زملائي الاعزاء.......
هل يحق لخريجين الجامعات غير السورية التقدم لمفاضلة الدراسات العليا؟
هذا السؤال كان يشغلني دائما.
والجواب هو نعم يحق لجميع الطلاب العرب والاجانب التقدم لهذه المفاضلة
بالنسبة للاوراق المطلوبة هي كالتالي:
1.
1-صورة عن الدبلوم.
2-صورة عن كشف العلامات.
3-كشف منهاج(عبارة عن كتيب مشروح فيه المقررات والمواد التي تدرسها في الجامعة(لاتنسى تجيبو معك بعد التخرج).
4-صورة عن شهادة البكالوريا(بالنسبة للطب البشري والاسنان والصيدلة لازم تكون البكالوريا علمية حصرا).
5-صورة جواز السفر(صور كل الصفحات المختوم عليها حتى ولو كان عندك اكتر من جواز).
6-صورة عن قرار التعديل(عبارة عن جدول نتائج فحص التعديل موقعة من لجنة تعادل الشهادات ومن وزير التعليم العالي وختم الوزارة وهي بالعادة تكون موجودة بديوان وزارة التعليم العالي,والحصول عليها سهل جدا).
7-صورة عن الهوية.
8-صورة شخصية(عدد 1 واحد).


هيك بتكون جاهز 100% ان شاءالله.

طبعا في سؤال واحد مارح نعرف جوابو حتى تطلع نتائج المفاضلة الا وهو
المعدل....هون حطنا الجمال
للاسف الشديد ماحدا رح يعرف معدلو الا بعد ظهور النتائج هن رح ينزلو اسم الطالب ومعدلو والاختصاص الذي قبل فيه.

معلوماتي بسيطة ولكن عندي رؤوس اقلام رح اقلكم عليها
لكل جامعة في سلم علامات (في جامعات سلم علاماتها من 5, وغيرها من 10, وغيرها من 3. يعني كل دولة الها نظام خاص فيها)

انا شفت قرار وزارة التعليم وكان فيه طريقة حساب معدلات الجامعات غير السورية.
وانا ركزت على سلم ال 5 درجات (لانو علاماتي من 5).وهو كالتالي:
ال 5 = 75 ( والله حرام يعني شلون زبطت معون ال 100% بتصير 75 % على اي اساس زبطوها)
وال 4 = 68 (وهي كمان ال 80% بتصير 68%) ( بس والله عم يظلمونا كتير ياشباب,يعني لو يحذفوا 10 % بس، كنا بالف خير)
وال 3 = 60
حاولت احسب معدلي ولكن مازبطت معي لانو هالعملية معقدة جدا والله يعين البدو يحسبلنا معدلاتنا (المهم مايخربط ويطيرلنا كم علامة ويخرب بيتنا).
بس سمعتلكم انو حساب المعدل رح يكون عالكمبيوتر وفي برنامج خاص لحساب المعدلات....

واللي عندو معلومات ادق ياريت يضيفها

نسيت اقولكم انو كل الاوراق اللي بتجيبوها معكم من بلد الدراسة لازم تكون مصدقة من وزارة الخارجية للدولة المانحة للشهادة(وفي بعض دول بدها تصديق من وزارة العدل كمان) والسفارة السورية في تلك الدولة،وبعدين بدها ترجمة وتصديق من وزارة الخارجية السورية بدمشق

السلام عليكم ..


أول ما قريت العنوان، طلع معي : ((بدك تتفضل عالدراسات العليا؟!)) ههههه، بس بعد ما فركت عيوني مشي الحال. والعنوان التاني برأيي معبّر أكتر. تفضلوا !!!!!!


سمعت (ومعظم أصحاب الشهادات الغير سورية لديهم سمعات، حتى لو كان المصدر : مصدر مسؤول من وزارة التعليم العالي ما شاء الله عليهون)، أن رح يغيروا نظام حساب العلامات اللي سقفها بيختلف عن السقف السوري. وبحسب نسبة تواجدها في لوحة علاماتك. وقتها بعمرو الواحد ما حيحسن يحسب معدلو !.


طريقتون بالحساب الحالي غلط 100%. بس كمان غلط تنحسب بأدنى الدرجات (والله نحنا كمان كنا طلاب ومنعاني). ما عندي أدنى فكرة كيف ممكن يكون إنصاف بحساب العلامات وترجمتها عالمسطرة السورية. يله هيك الدني ......... ظلم وتحكّم.



ولكن ..........
Пяти бальная шкала в своем роде тоже не очень точная




والسلام عليكم