| | |
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
Jul, 26 2008, 14:57
| |||
| |||
| هذا ما كان في مقابلة التخرج !! فتحت هادا الموضوع حتى كل واحد فينا يحط الأسئلة اللي إجته بمقابلته وكل يوم بيومه أيا كانت المادة ....ويحكي تجربته ياريت الكل يشارك ويفيد غيرو ... بكرة رح يبدو المقابلات والوضع عصيب ...الله ييسر علينا   |
| الأعضاء الـ 10 التالية أسماؤهم قالوا شكراً لك يا dr.mohi على هذه المشاركة المفيدة: | ||
|
#31
Jul, 30 2008, 16:45
| |||
| |||
| الداخلية..... اليوم قدمت الداخلية .... اللي بيطلع عالطابق السابع راح يلاقيه كتير نضفان وصاير عم يلمع لمع....لأنو اليوم تمسحت فينا الأراضي!!!! طلعلتي لجنة الدكتور محمود ناصر وجورج سعادة وطاهر فرفوطي...وعلى اساس لجنة كويسة وسهلة وأسئلتن منطقية....بس الظاهر اليوم غيرو هالصيت.... حالتنا كانت قدم سكرية....قصتا سهلة ومافيا شي...وكان المريض للدكتور سعادة... قام اجا الدكتور جورج...سألني شو انواع القدم السكرية....طبعا بعد ماقدمت الحالة وعطيتو التشخيص... قلتلو...قدم سكرية جافة ورطبة...قام بحلق عيونو...  ....وقلي شو ؟! طيب اشرحلي ياهن...حكيت...قام زادت البحلقة اكتر واكتر... ....قام سأل الطالب اللي جنبي نفس السؤال...قام الطالب جاوب نفس الجواب...قام الدكتور صار يشك بحالو... بعدين سأل الطالبة اللي كانت معنا...قام كمان جاوبت نفس الجواب....!!! بعدين اجا الدكتور طاهر...وقلنا انو انتو التلاتة عم تحكو نفس الشي...وحكيكن من مصدر واحد...ومانو صحيح... واكيد هالمصدر مانو الدكتور جورج...قمنا نحن قلنالو مزبوط....لأنو القدم السكرية عطانا ياها الدكتور نزار الباش....  بعد هالحكي صار في صمت لمدة عشر ثواني!! بعدين قال الدكتور جورج انو انا عطيت بالستاج تصنيف القدم السكرية وانتو من جوابكن مبين انكن ماعم تحضرو ستاجات...!!ومن هالحكي ...وعطانا تصنيف مالو علاقة باللي منعرفو... قال بعدين قال انو بدو يعطينا سؤال "للمساعدة"....فكان السؤال موجه لحضرتي باعتباري اول اسم بالمجموعة...! قللي الدكتور قصة كان تشخيصا قصور قشر الكظر...داء اديسون...المهم ...قللي شلون بتشخصا... قلتلو بتحليل الشوارد منلاقي ارتفاع بوتاسيوم وانخفاض صوديوم....وكمان باختبار التحريض بال ACTH.... طبعا هون الدكتور اجتو النخوة مشان يساعدنا...قام سألنا الأسئلة التالية...واللي ماحدا عرف يجاوب شي منا: شلون منعمل اختبار التحريض بالسيناكتين...(او التحريض بالACTH)... اديش جرعة الACTH... شلون منعطيه.... شو انواعو.... بعد كم ساعة من اعطاء الACTH منعاير الكورتيزول... اديش لازم يكون عيار الكورتيزول حتى نقول انو الاختبار سلبي ولا ايجابي... طبعا نحن كون كلياتنا قاعدين عم نتفرج عليه وفاتحين تمنا... بعدين قال...طيب شو الادوية اللي بدكن تعطوه ياها..وشو جرعتا... نحن تذكرنا الادوية...بس شلفنا الجرعات...ومازبطت... بس شكر كبير كتير للدكتور جورج على سؤال المساعدة ......  بعدين الدكتور طاهر...كانت أسئلتو منطقية ومعقولة.... اول شي بلش القصة معي...مريض عمرو 60 سنة مدخن من 20 سنة...صار عندو نفث دم... عطيني ت ت ....شو اول شي منساويلو....انا حكيت عن الفحص السريري وكان من ضمنو التبقرط واسبابو... وسأل الباقيين عن الاستقصاءات ومتلازمة هورنر...وت ت للمتلازمة...وهيك شي... بعدين اجا دور الدكتور محمود....عطاني حالة.... مريضة عمرا 28 سنة..حامل...مع شكاية اسقاطات متكررة...طلبنالا تحليل اضداد التوكسوبلازما...قام طلع عيارن 1\80 ...بعدين حطينا للمصل 2EM...قام بقي العيار 1\80...شو العلاج.... طبعا هون في ملاحظة مهمة....انو التوكسوبلازما...بالنسائية بيساوي اسقاط مرة وحدة وبعدا بيساوي مناعة دائمة... واصابتو مابتتكرر مرة تانية....بس بالداخلية بيساوي اسقاطات متكررة....! المهم قلتلو انو هي الـ2EM..مابعرفا...قام طلع 2 ايتيل ميتانول...هيك شي كان اسمو...ووقت قلتلن انو اول مرة بسمع فيو....حسيت حالي كافر ولازمني شنق عالحارك..!!  وطلع برسب IGM بالمصل...بعدين قللي....طيب شلون بتعالج المريضة.... قلت سبيرامايسن...قللي كويس...طيب اديش جرعتو....!! (مابعرف شو كانت قصتن اليوم مع الجرعات) طيب اديش مدة العلاج....وكل هالاسئلة وكلنا عم نشلف اجوبة وماعم يزبط معنا شي... بعدين سأل التانيين عن التهاب الكبد سي...والتهاب الكولون التقرحي...بس كمان اسئلة صعبة...وكل واحد عم يجاوب بالزور....مع الشلف.... لاتواخذوني حكيت كتير...مع اني مابحب المشاركات الطويلة....بس والله قلبي معبا ....وماحسيت حالي عم انفحص مشان صير طبيب عام منوب....!! العلامة ما كانت كتير كويسة....بس الحمد لله اعلى من اللي متوقعو.... الحمد لله اخر مادة اذنية....يعني ماني اكل هما كتير....مع انو ماعم يعطو علامات كتير....بس انا بصراحة تمسحت وماعادت تفرق معي كتير....وفوق هيك تعبت كتير....وبلشت طاقتي تفضى....وان شا الله أقدر ضاين هال18 ساعة البقيانة.... موفقين جميعا.... |
|
#32
Jul, 30 2008, 17:00
| |||
| |||
| برجع بكرر وبقول لا تقولوا ما اخذناها او ما بنعرف احسن جواب  دكتور ما عم اتذكر؟ حتى لو كنت مو سمعان بالشغلة بحياتك ...................................  |
|
#33
Jul, 31 2008, 20:22
| |||
| |||
 حالة ارتفاع ضغط الراس ICT في الحقيقة دخلنا على اللجنة في امتحان تخرج الباطنة وكانت مكونة من الاساتذة : ................................. .................................. ................................. و................................ وكان المريض متمدد على السرير وحصلت على السؤال الاول كالتالي : احدهم الاول ناولني منظار قاع العين المباشر DIRECT OPHTHALMOSCOPE وطلب مني الكشف على المريض .......  ::في الحقيقة ارتبكت كثير وكنت مش متوقع شيء كذا ااجهزة ... ولاكن بادرني الاستاذ بالسؤال التالي : what is the single sign that can detect and indicate cerebral tumor ????? .................على طول اجات الفكرة في البال وقمت بالكشف على قاع العين اليمنى بالمنظار بالعين اليمنى ايضاء والحمدللة كانت الحدقة بتاعت المريض متوسعة بواسطة موسع الحدقة .... وبدات اشرح ماشاهدة ..... كانت وذمة حليمة العصب البصري disc edema ثنائية الجانب الحمد لله اتخلصت من الاول باشرنا الممتحن الثاني what are the signs of dics edema?? 'طبعا قلنا filling of the optic cups dics margins blurring engorged retinal veins ....etc طلب مني استاذنا القدير الثالث السؤال التالي dd of dics edema ?? كما تعلمون شوية تركيز وكله مضبط حالة ....  الممتحن الرابع استاذتنا القديرة : mechanism of disc edema in intracranial hypertension?? سؤال صعب شوي  والحمد لله pass  |
| قال العضو التالي أسمه شكراً لك يا منصور على هذه المشاركة المفيدة: | ||
|
#34
Jul, 31 2008, 20:31
| |||
| |||
| تصويب disc |
|
#35
Jul, 31 2008, 23:35
| |||
| |||
| الأذنية.... هي المشاركة مشان اغناء الموضوع للسنين اللاحقة... قدمنا أذنية...وكان اسمي عند الدكتور مضر شيخ الغنامة....وكان في معو دكتور تاني بيت القباني.... اول شي بدخلو 4 طلاب عالقاعة...وبيعطو كل واحد ورقة عليها اسئلة...ولازم كل واحد يجاوب على السؤال...والسؤال مابيتكرر.... انا اجاني سؤال..ماهو تأثير الأيدز على الـENT قلتلن كل شي...التهابات الأذن المصلية المتكررة عند الكبار...والقيحية عند الصغار....والفطرية... وكمان بيزاد التحسس...وبيصير التهابات جيوب ناكسة وامتكررة وكمان فطرية... وكمان بيصير غرن كابوتشي...ومن هالحكي... ووقت المقابلة سألني نفس السؤال...وكمان فرجاني صورة عالكمبيوتر...طلعت وحيدات النوى الانتانية... وفي كمان اسئلة الباقيين.. تحدث عن سرطان الحنجرة.... تحدث عن امراض الحنجرة الخلقية... تحدث عن التهاب الاذن الوسطى المصلي... تحدث عن شلل العصب السابع.... تحدث عن بوليبات الحنجرة.... وفي كتير كتير....بس بشكل عام....الأسئلة سهلة...وفي علامات.... الله يوفقك كل الناس بالسادس...وقبلو وبعدو كمان....  |
|
#36
Aug, 01 2008, 15:26
| |||
| |||
| وهي كمان مشاركة مشان اغناء الموضوع للسنين اللاحقة وأيضا لفش القهر : 7 طلاب عند د. ملحيس وصطوف : في البداية كانت الأسئلة منطقية (بس مو كلها) : - عقيدات آشوف (حمى رثوية) -بقع كوبلك -تمييز ضخامة الكبد عن الطحال -علام يدل هذا التخطيط -مالفرق بين السيتامول والأسبيرين وهالأسئلة رغم سهولتها ما كانو الشباب يعرفوها مدري ليش ،بجوز من العبطة ، ولما وصل الدور عالطالب ماقبل الأخير (الأخير أنا) ما ألاقي إلا تغير نمط الأسئلة تماماً وصارت الشغلة مسخرة واستهزاء أكثر من كونها فحص للقدرات س) متى نعالج ارتفاع الشحوم ج) إذا أكبر من 130 س) يعني هيك كل واحد > 130 بتعاجو ج اذا ترافقمنع عامل خطورة آخر س متل ايش ج المريض مسن س متى يعتبر المريض مسن ؟ ج أكتر من 50 سنة غضب الدكتور : يعني 51 سنة مسن (وقال ما معناه : يعني أنا مسن ) - استطبابات الكلوبيدوغريل - MI , stroke -غيره - ما بعرف - طيب ما الفرق بين اسبيرين والكلوبيد - (قعد الزلمة يخبص) وبعدين اجا دوري بالأخير وكان الدكتور ملّ وصار بدو يمشي فما سألني كتير ولا طول معي أد نص اللي طوّله مع غيري س) رفيقك ذكر من اسطبابات كلوبيد MI , stroke بتعرف استطباب آخر ج) بعد تركيب stent س) كويس ...... طيب سألنا زميلك عن متى نعالج ارتفاع LDL بتعرف شي غير اللي ذكره ج) (خبصتلي شوي) س) يبدو هالفكرة مي واضحة عندكن س) إصغائيات انسدال التاجي ج) mid-systolic click ونفخة نهاية الانقباض وبعدين سألني د. صطوف كم سؤال من محاضراته (أسباب التشمع وعلاج الحبن في التشمع مع مراقبة المريض خلال العلاج) وبالأخير اللي عرف واللي ما عرف واللي خبص كتير كتير كتير كتير واللي خبص شوي واللي خبص وسط كلن أخدوا نفس العلامة يحيى العدل |
|
#37
Aug, 02 2008, 00:09
| |||
| |||
| هي الشغلة كتير مهمة للطلاب اللي بدن يقدمو فحص السادس.... انو الطالب لازم يكون عندو قناعة تامة...انو بفحص المقابلة....الحظ بيلعب دور كتير كبير.... ومالو اي قاعدة.... يعني ممكن واحد شاطر ...ياخد علامة كويسة... وممكن واحد كسلان...ياخد علامة كويسة.... وممكن واحد شاطر ....ياخد علامة قليلة.... وممكن واحد كسلان....ياخد علامة قليلة.... وممكن اي واحد ...ياخد اي علامة.... وممكن اي دكتور ....يعطي اي علامة....لأي طالب.... يعني وقت الواحد يطلع من الفحص....يقول الحمد لله...ويرضى بالعلامة شو ماكانت ووين ماكانت.... لأنو مو دايما في عدل.... ومع هيك...الواحد الا ماينزعجلو شوي على علامة قليلة اجتو...بس احسن شي التطنيش..... |
|
#38
Aug, 02 2008, 13:02
| |||
| |||
| مرحبا زملاء...عفوا لان تاخرت عليكم بس سمعت انو في دورة تكميلية وقلت بلكي بيستفيدوا اللي بدن يقدموا عليها بالداخلية طلعت بلجنة د.ملحيس و صطوف و دعد وانا كمان كنت الطالبة الاخيرة بالفئة و عطوني نص الوقت اللي عطوه للي قبلي بس الحمدلله كانت اسئلتن معقولة  اول الشي بلش الكتور محمود يسالني عن مصطلحات بالانكليزي و بدو المرض اللي بيقابلا . بس كانت سهلة مثلا: opening snap...pan systolic murmur...dyskinesia...وهيك شي سبع او تمن مصطلحات ومعظما مو من القلبية بعدين قللي انو اجتك طالبة بكالوريا و قالتلك اما انو بعد النتائج صارت تتنفس بسرعة و بعدا تشنجت..شو اسم هالحالة؟(فرط تهوية) طلب قللو غازات الدم والبيكربونات عند هالمريضة...قلتلو انو الوكسجين طبيعي و co2نازل وكمان البيكربونات نازلة وسالني عن هالقيم عند مريضcopdوشو الفرق بينا وبين الحماض الناشئ عن سبب كلوي قلتلو انو البيكربونات والco2بتكون مرتفعة عند مريض الcopd و نازلة بالحماض الاستقلابي (صححولي اذا في غلط) الدكتورة دعد سالتني عن استطبابات المعالجة المديدة بالاوكسجين(موجودين بالملخص و القيم مطلوبة)والتاثيرات الجانبية لهالمعالجة..بصراحة انا ما عرفت شو التاثيرات الجانبية بس فهمت منا انو بيعمل جفاف مفرزات(بس ماني متاكدة)ع كل الاحوال ما حاسبوني ع هالسؤال  د.صطوف سالني عن مقاربة مريض نزف هضمي علوي وشو منطلبلو تحاليل دم(لا تنسوا الزمرة و زمن البروثرومبين) ومن الاسئلة اللي لازم نسالا للمريض لا تنسوا تقولوا انو منسال اذا بيتعاطى مضادات التهاب لاستيروئيدية الاذنية :كانت سهلة الحمدلله وطلعت عند د.تسابحجي وكانت حالتي عن تصلب الركابة بس سالني سؤال التبكت فيه شوي هو اختلاطات العمل الجراحي لتصلب الركابة وانا قلتلو انتان و نكس..فسالني وين الانتان بيصير وانا توقعت انو بالتيه لان الركابة بترتكز ع النافذة البيضية وفهمت انو الجواب صح بس ما عرفت اكتر من هالاختلاطين  الاطفال:كانت لجنتي عند د.سامي الحافظ وكان السؤال عن الالم البطني وكيف بتقاربي طفل عمرو خمس سنين عندو الم بطني انا حكيت كل شي بعرفو بس الدكتورة نهى صارت تتشعب من اجاباتي يعني لما قلتلا ذات رئة قاعدية سالتني عن العوامل المسببة لذات الرئة بهالعمر مع افضل صاد(انا جاوبتن مكورات رئوية و هيموفيليس انفلونزا وقلتلن منعطي اموكسسلين مع كلافولينيك اسيد وسيفالوسبرين جيل تالت) بعدين سالني د.سامي اذا كانت ذات الرئة عندو مترافقة بالتهاب ملتحمة شو بتتوقعي يكون المسبب ..قلتلو فيروسي ..قال هو بدو عامل جرثومي فقلتلو كلاميديا...قام سالني شو الصاد المفضل للكلاميديا وانا بعرف انو التتراسكلينات وهيك كان جواب رفقاتي لما طلعت من المقابلة و سالتن .بس الدكتور قللي انو في صاد احسن منو..بس انا ماعرفتو وهو قبللي التتراسكلين(ما بعرف اذا قصدو انو بما انو هي ذات رئة لانموذجية فلازم نعطي ماكروليدات )سالوني عن الوزن المتوقع لهالطفل بهالعمر وانا هون فتت بالحيط بس قلتلن بين ال15 وال20 د.اكثم طنوس سالني عن اهم سبب للالم البطني المعزول في اميركا(يعني الطفل بيكون عم يشكي من الم بطني مزمن بدون اية اعراض مرافقة) وبعد ما عطيتن كتير احتمالات قلتلن:وظيفي؟ و طلعت هي الاجابة الصحيحة بس الصراحة اني ما كنت بعرف هالمعلومة من قبل بتمنى اكون فدتكن وموفقين كل اللي بدن يقدموا بعدنا |
|
#39
Aug, 02 2008, 13:08
| |||
| |||
| المشاركة الأصلية بواسطة lune 
المشاركة الأصلية بواسطة lune شو قصدك بالدورة التكميلية ؟؟؟ و أنتي متأكدة و في شي رسمي و لا مجرد أقاويل بين الطلاب؟؟؟ تحياتي إلك |
| قال العضو التالي أسمه شكراً لك يا shareef على هذه المشاركة المفيدة: | ||
|
#40
Aug, 02 2008, 13:23
| |||
| |||
| في بشهر ايلول دورة استثناية للطلاب اللي عندن مواد من قبل السادس وبعدا في دورة بتشرين للتخرج .بس القرار الرسمي لسا ما نزل ع كل حال قال البرنامج رح ينزل هالشهر اكيد اذا سمعت انو نزل القرار بخبركن موفقين |
| الأعضاء الـ 4 التالية أسماؤهم قالوا شكراً لك يا lune على هذه المشاركة المفيدة: | ||
|
| Bookmarks |
| Tags |
| مقابلات, تخرج |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| لا تعجب.....هذا ما توصل له ابن سينا | davidson | تاريخ الطب | 7 | Jan, 26 2009 19:31 |
| موضوع يهم الجميع ...... ما رأيكم بالخطبة قبل التخرج ؟؟؟؟ | زين الدين | اجتماعيات | 32 | Dec, 12 2008 21:55 |
| مفهوم الجندر راح في خبر كان في برامج رمضان | White | اجتماعيات | 12 | Oct, 23 2006 01:17 |
| فيروس RSV ... ما هذا الفيروس ؟ الجواب هنا ( 3 ) | Hani | الجراثيم والطفيليات | 1 | Oct, 17 2006 00:02 |
