في قلب الليل ....
يدور هذا النقاش حول في قلب الليل .... في قسم قصص وروايات في الملتقى الطبي السوري; -->
حين تسحب الشمس آخر خيوطها في أواخر النهار، ويسدل الليل ستاره المرصع بالنجوم ، عندها يبدأ بعرض مسرحيته فصلا فصلا ... قد نشهد بعضها ، وقد نكون أبطال بعضها
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| استشارات الرازي | مقابلة مع منارة المنتدى ... !!! |
 |
| | LinkBack | أدوات الموضوع |
|
#1
Aug, 08 2008, 07:43
| |||
| |||
| في قلب الليل .... حين تسحب الشمس آخر خيوطها في أواخر النهار، ويسدل الليل ستاره المرصع بالنجوم ، عندها يبدأ بعرض مسرحيته فصلا فصلا ... قد نشهد بعضها ، وقد نكون أبطال بعضها الأخر ، وقد يسرقنا النوم أو تحجبنا الجدران فتضيع فصولا أخرى لا يوجد من يرويها لنا ..... حين يأتي الليل نستريح من عناء النهار فقد خلق الله الليل ليكون سكنا للأحياء فيغطي الليل بظلمته تعب النهار ولكنه يكشف عن ألام تكون مقنعة تحت ضوء الشمس ضائعة في الزحام والضجيج ..... حين يبدأ الليل عرضه قد نحضر الفصل الأول منه ، ولكن بعد ذلك ماذا يحدث عندما تغلق يد النعاس عيوننا المتعبة و تنقلنا لعالم أحلامنا لنحلق هناك ونريح عقولنا و أجسامنا أليس الليل خلق لنرتاح فيه ؟!! لكن و بينما نسبح في أحلامنا يغرق أناس آخرون في همومهم لم تصل يد النعاس لأعينهم بعد وكأن يومهم قد بدأ الآن.... فبينما نأكل الرز مع الملائكة هناك آخرون يأكلون الشر مع الشياطين وغيرهم من يتجرع سم الشقاء مع خمر آلامه هل جربت يوما أن تعيش نهارك ليلا إذن ربما تحضر أكثر من فصل من تلك المسرحة الليلية المظلمة إليك بعضا من هذه الفصول : وزززززززززز طق الله لا يوفقك هلكتي نعمتي خليتيني أعرف أنام ييييه -لك انتبه يا فهمان ليقوموا يفيقوا  -أنت مو قلت أنون برة البيت -إيه مزبوط بس بلكي صار معنا متل لما صار هداك الأسبوع وكنا تبهدلنا -طيب طيب خلينا نخلص ع السريع قلبي مو مطمن اش كان بدنا بهاشغلة -سمعت خزنتن مليانة إذا هبشنا هبشة منيحة منبقى منبطل هالكار -طيب يالله قول بسم الله وهي انفتح الباب شو؟ وليش لهلء ما جبتا العرس قرب أنا بدي ادخل ع البيت مو ناقص شي إلا ما بيلبقلي يه ! عن جد ؟ والله انت مافي متلك لهيك أنا بحبك الو وين رحت ؟ سلامة قلبك شوصار مشان البرادي لسا ما خلصو على خير فستان العرس ؟ رح يكون أحلى فستان مو أنا إلي بدي البسوا؟ ولو! يارب توفقلي ولادي وتبعتلن ولادين حلال وترزقن وما تضيعن من بعدي وترحمنا برحمتك يارب يارب تشفيني من مرضي الي هلكني وتصبرني وتشفي امة محمد عليه الصلاة والسلام يارب تغفرلنا وترزقنا الجنة يا رب .. -يارب يمشي الحال وتبعتلي ولد يارب -شو وينك حبيبتي -جايي جايي -هه هاه هاه اه لك اه  والله والله لو بطلع باليدي لاقتلا واقتلو بس بحبا اه خليني اروح خليني اورجيا مين انا -روق يا زلمة انت شربت كتير الظاهر وما عم تعرف شو عمتحكي -يعني انا مج نو ن وما بعرف شو احكي لك انا احلى منك انت واطي متلا -هلء مارح واخذك لانو سكرا ن -هه هه هه اه اه اه اها اهاه الكيمياء العضوية هي كيمياء مركبات الكربون  تقسم المركبات العضوية الى مركبات حلقية وخطية وكل منها تقسم الى مشبعة وغير مشبعة ......................... التوتوميريا هي شكل اخر من الطنين ينتج عن حركة البروتونات .... الله لا يوفق الكيميا ياريتني دارسة من قبل والله شكلا مارح تلحق التماكب ............. الايزوميرات .... الانانتيوميرات ....شئد اسما لطيف الله يجيرنا ......... ماما ماما والله لاقتلك يا سبدلا بدك تاكلني هلء بدا تجي ماما وتقتلك ماما يا ماما الحقيني بدو ياكلني سبدلا ................؟؟؟؟؟؟؟؟  ميمتو يا ميمتو واطلعي لاقيلو واطلعي ..(ما بعرف كمالتا ) وتمختري يا حلوة يا زينة ..( كمان نسيت كمالتا ) ولليييييييييييييييييييييي ييييييييييييييش.................... .. شو صار معك بتخلص عليه نهائي وما بدي يحس بشي متل ما اتفقنا بدي البنت بأي شكل من الاشكال والمعلوم بيوصل لعندك وبعدا بتنساني نهائي فهمان ؟؟؟ ياربي والله بحبا ياريتا تفهم وياريتني اقدر اقول لها اه والله لسا الطريق كتير طويل ادامي ليش لعذبها معي يعني معا حق بس قلبي كيف بدو يفهم يارب دخيلك ساعدني - ماما شو اعمل نصبوا علي فلسنا راح كل شي -طول بالك وحط عينك بعين رب العالمين وما بينساك -والناس كلن صاروا يطالبوني بدن مصراتن -قلن يصبروا شوي انت مارح تاكلن عليهن -والله رايح اطق وما حدا حاسس فيني بضطر اسكت وما احكي شي بس مشان خواتي ما بدي شي ياثر عليهن بس لايمت بدي اصبر -الله يرضى عليك ويصبرنا ويعينا عن جد؟ ايه كذاب طيب مين هي البنت الي كانت واقفة معك اليوم ونازلة ضحك قرايبتك ؟ اكيد؟ ما بعرف ليش ما عم صدقك طول بالك ؟؟ !!!طيب مو هيك ايمت بدك تخطبني وليش اهلك ما عم يرضو بنت عمك ؟ ايمت كان عندك بنت عم يلا باي باي فاق اخوي باي باي بعدين ..... ربما يمر بعض هذه الفصول علينا أو لا ؟! لكن لا نستطيع إنكار وجودها.... هل أعجبتك المسرحية ؟ هل تريد أن تكون بطلا فيها ؟ إذن. فاحمد الله الذي جعل الليل سباتا والنهار معاشا   |
| الأعضاء الـ 7 التالية أسماؤهم قالوا شكراً لك يا shine star على هذه المشاركة المفيدة: | ||
|
#2
Aug, 09 2008, 00:19
| |||
| |||
| خيال خصب وفصول كثيرة محزنة مضحكة يدق القلب لبعضها وتدق الدموع على الخدود في أخرى وأخرى يتناساها العقل فلا يسمح للعيون بقراءتها
قال ليش الحمصي بيمد الفرشة برا وبينام جوا؟!! مشان يضحك على البق (البرغش -البعوض)....  لي عودة مع احدى فصول مسرحيتي... |
| الأعضاء الـ 2 التالية أسماؤهم قالوا شكراً لك يا Mr.sad على هذه المشاركة المفيدة: | ||
|
#3
Aug, 09 2008, 02:47
| |||
| |||
 كتير حبيت هالفصول اللي عارضتيها , وبالفعل منها الطريف ومنها المؤلم .. وكلها حقيقة عم نعيشها ..! كل الشكر لك عزيزتي  خالص التحايا ..<<  |
|
#4
Aug, 09 2008, 08:19
| |||
| |||
| عن جد كتير حلوين..و طريقة عرضك للأحداث لسة خلت المسرحية أحلى... بس وجعتيني قلبي ..ما بعرف ليش..مع انو عمنشوف هالأحداث ع طول.. فيني اهديكي هالغنية؟؟؟ أنا بس بدي حجة لحط أغاني بحبا...  اسأل عليي الليل يا حبيبي.. صرلو عمر غافي بعينيي.. و ان كان نسيني الليل..يا حبيبي ضو القمر بدلك عليي..  |
|
#5
Aug, 09 2008, 08:51
| |||
| |||
| صرلي فترة متفق أنا والليل .......... أنا بضل صاحي  ........وهو بيفرجيني قصص وحكايا الناس فيو ورجاني كتير أشيا ... شفت آلام وأوجاع ...... صبرو عليها طول النهار ولما أجا الليل استسلمولها... شفت الكبت و العقد اللي بتهرب من ضو النهار حتى مايشوفوها الجيران والرفقة واهل الحارة شفت الشباب الضايع اللي ماعم يعرف كيف يهدر وقتو ........وبأي بلوعة يكب حياته  شفت وشفت وشفت........حتى بالأخير صار عندي قناعة أنو حياة النهار هي كلها كدب وخداع وتمثيل  والحقيقة ........عم تطلع بالليل يمكن من الخوف ....الخجل ....التعقيد ......العادات ..... الخ الخ الخ ملبتتخيلو قديش هالفصول واقعية ....... هي مو مسرحية .......هي نبدة من الواقع تحياتي الك shine star موضوع اكتر من رائع |
| الأعضاء الـ 3 التالية أسماؤهم قالوا شكراً لك يا subzero على هذه المشاركة المفيدة: | ||
|
#6
Aug, 09 2008, 09:51
| |||
| |||
بس كمان لما الواحد بيبقى لحالو ببرد الليل وعتمتو رح يتذكر همومه يللي كان متناسيا بالنهار شكرا |
|
#7
Aug, 09 2008, 16:36
| |||
| |||
 سبدلا .......شق الحيط واتدلا المشاركة الأصلية بواسطة صاحبة السمو نحن سبدلا تبعنا كان امرأة ...... كان أسمها أم الليل 
 كانت تعيش بشجرة بالغابة ....وبالليل بتلف عالبيوت مشان تاكل الولاد الفايقين .....وتحط عظامهن بكيس بتشيلو على ظهرها .........  ذكرتوني بحكايا الطفولة .... كان في قصة وشخصية مشان كل شغلة : شعبان البليد  .......... مشان نتعلم ترتيب غراضنا بالغرفة أم الليل مشان ننام عالوقت  وفي واحد تاني ....نسيان أسمو ...... هادا كان يخطف الولاد اللي بيطلعو من البيت بدون أذن أهلن ويخبيهن بكيس خيش تحياتي  |
|
#8
Aug, 09 2008, 17:08
| |||
| |||
شكرا لك |
| قال العضو التالي أسمه شكراً لك يا Mr.sad على هذه المشاركة المفيدة: | ||
|
#9
Aug, 09 2008, 21:16
| |||
| |||
| المشاركة الأصلية بواسطة subzero
هاد كان اسمو أبو عدل...اسألني أنا...  |
|
#10
Aug, 10 2008, 19:40
| |||
| |||
في حبدلا ما بتعرفو ؟ هاد اخوه لسبدلا |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| هي هو، هو هي.. أجل، لطالب الطب قلب أيضا.. وأيّ قلب! | سنفور | هديل الروح | 11 | Apr, 21 2007 04:01 |
| قلب محب... | Mr.sad | هديل الروح | 3 | Apr, 06 2007 21:44 |
كل الأوقات حسب GMT +2، والوقت الآن 03:29.
