هذا ما كان في مقابلة التخرج !!
يدور هذا النقاش حول هذا ما كان في مقابلة التخرج !! في قسم السنة السادسة وامتحان التخرج في الملتقى الطبي السوري; فتحت هادا الموضوع حتى كل واحد فينا يحط الأسئلة اللي إجته بمقابلته وكل يوم بيومه أيا كانت المادة ....ويحكي تجربته
ياريت الكل يشارك ويفيد غيرو ...
بكرة رح يبدو المقابلات
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| كلمة بكلمة مع مادة النسج (حمل المحاضرة السادسة والاخيرة) | برنامج الامتحانات النظرية للفصل الأول 2008/2009 | نقاش طلابي حول مادة النسج |
| علامات الفيزياء و الجراحة 2 | علامات الطب الشرعي و اللغو |
 |
| | LinkBack | أدوات الموضوع |
Jul, 26 2008, 14:57
| |||
| |||
| هذا ما كان في مقابلة التخرج !! فتحت هادا الموضوع حتى كل واحد فينا يحط الأسئلة اللي إجته بمقابلته وكل يوم بيومه أيا كانت المادة ....ويحكي تجربته ياريت الكل يشارك ويفيد غيرو ... بكرة رح يبدو المقابلات والوضع عصيب ...الله ييسر علينا   |
|
#21
Jul, 28 2008, 23:28
| |||
| |||
| اليوم كان عندي جراحة ورحت بكل نشاط وحيوية بكير عالفحص وأخدت حالة سهلة (حصاة أسفل حالب ) ...أخدنا القصة بكل سهولة ....وطلعت لجنتي عند الدكتور ...صبري الزاب ... يعني بولية ....المهم عرفت إني رح أتبهدل بأسئلتو لأنو رح يفصفصني بالبولية ... دخلت عالمقابلة لقيت 4 دكاترة ....الدكتور صبري الزاب والدكتور محمد مرجان و2 ما بعرفن بلش صبري الزاب وقلي قدم حالتك ...قدمتلو ياها قلي عطيني تشخيص تفريقي ...عطيتو قلي هالمريضة بيصير عندا إقياء ؟؟؟ قلتلو ما صار ...قلي طيب مريض القولنج الكلوي بيصير عندو غثيان ؟؟؟ بعدين قلي وصفلي مريض القولنج الكلوي شلون بيكون !! بعدين قلي ...إجتك هي المريضة إش بتعملا ؟؟؟ وجاوبتو ...قلي منعطيها سوائل قلتلو إيه قلي كتير ولا قليل ؟  بعدين انتقلنا للدكتور مرجان ...قلي مريض عمرو 40 سنة إجا عالاسعاف بألم شرسوفي شديد عطيني تشخيص تفريقي  انتقلنا للتالت ...قلي نفس هالمريض شخصنا عندو قصور كلوي والبوتاسيوم عندو 6.5 إش منعمل ...قلتلو منعطي كالسيوم أو سيروم سكري مع إنسولين ...قام قلي محمد مرجان إش آليتو ؟؟ قمت جاوبتو ... قام رجع هداك قلي طيب إذا ما مشي الحال ؟؟ قلتلو بدو تحال ؟؟ قلي إش آلية التحال  قلتلو منعمل ناسور شرياني وريدي صنعي (حسيت حالي عبقري لما خطر ببالي هيك جواب) قلي مزبوط بس أول شي منجرب نعمله عن طريق قثطرة مركزية تحت الترقوة  بلش فيني الرابع ...ضحك ضحكة خبيثة  وحك نضارتو وسألني إش أنواع الطعوم الجلدية  قلتلو جزئي وكامل السماكة ....(قلت بلكي بيكتفي ...مليت ) قام قلي إيه فصل فيون .....حسبي الله ونعم الوكيل ....قلتلو كل واحد من إيش بيتكون ...قلي إش الفرق بيناتون ؟؟ قلتلو ماني متذكر (لأنو ما بدي أعفس ماني متذكر بدقة ) بالأخير تخورفنا بالعلامة ... 23 من الأسئلة اللي انسألت باللجنة استطبابات الاستشفاء للمحروق .... بكرة داخلية الله يستر من اللجنة ..حظي باللجان بيخوف ... |
|
#22
Jul, 29 2008, 12:18
| |||
| |||
| اسئلة الجراحة بالبداية كانت الأسئلة على مريضي (ريح صدرية) شو هي الموجودات بالفحص السريري؟ وكيفية التدبير وايمتى بنعملو تفجير صدر مغلق تحت الماء بعدين استطبابات قبول المحروق في المشفى ( بطاقة شكر للعزيز والغالي موهي يلي ذكرلي ياهون قبل ما أدخل  )الحرق الكهربائي ليش بنقبلو في المشفى وماهي المدة اللازمة للمراقبة والاطمئنان عليه قبل التخريج (انا قلت 48 ساعة) اشيع سرطانة كلية عند الأطفال وعند البالغين وشو هي الأعراض وفي سرطانة الخلية الكلوية, كيف بتكون البيلة الدموية انتهائية ولا شاملة (كيف بيكون اختبار الأقداح الثلاثة)  |
|
#23
Jul, 29 2008, 13:42
| |||
| |||
| نسائية المهم هلأ الاسئلة بتكون عن القصة السريرية يلي اخدتها بشكل اساسي بالاضافة لبعض الاسئلة يلي بتطلع بلحظة المقابلة يعني انا قصتي كانت عن التهاب مجاري بولية علوية مترافقة مع اقياءات كيف التدبير والعلاج ليش بيصير مخاض باكر >الالية بالتفصيل< كيفية التصرف اذا لم تنفع الصادات وكان في مخاض باكر وعمر الحمل حوالي الأسبوع 32 أو 33 وليش سلفات المغنزيوم وليش مو NSAIDs او نيفيدبين أو ريتودرين واستخدامات NSAIDS |
|
#24
Jul, 29 2008, 16:15
| |||
| |||
| الجراحة... اليوم كانت الجراحة.... اخدت حالة كانت انسداد امعاء بعد انفتال سيني ورمي.... اسما بخوف...بس الحالة سهلة....ومع هيك مااجا شي منا... طلع اسمي عند لجنة الدكتور قدري حاج مصطفى...وكان في معو دكتور تاني...اختصاصو تجميلية على الأغلب...بس مامنعرفو... الدكتور ماسألني عن حالتي منوب....كانت أسئلتي هي التالية... 1) اختلاطات الحصاة الصفراوية... عديتلو شي 15 سبب...بس هو كان عم يستنى السرطان... 2) ت ت لكتلة في الحفرة الحرقفية اليمنى...( سرطان أعور- درع زائدي- كرون- سل امعاء- انغلاف امعاء- كلية يمنى هابطة....الخ) 3) علامات الريح الصدرية العفوية بالفحص الصدري...والأعراض اللي بيشكي منا المريض...طبعا لا تنسو العلامات الريح الضاغطة كمان..(هو ماسألني عليها... بس أحسن مشان يشوفكن فهمانين  )4) ت ت لكتلة في المنصف الأمامي...(ورم الغدة الزعترية- درق غاطس- ورم منوي- عقد لمفاوية...) 5) الدكتور التاني سألني: احكيلي عن كسر عنق الفخذ....وشو اسمو....(فكرت بالأول انو الو اسم علمي....بس طلع بدو الاسم العامي...يللي هو كسر الموت...) ..وشو علاجو.... العلاج كان شوي غير اللي بعرفو.....قال انو اذا صار الكسر عند الأطفال وتحت ال50 سنة...بيكون العلاج محافظ... واذا كان عند فوق ال50 بيكون جراحي...  بس المهم قلي انو عملت كويس...وكانت العلامة كتير كويسة الحمد لله.... عقبال الجميع.... يلا بكرا الداخلية....ان شا الله تكون كويسة كمان...  |
|
#25
Jul, 30 2008, 00:05
| |||
| |||
| اليوم كان عندي داخلية ...الله لا يرويكن على هيك داخلية .... رحنا 3 وأخدنا حالة ....قامت طلعت حالتنا دم ...وفقر دم غير مشخص !! بعد ما أخدنا القصة ...ما حسينا إلا الدكتور شكري مبيض صار عنا بالغرفة ....وبلش ....خلا التنين اللي معي يفحصو كم شغلة ...بعدين قلي افحص الصدر ...رحت بلشت أتأمل الصدر ....قام قلي ما تأملت المريض  قلتلو إنت قلتلي افحص الصدر ....قام قلي طيب تأمل المريض ...تأملتلو المريض وفحصت الصدر على أحسن ما يرام ...بعدين بلش أسئلة وتشخيص تفريي لفقر الدم مع اليرقان ونحنة عمنجاوب .....بعدين قلي عطيني أسباب الزلة التنفسية الجهازية عديتلو شي 5 وكل ما أقلو واحد يقلي وكمان ؟؟ كأني نبع ...بعدين سأل اللي معي عن مريض عندو ذات رئة ويرقان إش السبب؟؟ (جراثيم لا تموذجية ميكو بلازما) وسأل عن أسباب الزلة المفاجئة ...(وللمفارقة قال الجسم الأجنبي ما بيعمل زلة مفاجئة  )بعدين راح وإجا الدكتور بشير مبيض وبلش يسأل شي بطعمة و شي بلا طعمة ....وكل ما نجاوبو على سؤال يبهدلنا .... سألنا عن مرض شائع بيعمل يرقان على حساب غير المباشر ... وعن أسباب الاسهال المزمن غير أدواء سوء الامتصاص وشلون منفرق ارتفاع البيليروبين المباشر عن غير المباشر سريريا (لا حدا يكفر ويقله لون البراز بس البول ) وعن الموجودات الشعاعية للأكالازيا بصورة الصدر البسيطة وعن تظاهرات النزف الهضمي العلوي (عديتله 5 قام بهدلني لأني ما عرفت غيرن ) وعن أسباب عسر البلع النقلي عديناله شي 10 أسباب قال هنة 18 وعن تظاهرات الـ IBS بعدين أجا لؤي شاكردي ...لا هوة فهمان شي ولا نحنة فهمانين شي ...أول ما دخل .. عطا لكل واحد اسم شاردة وبدو تركيزا بالدم بعدين طلب من كل واحد سبب غدي لارتفاع الضغط عطيناه قام رجع يناقش كل واحد بالسبب اللي قاله ...شلون بيتظاهر وأعراضه وتشخيصه وعلاجه وبعدين مسك الغدية مرض مرض وبلش فيون (ضلينا حوالي نص ساعة معه ) وبعدين سألو لرفيقي إش بتحب قسم من الداخلية أسألك منو قلو ما في شي معين ... قام مسك أقسام الداخلية واحد واحد وبلش يسأل منن سؤال سؤال عالماشي ...ومن الأسئلة شلون منعالج SVT والقرحة وأسباب نقص الكالسيوم و وأسباب ارتفاع البوتاسيوم و سألني عن أسماء أدوية من حاصرات مستقبلات الأنجوتنسين وواحد من الشباب قلو إنو السبيرونولاكتون هوة المدر الوحيد اللي بيرفع البوتاسيوم ...قام قلي إلي عطيني مدرات تانية حافظة للبوتاسيوم قلتلو أميلورايد وتريامترين ....وسألنا كوشة أسئلة وبعدين راح وطبعا تخوشبنا بالعلامة بس الحمد لله على كل حال |
|
#26
Jul, 30 2008, 00:52
| |||
| |||
 ........................................ ....................ماتواخذوني...متابعكون..  |
|
#27
Jul, 30 2008, 01:02
| |||
| |||
| اليوم كانت مقابلتي أدنية ..... الله لا يرويكن ياشباب .............اتبهدلت  البداية : هادا الفحص مافي داعي الواحد يوصل بكير .......لأنو الشباب مابيبلشو لبعد الموعد تبعهن بنص ساعة ....عالتقيل يعني يعد انتظار ساعة ونص .....بيجي طالب الدراسات عند غرفة السكرتيرة بالطابق السادس ......وبينادي الأسماء .....من فلان لعند فلان ...بيروحو عند فلان دكتور ....ومن فلان لفلان ....لعند علان دكتور أنا ............ طلعلي فيصل دبسي المهم ...... رحنا عالقاعة ......بيصيحو أسمك ....وبيعطوك ورقة ......مكتوب عليها عنوان فقرة من المنهج .....هي هية فحصك ......إزا كنت حفظانها بتغرد .....وإزا مو حفظانها بتزفت كان سؤالي خراج حول اللوزة ....... سهل موصعب .....كتبنا اللي قدرنا الله عليه ....ورحنا عالمناقشة أول شي ....سألوني ....اللفظ هو خراج بفتح الخاء ....أم خراج بضم الخاء تاني الشي ....وين بيتوضع القيح ....العلامات ...الاختلاطات ...... وأنا أحكي ....يقللي خطأ ..... .....مع أني عم أحكي صح .....بس يقللي خطأ .....لأنو الدكتور اللي كان عم يسألني ....ما بيعطي نظري .....فكأنو مو عرفان شو عاطيننا .....ومو معترف على كل هالمعلومات مثلا ....بالملخص كاتبين أنو من استطبابات اسئصال اللوزة : الاتهاب الحاد المتكرر 3 إلى 4 مرات بالسنة ..... ولما قلتلو هيك ....فنجر عينو .....قللي بدك تشيل لوز المريض من 3 مرات التهاب بس ......... الاختلاطات اللي عطيتو ياها رفضها كلها ..... شو التشخيص التفريقي لخراج حول اللوزة ........وكل التشخيصات اللي عطيتها رفضها شو تكنيك تفجير الخراج حول اللوزة ؟ يعني كيف منعمل الشق ؟؟ هون ....اتدخل أبو الدبس ......وبلش النغم  هل يعتبر البهاق استطبابا لاستئصال اللوزتين ؟ ..........ولمادا ؟ هل يعتبر الصداف استطبابا لاستئصال اللوزتين ؟ ..........ولمادا ؟ هل يعتبر العقم عند الدكر ....والإسقاطات المتكررة عند المرأة استطبابا لاستئصال اللوزتين ؟ ..........ولمادا ؟ هل يعتبر قصورالصمام الأبهري الخلقي استطبابا لاستئصال اللوزتين ؟ ..........ولمادا ؟ هل تعتبر الكيسات فوق الكلية الخلقية استطبابا لاستئصال اللوزتين ؟ ..........ولمادا ؟ هل يعتبر وجود تالولة على الأبخس الصغير استطباب لاستئصال اللوزتين ؟؟ ولمادا ؟؟ .........هي الأخيرة مزحة من عندي هه  طبعا هون أنا كنت فاتح تمي .....وصفنان ....وماني عرفان هو عم يتمسخر ولا عم يحكي جد  ولما ما جاوبتو عصب ...وقللي : ولك يا أبني أنت مو فهمان شي عن علاقة اللوزة بالأعضاء الأخرى .......  بعدين بلشو بأسئلة استهزائية : عدلي تلات أدوية من الجيل التالت للسيفالوسبورينات شقد جرعة السفترياكسون بال ملغ /كغ شقد جرعة البنسلين بال ملغ / كغ ليش تسمى البنسلين بهالأسم مين اكتشف البنسلين اللي لسا عندن أدنية ......ديرو بالكن من اللوزة ياشباب ...............طلعت شغلتها كتير كبيرة ونحن ماننا دريانين ولا حول ولا قوة إلا بالله |
|
#28
Jul, 30 2008, 01:32
| |||
| |||
| حذرتكن....ما سمعتوني!!!! لكن يا خيو العلقة مع بيت دبسي مو سهلة... قال ملخص 60 صفحة قال....هه |
|
#29
Jul, 30 2008, 01:43
| |||
| |||
| السنة الماضي صارت قصة مع واحد من الطلاب دخل على دبسي بالاذنية اخذ الورقة طلعلوا شغلة ما بيعرفها و لا اخذينها بالمنهاج لمى اجى دوروا المسكين ذهب بكل براءة الى الدكتور قلو الدكتور ليش مو كاتب شي ابني ؟ رد الطالب دكتور هذا الموضوع ما عطونا اياه بالمنهاج قلو الدكتور الله معك حطلوا علامة تحت الخمسة ...................  بقى لا تردوا هيك ردود لاي دكتور نصيحة ............... |
| قال العضو التالي أسمه شكراً لك يا maxcool على هذه المشاركة المفيدة: | ||
|
#30
Jul, 30 2008, 12:16
| |||
| |||
| اليوم كان عندي داخلية....  و طلعتلي لجنة ( بسام حلبي - وليد بساطة - عبد المسيح مرجان - سامي بيطار ) و القصة كانت عن مريضة معها بداية قصور قلب إحتقاني... طلب مني د.حلبي أحكيلو عن القصة، قمت شرحتها بالتفصيل و بعدها صار يسألني بالتفصيل عن قصور القلب الإحتقاني ( شو منسمع فيه و علاجو و شو الفرق بين القصور الإنبساطي و الإنقباضي ) وبعدها سألني د.مرجان عن تشخيص تقريقي للألم الشرسوفي ( قرحة هضمية - التهاب بنكرياس - التهاب مرارة - إحتشاء عضلة قلبية سفلي ....وما بقى أتذكر أكتر من هيك ) و سأل عن تشخيص و علاج القرحة العفجية بعدها إجا دور د.بساطة و سألنا عن التهاب وريد خثري و شلون منشخصو ( إيكو دوبلر و ال D.Dimer ) و سألني بتعرف شو هو ال BNP ( الهرمون المدر الأأذيني اللي بيرتفع في قصور القلب الإحتقاني ) و سأل إذا إجاك مريض على قسم الإسعاف و معو زلة تنفسية فشلون بدك تميز إذا كانت قلبية و لا صدرية ( غازات الدم و تخطيط القلب و الإيكو و صورة الصدر ) و أخيرا د.بيطار سألني إذا كانت مريضتنا ( اللي معها CHF )و عطيناها علاج بالمدرات و الكابتوبريل و الأسبرين و خافضان الشحوم و خافضات السكر ، ولسا الوذة و التورم موجودة فشلون بدنا نعالج ( طبعا كان سؤال صعب شوي و الجواب كان بزل أو تحال بريتواني) و سأل رفيقي شو هي الآلية اللي بصير فيها قصور كلوي في قصور القلب الإحتقاني ( الجواب هو قصور قبل كلوي بسبب نقص حصيل القلب)و سأل عن مريض السطري شو بدو يكون في البول ( بيلة جرثومية و كريات بيض و بيلة Microalbuminuria)... و هي كانت كل الأسئلة و الحمد لله اللجنة مريحة و غير معقدة....و أخدت 29 و عقبال عندكن.. سلامي للجميع و هي وردة................ |
|
| Bookmarks |
| Tags |
| مقابلات, تخرج |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| موضوع يهم الجميع ...... ما رأيكم بالخطبة قبل التخرج ؟؟؟؟ | زين الدين | اجتماعيات | 32 | Dec, 12 2008 21:55 |
| لا تعجب.....هذا ما توصل له ابن سينا | davidson | تاريخ الطب | 6 | Mar, 26 2008 14:52 |
| مفهوم الجندر راح في خبر كان في برامج رمضان | White | اجتماعيات | 12 | Oct, 23 2006 01:17 |
| فيروس RSV ... ما هذا الفيروس ؟ الجواب هنا ( 3 ) | Hani | الجراثيم والطفيليات | 1 | Oct, 17 2006 00:02 |
كل الأوقات حسب GMT +2، والوقت الآن 15:17.
