عم يحكي عن حالو؟

أحيانا ببدا أكتب عن حدا..
بكون معصب لدرجة القهر..
علما إنو بكون معي حق بنسبة 70%.. (أحيانا 90%).. أحيانا حتى.. 99%..
مبينة ومفشوله،.. الشخص مريض،.. وعم يتصرف إنطلاقا من مركب.. (عقده يعني..)
وببدا بكتب .. بروح غضبي.. بستريح!..
بخلص كتابة..
بمحي كل شي..
وببدا أفكر بال 1% من الحق يلي ما هو عليه...
بفكر بمركب يمكن يكون عندي.. أنا!!.. وبتطلع المقالة بالأخير.. كإني عندي مشكلة مع حالي!..
يمكن!.. عندي مشكلة مع حالي،..
بالأحرى حالي عنده مشكله معي.. إني بحاسبه كتير، .. بحاسبه ع كل شغلة بيعملها، او كان بده يعملها.. أو ع كل فكرة فكر فيها.. إذا كان فيها شبهه!!! ..
يلي بيزعجني أكتر..
هو الأشخاص يلي ما بحاسبو حالهن.. وتاركين حالهن تمشي لحالها.. (يعني فالتينها.. تئذي، وتجرح..)
هدول بيزعجوني.. ما بس لإنو أحيانا أنا بكون المأذي،..
بيزعجو لإنو ما بينتبهو ع حالهن.. وما بحسو!..
..
ببدا بكتب عنهن،.. وبخلص، برتاح!..
فبنزعج ليش ارتحت .. بدي أشفي حقدي؟؟ آهه..
فبحذف يلي كتبته..
..
هي المرة رح ما أحذف يلي كتبته..
بس لضرورة التوضيح..
يتبع..