| | |
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
Jul, 30 2008, 00:02
| |||
| |||
| نحو افادة أكثر ..وتطوير... السلام عليكم..شباب...وصبايا... هدا اول موضوع الي..بالمنتدى...وبصراخة بعد ماشفت غنى المنتدى بالمواضيع الطبية...ومشاركات الاعضاء الاكارم..ورغبتن في الافادة.....قلت اطلب مساعدتكن واعتبروه اقتراح.... ياريت مثلا نعمل لكل جهاز من اجهزة الجسم....قصة مرضية...وفحص سريري...مع بعض التشخيصات التفريقية لاشيع الامراض.... مثلا بالفحص القلبي...كيف تكون القصة المرضية للاحتشاء....علاماته...تظاهراته السريرية وعلاجه...خناق الصدر وتظاهراته السريرية والمرضية...بشكليه المستقر وغير المستقر...يعني الامراض الاشيع.... نفس الشيء بالصدرية...نفس الشيء بالهضمية وبقية الاجهزة...وبعدها أثناء نزلتنا انا وبعض الاعضاء من دغعتي... منتواصل عالمنتدى...ببعض الحالات السريرية يلي منكون قادرين نكتب قصتها وتشخيصها المبدئي...بناء على المعلومات يلي رح تعطونا ياها......لنتناقش فيها معكن.....وتفيدونا....بس اول شي تعطونا خطوط رئيسية لنمشي عليها... مابعرف...اقتراح صغير....لانو انا استفدت كتير والله يعطيكون العافية...من ملفات القلبية والصدرية...بس نكملها متل ماقلت...بالتظاهرات السريرية والقصة المرضية لاشيع الامراض.... بتمنى لاقي..استجابة...من الاعضاء....وان شاء الله بالتوفيق للجميع...واحلى وردة للاعضاء....  في حفظ الله وسيم  |
| الأعضاء الـ 8 التالية أسماؤهم قالوا شكراً لك يا طبيب مسلم على هذه المشاركة المفيدة: | ||
|
#21
Aug, 01 2008, 02:49
| |||
| |||
| تمام...جدا...رح قلك يلي ببالي مرتب...منشان ما اضيعك... 1-القصة معنا مكتوبة عورق مع باقي الاوراق هلق باول كم يوم بتحتاجي الاوراق بعدها بتصير محفوظات بالذهن...وبالنسبة لمسألة المصدر...انا بخالفك الراي..بس ما في مشكلة انا معك...ونسقي المواضيع منشان ترتاحي...لانو الملفات هون مصدرها مرجع ماكليود وميد ستدي ...يعني مراجع ثقيلة.....انا مثلا ما بحب اتلخبط باكتر من مرجع لانو احيانا بيظهر اختلاف...ممكن يضيع الجوهر...وبتبقا مسألة راحة شخصية...ما بتأثر عالموضوع... 2-بتاخدي كم حالة سريرية من جناح القلبية بالمشفى...وبتاخدي قصتن الكاملة....وتحاولي تحطي تشخيص تفريقي للحالة....طبعا لازم تتطلعي عاوراقك....بالفترة الاولى...بعدها منتعود..وبتصير روتين...وتكتبي الادوية...لحتى يكون عنا فكرة عن العلاج... 3-الحالات السهلة ما تتعذبي..اذا كنتي فهمانة كل نقاطها واذا وجدنا بعض |
|
#22
Aug, 01 2008, 02:52
| |||
| |||
| آسف ماخلصت...بس انكبس الزر بالخطأ....المهم واذا وجدنا بعض الاسئلة منسأل السادس وطلاب الدراسات هون...لحتى يفيدونا...ونفيدن... 4-الحالة الصعبة ويلي مافهمتيها او انا ما فهمتها منزلها هون....ومندخل مع السادس والخامس والدراسات..بالنقاش... 5-نفس الكلام بالنسبة الي والك...واي تعديل موافق....  في حفظ الله وسيم |
|
#23
Aug, 01 2008, 04:03
| |||
| |||
| الله يعطيكم العافيه أخي د.وسيم وأختي د.ياسمين شو هالحماس هاد الله يوفقكم,والله دعوه صادقه من قلب شدو حيلكم اكثر,بدي اشوفكم أطباء قد الدنيا موفقين يارب |
| قال العضو التالي أسمه شكراً لك يا Eram على هذه المشاركة المفيدة: | ||
|
#24
Aug, 01 2008, 13:43
| |||
| |||
| كلامك صحيح..وموافقة عليه..إذاً الخطوة الأولى التي يتوجب علينا أن نقوم بها هي أن نقوم بدراسة الأوراق المتعلقة بالقلبية ...وهذا ما سأفعله حالياً حتى نزولي..ثم سأمكل بالمشفى ما تفضلت به...جزاك الله كل خير ..لأني في بداية الأمر كنت ضائعة بعض الشيئ و استطعت أن تنظم لي أفكاري..لأن ما اقترحته هو الصحيح...أما بالنسبة للمصادر.....والله كلامك صحيح رح نضيع أكتر  ok الآن عرفت من أين سأبدأ ...جزاك الله كل خير ..و بالتوفيق... |
| قال العضو التالي أسمه شكراً لك يا ياسمين العمر على هذه المشاركة المفيدة: | ||
|
#25
Aug, 01 2008, 16:10
| |||
| |||
| المشاركة الأصلية بواسطة ياسمين العمر ok.....معناتا اتفقنا...اخت ياسمين العمر
.....هالاسبوع للقلبية..واذا ما خلصنا منمدد.وبالنسبة للاوراق..افهمي الفكرة العامة...ومع كم حالة بتثبتي هالشي...وان شاء الله منكون حطينا لبنة اساسية للداخلية .....على بركة الله...وانا مع اي اقتراح جديد من عندك..او تعديل...بالتوفيق الك..وان شاء الله منشوف مشاركين اكتر ومشاركات اكتر...في حفظ الله وسيم |
|
#26
Aug, 01 2008, 16:13
| |||
| |||
| المشاركة الأصلية بواسطة Eram أخت أيرام...خلص رح ناديلك..دكتورة ايرام....ودائما بتنوري الموضوع بمشاركاتك الطيبة...عم نستناك دكتورة...خلصي عالسريع
...بالتوفيق...في حفظ الله وسيم |
|
#27
Aug, 01 2008, 19:58
| |||
| |||
| ان شاء الله بعد ما تتهيأي تماما اخت ياسمين العمر..واهيأ...منحط موعد ثابت...للنقاش..هون...اليوم ان شاء الله انا رح ادخل ليلا..والليل بيبدأ عندي بعد ال12...بس استثنائي اليوم بعد ال1...لانو مشغول شوي...على بركة الله وبالتوفيق والافادة باذن الله... في حفظ الله وسيم |
|
#28
Aug, 01 2008, 20:34
| |||
| |||
| ما شاء الله صاير حركة قوية..آسف كتير لاني ما عم بتابعكم بس عم بنشغل شوي هلأ نصيحتي الكم انه تركزوا على اخد القصة السريرية (مهما كان الاختصاص قلبية هضمية صدرية) وكذلك التركيز على الفحص السريري لكل الاجهزة لانه ستاجات السنة الرابعة ما مطلوب من الطالب فيها غير انه يعرف ياخد قصة كاملة ويفحص المريض بشكل صحيح اما التشخيص والتشخيص التفريقي بكير شوي عليه لانه لازم يكون عندك خلفية نظرية منيحه عن الامراض لحتى تقدر تحطها وبصراحة اذا كانت القصة غلط وناقصة بعمرك ما رح توصل للتشخيص لذلك خلينا نركز هلأ على القصة والفحص بالنسبة للفحص السريري في محاضرات عم تصير بالمشفى بجناح الصدرية ط1 بقاعة المحاضرات عم يلقيها زملائنا بالدفعة (اولهم صديقي الكترون ) وتحت اشراف الدكتور عبدالله خوريالمحاضرات رائعه جدا لتعلم الفحص السريري المدرسي للاسف راح عليكم فحص الصدري والقلب لانه مبلشين من اول الشهر  بس بقي فحص الهضمية رح يكون في محاضرة يوم الاثنين الساعه 10 صباحا بقاعة الصدرية رح ينعرض فيها فيديو فحص جهاز الهضم +اعراض وعلامات ومقاربة المريض بشكاية هضمية.اما بالنسبة للقصة السريرية فيكم تعملوا متل ما قال وسيم تاخدوا قصة سريرية من شي مريض بالمشفى وتعرضوها هون بالمنتدى مشان نتناقش فيها ونتبادل النصائح برأيي هالاسبوع تعملوه هضمية مشان تطبقوا اللي شفتوه بالمحاضره فورا حتى يرسخ بذهنكم..وتخلوا القلبية لبعدين بالنهاية بعتذر لاني يمكن اغيب من يوم السبت حتى الاثنين لاني رح كون خارج حلب...ان شالله بس ارجع بتابع معكم تحياتي |
| الأعضاء الـ 3 التالية أسماؤهم قالوا شكراً لك يا Ahmad Saleh على هذه المشاركة المفيدة: | ||
|
#29
Aug, 02 2008, 02:13
| |||
| |||
| احلى ابو حميد..وشكرا الك...وخلص ان شاء الله انا اول الحاضرين بفحص الهضمية....وعفكرة منيح ما راح علينا الهضمية..لانو القلبيةوالصدرية في ملفات هون بس الهضمية ما في ...ان شاء الله منلتقي معك احمد يوم الاثنين وان شاء الله الاخت ياسمين العمر تقدر تجي وتستفيد...ومتل ماقلت رح نعمل هالاسبوع هضمية باعتبار المحاضرة الاثنين هضمية...والقلبية بالاسبوع يلي بعدو...ان شاء الله الاخت ياسمين العمر ما تتأخر وتدخل تشوف التغيرات..حتى ما تتعذب...  ...بالتوفيق احمد وتروح وترجع بالسلامة....واحلى وردة اتذكرني فيها...في حفظ الله وسيم |
|
#30
Aug, 02 2008, 08:22
| |||
| |||
| مشكور د.توربو على نصائحه المفيدة جداً .....بس ما عرفت بالأخير على شو رسينا..قلبية أم هضمية ...هضمية ok و إن شاء الله رح كون من الحاضرين حتى نتمكن من إتقان الفحص الهضمي...ومتابعة حالات سريرية داعمة لما سوف نتعلمه..وبالتوفيق للكل.... |
| قال العضو التالي أسمه شكراً لك يا ياسمين العمر على هذه المشاركة المفيدة: | ||
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| من الأسفل .. نحو الأعلى .. | خوليو | هديل الروح | 2 | Feb, 15 2009 00:25 |
| التسابق نحو الأسفل | zoro | اجتماعيات | 13 | Mar, 17 2008 19:04 |
| من يقودك نحو قرارك | syria star | اجتماعيات | 0 | Jun, 30 2005 15:50 |
