ياريت كل واحد يقول شو مفكر يختص وليش اختار هالاختصاص بالذات

أهاااااااااا
تمام يا عيني عليك....هلأ انت عيني...رغبة طبية مع رغبة معيشة...مع الخضوع للقدر

احسن شي اعمل استخارة واتوكل على الله

هي أهم شغلة ، على كلَّ العينية فيها سريريات مو أنو ما فيها معنى آخر :
عينية = داخلية عينية (على صغرها) + جراحة عينية و بأربع سنين وأنا شخصيا برأيي اللي بيطلعله أذنية أو عينية وما بدخلن بكون روّح على حاله فرصة كبيرة

انا اشجعك اختي احلام على ان تبقي على طموحك في اختصاص العينية لأنه جميل ورائع جدا ويحتاج الى دقة وهذا ان شاء الله موجود عندك

انا بصراحة احب فروع الجراحة
وانا الان حيران بين الجراحة العصبية Neurosurgery
وبين Cardiothoracic surgery
بس انا اطمح في الجراحة العصبية لأنها اختصاص حلو كثييييير ويحتاج الى هدوء ودقة

تمنياتي للجميع بالموفقية والنجاح

أنا معدلي ممكن يدخلي اختصاص كويس ....
بس خاطرلي أدخل مخبر ... لأنو الواحد لو اختص مخبر وفتحلو مخبر بيربح منو أرباح ممتازة .... شو رأيكن ؟؟؟

أنا معدلي ممكن يدخلي اختصاص كويس ....
بس خاطرلي أدخل مخبر ... لأنو الواحد لو اختص مخبر وفتحلو مخبر بيربح منو أرباح ممتازة .... شو رأيكن ؟؟؟

و الله يا أبو الشود أنا كمان بفكر هيكأحيانا خاصة بلحظات الإحباط ، يعني اذا واحد اختص جراحة عصبية مثلا اش بيصير :
6 سنين اختصاص + غذا ما كنت مختص برا مين بدو يسترضي يجي لعندك + حتى لو اختصيت برا كم سنة بدك لتنشهر ويجيك مرضى = بدك تستنى ليصير عمرك 45-50 سنة عالأقل لتشتغل كويس بكونوا ولادك كبروا وتعودت عالتعتير والفقر فما في داعي لتتزنكل
ع كل حال شادي ليش مخبر ؟؟ تشريح مرضي = 3 سنين اختصاص + مخابر التشريح المرضي أقل من المخابر الكيميائية بالبلد + خود بعين الاعتبار انو الصيدلي كمان بحقلو يختص مخبر و خريج الكيميا بروح عالقلمون بيصير صيدلي وبحقلو يختص مخبر أما التشريح المرضي فهي حكر عالأطباء
و الله يختار الخير للكل

انا باعتقادي انه كل انسان له رغبة باختصاص ما .
يعني هلا انا رغبتي اني اتواجد في غرف العمليات وحامل بايدي المشرط والخيط والابرة ,يعني بصراحة اشعر بالمتعى عند خياطة الجروح و مساعدة الجراحين ايا كان اختصاصهم.
ولكني افضل الجراحة القلبية والجراحة العامة.
وعلى الرغم من اعجابي بعدد من الاختصاصات الاخرى (كالنسائية و الجراحة العصبية و العظمية)(على فكرة انا شاطر كتير بالنسائية)
الا انه افضل الجراحة القلبية والعامة
(ان شاء الله بيطلعلي جراحة قلبية او جراحة عامة)الحمدلله معدلي منيح بس ماحدا بيعرف اش الله قاسملو,المهم الواحد يكون جاد بعملوا ودراستو والله مايخيب حدا.
وبالنسبة للمصاري لاتستعجلو كتير خليكون صادقين بعملكون مشان تنشهرو والشهرة هي اللي تجيب المصاري.
ولاتفكرو انو الاختصاص الفلاني بيجيب مصاري كتير,لا غلط.ياما في اطباء جراحين ونسائية
ومخبريين ما عم يشتغلو بنوب(وعلى اساس هالاختصاصات اشغل شي المصاري فيون كتيرة),وفي اختصاصات تانية على اساس انون مابيشتغلو بس ماشاء الله عم يكنسو ذهب ومصاري متل الكذب(متل النفسية والطب الفزيائي). يعني الرزق على واحد احد.
وياما في اطباء مابيعرفو الله وين حاطن بس شغلون ومصاريون كتير شي متل الكذب,
وفي اطباء شاطرين وممتازين بس شغلون على قد حالون.......
الرزق على الله.....
واتمنى من الله ان يوفق الجميع ويدخلو بالاختصاصات اللتي يرغبونها وان يرزق الجميع

تشريح مرضي = 3 سنين اختصاص

عذراً على الخطأ ، اليوم سألنا شؤون الدراسات طلع 4 سنين