150 ساعة انترنت مجانية شهريا لذوي الاحتياجات الخاصة

#1 Sep, 16 2005, 02:34

أعلنت الجمعية العلمية السورية للمعلوماتية إدراج شريحة اشتراك جديدة لذوي الاحتياجات الخاصة " المعاقين " وتتضمن ثلاث أنواع من الخدمات معفاة من رسم الاشتراك وتشترط لاشتراك بها إبراز بطاقة معاق أو وثيقة رسمية تثبت الإعاقة من قبل وزارة الشؤون الاجتماعية والعمل .

وذكر مركز خدمة الزبائن لـ"سيريا نيوز" الذي يتولى مهمة التعريف بميزات هذه الشريحة الجديدة أن إدارة مزود خدمة الإنترنت في الجمعية قررت ذلك ضمن إطار مشروعها لنشر المعلوماتية في سورية والمساهمة في تنمية المجتمع وقال المركز إن الشريحة الجديدة تتضمن 150 ساعة عمل مجانية شهريا وتكون كلفة كل ساعة عمل إضافية بـ 24 ل.س وهي اتصال عادي تماثلي بسرعة 56 كيلوبايت والنوع الثاني من الاتصال ISDN يمكنه الاختيار بين 100 ساعة بسرعة 64 كيلوبايت أو 50 ساعة بسرعة 128 كيلوبايت مضيفا أن جميع الخدمات المتوفرة في هذه الشريحة يتم الاشتراك بها بناء على الهوية الشخصية وبطاقة المعاق أو وثيقة رسمية تثبت الإعاقة من قبل وزارة الشؤون الاجتماعية والعمل .
وأضاف المركز أن هناك إقبال كبير من قبل المشتركين عامة للتعرف على هذه الخدمة الجديدة كما هناك إقبال من قبل الأشخاص المعنيين " المعاقين " أو ذويهم للتسجيل في هذه الخدمة . منقول من سيريا نيوز

شو رأيكم نصير كلنا معاقين!!!!!!

عم أمزح طبعا

#2 Sep, 16 2005, 02:50

لو كانوا صادقين متل ما عم بقولوا بدن ينشروا المعلوماتية في سوريا
كانوا حسنوا خدماتهن وخفضوا الأسعار
مو ضلوا عم ينهبوا الشعب على انترنت بتهوي

أمرنا لله
هذا الموجود

#3 Sep, 16 2005, 02:51

يا عيني لما بتنقل موضوع حط وصلة من الصفحة اللي نقلت منها الله يرضى عليك
ما بدنا نعلق مع بشري

بشري عم امزح

#4 Sep, 16 2005, 07:41

كمان مرة بتأثبت الجمعية انها مميزة و بتحب المميزين "المعاقين"
بس انا بستغرب قرار الجمعية .... يعني المفروض انو ما تعامل كل المعاقين متل بعضون
يعني المعاق اكتر بتطلب انترنت اكتر حتى يصير مساهم فعال بنهضة المجتمع

بيخطرلي بعرف اشي الخطوة القادمة للجمعية في سبيل تطوير المجتمع

نترنت مجانية للموتى وتتضمن ثلاث أنواع من الخدمات معفاة من رسم الاشتراك وتشترط لاشتراك بها إبراز بطاقة مرحوم أو وثيقة رسمية تثبت الوفاة من قبل وزارة الصحة

بالنهاية يبقى رأيي بالجمعية متل ما هو :

تفو

#5 Sep, 16 2005, 08:12

بوافقك على كل اللي حكيته بس مو على مسخرتك على المعاقين

#6 Sep, 16 2005, 13:31

لا الله يعطيون العافية
يعني ما شاء الله في خطط رائعة لتطوير المجتمع تحت شعار الإنترنت صار للكل ..... والنهب صار أكتر

ايه مالون شاطرين غير بالنهب يعني تصور الدساعة بـ 24ل.س لك هي بكل دول العالم ما صارت

بس شو بدنا نحكي خلينا ساكتين أحسن

مو منشان شي بس من شان نام ببيتنا

#7 Sep, 16 2005, 14:52

عفوا شنكول افندي بس وين تمسخرت عالمعاقين

#8 Sep, 16 2005, 17:42

هون يا معلم

المشاركة الأصلية بواسطة Evereve

كمان مرة بتأثبت الجمعية انها مميزة و بتحب المميزين "المعاقين"
بس انا بستغرب قرار الجمعية .... يعني المفروض انو ما تعامل كل المعاقين متل بعضون
يعني المعاق اكتر بتطلب انترنت اكتر حتى يصير مساهم فعال بنهضة المجتمع

#9 Sep, 16 2005, 18:49

و وين المسخرة فالموضوع .....

المعاقين مميزين عن غيرون ولا لأ ?

و كل المعاقين متل بعضون ? اكيد لأ يعني الابكم مو متل اللي عندو تناذر داون

و آخر و اهم شي .... المتخلف عقليا ( معاق جدا ) بيطلب تعب اكتر بكتير لحتى يصير يشارك بنهضة المجتمع من واحد مئطوعة اصبعتو ( اعاقة بسيطة ) بس اكيد الانترنت ما رح تئدم شي مفيد لا لهاد و لا لهاد

يعني الحكي المكتوب مو مسخرة عالمعاقين ..... مسخرة عالجمعية

استوعب الا أشرح كمان

#10 Sep, 16 2005, 18:53

عفكرة كلمة مميز (special) تستخدم للدلالة على المعاقين بكل الكرة الارضية لانها ألطف ..... يعني انا ما عم جيب شي من عندي

هل توافق على بيع كليتك؟؟ شاركنا برأيك	من هم الأشخاص الواجب التحري عن إصابتهم بالتهاب الكبد B :	عندي خلل في الهرمونات من فضلكم اعينوني
القرحة القلاعية Aphthous Ulcers	تخفيض خدمة العلم إلى 21 شهرا اعتبارا من بداية 2009

المواضيع المشابهة
الموضوع	مبتدئ الموضوع	المنتدى	الردود	آخر مشاركة
شركات خاصة سورية تبيع خدمات انترنت خُلبية	Shankool	علوم وتكنولوجيا (حواسب واتصالات)	14	Mar, 06 2007 20:20
مجلة علمية عربية مجانية	Wiseman_a	علوم وتكنولوجيا (حواسب واتصالات)	8	Oct, 17 2006 23:52
حبة واحدة شهريا لعلاج هشاشة العظام	Abdo-farah	آخر المستجدات الطبية	1	Apr, 02 2005 10:39


الرئيسية المنتديات الألبوم مواقع المعجم المدونات مجتمع أحداث مدونتنا جديد

أدوات الموضوع
عرض نسخة سهلة الطباعة أرسل هذه الصفحة بالبريد الإلكتروني