مجلس التعليم العالي خفض معدلات القبول في الجامعات الخاصة

#1 Sep, 16 2005, 02:24

واتخذ مجلس التعليم العالي قرارا يقضي بتخفيض معدلات القبول في الجامعات الخاصة بحيث يصبح معدل القبول 75 بالمئة لكليات الطب البشري و70 بالمئة معدل القبول لكليات طب الاسنان والصيدلة و50 بالمئة معدل القبول للكليات النظرية.

‏
منقول من سيريا نيوز
ما فهمت ليش هي الحركة ليش المشكلة بالمعدلات ولا بالأسعار و ليش نزلوها مهية بالأصل مو مرتفعا

#2 Sep, 16 2005, 02:48

حتى تزداد الشريحة اللي فيها تقدم على الجامعات الخاضة

#3 Sep, 16 2005, 04:21

برأي الشخصي التعليم الجامعي المجاني جريمة ترتكب بحئ الاقتصاد الوطني لكتير اسباب ...و الظاهر الدولة و اخيرا بديت تستوعب حجم المصيبة

وانا مع خصخصت التعليم الجامعي من مبدء عشرة فهمانين احسن من الفين يحملون أسفارا و فهمكون كفاية

#4 Sep, 16 2005, 04:53

بختلف معك يا إيفر إيف
دخل المواطن لا يتناسب مع تكاليف الجامعات الخاصة
وبالتالي لو كان التعليم متل ما عم تقول ما يكون مجاني
هذا رح يخفض حجم الطبقة الجامعية في المجتمع وبالتالي بعود عليه بسيئات كتثرة كانتشار الجهل والتخلف
ونحن مو ناقصين بصراحة

#5 Sep, 16 2005, 07:12

يا ابو الشناكل هلأ بزمتك ما بتخجل من حالك و انت عم تدعي انو بالجامعة في تعليم
طبعا التعلم موجود ..... بس ذاتي , يعني اللي بيدرس كتب اجنبية و مراجع و بيتعب عحالو هو بس اللي بيفلح ..... و البائي متل ئلتون ....

لكان نحن اقتصادنا بيستحمل كل هالجامعيين ?

و ليش لحتى يكون عندك بدال الدكتور عشرة و بدال المهندس مية ?

برأيك لو كان التعليم الجامعي خاص شو كان رح يصير .... انا بئلك رأيي :
عدد ئئل من الطلاب و بالتالي تركيز اكبر من المدرس على الطالب و بالنتيجة طالب افضل
موارد مادية اكبر يمكن استخداما بمليون شغلة نائصة بجامعتنا متل تجهيزات افضل , مناهج مصروف عليها اكتر و بالتالي تعليم افضل , رواتب اعلى للمدرسين و بالتالي القدرةعلى تشغيل كادر تدريسي ذو مستوى علمي افضل + قدرة المدرس على التفرغ للتدريس بدال ما عم يجي عالمحاضرة من ئفا الكيف و يئعد يئرا من محاضرة كاتبها ايام ماكان معيد في عهد السلطان عبد الحميد

عدد ئئل من الخريجين و بالتالي فرص عمل اكتر لهالشباب اللي عم تتخرج و ما بتلائي شغل غير عالتكاسي !!

كمان بتصير للجامعة ئدرة لاستحداث الخمسميت فرع النائصينها لحتى تستحئ اسم جامعة .... و هون أقسام اكتر = طلاب اكتر مختصين بشغلات اكتر = تلبية افضل لمتطلبات المجتمع

طبعا اللي بدو يدرس ما حدا بيمنعو
اذا كان فئير فعندو حلين :
1- بياخد قرض دراسي بدون فوائد بيحسن يسددو بالتئسيط المريح على فترة زمنية طويلة (خمس سنين مثلا) من تاريخ حصوله عالشهادة
و هيك بصير عند الطالب دافع اكبر مشان يخلص دراستو بسرعة لانو التأخير بكلفو كتير , كمان منخلص من مشكلة اللي بيدخلو عكلية مدة الدراسة فيا 4 سنين و بتشطح معون 15 سنة او ما بيخلصو بالمرة

2- بيشتغل و بيدرس متلو متل بائي الطلاب بكل دول العالم اللي عليها الئيمة .... لانو بصراحة اي واحد بيسمع انو صار عمري 23 سنة و لسا ما بعرف اش معناتا شغل بفكرني أمير او بفكر ابوي صاحب شي منجم دهب .

اما اذا كان غني فأحسن ما عم يحط المبلغ المرؤوم بكلية تعا لعنا تعا لهون الاهلية التعاونية السكنية بحارةكل مين ايدو ئلو ... فيحط هالمبلغ عنا .... هم منستفيد من العملة وهم منعرف اش عم ندرسو و اش عم ياخد شهادة

ئلي بئا شو رأيك بهالكلام استاذ شنكول ?

و انت سنيور سنفور ... صاير بدك عزيمة لنسمع صوتك ?

#6 Sep, 16 2005, 10:25

أنا برأيي الجامعات الخاصة خطوة كتير ممتازة بس لسا ناقصها الامكانيات الكافية ....
يعني أخيراً صرنا متل الخلق و العالم ... كل الدول عندها جامعات خاصة و كل انسان بيقدر يدرس الشغلة اللي بدو يلها و بلاقي ميوله فيها مو اللي بتفرضها عليه علاماته ...
يعني بتلاقي الواحد عنا بحط رغبة أولى صيدلة بيطلعله اقتصاد ..... لاحظ التوجه الواحد بالكليتين !!!!!!!! و لأ شو ؟ مضطر يدرس اقتصاد و رجله فوق راسه ...! طبعاً هاد مو حكي أبداً ...
الجامعات الخاصة حلت مشكلة الطبقة الغنية .... ليش لأ ؟! في ناس معا تدفع و الأقساط بتشكل جزء لا يذكر من دخلها ... ليه لحتى ما يدرسوا الشغلة اللي بدن ياها ..
بالمقابل اللي ما بدو يدفع أو اللي ما معه يدفع لسا في إدامه مجال بشرط يتفوق و لازم يكون عنده طموح بالبكالوريا ..
الجامعات الحكومية عندنا ببلاش بعكس معظم دول العالم !

#7 Sep, 16 2005, 17:36

أنا ضد التمييز بين الفقير والغني بس لأنه الغني معه يدفع
وهذا التمييز عم بيصير خصوصاً بالتعليم الموازي والجامعات الخاصة
على كل حال مو فارقة لأنه كل البلد ماشية هيك بكل شي

#8 Sep, 16 2005, 19:33

يا شنكول أنت إذا ضد التمييز بين الغني و الفقير فأنت ضد قضاء الله و قدره ...
شيء طبيعي بكل جانب من جوانب الحياة الغني تكون الفرص أمامه متاحة أكتر من الفقير ....
أنت لو غني بتقدر تسكن بيت أفخم و تشتري سيارة أغلى و تاكل أكل أطيب و تدخل الجامعة اللي بدك ياها بدون ما تاكل هم الأقساط ...
ليه؟؟ لأنه الله رزقك و أنت حر بالتصرف بنعمة الله عليك ما دام ضمن الحدود اللي ما بتغضب الله ...
الدنيا كلها ابتلاء من الله سواء كنت غني أو فقير ....

و ع فكرة مسألة الموازي و الجامعات الخاصة واردة بمعظم دول العالم .. و برأيي هي قمة العدالة و لا تنسى أنو الفقير عنا ما مأكول حقه أبداً بس بيلزمه جهد إضافي بالبكالوريا إذا فكره بالدراسة !!

#9 Sep, 16 2005, 22:28

ياجماعه على سيرة الغني والفقير والتعليم
صار الموازي للطب 160 ألف ليره

بس للمستجدين
ونحن ضلينا عل 140
الحمد لله نفدنا

#10 Sep, 17 2005, 13:56

والله الجامعات الخاصة سهلت الكثير على الطلاب
انا عندي بعض الاصدقاء جمعوا 180 وأقل ولو توجهوا للجامعات الحكومية ماراح يطلع لهم شئ!!
لكن بعد ما خفضوا معدلات القبول معظمهم سجل طب!!! بالقلمون
يعني هم سهلوا مسألة الدراسة شوي مو معقول الطالب يقضي عمره يعيد بكلوريا مشان يدخل الكليه اللي بيريدها!!

تحياتي

القرحة القلاعية Aphthous Ulcers	عندي مذاكرة تشريح 1 بكرى ومالي ملحق .......شو بدي اساوي؟!!!؟	استفسارات بخصوص الفيزيولوجيا
خلونا نحل اسئلة دورات الفيزيولوجيا سوا ...Go

المواضيع المشابهة
الموضوع	مبتدئ الموضوع	المنتدى	الردود	آخر مشاركة
شروط انتقال طلاب الجامعات والمعاهد الحكومية للجامعات الخاصة السورية	Shankool	الإخباري	0	Jan, 10 2007 16:29
إذا كان لدى أحدكم مقاعد وزارة التعليم العالي أرجو إضافتها	basboos	الدراسات العليا والامتحان الوطني	4	Oct, 05 2006 21:25
مكتبة الوسائط لتطوير التعليم في الكلية ....	Wiseman_a	شؤون عامة	10	Sep, 30 2006 10:25
اريد ادرس البورد الجراحي على نفقتي الخاصة في احدى الجامعات السورية	د.علياء الشمري	الدراسات العليا والامتحان الوطني	4	Jul, 06 2006 13:55
أعضاء مجلس الشعب يتحاورون في ندوة حول جرائم الشرف	Shankool	اجتماعيات	1	Oct, 27 2005 16:03


الرئيسية المنتديات الألبوم مواقع المعجم المدونات مجتمع أحداث مدونتنا جديد

أدوات الموضوع
عرض نسخة سهلة الطباعة أرسل هذه الصفحة بالبريد الإلكتروني