رقص
يدور هذا النقاش حول رقص في قسم هديل الروح في الملتقى الطبي السوري; مو معصمك
لأ شي إله من السِّكِر
دودَخ م َ يتلولحْ
وِبْإصبعو راسي مَ يترنّحْ
ناطر أنا ت كفّك يزتِّ الزّهر
يا بترفعيني ع السما
يا بتشلحيني ع الجمر
***
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| كلمة بكلمة مع مادة النسج (حمل المحاضرة السادسة والاخيرة) | برنامج الامتحانات النظرية للفصل الأول 2008/2009 | نقاش طلابي حول مادة النسج |
| علامات الفيزياء و الجراحة 2 | علامات الطب الشرعي و اللغو |
 |
| | LinkBack | أدوات الموضوع |
Sep, 19 2005, 16:17
| |||
| |||
 رقص مو معصمك لأ شي إله من السِّكِر دودَخ م َ يتلولحْ وِبْإصبعو راسي مَ يترنّحْ ناطر أنا ت كفّك يزتِّ الزّهر يا بترفعيني ع السما يا بتشلحيني ع الجمر *** حبّة مسك خلّيني سرسب من دفا جيدك ع كتفك ع الصدر يرميني نهدك ع الخصر.. عجِّل هدّي ع تلّ من السّحِر إحتار لو كمِّل إحتار لو إرجع قضِّي مع "الضُم ضُم" شي برمة خصر أوّل ما ينقر "تك" إتلاشى *** إبهام إجرِك يرسم مواج البحر ويهيم باللوحة تتمايلي تصطف ع زنودك طيور مشكّلة تشرب عرق جسمك خمر *** بين الندى والليل في صحبة عمر شو تمشوروا بشعرك سوا جنّ الشعر لزّق ع خدّك بوّسو وانسلّ ع الشفّة خصلات بدّون يلحقوا مهبّ الهوى وخصلات بيحبوا الأسِر  من مدونة الشاعر عليب رقماني إبداع مو هيك؟  |
|
#21
Jan, 12 2007, 01:40
| |||
| |||
| ترى أنا حكيت عن الرقص الشرقي الأصيل مو عن الرقص ..... نوبدي :
كين:
خلص خلص ... انت بعملك استثناء خصوصي من التعميم ... هي ما بعملا لمين ما كان بس مشان غلاوة راسك ...
|
| قال العضو التالي أسمه شكراً لك يا Hani على هذه المشاركة المفيدة: | ||
|
#22
Jan, 12 2007, 04:27
| |||
| |||
| هاني انا وقت عمقلك انو الرقص الشرقي الو عدة انواع ...... كانت الغاية قلك انو مقارنتك لاحد انواعو بارقى انواع الرقص الغربي مقاومة غير عادلة ...  ... مو لانو هالرقص هو الاسوء بالشرقي ... وانما لانك عبتقارن سوء ممارستو مع أفضل صور الرقص الغربي |
|
#23
Jan, 12 2007, 04:32
| |||
| |||
 وهاي وردة كمان على كل اللي عندي حكيتو بمشاركاتي, بس نقطة أخيرة...... في حياتنا بشكل عام , لا يمكنك أن تتكلم بشكل مطلق..... وحتى في أكثر الفروع قابلية للنقاش العلمي, والطب على رأس القائمة , لا يجوز أنو تقول هالحقيقة أو هالمعلومة مؤكدة 100% .... فكيف تستطيع ذلك في نقاش حول الرقص  هناك موضوع سبق أن طرحته في المنتدى وهو ( الرسم على الجسد ) للفنان دانييل عرضت فيه صورا مرسومة على يد بشرية..... الحقيقة لو أن المنتدى يسمح بنشر الصور التي اردت أختيارها من أعمال الفنان دانييل... هل تعرف ماذا كنت قد أخترت؟..... كنت سأختار رسوم دانييل على أجساد أنثوية عارية تماما, وفيها عبر الفنان عن فنه بطريقة رائعة... ولكن أعتقد أن الموضوع كان سيحذف مباشرة, وأنا أريد أنشر موضوعا مقبولا بشكل عام, ولا أريد أن تتعرض أيا من مشاركاتي للحذف..... ففضلت نشر صور اليدين... ليش عم بحكي أنا هالحكي؟ أنا بحب أأكد أنو الفن أذواق ما يعجبك, قد لا يعجب غيرك, والعكس بالعكس...... وأهواؤنا تختلف.... ودفاعي عن الرقص الشرقي ليس لأنني أراه الأجمل..... في الواقع أنا أهتماماتي غربية بأمتياز لدرجة أنني لا أسمع موسيقا عربية ولا أقرأ حتى الشعر العربي.... لأنني لا أتذوقه ( بس عم بلش حس أنو العيب فيني بصراحة  ).... لكنني أحترم من يمارسوهما...اذا لمست من مشاركاتي أنني أدافع عن النظرة الجنسية للراقصة الشرقية.... فأنت مخطئ... أنا في الحقيقة أدافع عن أحساسي بالرقص الشرقي الذي ينتابني عندما أرى فتاة ترقص معي هذا النوع من الرقص, وأنا هنا أثق بأحساسي and you are not in my shoes to tell me how i feel, وأعرف كيف أفسره بنفسي ولست بحاجة لتعريفات للفنون من اي مصدر لأؤكده, مع أحترامي لمن يلجأ للتعريفات, ومن هذا المنطلق دخلت في النقاش حول الموضوع....ومن مبدأي بعدم النقاش بأي موضوع في المنتدى أذا لم أكن أعيش التجربة المطروحة للنقاش, أو على الأقل مررت فيها ...... دخلت ليس لأطلق أحكاما مسبقة.. بل لأعبر عن رأيي, ورأيي فقط , والمبني على أحساس قائم لتجربة معاشة... بأعتبار بنات مجتمعنا بيرقصوا هالنوع من الرقص ونحن معهم في الصالات نرقص... ولكن حتى أذا نظر الرجل للراقصة الشرقية نظرة جنسية, فانا لست في موقع الحكم عليه وأدانته بالأنحطاط.... هو حر بنفسه أذا كانت شهوته تقوده... يصطفل منو لحالو الحقيقة لا أتمنى أن يكون رأيك مستقى من تعريفات الرقص الشرقي فقط أو من مراجع, لأن هذا الموضوع ليس علميا بحتا ( على الرغم من وجود أسس وقواعد له)وحتى ماسميته بالوصف التجريدي, غير كاف... لتبني شعورا.... وحتى لو شفت عالتلفزيون.... كمان لايكفي .... بتمنى يكون مبني على واقع معاش... تقارن فيه بين الرقصات التي تمارسها أو تشارك من يمارسها( هون عمبحكي على كل درجات الرقص الشرقي, من الرقص اللي بيكون مجاملة متل ما قال نوبدي, للبنت الي بترقص شرقي من قلب ورب, مع حركات أجزاء الجسد اللي عبرت حضرتك عنها ب (......) )... عندها تستطيع بناء رأي مكتمل الجوانب, ان كان بالرفض والأشمئزاز .أو القبول والأستمتاع..... وذلك الرأي الذي تبنيه مهما يكن يبقى لك وحدك, لاتستطيع بناء عليه الحكم على غيرك بالتعميم الذي شملني وشمل غيري ( رغم مجاملتك لي بأستثنائي) ملاحظة شخصية صغيرونة: ( محسوبكم لا يفقه بالدبكة شيئا ) |
|
#24
Jan, 12 2007, 07:44
| |||
| |||
| حبيبي هاني، صرلي زمان ما شفتك.. واشتقتلك.. في صورتين لرسام واحد، هنن الماخا العارية والماخا الكاسية.. (والرواية اسمها مايا مترجمها ياسين حاج صالح .. وبنصح بقرائتها..) فيك تسأل أي حدا.. شاب أو بنت.. أيا وحدة أجمل.. وببساطة بقول.. العارية طبعا.. هدا سؤال..! ما فيك تفصل المميزات الجنسية للأنثى عن جسدها .. وتقلها عبري عن حالك كإنسان.. ما بعرف شو هو هدا الكائن يلي رح يطلع.. إنسان ناقص أنثى.. شو بيساوي؟؟ ما بعرف.. هدا جزء من هالكائن.. الغريب.. (والجميل) أساسي من إحساس الأنثى كإنسان بحالها.. هو كونها أنثى.. ما فيك تقطع الأعضاء... غير هيك، شو بتفسر إنو الصبايا بيرقصو بحفلات البنات رقص شرقي.. (هز.. يعني..) في إحساس being mature عند الصبية.. هو إحساس أعقد من مجرد إغواء الرجل.. في نقطة هامة.. إنك أخدت الموضوع بحكيك لمنحى كتير بعيد.. وهو يمكن -معك من بين يلي شاركو بالنقاش.. - من دون الآخرين.. بحاجة لنقاش وهي هل الجنس مقزز أم لا.. هدا موضوع بده تحليل قبل نقاش هل الرقص الشرقي جنسي فقط أم هو فن.. يمكن لو مشينا شوي بالنقاش.. بشكل آخر، إنو التفاصيل الجنسية ليست قاذورات.. بنوصل لتقييم مختلف للرقص الشرقي.. أنا قلت بالبداية.. في حاجة لعزل الموضوع عن بيئته السينمائية (قليلين من يلي موجود، شافو رقص شرقي حقيقي.. ) والسكر والعربدة والشرإلخ.. ووقتها ممكن يناقش.. أكيد لما بتشفلي ياها مع فاروق الفيشاوي والكاس بإيده وعيونه ناطة وعم ... بالراقصة.. ويفتل حولها.. وبعدها إلخ.. بدك تحس بالقرف.. بس حاله أخرى.. راقصة (بتياب وخلاخيل، أو بلا تياب وخلاخيل.. ) ومشاهدين.. عشاق خلينا نقول، فنانين، ملائكة.. شياطين .. شو ما هنن.. وهي بالسما.. وهنن عم يعبدو بصمت.. أو على نار.. بكون مختلف.. أو حبيبين.. (مع إني ما بحب فكرة إنو الحبيبة ترقص والحبيب يتفرج.. بحبهن يشتغلو مع بعض.. ) حتى لو كان بآخر المشهد في جنس.. خود المشهد يلي قدمته حنان ترك، بأحد أفلام يوسف شاهين.. (ما بذكر شو هو.. ) لما لبست بشكل محظية.. ورقصتله لحبيبها.. مشهد بالسما.. بالحب.. كل شي مسموح.. وأكتر من هيك.. كل الحالات مطلوب تجريبها.. وهي حاله حلوة.. وبدوم الرقص ... ليوم القيامة (وحتى بعد يوم القيامة..) |
| الأعضاء الـ 2 التالية أسماؤهم قالوا شكراً لك يا سنفور على هذه المشاركة المفيدة: | ||
|
#25
Jan, 13 2007, 16:14
| |||
| |||
سنفور ، لاحظ شو كان مطلع طلعتي :
بس أنا وضحت ارتباطه برموز جنسية فجة على نحو مبالغ فيه ، وبعدين أنا ما قلتلك الجنس مقزز أو مخشب :~) العرف انو الفنون الجنسية (الإباحية) تعتبر مقززة ، لأن الجنس تاريخيا كان محله بغرفة النوم .... هي الأمور مجرد أعراف تحكمية ؛ انو في شي راقي وشي مو راقي ... والفن الإباحي مو راقي ؛ عرفًا .....
معادلتك هذه خطيرة جدا ، لأنك عم تقول انو إذا طرحنا من المرأة "........" و "........." فقدت إنسانيتها ؟! بمعنى ان المرأة بلا "........" و "........." ليست إنسان ؟! ..... مفهوم الجنس أوسع جدا من هذا الطرح ... وإذا المرأة التزمت ببعض الضوابط الذوقية مو معناها انو فقدت انسانيتها و السيكس أبيل تبعها ..... |
|
#26
Jan, 15 2007, 01:02
| |||
| |||
| حلوة هالصدفة اليوم عاتصفح سيريا نيوز قريت موضوع عن الرقص مع انو طريقة الطرح ما حبيتها ... بس حلو انو نقرا بقلم مختلف المستوى والتوجه |
|
#27
Jan, 15 2007, 05:45
| |||
| |||
| سؤال ...........
هاي ........ قصيدة ؟؟؟ ولّا ايش بالضبط ؟؟؟؟؟؟؟؟؟؟؟؟ الصراحة فكّرتها كلمات أغنية لـ ( علي الدّيك ) ......... خصوصي انو اسمها ( رقص )........ قلت شنكول جايبلنا كلمات الأغنية و بدّه يانا ندبك عالكيبورد .....و نلولح بالماوس ....... فيطلع معنا ردود عالـ ( قصيدة !!!!!! ) عذرا منك شنكول العزيز |
|
#28
Jan, 15 2007, 16:32
| |||
| |||
| زين الدين أنا مقدر اختلاف الأذواق بيني وبينك ... لكن سؤالي ... انت سمعت بالزجل؟ قصيد الزجل؟ وبكل أنواعه؟ |
| قال العضو التالي أسمه شكراً لك يا Shankool على هذه المشاركة المفيدة: | ||
|
#29
Jan, 17 2007, 09:03
| |||
| |||
| العرف انو الفنون الجنسية (الإباحية) تعتبر مقززة ، لأن الجنس تاريخيا كان محله بغرفة النوم .... بيساوي إنسان أنثى .... هدا الكائن مو صناعة جديدة بدها تنصنع ، طول عمرها الأنثى كان مجردة من مظاهر الجنس الفجة الظاهرة في العلن ، وذلك بمفاهيم مثل الإتيكيت والذوق والمانرز وأمثالها .... ومع هيك هل فقدت تميزها كأنثى ؟! معادلتك هذه خطيرة جدا ، لأنك عم تقول انو إذا طرحنا من المرأة "........" و "........." فقدت إنسانيتها ؟! بمعنى ان المرأة بلا "........" و "........." ليست إنسان ؟! ..... مفهوم الجنس أوسع جدا من هذا الطرح ... وإذا المرأة التزمت ببعض الضوابط الذوقية مو معناها انو فقدت انسانيتها و السيكس أبيل تبعها ..... [/quote]أي تاريخيا؟؟ كان الجنس بالمعابد، وكان الجنس جماعي بالأعياد الربيعية، وكان الجنس بكل محل.. بتاريخ حضاراتنا الشرقية.. وإذا بدك بالرومان فكمان بكل محل في حب.. وفي جنس.. بعدين م تحكي عن عمرها للأنثى.. في عندك إذا بدك بعض القبائل الإفريقية بتعبرلك عن طفولتها للبشرية الأنثوية.. كتير فجة .. وظاهرة زيادة عن اللزوم للعيان.. هي الأتكيت والزوق والمانرز.. هي كلها شغلات جديدة.. ومتغيرة بين وقت وتاني، وماي قانون ثابت.. حسب وضع المجتمع(مابدي قول تطوره.. لإنها ما إلها علاقة بالتطور والتأخر..) وحسب إحتكاكه مع غيره.. إذا بدك خود المجتمع السوري نفسه.. فيك تشوف أفلام الستينات وخصوصا يلي فيها شباب وجامعات.. أو حتى بالضيع.. وشوف هلأ.. أفلام اليوم.. أو مسلسلات اليوم.. هلأ.. الناس عم تحاول تكسر تابوات لحتى تحكي عن مواضيع كانت عم تمارس كشيء عادي.. وأتكيت ومانرز.. وإلخ.. هلأ.. أنا ما طرحت المعادلة بالشكل يلي إنت قلته.. أنا قلت.. إنو الإنسان هو كائن ذو جنس.. يعني ما في شي اسمه .. بتسأله أنثى ولا ذكر.. بقللك إنسان.. الإنسان يا أنثى يا ذكر.. هو إنسان أنثى وإنسان ذكر.. بس مافي إنسان لا أنثى ولا ذكر.. يعني هدا الإنسان المجرد موجود عند التجريد الأفلاطوني.. بس هو كائن غير حقيقي.. وأنثوية الإنسان أو ذكوريته هي جزء محدد لإنسانيته نفسها.. وبكونه غير أنثوي وغير ذكوري فهو غير إنسان.. يعني بمعنى آخر إذا حرمت إنسان من التعبير عن هويته الجنسية (الجندر) فإنت عم تحرمه من تعبيره عن إنسانيته إذا طرحت مدري شو من الأنثى.. فإنت انتهكت إنسانيتها... بجوهرها.. ونفس الشي إذا خصيت الرجل.. بتكون قضيت عليه!!!! بالمرة.. وجربها |
|
#30
Jan, 19 2007, 07:56
| |||
| |||
| تمام .. الموضوع كان عن الرقص .. قلنا اوكي .. الشباب بدهن ياخدوا نفس .. هلئ قلب عن الجنس .. لوين بدكن توصلوا آخرتها ؟؟ وهذا إن دل على شيء فإنما يدل فعلاً على ان الرقص هو باب للجنس .. يعني الزنا .. (إذا كان بالحرام) .. وأبسط دليل هو الموضوع تبعكن هاد .. إذا موضوع عالمنتدى ما قدرتوا تضبطوا أعصابكن بدون ما تحكوا عن الجنس .. فكيف اللي عم يتفرج عرقاصة اونلاين طلعوا من هالبواب .. حاج تقولولي فن وما بعرف ايش .. ببساطة .. الرقص هو وسيلة إغواء تنتهي بالجنس .. كما انتهى موضوعكم هذا ,,, والسلام عليكم |
| قال العضو التالي أسمه شكراً لك يا BigBoss على هذه المشاركة المفيدة: | ||
