هذا ما كان في مقابلة التخرج !!
يدور هذا النقاش حول هذا ما كان في مقابلة التخرج !! في قسم السنة السادسة وامتحان التخرج في الملتقى الطبي السوري; -->
فتحت هادا الموضوع حتى كل واحد فينا يحط الأسئلة اللي إجته بمقابلته وكل يوم بيومه أيا كانت المادة ....ويحكي تجربته
ياريت الكل يشارك ويفيد غيرو ...
بكرة رح يبدو
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| كلمة بكلمة مع مادة النسج (حمل المحاضرة السادسة والاخيرة) | برنامج الامتحانات النظرية للفصل الأول 2008/2009 | نقاش طلابي حول مادة النسج |
| علامات الفيزياء و الجراحة 2 | علامات الطب الشرعي و اللغو |
 |
| | LinkBack | أدوات الموضوع |
|
#1
Jul, 26 2008, 14:57
| |||
| |||
| هذا ما كان في مقابلة التخرج !! فتحت هادا الموضوع حتى كل واحد فينا يحط الأسئلة اللي إجته بمقابلته وكل يوم بيومه أيا كانت المادة ....ويحكي تجربته ياريت الكل يشارك ويفيد غيرو ... بكرة رح يبدو المقابلات والوضع عصيب ...الله ييسر علينا   |
|
#2
Jul, 26 2008, 21:22
| |||
| |||
| في يوم الأذنية : سألوني عن إختبارات الشوكة الرناة بالتفصيل. في يوم الجراحة: سألوني عن القصة السريرية اللي أخذتها ( داء هيرشبرنغ ) مع أسباب إنسداد الأمعاء عند الوليد، و سألني الدكتور دبلوني عن التشخيص التفريقي لذات العظم و النقي و هل هي مميتة، و الدكتورة هدى ناصر سألتني عن ال ABC و الكتور الرابع ما بعرفو سالأني عن تناذر فورانروييه... في يوم الأطفال : سألت كالتالي: إجاك وليد حديث الولادة عمرو يوم و وزنو 4 كغ ، كيف بتفحصو ؟ في يوم نسائية : سألونا عن إنتان جرح بعد العمل الجراحي. و الداخلية هلق بدي أقدمها مع الشباب الطيبة، لذلك دعولنا... و موفقين جميعا.................  |
|
#3
Jul, 26 2008, 22:30
| |||
| |||
| [quote=Simply Red;79227]في يوم نسائية : سألونا عن إنتان جرح بعد العمل الجراحي. وجدي ...بالنسائية شو قصدو بانتان جرح بعد العمل الجراحي ؟؟؟ |
| قال العضو التالي أسمه شكراً لك يا shareef على هذه المشاركة المفيدة: | ||
|
#4
Jul, 27 2008, 11:12
| |||
| |||
| يا شباب شو اسئلة الجراحة .............. حدا يحكي شي ..........  |
| قال العضو التالي أسمه شكراً لك يا shakazolo على هذه المشاركة المفيدة: | ||
|
#5
Jul, 27 2008, 12:26
| |||
| |||
| ما عم بذكر السؤال بوضوح، بس الإجابة اللي كان بدو ياها الدكتور عواد هي إنتان الجرح بعد العملية القيصرية... |
| قال العضو التالي أسمه شكراً لك يا Simply Red على هذه المشاركة المفيدة: | ||
|
#6
Jul, 27 2008, 13:18
| |||
| |||
| اسئلة جراحة 1- تشخيص تفريقي لذات عظم ونقي؟ 2- عدد الاسباب الوعائية للالم الشرسوفي (احتشاء مسارقي - ام دم ابهرية - احتشاء عضلة قلبية سفلي) 3- عدد ثلاث اسباب جراحية لالم شرسوفي اثقاب عفج معدة - التهاب معدة تسحجي - خراجة بنكرياس - خراجة فص كبدي ايسر) 4- عدد اورام عظمية تصيب الاطفال الصغار؟ .............................  |
|
#7
Jul, 27 2008, 16:22
| |||
| |||
| الأطفال.... اليوم قدمت مقابلة الأطفال.... كانت لجنتي ...الدكاترة..سامي حافظ...وأكثم طنوس..ونهى قاضي.... بالنسبة لمقابلتي....كانت الأسئلة كالتالي... 1) اجاك طفل عمرو 5 سنين....بيشكي من الم بطني....ومافي اي معلومة تانية خرج يعطيني ياها.... ومن خلال هالمعلومتين...لازم اتأمل المريض بس... واعطي التشخيص رأسا.. الدكتور كان ببالو التهاب الكبد الحاد...يعني بالتأمل بلاقي لون يرقاني بالصلبة.. بس انا خطرلي هينوخ شونلاين...  لأنو كمان بالتأمل منشوف فرفريات متوزعة على الاطراف السفلية ومنقدر من خلالها نشخص المرض...وكمان خطرلي الحماض الكيتوني...لأنو ممكن يتظاهر بألم بطني مع تسرع تنفس وتجفاف... 2) وبعد هيك سألني عن المعلومات اللي لازم اعرفا بفحص البطن.... طبعا قلتلو عن الحرارة واللون والندب الجراحية والكتل والمضض والدفاع العضلي..الخ.... وكمان قلتلو انو لازم نفحص كيس الصفن...لأنو ممكن يكون عند الطفل انفتال خصية او التهاب خصية وبربخ...الخ.... وهو كتير عجبتو للدكتور هي الشغلة...انو نفحص الصفن  ....بقا اجا على بالو اذا المريض الماضي نفسو...ابو الـ5 سنين مع الم بطني...شو ممكن نشوف بفحص الصفن...ويعطينا التشخيص رأسا....انا بالأول ماعرفت شو بدو... بس بعدين قربلي ياها شوي....وطلعت فتق اربي مختنق... 3) كمان اجا الدكتور سامي وسألني...شو التشخيص التفريقي لألم بطني مع براز مدمى عند طفل عمرو سنة... رتج ميكل...انغلاف امعاء...بوليب...وماخلاني كمل...وقللي يعطيك العافية...  الحمد لله...كانت معقولة...وان شا الله الباقي بيكونو متلا اذا مو أسهل....  |
|
#8
Jul, 27 2008, 16:33
| |||
| |||
| وفي كمان بالنسبة لبعض الطلاب اللي كانو معي عند نفس اللجنة....اجاهم الأسئلة التالية... 1) في منن اجاهن ...تحدثو عن السعال الديكي... 2) اقياءات عند طفل عمرو 4 شهور...بس مابتذكر القصة كلها...بس على الأغلب ..كانت اقياءات اعتيادية... 3) قصة اختلاجات....بس كمان مابتذكر التفاصيل... 4) ت ت لضخامة عقد لمفاوية رقبية مع ارتفاع حرارة.... بس بالمناقشة بتطلع لمفوما هودجكن... 5) ت ت ألم مفصلي مع ارتفاع حرارة... 6) عندك حديث ولادة.... فحصلي ياه.... هالسؤال ماعرفتلو راس من اساس...يعني اديش عمرو بالزبط ماكانو يقولو....بس على الأغلب الواحد لازم يحكي عن أبغار والمنعكسات...وهيك شي... 7) طفل عمرو سنة عم يلهث وامو خرسا....  (هالسؤال كتير سئيل)...عطيني تشخيص تفريقي....طبعا الأم الخرسا مشان ماحدا ياخد قصة سريرية.... بس على الأغلب كانت الحالة التهاب قصيبات شعرية...وبيجوز تكون آفة قلبية...او حتى ربو... بس النتيجة انو الواحد لازم يتعلم خرساني....اواااوووااووااووا ااا....... هي الحالات اللي بتذكرا....ان شا الله نكون فدانكن...  ياريت كل واحد يكتب كمان شو بيصير معو ومع رفقاتو....وشو الأسئلة اللي بتنسئل...وشو هي الشغلات اللي بيدقق عليها كل دكتور.... أهم الشي هلأ هي النسائية....مشان الله بكرا فحص...  موفقين جميعا... |
|
#9
Jul, 27 2008, 21:05
| |||
| |||
| حكولنا شوي عن الداخلية الله يرضى عليكن رح موت رعبة من فحصها |
| قال العضو التالي أسمه شكراً لك يا Simply Red على هذه المشاركة المفيدة: | ||
|
#10
Jul, 27 2008, 23:54
| |||
| |||
| اليوم عملنا مقابلة نسائية ...كان الرعب مسيطر قبل ما نبلش .....كل طالب بيدخل بيسحب ورقة فيها رقم غرفة المريضة واسما ...بيطلع لعندا بدون تردد وبيكون معه أكتر من واحد من اللي بفئته ....بياخدو القصة وبإمكانن يدخلو معن أي شي بدهن ياه ...لذلك خدو معكن الكتاب والملخص وكل شي بتقدرو تشيلوه بيفيدكن بعد ما تخلص القصة بينادولكن لتحت وبيوزعو كل مجموعة على لجنة ...وبيدخلو عاللجان بالترتيب الأبجدي أنا لجنتي كانت الدكتور أشرف علبي والدكتور نزار حصري والدكتور نشأت (ماني متذكر الكنية ) الدكتور أشرف ما كان جي لذلك استلمنا الدكتور نزار حصري ....وكانت أسئلته بشكل عام صعبة ....أنا أسئلتي كانت نوعا ما سهلة الحمد لله سألني عن مريضتي أول شي هية مريضة نفاس تالي لقيصرية وعندا قيصرية سابقة ....سألني عن استطباب القيصرية بكل مرة بعدين سألني عن نزوف الخلاص وأنواعا وإش أشيع سببين إلها وبعدين قلي شلون منشخص العطالة الرحمية وشلون منعالجا وإش منراقب عند المريضة ....سألني عن رحم كوفيلار وعلاجه ...سألني عن الفرق بين ارتكاز المشيمة المعيب والانفكاك الباكر من بعض الأسئلة اللي انسألت لغيري : أنواع اللوالب وآليتا ...استطبابات القيصرية واختلاطاتا ....جرعات الميتوتركسات وسلفات المغنيزيوم والأوكسيتوسين ....المجيء المعترض المهمل (مجيء معترض مع انسدال اليد !!) وعلاجه (قيصرية )....ماهي كرة الأمان وشلون بتتشكل؟.... العوامل اللي بتسرع انطمار الرحم (أنا بعرف منن 6 وهوة عبيقول إنن 10 : الإرضاع قيام المريضة الباكر تفريغ المثانة تفريغ المستقيم عدم وجود فقر دم والحالة النفسية ..) هادا اللي إجا ببالي حاليا ماني متذكر غير شي ..... حطيتلكن هون نموذج شامل لقصة نسائية بتقدرو تدخلوه معكن لما بتفحصو المريضة ...بيسهل عليكن كتير وما بتنسو شي ...في شغلات تفصيلية كتير وبيجوز ما تلزم وفي شغلات كتير مهمة ...ركزو عليه ....
|
|
| Bookmarks |
| Tags |
| مقابلات, تخرج |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| موضوع يهم الجميع ...... ما رأيكم بالخطبة قبل التخرج ؟؟؟؟ | زين الدين | اجتماعيات | 32 | Dec, 12 2008 21:55 |
| لا تعجب.....هذا ما توصل له ابن سينا | davidson | تاريخ الطب | 6 | Mar, 26 2008 14:52 |
| مفهوم الجندر راح في خبر كان في برامج رمضان | White | اجتماعيات | 12 | Oct, 23 2006 01:17 |
| فيروس RSV ... ما هذا الفيروس ؟ الجواب هنا ( 3 ) | Hani | الجراثيم والطفيليات | 1 | Oct, 17 2006 00:02 |
كل الأوقات حسب GMT +2، والوقت الآن 15:16.
