ضيف جديد معنا في لقاءاتنا ... احزروا من !!!

Sep, 17 2005, 00:24

ضيفنا اليوم غير متوقع أبداً
من الفتيات
صحيح مشاركاتها كتير قليلة بس كتير لذيذة
وفيها حس ساخر جداً وعميق

ضيفتنا اليوم ... charming
رحبوا معي بها
وتفضلي يا ست تشارمينغ وعرفينا عن بطاقتك الشخصية متل ما بتحبي تظهريها

#21 Sep, 17 2005, 23:08

Princess...
بلشت الجامعة ؟!؟... انت متأكدة من معلوماتك ؟!.... و مارح تقدري تابعي اللقاء ؟!؟... له له له .... معناتا أنك رح تلاوحي الكتير من الحكيات الظراف , و الحكم القيمة و المعلومات التي يموت الكثيرون دون ما يعرفو شي عنها ....
على العموم , كلامك بيعني أنو عدد طارحي الأسئلة قل وا حد , و أنو عدد الرفاق اللي رح شوفون في الكلية زاد واحد ... و في الحالتين المكسب معي .....

#22 Sep, 17 2005, 23:09

Shankool...
بعتقد أن جواب سؤالك من ضمن أجوبة أسئلة المستر سام .. على العموم ،ا مل ما قلت بعزف بيانو من كان عمري 5-6 سنين , و بعملي حفلات ( رسيتالات ) من حين لآخر ... بسمع موسيقى كلاسيكة لجميع الفنانين و خصوصا لموزارت... و يأسرني لحن (Conquest of Paradise ) .....
بالنسبة لموضوع النوطة , فأنا مالي هاوية , أنا خريجة معهد موسيقي , و هذا أقل شي لازم يعرف المتخرج يعملو ....
حكيت عن التشطيب من دون تقطيب , مبين أنك داومت هالصيفية في الرازي بشكل مكثف !!!.....

#23 Sep, 17 2005, 23:32

عذراً للخطأ الفني... ونعود لتوجيه الأسئلة:

إذا أنت بتعزفي عالبيانو... فليش البيانو؟

شو موقع Dr.Firas007 من الإعراب بالنسبة لCharming؟

وبالنسبة للنوطة... إذا إجتك ذات 3 أسنان، مع 3 علامات تريبليت (ذات 3 أسنان كمان)، مع Half shuffle، والTempo كان 150، شو بيكون موقفك؟

ويا ترى بتعرفي مقامات غير الMajor والMinor؟ (بالنسبة للموسيقا الغربية طبعاً)....

ولي عودة!

#24 Sep, 17 2005, 23:34

هاي..........

بعد زمان charmingعن جد اشتقنالك في المنتدى..!!

شنكول..هي مفاجأة بتعقد.. بس المشكلة أنو بعرف كل شي عن charming ، يعني ما صار لي زمان بعرفها لهل البنت.. بس 18 سنة و5أشهر و26 يوم.... (الله يعيني ويساعدني، ما هيك؟ )

فما أظن رح أسألها كومة أسئلة ، بس بحسن بقلكن أنو هالبنت كثير لذيذة و معها فقر دم.. عفوا عفوا قصدي.. دمها خفيف..

سؤال واحد:charming ليش ما عم تفتحي ايميلك هاليومين؟

#25 Sep, 18 2005, 00:24

المشاركة الأصلية بواسطة charming

كلامك بيعني أنو عدد طارحي الأسئلة قل وا حد

هالحكي ساري مفعوله من بكرة أما هلأفالمجال لسا مفتوح ....

.............شو بدي أسأل ؟؟؟؟؟؟؟؟؟ طيب :
شو رأيك بكليتنا بشكل عام وشو رأيك بدفعتنا بشكل خاص ؟؟
شي مرة ندمت لأنك دخلت كلية الطب ؟؟؟؟ودخلتيها عن رغبة ولا لأنه مجموعك كان بيسمحلك بدخولها؟؟؟
بما أنه dr.firas أخوك وسمعت أنه غالي عليكي كتير فشو الأشياء اللي تعلمتيهامنه والأمور اللي ساعدك فيها-خارج نطاق الدراسة- ؟؟؟؟
بيكفي هيك .......

#26 Sep, 18 2005, 13:16

يعني الشغلة ما رح تنفدى فيكي بس؟؟!! لسا في كمان؟؟
يلا مو مشكلة..

سؤال.........
يمكن حسيتي شوي بالوحدة لما سافر فراس عمصر ومن قبلو سنووايت وهوني واللي هنن أعز رفقاتك (حسب ما بعرف)
ما حسيتي حالك مخنوقة وضايجة؟؟
سؤال........
بتتناقري مع فراس بالبيت؟؟
سؤال........
مين بتفضلي من 1- فيروز 2- جوليا بطرس 3 - ماجدة الرومي (عفكرة انا بعشق التلاتة)

شايفة ؟؟ اسئلتي منيحو ومو كتير محرجة
حاج هلأ يلا بااااااااي

#27 Sep, 18 2005, 15:09

مرحبا charming....كيف اعصابك؟

ما رح تقل بالاسئلة (لانو ما بيطلع معي اصلا

)

اسئلتي هي:
احكيلنا عن هواياتك غير العزف على البيانو...

شو احلى طقس بتحبيه؟ غيم ولا شمس ولا مطر ولا تلج؟( اسئلةخيار متعدد...جخي...!!!!)

شو احلى فصل عندك؟ وليش؟

حاج هلأ...اكيد رح تمخمخي كتير لحتى تحسني تجاوبي عليهن

وانا كمان بدي مخمخ حتى فكر بغير اسئلة..
سلاااام...

#28 Sep, 18 2005, 16:10

Mr.Sam...
بالنسبة لسؤالك عن سبب إختياري للبيانو فبقلك أنك لازم تسأل الأهل , بس هنا ما بيعني أني بكره البيانو أو أني بحب شي تاني غيرها , لأنها عن جد أم الآلات الموسيقية , إذا اعتبرنا أنو الكمان هو أبوهم ....
Drfiras007 شخص بشوفه دايما معي في البيت , بوكله ببعض المهمات المستحيلة بين الحين و الآخر , متل تبديل فئتي أو جيبان برنامج النظري و النوط التي بتنزل أحيانا متل زخ المطر .... كمان هو – بالصدفة البحتة – أخوي ... و بشوفه مسلي في بعض الأوقات ...
بالنسبة لسؤال النكشة الموسيقي , اللي فيو العلامات ثلاثية الأسنان و التمبو السريع جدا و غيرها من الشغلات التي حكيت عنها , فتأكد أنو الشي الوحيد اللي بعملو أني بتصبب عرقا ..... و بعدين بقلب الصفحة و كأني مصابة بعمى نؤقت .... و لا من شاف و لا من دري ...
والله أنا ما بعرف غير الماجور و المينور .... ليش في ناس مخترعين مقامات غربية غيرهم ؟...
و شكرا إلك ....

#29 Sep, 18 2005, 16:11

Honey..
كيفك يا بت خالتي ... كيف الأجواء عندك ... اليوم رح نفتقدك كتير في الإجتماع المقدس اليوم .... إنشاء الله تكوني متذكرة أنو في إجتماع من عين أصلو ....
ما كنت بعرفك أن حاسوبة لهلدرجة ... بس مبين أنك لو قدمت الإحصاء هالفصل فرح تجيبي علامة ما اشبها شي ....
بالنسبة لسؤالك , فأنا بقترح لو تغيريه لـ( ليش ما عم بتفتحي إيميلك إلا هاليومين )....
سلميلي عالكل...

#30 Sep, 18 2005, 16:12

Princess....
يلا تعي بقا , بلشوا الدكاترة متل الخلق .... بس تعي لحلب و وقفي عن الأسئلة !!!....( هالكم إشارة تعجب تدينتون من فراس خصوصا من شانك !!!!).....
كليتنا و الله ما إشبها شي , و الدفعة روعة ... بيكفي إنك من أعضائها .... و بالتالي فأكيد أني ما ندمت أبدا لدخولها , بس هالحالة بتجيني أوقات في أيام الفحص .... ( ولي علينا على هلعلقة ) ... هي جملتي اللي بيقول عنها فراس أنها من حقوقي الفكرية ....
أنا دخلت الكلية عن رغبة و عن مجموع ... و ما بظن أنو حدا في الدفعة على الأقل دخل الكلية غصب من عنو ... ليش بيحبو أنو يسألو هالسؤال دايما ؟؟
بالنسبة لفراس فأنا بأكد أنو مافي شي ساعدني فيو أبدا داخل نطاق الدراسة إلا الإضراب عن حضور المحاضرات الصباحية ....
خارج نطاق الدراسة فتعلمت منو حب القراءة و الموسيقى و طريقة زيادة عدد المشاركات في المنتدى من خلال وضع كل جواب كمشاركة قائمة بحد ذاتا.....

هل توافق على بيع كليتك؟؟ شاركنا برأيك	من هم الأشخاص الواجب التحري عن إصابتهم بالتهاب الكبد B :	القرحة القلاعية Aphthous Ulcers
تخفيض خدمة العلم إلى 21 شهرا اعتبارا من بداية 2009

المواضيع المشابهة
الموضوع	مبتدئ الموضوع	المنتدى	الردود	آخر مشاركة
اصدار نوعي جديد من الجيش الاسلامي في العراق:	Wiseman_a	الثقافة	5	Jan, 15 2007 18:36
اكتشاف جديد للتقليل من الآثار الجانبية للعلاج من السرطان	Evereve	آخر المستجدات الطبية	0	Mar, 30 2005 08:42


الرئيسية المنتديات الألبوم مواقع المعجم المدونات مجتمع أحداث مدونتنا جديد

أدوات الموضوع
عرض نسخة سهلة الطباعة أرسل هذه الصفحة بالبريد الإلكتروني