| | |
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
Jul, 26 2008, 14:57
| |||
| |||
| هذا ما كان في مقابلة التخرج !! فتحت هادا الموضوع حتى كل واحد فينا يحط الأسئلة اللي إجته بمقابلته وكل يوم بيومه أيا كانت المادة ....ويحكي تجربته ياريت الكل يشارك ويفيد غيرو ... بكرة رح يبدو المقابلات والوضع عصيب ...الله ييسر علينا   |
| الأعضاء الـ 10 التالية أسماؤهم قالوا شكراً لك يا dr.mohi على هذه المشاركة المفيدة: | ||
|
#11
Jul, 28 2008, 00:07
| |||
| |||
| الله يرضى عليك يا نائل...لولاك شو كان بدي ساوي بحالي بكرا بالأطفال؟؟!! خيو...اليوم كان عنا أذنية.... أول شي بيعطو كل واحد ورقة مكتوب عليها من فوق عنوان فقرة....مو سحب الشغلة غصب وانت لازم تكتب عن هل موضوع ...طبعاً الموضوع اللي بيختاروابدو كتابة شي 8 أسطر  مثلاً أنا إجاني سليلات الأنف.... واحد إجا أورام الأذن الوسطى...واحد سرطان الحنجرة.... وهيك...يعني لازم تكون باصم حرفياً كل معلومة....!!!!! هلأ المشكلة مو أنو تعرف تكتب كل شي عن هل موضوع...لأنن ما بيطلعوا عل ورقة...بس بيسألوك عن هل موضوع...وبكل تفاصيلوا... مثلاً أنا قالولي من وين بتنشأ سليلات الأنف؟ وكيف علاجها وشو أسبابها؟وشو صفاتها؟ وشو أعراضها؟ هلأ مو هون القصة!!!! القصة إنن بعد ما تخلص بيهروك بمطر أسئلة... أنا ضلت مقابلتي شي تلت ساعة....! المهم إنن بيسألوك بنفس القسم...هي شغلة منيحة من أول ما بتستلم الورقة... يعني أنا كل أسئلتي كانت أنف...بس المشكلة من برات اللخص أبو ال65 صفحة لذلك هو غير كافي... سألوني عن بوليبات الأنف...أسبابها الجهازيةوعلاجها الدوائي والجراحي وعن النكس!!!وإذا شائع ولا لاء!!!  وقللي د.فيصل دبسي عددلي 5 مضادات هيستامين...(ما بتفرق قديمة ولا حديثة) قلتلو لوراتيدين سيبروهيبتادين...وما كان يطلع معي غيرهن...ضلليت قول دي هيدرو...بس نسيت كمالتو!!! قلتلو إذا بدك في رانيتيدين وسيميتيدين.... قللي لاااء ما بدي أنتي اتش 2!!! سألني عن التشخيص التفريقي لكتلة بالجيب الفكي أحادية الجانب!!!(سهلة دورات) وقلتلو السليلة القمعية الغازية.... قللي لك ابني اسمها الغارية مو الغازية...قلتلو هيك درسناها من الملخص ...(والدورات) قللي اش اسمها بالانكليزي؟؟ خطر ببالي السليلة والغارية...بس قمعية!!! مستحيل...قام قلتلو ما بعرف!!! وقللي فصفصلي ياها....حكيتلو... سألني عن توضع ألياف العصب الشمي بالمخاطية....وعن فيزيولوجية العصب الشمي سألني عن تشخيص تفريقي لورم بالعصب الشمي والعصب الخامس... طبعاً أنا شلفت شي دبقي شي سحائي... سألني عن مكان انفتاح الجيوب بأنو قرين؟وكل قرين شو بيصب فيه  سألني عن شروط المادة المشمومة.... قلتلو طيارة وذوابة ومنحلة في المخاطية...وتكون بعتبة تنبيه العصب.... قللي غيرو....صفنت...قللي رح سهللك ياها... شو الفرق بين شم العطر والتوم  قلتلو العطر بينحل بالمخاطية..قللي والتوم.... قلتلو ممكن يكون بيخرّش قللي صح  قللي مين العصب المسؤول عن نقل حس التخريش؟ قلتلو الفرع V2 تبع مثلث التوائم...قللي صح وفي أسئلة كتيرة سألوها لبقية الطلاب متذكر قسم منها... بس مارح تكون كاملة متل ما كتبت أسئلتي!!! مئلاً شب رفيقي سألوه عن مسير العصب الوجهي!!! |
|
#12
Jul, 28 2008, 01:13
| |||
| |||
| يا جماعة الخير... يعني ما حدا قدم داخلية، من شان الله لحقونا |
|
#13
Jul, 28 2008, 10:28
| |||
| |||
| البارحة كان عندي أذنية وفحصني د.محمود تسابحجي : سحبت ورقة طلع مكتوب اختلاطات التهاب الجيوب : حكيت عليهن ولما وصلت على ذات العظم و النقي س) بأي عظم بتصير ج) الجبهي س- ليش ج- ما بعرف س- بأي عمر بتصير ج- أكيد بعد 5 سنوات لأنو الجيب الجبهي يتشكل بهالعمر س- لأ قبل 5 سنوات ، فعند تشكل الجيب لا يوجد نقي ليلتهب س) تعريف القيلات و اختلاطاتها س)تحدث عن الناسور الفكي الغاري بعدما بلشت وحكيت منيح ، طلع ما في شي اسمه الناسور الفكي الغاري وإنما الفموي الغاري س) أعراض خثار الجيب الكهفي وهل يعالج في البيت أم في المشفى س) علام يدل الجحوظ النابض وبعد ما قلت ناسور سباتي كهفي سألني عن طبيعة التجاور بين الكهفي و السباتي (سهل بس ما عرفته) فقال لي (السباتي وأعصاب العين بتفوت بقلب الكهفي) |
|
#14
Jul, 28 2008, 11:01
| |||
| |||
| اليوم كان عندي أطفال : اللجنة د سامي الحافظ و د أكثم طنوس طفل 3 أيام لديه رفض رضاعة ناقش المهم اللي نسيت أقوله هو من الاستقصاءات زرع الدم (أسهل وحده ونسيتها) و كمان في شغلة مهمة هي فحص المنعكسات ولازم أقول أنو في غياب بمنعكس المص |
|
#15
Jul, 28 2008, 12:05
| |||
| |||
| الجراحة ........ بمقابلة الجراحة كان مايلي ..... بالأول ......مهم توصلو بكير يا جماعة لأنو الزوائد والمرارات بيتوزعو أول الشي ..... وبعدين بيبلشو بالفتوق .......واللي بيتأخر بيتعبا بحالة وعائية أوشي بتر  بتتوجه فور وصولك لغرفة السكرتيرة بالطابق الخامس ...... بتسجل أسمك عند طالب الدراسات وبتاخد الورقة اللي رح تكتب عليها القصة ......وبتروح للغرفة اللي عطوك رقمها .......كان من حسن حظي أنا أنو المريضة تبعيتي كانت هربانة من الغرفة تبعها ....وخلتني دورعليها شي نص ساعة .....ولما لقيتها قالتلي إي هديك الغرفة زحمة ....وسرقولي فيها موبايلي باليل المهم .....خود قصة مفصلة ....وفحص جيد .......ولا تكتب عالورقة فورا .....عمول مسودة ...,بعدين روح عبي الملاحظات على رواق وبشكل احترافي ....وفيك تستعين بالأضبارة تبعت المريض إزاقدرت تلاقيها وبعدين بترجع على غرفة السكرتيرة مشان تسحب يانصيب ....وبيطلعلك حرف .......هدا الحرف رح يححد اللجنة اللي رح تفرمك ....قصدي تفحصك أنا كانت حالتي التهاب زائدة دودية .......إي لكن مو جيت قبل بساعة من الفحص  اللجنة : د. عادل بساطة ....د مخلص صباغ ......د. ياسين الجاسر بشكل عام الوضع مريح والأسئلة كانت قدم حالتك باختصار شو أسباب التهاب الزائدة ....... شو تظاهراته شو اختلاطاته إزا ما تعالج عند الكبار وعند الصغار ......,وشو سبب الفرق ؟؟ شو هو الدرع الزائدي ........شو علاجه .....شو ممكن يتطور ؟ كيف بيصير تنخر الزائدة ؟؟ شو أشيع أنواع الانصبابات الجنبية عنا بالبلد ؟ شو أشكال الانصباب السلي ......شو اختلاطاته ؟ ......... شلون بيتعالج .....طبعا مع مناقشة تفضيل البزل والتفجير و الجراحة حسب الحالة عصبية : قللي الدكتور : مريض عمرو 70 سنة عم يخلط من أربع أيام ....وجابولك ياه عالإسعف غائب عن الوعي أنا أبنو سألني وتصرف  المهم ......بعد ما سألتو للإبن كان يلعب بالأجوبة ويوجهني نحو الحالة اللي بدو ياها ....... وهية مريض قلبية عم يتعاطى الوارفارين وصلني لتشخيص النزف الدماغي ......سألني عن أشكاله المحتملة ....و علاماته .....وتدبيره ....والاستقصاءات بعدين بيعطيك صورة ct scan وبيطلب منك تشرحها .......وضح نوع النزف الموجود ....وشو العلاج بهالحالة ...... ولما قلتلو الجراحة ....ٌقللي شلون بتحضر مريض الجراحة اللي عم يتعاطى الوارفارين للعملية وبعدين أفرجو عني بالتوفيق للجميع  |
|
#16
Jul, 28 2008, 12:13
| |||
| |||
| وكان من لاأسئلة اللي سألوها للطلاب التانيين الفتوق ....وأنواعها .....وتشخيصاتها التفريقية أسباب التهاب البنكرياس الحاد زاختلاطاته وعلاجه ....ومتى منتدخل جراحيا الصدر المهرتك وتعريفه وعلاجه الريح الصدرية الضاغطة تعريفها وعلاجها الانصباب الجنبي تعريف وعلاج وتدبير الانصباب الناكس النزوف فوق الجافية ...تحت الجافية ...ضمن المادة الدماغية ....وتدبيرهن تنادر داندي ووكر ......... الريح المنصفية ....علاماتها أسبابها ....والعلاج تمزق المري .....تمزق القصبات ......المشاهدات والعلاج هدول اللي تدكرتن هلق وبالتوفيق |
|
#17
Jul, 28 2008, 16:48
| |||
| |||
| النسائية.... الحمد لله بالنسائية اليوم طلعتلي لجنة الدكتور بشير ناصيف... ...ومنيح اللي كان معو الدكتور مجاهد حمامي...أخدت القصة السريرية ....وطبعا بدون مساعدة القصة اللي حطا موهي مبارح..  .... عم امزح... رشتتا على ورقة صغيرة...وساعدتني كتير بكتابة القصة...وكمان ساويتلا حصالة....$$$$.. ..لأنو كان في كتير طلاب عم ياخدو منا معلومات....وان شا الله راح اشتري بيت وسيارة وعلبة جل كمان من وراها... المهم....اضابير مافي....يعني القصة لازم تاخدوا بنفسكن...ممكن يجي طالب دراسات ويساعدكن... بس الأهم انو ماتكتبو شي اسمو فحص نسائي....بس الفحص العام وفحص البطن....وخاصة اذا كنتو عند لجنتي... كان اسمي بالاخير....وكنت مع قبل اخر مجموعة عندو...يعني دخلت بعد الساعة 12..!!!بعد ماكل الناس خلصو... قلي قدم حالتك....قدمتا....ومشي الحال...وكل واحد من الطلاب بيحكي عن حالتو.... بس مابعرف ليش ما سألنا كتير...بيجوز تعب ومل.... بس سألنا سؤال لتلاتتنا...قال... انو اذا اجتك وحدة حامل في تمام الحمل...وصار معا مخاص وتمزق اغشية في موعدو...الخ...يعني كلو طبيعي ....الا شغلة وحدة...وهي انو بالمس لقيت انسدال سرر....شو هو التدبير... كان السؤال موجه الي اول شي....جاوبتو... استطباب للقصيرية.... قال ليش... قلتلو...ممكن يصير نقص اكسجة حاد عند الجنين وتألم حاد بسبب انضغاط السرر بالمجيء....قال لأ ماهاد..في سبب تاني أهم مشان تساوي القيصرية قلت...ممكن يصير تمزق اغشية باكر كمان....قال لأ ماهاد ....في غير شي.. قلت... ممكن يلف الحبل السري على عنق الولد....قال لأ ماهاد اللي بدي ياه.... قلت ...ممكن يكون ارتكاز المشيمة مظلي...وممكن يتمزق شي وعاء...قال كمان لأ....!!! سأل الشباب اللي جنبي....ماحدا عرف اكتر من هيك....بصراحة كلنا عجزنا...ماعاد في اسباب تانية... قام طلع بدو...انو الحبل السري بيتغذى بالتشرب من السائل الامنيوسي...ووقت ينسدل...مابيعود في سائل امنيوسي مشان يتغذى منو....بقا بيصير تشنج أوعية الحبل السري....وبيصير نقص اكسجة للولد...!!!! (يعني على اساس بالولادة العادية بعد ماتتمزق الأغشية بتم السائل الامنيوسي جوا مشان يتغذى الحبل السري... ) انا بصراحة هي المعلومة اول مرة بسمعا...وكل ماشوف حدا برا.. كمان يقول نفس الشي...وماكنت لاقي حدا يقلي انو هالشغلة معروفة...! والحمد لله العلامات كانت بالنسبة الو كويسة...مافي اقل من 18...بس اغلب العلامات بالعشرين...وفي كم وحدة بالـ25 وفي 27.... بس الفئات التانية كانت الأسئلة سهلة...والعلامات اغلبا بيت 26-29... الحمد لله على كل حال...اللهم اني لا أسألك رد القضاء...ولكن أسألك اللطف فيه.... اجا وقت الجراحة.... موفقين.... |
|
#18
Jul, 28 2008, 18:43
| |||
| |||
| مرحبا يا جماعة.. انا كمان طلعتلي مريضة قيصرية بس كانت لجنتي د.عبد المهدي ود.عواد.. وكانت الاسئلة كتير منطقيةوالدكاترة كتير متعاونين... اول سؤال سالوني ياه عن الحمل الهاجر:اعراضو و تشخيصو وعلاجو وطرق العلاج..و طلب جرعة الميتوتركسات.. وسالوني شو الاستطبابات المطلقة للقيصرية..ومع اني استعرت كتابك ياموهي مشان راجع هالفقرة بالذات تماما قبل ما ادخل-وعلى هالسيرة شكرا-بس طلعت استطبابات الدكاترة المطلقة غير الاستطبابات المكتوبة بالكتاب  اليوم كان عندي جراحة والحمد لله طلعت عند د.عبد الواحد غجر و حسين الكنج اهم الشي بالجراحة يا جماعة هي الحالة اللي طلعتلكن اقرؤوا عنها قد ما بتقدروا كانت حالتي ريح صدرية بعد طعنة سكين سالوني عن درجات الريح الصدرية و كيف منقدرا ع الصورة الشعاعية وطرق العلاج لكل درجة وسالوني اديش كمية الانصباب الدموي اللي بتتطلب فتح جراحي واذا مريض الريح الصدرية ما شفي بعد 10 ايام شو بيكون السبب (ناسور قصبي جنبي)و شو التدبير(جراحة) العصبية اسباب ارتفاع التوتر داخل القحف الهضمية:مريضة عندا حصيات مرارة وصار عندا يرقان بشو منفكر(نزلت للقناة الجامعة)وشو الوسيلة الاستقصائية سالني عن اسماء معايير درجة خطورة التهاب البنكرياس وشو بتتضمن مع القيم البولية سالوني عن القيم الدموية للبولة و الكرياتنين و البوتاسيوم ادعولي بكرا عندي داخلية و لهلأ ما فتحت شي  لاني حسيت انو الدراسة مابتعمل شي يوم النسائية رحت نايمة بس ساعتين و ماكتير عجبتني العلامة قام صار عندي ردة فعل عكسية و رحت ع الجراحة مالي دارسة غير ساعتين وجبت علامة احسن  ع كل حال الله يوفقنا كلنا وبيطلعلنا لجان جخيخة بالعلامات  |
| الأعضاء الـ 5 التالية أسماؤهم قالوا شكراً لك يا lune على هذه المشاركة المفيدة: | ||
|
#19
Jul, 28 2008, 22:00
| |||
| |||
| السلام عليكم اليوم كانت افتتاحية المقابلات عند أخوكم العزيز شكازولو ............إحم إحم وصلت الساعة الثامنة صباحاً للطابق الخامس ، والححكي عن كيفية الفحص وطريقته بتلاقوها مفصلة عند سب زيرو .......  أما اللجنة اللي قابلتني فهي تعتبر من أسوأ اللجان بالجراحة ..........ليش ؟؟؟؟؟؟ تتألف من الدكاترة التالية أسماؤهم : 1- د. عبد الواحد غجر ...........يلعب بخط الهجوم وهو من يسدد الأهداف 2- دكتور جراحة قلبية نسيان اسمو ........هدا بيلعب بخط الوسط وبيهج أحياناً وبيدخل أهداف كمان 3- دكتور الأرقام ............ما بيسأل غير أرقام 4- دكتور .............سقط سهواً بالمختصر حاولوا تبتعدوا قدر الإمكان عن هذه اللجنة .............والأسئلة كانت بالشكل التالي : تم سؤالي عن حالة المريض اللي فحصته وكانت الشكاية لون يرقاني ....... شو أنواع اليرقان ؟ وشو سبب اليرقان عند المريض ؟ وليش هذا هو السبب الأكثر احتمالاً؟ وشو السرطانات اللي بتسبب يرقان ؟ وشو الاستقصاءات اللي بنعملها للمريض ؟ وكم تنظير هضمي عملوله للمريض ؟ وهل عملوا ERCP ؟ وليش ؟ وجاوبت على الأسئلة السابقة بضراوة .....ولكن لم يجد الدكتور مخرجاً إلا بسؤالي : ما هو الواسم السرطاني لسرطان الطرق الصفراوية ؟ فأنا نسيت شو اسم الواسم ............فانبسط الدكتور إنو طعجني بالأخير ..........وقال بكل فخر CA 19-9 ....... استلمني دكتور الأرقام ........ القيمة الطبيعية لل PSA للبوتاسيوم ، والبولة الدموية سألني عبد الواحد غجر : مريض حدث لديه صداع شديد مفاجئ ونوبة إغماء وعندما أفاق لديه صلابة نقرة مع علامة غروب الشمس ....... قلت التهاب سحايا ..............قال هو لأ ........نزف تحت عنكبوتي شلون بتشخصوا ؟؟؟؟؟؟؟ تصوير أوعية ظليل شلون بتعالجوا ؟؟؟؟؟؟؟ أنا قلت مراقبة عامة ومعالجة محافظة ...........قاللي : شو نوع الجراحة اللي بنعملها للمريض ؟؟؟؟ هون دخلت بالحيط .......... استلمني الجراحة القلبية .......... كتلة نابضة بالجس قرب السرة ؟؟؟؟؟؟؟؟؟؟ سهلة أم دم أبهرية بطنية .......... شلون بتشخص ...............تصوير أوعية ظليل ...........وكمان ؟؟؟؟ CT طيب ........إيمتا بيصير استطباب إنو نستأصل أم الدم الأبهرية ؟؟؟؟؟؟ دخلت بالحيط ........ طيب شقد لازم يكون حجم أم الدم مشان نستأصلها جراحياً......؟؟؟؟؟؟؟؟ دخلت بستين حيط ........... بعدين الجماعة قالولي ...........تفضل ..........  فأنا فهمت إنو قصدهم ........اطلع لبرا .......... الحمد لله طلعت لبرا ............ومشي الحال ....... العلامة كانت 17 ......................شو رأيكون بتستاهل الواحد يدرس مشانها ؟؟؟؟؟؟؟  |
|
#20
Jul, 28 2008, 22:03
| |||
| |||
| أسئلة نفس اللجنة لمن سبقني من الطلاب ........... أسئلة عصبية سهلة جداً ........لا تخافوا ........ داء الحبل العصبي المربوط ............تحدث ........ متلازمة داندي والكر ............تحدث ........ نزوف فوق الجافية وتحت الجافية .................تحدث سهلة الأسئلة ما هيك ؟؟؟؟؟؟؟؟؟؟؟؟؟ |
|
| Bookmarks |
| Tags |
| مقابلات, تخرج |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| لا تعجب.....هذا ما توصل له ابن سينا | davidson | تاريخ الطب | 7 | Jan, 26 2009 19:31 |
| موضوع يهم الجميع ...... ما رأيكم بالخطبة قبل التخرج ؟؟؟؟ | زين الدين | اجتماعيات | 32 | Dec, 12 2008 21:55 |
| مفهوم الجندر راح في خبر كان في برامج رمضان | White | اجتماعيات | 12 | Oct, 23 2006 01:17 |
| فيروس RSV ... ما هذا الفيروس ؟ الجواب هنا ( 3 ) | Hani | الجراثيم والطفيليات | 1 | Oct, 17 2006 00:02 |
