تحية عربية و أشواق تركية وبعد.........
بدون كترة حكي او لت وعجن.....
يا جماعة عبنزل على الرازي وما عبفهم شي.............ليش؟؟؟؟؟؟؟
بدي اسبق كينغ واخلي هالموضوع مشان اتفيدونا عن اسئلتنا حول الحالات التي تردنا............

اهلا وسهلا عزيزي "الامل"

طبعا طبيعي ما تفهم شي لانه لساتك سنة اولى
انا صرت سنة خامسه ويدوب بلشت افهم

المهم انا نصيحتي لطلاب السنة الاولى انه ينتبهوا للناحية النظرية حاليا ويحاولوا يقرأوا بمواد السنة الجاي من شي مرجع اجنبي لحتى يقووا لغتهم الاجنبية (واذا كنت ما بتحب الاجنبي اقرا عربي مو مشكله)
واهم مادة لازم تقرؤها هي الفزيولوجيا
لانه طريقة اعطائها عندنا تعبانه شوي مع انها مادة جوهرية كتير واساسية لفهم العلوم السريرية لاحقا

واذا كان لابد من النزلة عالمشفى فممكن تتعلموا المهارات العملية متل ضرب الابر وفتح الوريد وخياطة الجروح..مو اكتر

على كل هي نصيحتي وطبعا اهلا وسهلا فيكم اذا عندكم اسئلة عن حالات معينة شفتوها اكيد الشباب ما رح يقصروا بالشرح

تحياتي

لفائدة اللي ممكن تتعلموها هلق هية الأمور اللي حكاها توربو

بالنسبة لأكتر من هيك ....صعب تتأقلمو مع الوضع بهالمرحلة ....على الأقل بدكن طالب أكبر منكم يداوم معكن حتى يعطيكن شرح عالسريع للحالات الللي بتعدي ....هيك ممكن تاخدو فكرة

بس هالشي لحقانين عليه ...ألو وقتو ...وهلق اهتمو باللي لازم تتعلموه بهالمرحلة


وعلى العموم إزا في أي تساؤل ....فنحن أكتر من جاهزين للمساعدة

لا بدي ارحب ولا شي...........
وبدون استئذان او سلام.......
عندي سؤال........
اجت حالة ظفر ناشب الى الرازي وتم قص جزء من الظفر مع التقطيب......
فهل من الممكن ان تفهمونا شو معنى الظفر الناشب

الظفر الناشب

الظفر الناشب ظاهره منتشره وقد زاد انتشارها مع انتشار استخدام الإنسان للأحذية.

ماهو؟
يصيب المرض في معظم الحالات الاصبع الأكبر لأحد القدمين او كلاهما وعادة ما تبدأ قصة الظفر الناشب بالتقليم الخاطيء للظفر حيث اعتاد بعض الناس قص الظفر بطريقة نصف دائرية مع إزالة زاويته لما قبل نهاية الأصبع بمسافة كبيره مما قد يترك طرفاً حاداً معطيٌ بالجلد المجاور له كما هو مبين في الصورة. وعندما ينمو الظفر ينغرز الطرف الحاد في الجلد مسبباً جرحاً ويتبعه تلوث لهذا الجرح بالميكروبات والتهاب وتكون الصديد.
ولا يبرأ هذا الإلتهاب من تلقاء نفسه بل يحتاج إلى علاج جدي.


العوامل المساعدة على حدوثه
استخدام الأحذية ذات المقدمة الضيقة.
زيادة سمك الظفر وتقوسه بطريقة غير طبيعية.


الأعراض
يسبب الالتهاب الحاد ألما شديداً في الاصبع الأكبر للقدم مع تورم واحمرار الجلد المجاور له وظهور صديد.
إذا لم يعالج الالتهاب الحاد بصفة جدية فإنه يتحول إلي التهاب مزمن حيث تقل شدة الألم ولكن المريض يعاني من تكرار الإصابة بالنوبات الحادة.



مدي خطورته المضاعفات المحتملة
الظفر الناشب عادة مرض غير خطير علي الصحة ولكن الألم يحد من نشاط الشخص المصاب وقدرته علي الحركة والعمل.
يتحول الظفر الناشب إلي مرض أكثرخطورة عند المصابين بمرض السكري إذ أن هؤلاء الأشخاص معرضون للإنتشار السريع للصديد في باقي القدم واحتمال إصابتها بالغرغرينا.



العلاج
في الحالات المبكرة وحين يكون الالتهاب طفيفاً فإن العلاج غير الجراحي قد يحرز تقدماً.
غسل القدم بالماء والصابون دورياً لإزالة الصديد.
تفادي لبس أحذية ضيقة.
الإقلال من سمك الجزء الأوسط من الظفر مع محاولة رفع طرفة بعيداً عن الجلد المجاور باستخدام قطعة صغيرة جداً من القكن لمبلل بالكحول. ويتم تغيير قطعة القطن يويمياً.

تساعد المضادات الحيوية في القضاء علي الالتهاب ولكن يجدر الإشارة هنا إلي أنها لا تجدي وحدها بدون الخطوات السابقة.



عند فشل العلاج غير الجراحي أو عند وجود التهاب شديد فإن الجراحة هي الطريقة الوحيدة للقضاء علي هذه الحالة المزمنة.


العملية = استئصال ظفر ناشب
التخدير. كلي أو موضعي بحقن المخدر عند بداية الاصبع تحت الجلد.
وصف مختصر للعملية. يستأصل حوالي خمس الظفر عادة بدون إجراء قطع ولكن يحتاج الأمر أحياناً إلي إجراء قطع طوله حوالي 1سم فقط. يلي ذلك كي جذور الجزء المستأصل بسائل الفينول حتي لا يعود النمو بصفة خاطئة بعد ذلك.
الألم بعد العملية. خفيف إلي متوسط ويمكن السيطرة عليه بالأقراص المسكنة وبرفع القدم. وتقل شدة الألم بشكل واضح بعد مرور يومين.

الخروج من المستشفي فى نفس يوم العملية.
العودة إلي العمل. بعد 4-7 أيام.



نصائح بعد العملية.
راحة في المنزل مع رفع القدم لمدة يومين.
زيارة الجراح بعد يومين من العملية لإجراء الغيار الأول للجرح.ثم يتم غيار الجرح في المنزل حتى تمام الشفاء
تقليم الظفر بعد ذلك يجب أن يتم بطريقة عرضيه مستقيمة.

نتائج العملية.
نجاح العملية في القصاء علي المرض بلا عودة 95%.
يبدو الظفر أقصر قليلاً في العرض من ظفر القدم الأخري

الله يجزيك الخير اخ privet ويديمك لهل المنتدى
على كل حال اخ(الأمل) لا تزعل كتير لانني الشغلة مو مستاهلة
انا اكبر منك بسنة وعم داوم على الرازي وكمان ما عم بفهم شي(الحال من بعضو)
على كل حال متل ما قلك الاخ تربو الله يجزي الخير انت بهالمرحلة مالو مطلوب منك غير انو تعرف الامور البسيطة كتيييير
والباقي كلو بتعرفو وبتفهمو بوقتو ان شاء الله(كل شي بوقتو حلو)

زميل privet

نرجو عدم نقل موضوعات طبية إلى الملتقى دون الإشارة إلى المصدر ...

هاي......
اليوم اجت حالة واحد مكهرب............وصار الدكتور يساله ويستفسر اذا انصاب بالكهرباء او بالنار الناتج عن الكهرباء.........
الزلمة طلع مصاب بالنار...........فكان نصيبه من العلاجات هو الكريمات.......
بس السؤال ..........زفي حالة الاصابة بالكهرباء..شو هي الاجراءات اللي رح تتم؟؟؟

هاي............
في عندي سؤال عن الخيوط...........
ممكن حدا يوافينا بمعلومات عن المعيار المتبع في اختيار قياس الخيط (يعني 2/0 او 3/0 .....)
وكمان حول نوع الخيط (حرير او نايلون او كروم)

عفوا يا The King إنت عم تسأل أسئلة ما درسناها بالكلية وإذا كنا درسناها فكانت تمر علينا مرور الكرام وما حدا كان يسألنا عنها بالفحص ، فكانت تهمل ...........

للأسف ما عندي أي معلومات مشان أجاوبك