الكلمة الأخيرة

بتحب تكون الكلمة الأخيرة إلك
بتحكي معه، كتير.. كتير
وبتضلو تتناقشو، أحيانا بتصيرو بتدورو حول نفس أفكاركن، وبتعيدو.. وبتعيدو
بالأخير، بصير في ملل، أحيانا ممكن تتقاتلو، وتشدو شعر بعض او دقن بعض
بس بالاخير،.. بتحاول دائما إنك إنت تختم بآخر جملة..
يمكن تتراضو، بتقول معك حق بس الحقيقة هي هيك..(يعني ع كيفك)
وهيك بتحس بالرضى والسعادة..
وهو بروح ع التخت زعلان، وبضل عم يفكر.. ليش تركلك المجال تختم إنت
ليش ما صاح هو بالأخير، وخلا إله هو الكلمة الأخيرة

هه
عليك وعليه،
ما كل نقاشكن كان بلا طعمة، من أوله حتى الكلمة الأخيرة
يلي إلك..
وهدا الإنتصار .. يلي انجزته يا بطل، هو انتصار وهمي وفاضي وحقه فرنك

بس.. يمكن ضرورية هي الإنتصارات الغبية لحتى نحس إنو نحنا.. أذكياء
أو لحتى نحس إنو إلنا طعمة

صح، بس طعمة رديئة
هههه.. مفكر تاخد الكلمة الأخيرة.؟ صعب..
الأخيرة إلي..
وروح نام زعلان