يلا ياجماعة....همة شوي...بلشت.....وهي انا رح ابدأ بالهضمية مع انو لساتي مبتدأ جدا...بس مع الشباب الطيبة...منتساعد...
الحالة الاولى.....هضمية....
القصة المرضية....
الاسم:م ع
العمر:35
المهنة:عامل
الوضع العائلي:متزوج
الشكاية الرئيسية:الم بطني مع امساك تام منذ اسبوع
تفصيل الشكاية:راجع المريض الاسعاف بقصة امساك تام منذ 7ايام ذكر الريض قصة عدم تغوط بشكل تام مع خروج غازات بكميات قليلة مترافق مع اقياءات متكررة يذكر ان الامساك مترافق مع مضض معمم في البطن على اشده في الحرقفية اليمنى لايذكر المريض قصة ترفع حروري او عرواءات...
السوابق العائلية:لاوجود
السوابق التحسسية:لاوجود
السوابق المرضية:لاوجود
السوابق الجراحية:لاوجود
العادات والغرائز:
التبول:طبيعي
التدخين:2باكيت باليوم
الكحول:لا
الشهية:ضعيفة
التأمل:المريض واعي ومتجاوب ومتوجه في الزمان والمكان ولاوجود للشحوب واليرقان والزرقة
فحص الصدر:طبيعي
فحص القلب:اصواب طبيعية
فحص البطن:طبلية مع مضض راجع اما بالجس العميق لايوجد كتل....
بالاصغاء:اشتداد الحركات الحوية...
بالقرع:أصمية في الجانب الايمن من البطن....
بانتظار ردودكم ومشاركاتكم....وملفات الهضمية.....ومقارباتها...لحتى احسن احكي شوي فيها...فرجونا شطارتكن....
في حفظ الله
وسيم

اهلين وسيم وشكرا على مشاركتك

خلينا نشوف قصتك...

القصة المرضية....
الاسم:م ع
العمر:35
المهنة:عامل
الوضع العائلي:متزوج

اول شي بس بدي ذكر بنقطة هامة وهي الحفاظ على خصوصية المريض...يفضل عدم ذكر اسم المريض ومكان سكنه والاكتفاء بوضع رموز
اسم المريض ما بنكتبه غير على اضبارة المريض بالمشفى او عندك بالعياده على كرت المريض.

الشكاية الرئيسية:الم بطني مع امساك تام منذ اسبوع
تفصيل الشكاية:راجع المريض الاسعاف بقصة امساك تام منذ 7ايام ذكر الريض قصة عدم تغوط بشكل تام مع خروج غازات بكميات قليلة مترافق مع اقياءات متكررة يذكر ان الامساك مترافق مع مضض معمم في البطن على اشده في الحرقفية اليمنى لايذكر المريض قصة ترفع حروري او عرواءات...

بالنسبة للشكاية الرئيسية، بنكتب عادة بس المشكلة اللي بيعاني منها المريض بدون اي تفاصيل او اضافات من عندنا، انت هون كتبت "منذ اسبوع"، هي المعلومه لازم تنحط مع تفاصيل الشكاية
(يمكن تقول شو هالبياخه ما فرقت كتير، بس بالستاجات الدكاتره بيدققوا على هالامور كتير لاننا لازم نتعلم الطريقة الاكاديمية بكتابة القصة)

بالنسبة للتفاصيل، لازم تفصل بالاقياء (شو نوعه؟ صفراوي-مواد طعامية-مدمى) كمان علاقة الاقياء مع الوجبات (بعد الطعام مباشره ام لا علاقه له بالطعام) وكم مره (يعني اقياء لمرتين او 3 وبعدها توقف الاقياء يوجهنا لاتهاب زائده بينما لو اقياءات متكررة اكثر من ذلك ممكن يوجهنا لغير شي مثلا انسداد امعاء)

في نقطة تانيه، وهي الفرق بين الألم والمضض، الألم هو احساس المريض بالالم بشكل عفوي بدون جس البطن، بينما المضض هو الاحساس بالالم بعد وضع يد الفاحص على منطقة معينه.
بالتالي بالقصه ما بنذكر وجود مضض، لأنه بيتبع الفحص السريري، انما بنقول "يوجد ألم"

العادات والغرائز:
التبول:طبيعي
التدخين:2باكيت باليوم
الكحول:لا
الشهية:ضعيفة

ما ذكرت النوم؟، والتغوط؟ (صحيح ذكرت بالقصه انه في امساك بس بنكتبه مره تانيه هون)

التأمل:المريض واعي ومتجاوب ومتوجه في الزمان والمكان ولاوجود للشحوب واليرقان والزرقة
فحص الصدر:طبيعي
فحص القلب:اصواب طبيعية
فحص البطن:طبلية مع مضض راجع اما بالجس العميق لايوجد كتل....
بالاصغاء:اشتداد الحركات الحوية...
بالقرع:أصمية في الجانب الايمن من البطن....

بالنسبة للفحص السريري، بنبدأ بفحص الجهاز الذي جاء المريض بشكاية فيه، يعني بهالحالة بنبدا بفحص البطن وبنترك فحص الصدر والقلب للاخير. وبنكتبها تحت عنوان "استقصاء باقي الاجهزة"

بالنسبة لفحص البطن، يفضل ترتبها كل اجراء لحاله
ويفضل ترتيب الفحص كالتالي: تأمل- قرع - اصغاء (قليل الاهمية) - جس سطحي- جس عميق

التأمل انت ذكرت التأمل العام بس ما تأملت البطن، بتأمل البطن بنبحث عن وجود ندبات جراحية، تمدد بطن، فتوق..الخ

القرع والاصغاء بنعملهم قبل الجس لانه بالجس ممكن نحرك الغازات اللي بالامعاء او تتنبه الحركات الحوية بفعل الجس بالتالي لما بنصغي بنسمع اصوات مختلفه عن الحاله الطبيعية

الترتيب السابق ليس مقدس وكل دكتور بيقوله بطريقه بس انا اقنعني اكتر شي هالترتيب


بتوقع هالملاحظات كافية وبشكرك على مشاركتك ونشاطك وقصتك تعتبر جيدة بالنسبة لطالب طالع عالرابع
بانتظار المزيد من المشاركات

تحياتي

منكمل بالهضمية..و هذه محاولتي الأولى...
الاسم:ف ح
الجنس:أنثى
العمر :33سنة
الحالة العائلية:عازية
الشكاية الرئيسية:ألم شرسوفي_إقياء دموي-إسهالات مخاطية_تغوط زفتي
التفصيل:المريضة تعاني من ألم شرسوفي منذ أسبوعين_يشتد الألم بعد تناول الطعام_مع إقياءات متكررة طعامية تطورت إلى إقياءات صفراوية و دموية_مترافق مع إسهالات مخاطية غزيرة و متكررة(4مرات باليوم)_وتغوط زفتي(أسود)_مع نوبات ترفع حروري و عرواءات_و دوار.
السوابق المرضية:قرحة بالمعدة (منذ سنة ونصف)_التهاب كولون تقرحي
حمى تيفية
الجراحية: أربع عمليات(استئصال اللوزات_استئصال الزائدة_استئصال المرارة_ناسور بالسرة)
التحسسيةو الدوائية:حساسية من تناول بعض الأطعمة(البرغل البيض..)_المريضة تستخدanti histamineعند اللزوم
الأدوية السابقةuspatalina_Clarithromycin_Lansopra zole
العادات و الغرائز
التدخين و الكحول:لا
الشهية:ضعيفة(نظراًلأن الألم يثار بتناول الطعام)
الوزن:نقص 12كيلو خلال شهرين
التغوط:زفتي_إسهالات مخاطية متكررة(4مرات باليوم أو أكثر)
التبول:حرقة بالبول _لايوجد دم
النوم:طبيعي و أحياناً ارق
الطمث و التمنيع:غزارة الطمث مع تكرره مرتين بالشهر
الفحص الحكمي:التأمل العام:المريضة واعية و متجاوبة و متوجهة للزمان والمكان_شحوب_لا يرقان_لا زرقة-ندب جراحيةفي البطن دالة على العمليات التي خضعت لها المريضة(زائدة ومرارةو ناسور بالسرة)
الجس:ألم شرسوفي يمتد للمراق الأيسر_لا ضخامات حشوية
القرع:أصمية متنقلة
استقصاء بقية الأجهزة
أصوات القلب طبيعية
أصوات الصدر طبيعية
العلامات الحيوية مستقرة(الضغط100/50ملم زئبقي_النبض نظامي_الحرارة36مْ)

طيب لازم نحكي عن أي قصة ............الأولى ولا الثانية ..........

طولوا بالكم مشان نقدر نفهم القصة الأولى وبعدين نشوف قصص جديدة ........

مع الشكر

خود راحتك شكازولو احكي عن القصه الي بدك ياها

يعني هدفنا نوصل للقصة المثالية بغض النظر عن التشخيص


قصة الاخت ياسمين ممتازة، لي عودة مع بعض التعليقات الصغيرة

تحياتي

أيوا هلأ فهمت عليكم ..........

يعني إنتم بدكم تناقشوا قضية كتابة القصة السريرية وليس التشخيص وغير ذلك ........

طيب أنا عندي تعليقاتي على القصص ..........انتظرونا

متل ما قلت انه قصتك اخت ياسمين كويسه كتير بس عندي كم تعليق صغير

التفصيل:المريضة تعاني من ألم شرسوفي منذ أسبوعين_يشتد الألم بعد تناول الطعام_مع إقياءات متكررة طعامية تطورت إلى إقياءات صفراوية و دموية_مترافق مع إسهالات مخاطية غزيرة و متكررة(4مرات باليوم)_وتغوط زفتي(أسود)_مع نوبات ترفع حروري و عرواءات_و دوار.

بالنسبة للالم البطني لازم ما ننسى نسأل المريض عن انتشار الالم لمكان آخر...يمكن انتي سألتي المريضه ونفت هالشي..لازم بهالحاله تكتبي "الم شرسوفي غير منتشر"
كمان لو قدرت المريضة تحدد طبيعة الالم (حارق-طاعن-ماغص) بيكون افضل، لانه لو كان هالالم بسبب القرحة المذكورة بالسوابق المرضية (قرحة ناكسة) بتكون طبيعة الالم مميزة جدا وهو ما يسمى بالالم الاصبعي بحيث انه المريض ممكن يحدد مكان الالم باصبعه بالزبط وين صاير.

هاد اللي عندي...بتمنى لو شكازولو او اي حدا تاني عنده تعليقات يفيدنا

تحياتي

شكراً كتير عالمعلومات المفيدة...بس بطلب منكم مساعدتي تشخيص حالتها..حتى و لو تخمين..لكي تكتمل الصورة لدي عن الحالة..
بالنسبة للألم الشرسوفي فهو ألم ماغص منتشر_ليس إصبعي_
وبتمنى منكم متابعة النقد البناء...وشكراً

المشاركة الأصلية بواسطة TURBO

لي عودة مع بعض التعليقات الصغيرة

تحياتي

أنا بانتظارها...

كتير ممتاز......بس شكازولو....وبقية الشباب...بدنا تعليقات عالقصص...وكمان اذا فيكن تفيدونا....بالاستقصاءات المقترحة والتشخيص النهائي.....ابو حميد....ملاحظاتك رائعة والف وردة عليها.........والاخت ياسمين العمر...برافو عليك استفدتي من اخطائي.......وقصتك احسن من قصتي....المهم بدنا نتناقش بالقصص...من حيث شكل القصة الكاملة....والاستقصاءات المفيدة في هيك حالة...مع محاولة وضع تشخيص ولو كان تخمين.....وهيك ان شاء الله بتكون الاستفادة اكتر.....اخ شكازولو...انت وبقية الشباب....بتفيدونا كتير...ماتبخلوا علينا..باي شي..مفيد...بانتظار تعليق بقية الشباب عالقصتين....وماتنسونا اذا فيكن تحطولنا قصة هضمية متكاملة....متل ماعملتوا بالقلبية والصدرية.....وهيك منختصر كتير وقت....ومنروح على تعلم التشخيص وتفسير بعض النتائج....وان شاء الموضوع رح يستمر بجهودنا وجهودكم حتى اثناء الدراسة بالكلية..منشان اي شخص عندو استفسار...عن اي سؤال...والله يوفق الجميع....
في حفظ الله
وسيم