ضيفنا اليوم غير متوقع أبداً
من الفتيات
صحيح مشاركاتها كتير قليلة بس كتير لذيذة
وفيها حس ساخر جداً وعميق

ضيفتنا اليوم ... charming
رحبوا معي بها
وتفضلي يا ست تشارمينغ وعرفينا عن بطاقتك الشخصية متل ما بتحبي تظهريها

Optimisto…
بكون كذابة لو أني قلت أني ما حسيت بفرق ... عن جد شغلة كتير مزعجة أنك تبقى لوحدك خلال فترة لازم تكون من أكتر الفترات نشاطا في سنة ... كنت على فرد كلمة ( ودع ) و ( استقبل ) .... بس ولا يهمك أنا بعرف كيف أسلي حالي و أملي وقتي بحيث أكون دايما مبسوطة ....
بتناقري مع فراس ؟!؟.... طبعا ... أحيانتا بفكر إمتى أرجع عالبيت مشان أحولو حياتو جحيما .... لا عن جد , المناقرات لا بد منا بين كل الأخوة , بس ديما بتخلص بضحكة أو مزحة .... أو بفوزي أو باستسلامو ... النهايات متعددة بس ديما لمصلحتي طبعا ....
فريوز هي الملكة بلا منازع ... أحياتنا بتصور أني حبنا لفيروز هو شي شربناه مع الحليب في صغرتنا .... يعني أول مغنية حفظتلا غنية هي فيروز .... بعرفك كم ولد صغير كانت أغاني علي الديك أول شي حفظو ....

معقول اللي عم بيصير ؟ مقابلة مع شارمينغ ؟ في إن بالموضوع .......يعني من أصل 3 أجري معون لقاء ....2 منون أخوة ؟؟؟

بس على اعتبار شارمينغ هي المعنية .......وعلى اعتباري كتر مشتقتلا ......ما رح أزعل .....

مع أنو معرفتي بالآنسة شارمينغ ....لم تتجاوز السنتين ....الا أنني أعرف عنها ما يكفي لكي أحبها وأعتبرها من أعز صديقاتي ....
انها انسانة لطيفة...خجولة نوعا ما ...كرارة شوي ( اسألو الدكاترة حتى.... ).....ووفية جدا ...وطيوبة .....كتير
وعلى سيرة البيانو ....أنا حضرتلا حفلة....بس ما كنت بعرفا .....بس كنت بعرف انو أختو لفراس ...وكان عزفا حلو ...هاد كل اللي بتذكرو

بالنسبة للأسئلة.......مممممممم : ما عم يخطرلي شي...
طيب شلون كانت صيفيتك؟ بس الشهر التاني لأنو اول شهر بعرف بالتفصيل كلشي ....
أكلتك المفضلة؟
شي ما بتحسني تعيشي بدونو؟ ( ما عدا أنا طبعا)
لونك المفضل؟

بتحبي الحيوانات ؟ بتعرفي انو تذكرت أختك هلق لأنو منتفق بهالموضوع انا وهيي ....سلميلي عليها

هاد كلشي لهلق.....بس الي عودة

المشاركة الأصلية بواسطة charming

Honey..
كيفك يا بت خالتي ... كيف الأجواء عندك ... اليوم رح نفتقدك كتير في الإجتماع المقدس اليوم .... إنشاء الله تكوني متذكرة أنو في إجتماع من عين أصلو ....
ما كنت بعرفك أن حاسوبة لهلدرجة ... بس مبين أنك لو قدمت الإحصاء هالفصل فرح تجيبي علامة ما اشبها شي ....
بالنسبة لسؤالك , فأنا بقترح لو تغيريه لـ( ليش ما عم بتفتحي إيميلك إلا هاليومين )....
سلميلي عالكل...

الحمد لله أنا منيحة بس كنت صرت (أمنح) لو ما كنت مشتاقتلك كل هالقد..
الأجواء عندي ممتازة والحمد لله...
أما عن الاجتماع فهادا أول اجتماع بطفوا من أول ما وعيت على هالدنيا.. بس معقول أنساه؟؟؟!! ولو.. عملنا احتفال هون بكل مراسمه و ما كان ناقصنا غير اجتماع العيلة الكريمة..

أما عن الاحصاء فمالي شاطرة غير بهال الحسابات، بس وقت بجد الجد تلاقيني عم ولول قبل الفحص من رعبتي.....

سؤال وحيد: مين أكثر ممثل أو ممثلة (أجنبي طبعا) بتحبي تشوفي الفيلم تبعه/تبعها؟

السلام عليكم


لقد أخرت دخولي .. أو بالأحرى مشاركتي في هذا الموضوع لأرى كيف سينساق الحديث ...........

ولأتعرف على شارمينغ من كلام الآخرين بما أنه لم يحصل لي الشرف وكلمتها أو ناقشتها في المنتدى ......... لكن ..... المشاركات كلها لم تشفي غليلي .......


الذي لفت نظري ومن أول مرة ................... هو أن برجك يتوافق مع برج فراس .. (الحمل الوديع) .. برج ناري خطير !!!

وبعد برهة ......... شعرت وكأنك أخته ... نفس الأسلوب تقريبا .......... بالكتابة (لا تستغربي فالفراسة تأكل عدة ساعات من يومي لأتقنها)


حسنا .......... لم أحب اللقاءات كثيرا .. أو بالأحرى المشاركة بها لأنني أؤمن بالحرية الفردية للشخص ....... أي أنه حر بـأن يفصح بشخصيته أمام الآخرين ........... ولا أحب أن أكتب سؤالا وأحرج به من أمامي... فيحرجني بإعراضه عنه.


ومع ذلك ................. فسأطرح سؤالين:

1- هل حدث وأن احتفلت بعيد ميلادك مع فراس؟ مع العلم أن الفارق بيناكما 20 يوم . وإن لم تفعلوا فأنصحكما بالتجريب وإخبارنا بالنتائج ..

2- هل قرأت شيئا لكليوباترا التي تدخل إلى هذا المنتدى ؟ وكم تعطين لها علامة (من 10) بمواضيعها وتعليقاتها (هذا إن كنتِ قد قرأت لها, وإن لا فأنصحك بالإسراع للقراءة)


وأهلا بكِ آنسة آية

المشاركة الأصلية بواسطة charming

بس ولا يهمك أنا بعرف كيف أسلي حالي

كيف بتسلي حالك؟
كم كيلو بزر ممكن تستغني عنهن إذا سليتي حالك؟

طيب

برأيك انت كفتاة وفي المجتمع المحيط فيكي، إلك اعتبارك كإنسانة؟ ولا بتحسي مجتمعك بيظلمك لأنك بنت؟
شو رأيك بالمساواة بين الرجل والمرأة؟
كم من الجهد يحتاج الرجل ليبذله ليصل إلى إنسانية المرأة؟
أصلاً من هو الأكثر إنسانيّةً بينهما
هل تقتنعين بفكرة الفتيات السائدة في مجتمعنا "إنه البنت ما عليها مسؤوليات وكل المسؤوليات ملقاة على الرجل"؟ أم أنك إلك أحلامك الخاصة ولازم تحققيها بالاعتماد على ذاتك وما بتستني مساعدة أو إعلاة من رجل وبالأخص كونك طبيبة يُمكن أن يؤمن لك دخلاً جيداً؟

لي عودة

Sunshine...
أحلى سنشاين والله ... يعني مو بس دمك خفيف , حتى أسئلتك خفيفة ...
هواياتي التانية غير الموسيقا هي شوفة أفلام الفيديو ... يعني بتقدري تقولي أني شايفة أفلام أكتر من اللي شافون ليوناردو ديكابريو ... تصوري أني في مرة وصلت لمرحلة الاشباع فقررت أوقف تماما عنهم ... بس ما قدرت ...
كمان بحب أقرا ... و هونيك هواية فريدة و هي اللعب مع ولاد أختي ... عن جد هي أكترهواية بتسلى فيها ....
أحلى طقس هو المشمس مع بعض الغيوم اللي متل قلتها في السما ... يعني الجو اللي بيطبع في الربيع ... مع أنو أخوي عندو رأي تاني في الربيع بالذات ...
أحلى فصل هو الصيف طبعا ... ما بظن أنو في حدا ما بيحب يكون مريح علأربعة و عشرين ... و الشعور اللذيذ بأنو ما في يندرس ....
و شكرا كتير لاهتمامك ...

Snowwhite...
يعني أنت آخر وحدة خطرلي أنا ممكن تشارك ... مو مشان الغيرة (لأنو هادا شي مفروغ منو ) بس لأنك في يلاد الواق واق ... بدي أشوف صورتك و أنتي على قمة برج إيفيل ....
صيفيتي كانت مسلية , بس أقل من اللي كانت رح تكون عليه لو كنت هوني ...
أكلتي المفضلة هي الشاورما ...
بالإضافة إلك فأنا ما بقدر أعيش بدون ما أضحك ....
لوني المفضل الأخضر ....
بحب الحيوانات بس من بعيد لبعيد ... يعني مو ضرور أني أمسك القطة و أضل أدعك جفروتها مشان يقولو عني أني بحب الحيوانات
سلامك وصل ... أي أوامر تانية ؟!؟....

Honey...
يعني ما أحلاكي أنك تنسي الاجتماع ... هدا اللي كان ناقص ... يعني لو كا خلية من جسمك كانت بتقدر تحكي لقالت ( أرمان بلبن ) ..... على فكرة , وصلتني أخبار الأرمان بلبن الإنكليزي ....
تراهنت مبارحة مع فراس أنكون رح تتصلو و نحنا في الاجتماع , وكل العادة أنا اللي ربحت ....
أكتر ممثل بحبو هو نيكولاس كيج ... عن جد بيعقد .... وشو طفولي و بريء .... و أي فيلم و لو كان سخيف لازم أشوفو ....

Kliopatra...
مرحبا كيلو بترا ... أنا اللي حظي بشع لأني ما تعرفت عليكي ....
بالنسبة للأسئلة :
طبعا أنا ما احتفلت بعيد ميلادي مع فراس , لأنو مستحيل أنو يحتفل بعيد ميلادو .... ممكن أحتفل بعيد ميلادي لكن بشكل فردي ....
طبعا قريت مواضيعك كلها ... و عن جد ظراف و لطيفات ... و طبعا بعطبكي 10 \ 10 ... عظمة يا ست ....
و أحلى مشاركة كانت مشاركتك في لقائي ....

Shankool...
يعني عن جد أنا لهلق ما لي فهمانة ليش أنا ؟؟....
المهم ... بالنسبة للأسئلة ... فا،أ ما بظن أنو المجتمع ظالمني أنا بشكل شخصي , يعني عن جد حاسة أني آخدي حقي تالت و متلت ... يمكن أني أكون مظلومة بس أنا عن جد مالي حاسة بهالشي ....
( المساواة بين الرجل و المرأة ) ما بعنيلي أي شي ... و يا ترى رح تصدقني لو قلتلك أني عمري ما فكرت في هالموضوع ... يعني في شغلات انخلقت للرجال ... و شغلات تانية اتخصصت للمرا ...
بعتقد أنو المرأة أكتر أنسانية بكتير من الرجل ... و لا تنسى أنو اللي بيتعرض إلو الرجال في الحياة أعنف بكتير من اللي بتشوفه المرأة ... مشان هيك يمكن يصيرا أكتر قساوة ...في الوت اللي بتبقى فيه المرا أكتر رومتانسية و إنسانية ....
بصراحة أنا ما دخلت الكلية لأنا رح تخليني أتمتع باستقلالية أكتر ... و بظن أنو الرجال فعلا عليه مسؤليات أكبر من المرأة , بس مسؤليات المرأة على قد تكون أقل عددا بس مو أقل أهمية أبدا ... يعني بتقدر تقول أنو المسؤليات متوازنة بين الطرفين بالتساوي تقريبا ....
طبعا أنا عندي أحلام , و دخول الكلية هي خطوة مهمة مشان أحققا ....
على فكرة , أسئلتك كتير صعبة ... و بقدر فيقتك أربعة الصبح مشان تكتبون ....