار حنو علينا .. بيتملكنا الوطن .. يمكن .. بيحبنا بطريقة ما منفهما كمان يمكن ...
بعرف أني هالوطن فيه اغلاط كتير ..اليوتوبيا اللي عم يدور عليها البعض .. واللي عم يشوفا البعض الأخر بأماكن تانية ..
وقت بيتحول الوطن غنية ... وبيسخر البعض .. مع انو النغم كان عبادة .. مع النغم وقت بيمتزج بكلمة بيتخطى حدود اللغة .. بيسبق الفكر وبيسعى للألوهة
( موطني موطني .. هل أراك .. هل أراك سالما ً منعماً ؟؟؟ )
بتسافرو .. منشتقلكن .. ككل بيت بيخسر ولد ..
ككل مكان كان فيكن تكونو فيه وتعمرو فيه .. منحتاجكن .. وقت بتحاولو .. أنكن تمارسو ألية دفاعية .. غبية وتقطعو صلاتكن معنا وتشوفو فينا.. الجرح .. ورائحة العفن بس .. وتهربو .. منفهمكم بدمعة .. بابتسامة ..
وقت بتحاولو انكن تغرقو بالشوق وتشوفو فينا جنة . وجمال ما حقيقي .. وقت بتحبونا بالوهم ..
كمان منفهكم بضحكة يمكن .. هالمرة ..
يمكن ما المفروض نبحث عن بديل للوطن .. أو عن وطن بديل ..
يمكن صار المفروض نبحث عن عيون جديدة .. ورغبة بالتغيير وثقة بالأخرين .. وعمل
يمكن صار المفروض نوقف بيع نظريات .. وبحث عن مثاليات
وتتحقق وطنيتنا بغنية منسمعا نحنا وعم نعمل شي لهال.... عيلة اللي اسما وطن .
عدد التعليقات 0
التعليقات
نشرات zorba الحديثة
- .. لمحات منه .. (Feb, 28 2008)
- وطن مرات ومرات .. (Apr, 27 2007)
- شركاء في الحزن (Apr, 23 2007)
- وطن للموتى .. (Mar, 21 2007)
