مقدّسات الإنسان تحت المجهر
يدور هذا النقاش حول مقدّسات الإنسان تحت المجهر في قسم اجتماعيات في الملتقى الطبي السوري; أريد أن أعرف فقط كيف يصبح أي أمر في حياتنا مقدّساً؟ مثلاً الدين الأخلاق السمعة ربّما هي مقدّسات عند الكثير منّا أليس كذلك؟
وفي الوقت الّذي يكون المقدّس لدينا ليس
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| كلمة بكلمة مع مادة النسج (حمل المحاضرة السادسة والاخيرة) | برنامج الامتحانات النظرية للفصل الأول 2008/2009 | نقاش طلابي حول مادة النسج |
| علامات الفيزياء و الجراحة 2 | علامات الطب الشرعي و اللغو |
 |
| | LinkBack | أدوات الموضوع |
Sep, 23 2005, 08:44
| |||
| |||
| مقدّسات الإنسان تحت المجهر أريد أن أعرف فقط كيف يصبح أي أمر في حياتنا مقدّساً؟ مثلاً الدين الأخلاق السمعة ربّما هي مقدّسات عند الكثير منّا أليس كذلك؟ وفي الوقت الّذي يكون المقدّس لدينا ليس مقدّساً لدى غيرنا، ومقدّس غيرنا ليس مقدّساً لدينا وعندما لا نقبل النقاش في مقدّساتنا ونرى الآخرين يخوضون غمار مقدّساتنا نقداً وتمحيصاًّ!!!! ما هو التصرف السليم برأيكم في مثل هذه الحالة؟ من خلال تجاربكم وآرائكم ومعارفكم  |
|
#21
Apr, 18 2007, 04:03
| |||
| |||
| لأنو الأقليات .. ووضعا بسوريا مانا محور النقاش هلق .. بتمنى ما ترجعوني لهالنقطة الله يخليكن .. اما عزيزي بيغ بوس ( ولا قلك بلا عزيزي انت لا عزيزي لا من قريب ولا من بعيد بس هي مكولكات بتلزم كبداية حوار يعني  ) مشكلتك عم تحكي عن الحرية بطريقة ... كأنك عم تهديه هبة للآخر .. الحرية حق .. مانا هدية بياخدا الواحد عالعيد ... هالحق .. المسؤول طبعا ً ... بيكون تحت نظر القانون ... الفرق بيني وبينك ( في فروق كتير بس بهالنقطة قصدي ) أني ما بحب اضحك على نفسي بخطابي مع حالي انو مجتمعي نضيف ومجتمعي بالواقع ملعون سلافو كبت ... ومتمحور حول الجنس .. وفيو انحرافات جنسية ليوم الانحرافات ... الحدود .. تبعون الحرية .. بيحطن القانون ( وطبعا ً المدني .. اللي فيه الكل متساوي ) فوين بيحب يمارس الجنس ... وبيحب يقول أو ما يقول .. هادا شي ما أنت بتحددو ..  هلق منجي للنقطة الأساسية اللي كتير عم نبعد عنها ... يعني شايفين حابين تحكو عن وضع الأقليات ( افتحو موضوع بس انا ما رح فوت  ) يعني حابين نحكي عن الحرية والبارات والجنس ومدري شو ( كمان افتحو موضوع ) لأنو الموضوع عم يتشتت كتير منرجع للمقدسات .. شو يعني مقدس ؟؟ أنا إذا حصرت مقدساتي ... بالفترة الأخيرة ( وهي طبعاً متغيرة ) المسيح مقدس والأنجيل مقدس والكنيسة مقدسة بطرس ( أنا كتير بحبو ) فهو مقدس الحرية مقدسة الأنسان مقدس سوريا مقدسة الكلمة مقدسة ( من سنتين كانت فلسطين مقدسة بس هلق ما عادت ) كلما بحب حدا   بشوفو مقدس الجنس بين تنين بيحبو بعض مقدس ... هي انا .. شوف بقى الملحد والمسيحي والسني .. والشيعي والمشرك وعبدة الشيطان .. وعبدة الجنس القومي السوري بيشوف الزعيم انطون سعادة مقدس .. والشيوعي بيشوف عمو لينين مقدس والنازي بيشوف هتلر مقدس هلق ما فيني أنا ... من باب احترام المقدسات ما احكي بكل اللي فوق .. أي بشو بدنا نحكي يعني بدي أحترم هتلر بس لأنو في واحد نازي  بيشوفو مقدس .. ماني مع الأساءة لمجرد الأساءة بس .. كمان ماني مع الحساسية المفرطة تجاه المقدسات يعني عطونا شوية مساحة نتحرك ... يا أخي .. انت ما بتشوف المسيح رب .. ومع أني بعشق المسيح عشق .. بس ما اتكهربت ولا انهزلي رمش ( اللهم ألا الرفة الطبيعية تبع عيوني ) لسبب بسيط هي قناعتك وانت حر فيا .. ما رح اسعى اني غيرك ولا رح اسعى حتى أتعايش معك ... رح أسعى أشوف انك مختلف ( ما بحب اضحك عحالي ودور عنقاط التشابه ) وأقبل اختلافك واحترمو قدر الأمكان ... بس بالمقابل رح احترم أفكاري ( الأفكار لها أجنحة ) بأنها تكون قادرة تفكر بأشياء هي بالنسبة لك بديهيات ومسلمات .. ومقدسات ( سمايلي ماسك وردة لأنو ما عاد عم يرضى يبعت سمايليز ) |
| قال العضو التالي أسمه شكراً لك يا zorba على هذه المشاركة المفيدة: | ||
|
#22
Apr, 18 2007, 05:31
| |||
| |||
| عيني .. روحي .. قلبي .. حياتي .. (طبعًا كمقدمة للحوار مو أكتر) .. إذا مجتمعك اللي أنت عايشة فيه مليان كبت جنسي وملعون أبو سلافو .. فلا تعممي يا حياتي .. ((وين ما وردت كلمة حلوة .. فالغرض منها الحوار مو أكتر)) نظرة الإنسان بتنبع من القصص والمجتمع اللي هو عايش فيه .. وبكل بساطة .. مجتمعك غير مجتمعي .. فإذا مجتمعك ملعون أبو سلافو من الكبت ومتمحور حول الجنس .. بنصحك تلاقيلوا حل .. بس بعدي عن مجتمعي قد ما بتقدري .. لأنو مجتمعي نضيف وما عندو مشاكل .. اوكي حبيبتي ..؟ عيني .. فيكي تروحي على أوروبا .. على أمريكا .. على روسيا .. بس مو هون .. مجتمعنا مسلم .. ما فيني قول للغرب ممنوع البارات والخ .. اوكي حياتي .. بظنك فهمتي قصدي .. هنيك بتلاقي الحرية اللي عم تطلبيها .. شو رأيك أنك تروحي تنتقدي النازية بمجتمع نازي .. قولتك رح يتقبلوكي؟ منكمل حكي عن المقدس .. هلئ المقدسات كتيرة .. بوذا عن البوذيين مقدس .. أنا باعتبروا صنم .. وهنة قمة الغباء لما بيعبدوه .. أنا حر .. مو هيك ؟ بس ما فيني روح على التيبت واحكي هيك .. لأنو .. بتعرفي ليش .. هلئ خلينا نكون منطقيين .. المقدس الأكثر احترامًا .. هو المقدس تبع الأقوى .. انت الأقوى .. مقدسك رح يكون الأكثر احترامًا .. ما حدا كان يتجرأ يفتح تمو عن لينين في الاتحاد السوفييتي .. لأنو الشيوعية كانت هية الأقوى .. هلئ بالفاتيكان .. ما فيني احكي عالبابا .. لأنو مقدس هنيك .. هون .. فيني هلئ احكي على كيفي .. بس أنا ما باحكي .. ولا رح احكي .. لأنو أنا ما بتعامل مع الموضوع متل حضرتك ما بتتعاملي معو .. هلئ أنت عندك فكر معين عن الحرية الجنسية والسكر والعربدة وهيك شغلات .. أنت حرة ... التفكير مو ممنوع .. ولا حرام .. أنا عندي فكر معين .. أنا كمان حر .. وكلنا أحرار .. بس ما فينا دايمًا نصرح باللي احنا مقتنعين فيه .. لي ؟ احترامًا للآخر .. لأنو الآخر إنسان .. ومتل أنا ما بحب أنو يسيء الي بكلامو .. فلازم ما سيء الو بكلامي .. هلئ أنت حكيتي عن الزنا والخمر .. واستخفيتي بالموضوع وكأنو عم تحكي عن ولا شي .. اوكي .. أنا باعرف أنو هي هية قناعتك (وقناعة كتير ناس غيرك) .. أو ما بعرفها .. هاد الشي ما بيهمني إطلاقًا .. وأنت كلك على بعضك ما بتهميني .. مع احترامي لشخصك الكريم ..( مجاملة كمان .. لا تدققي) .. أنا كمان ما بهمك .. شي طبيعي .. بس إذا أنت ما بتهميني .. فكين عزيز عليي وبيهمني .. وطرطوسية وسيتي سكان كمان بيهمني أمرهن لأنهن كمان ولاد دفعتي .. وأنا باحترمهن .. سمعتي شي عن الدياثة ؟ هي صفة تطلق على الرجل الخنزير .. يعني متل الخنزير .. بيشوف زوجتو مع غيرو وما بيغار .. لأنو ما ضل عندو لا نخوة ولا مروءة .. ولأنو بيجوز هو كمان عم يعمل نفس الشي .. فبيقوم بيستحي على شكلو وما بيقدر يطالب زوجتو بشي هو مو قادر عليه .. هلئ كمان في كتير من الاحيان بتلاقي أشخاص ما بيغاروا على دينهن .. إذا أنت هيك .. فأنت حرة ..(شايفة شقد في حريات) .. بس بيجوز يلتقى شخص غيرك .. ملتزم وبيغار على دينو .. بيجوز يكون هاد الشخص أي واحد مسيحي غيرك هون .. لذلك ما فيني أبدًا افتح تمي بحرف غلط على دينك .. لأنو ما بدي حدا يتدايق مني .. لأني ما بحب حدا يدايقني .. هلئ لنعكس الزاوية .. بيجوز تلاقي شخص مسلم ما بيغار على دينو .. بيجوز يكون الك رفقات مسلمين ما بتفرق معهن .. لأ .. وبيجوز يكونوا بيسيؤوا لديني (اللي هنة على أساس بينتمولوا) أكتر منك .. بس هاد الشي .. لو توسعي أفقك شوي .. ما بيسمحلك أبدًا تفكري أنو كل المسلمين هيك ما بتفرق معهن .. وتجي تاخدي راحتك وتسمعينا أفكارك النيرة (لا تصدقي) .. فإذا أنت مانك مع الحساسية تجاه المقدسات .. وما بتفرق معك .. فمو معناها غيرك ما بتفرق معو .. بالمناسبة .. باعرف أنو كليو قدها وقدود وما بدها حدا يدافع عنها .. عين الله حولها وحواليها .. ومع أنو بيشرفني أنو دافع عن كليو .. بس للحقيقة أنا ما كنت عم دافع عنها .. كنت عم دافع عن شي أنا مقتنع فيه .. يعني عن فكرة معينة .. وإذا كنت متفق مع كليو أو أي x من الأعضاء حول فكرة ما .. ودافعت أنا عن هالفكرة .. فهاد لأنو أنا عم دافع عن الفكرة .. مو عن هالشخص بالذات .. بتمنى يكونك استوعبتي هالنقطة كمان .. وهي 3 سمايلات .. وأحلى وردات .. (لأنو الحمد لله .. عندي بيبعت سمايلات)  |
| قال العضو التالي أسمه شكراً لك يا BigBoss على هذه المشاركة المفيدة: | ||
|
#23
Apr, 18 2007, 08:22
| |||
| |||
| المشاركة الأصلية بواسطة BigBoss شوف .. اول شي بدك تروق .. وتروق وتروق .. لأنو حوار بعقلانية ورواق .. بسايرك فيه ومن عيوني ... بس بدك تخانق 
مالي مراق ... منرجع .. بدي أعقب هالنقطة مجتمعك الصحي يا بعدي ... مكبوت جنسيا ( مجتمعك مجتمعي .. أنا أقصد المجتمع .. اللي بيجمعنا كمواطنين بيعيشو بوطن واحد  ) بلكي لو بتحاورني دون إسقاطاتك عليي كوني ميسيحية .. ومن دون ما توصفلي يوتوبيا .. أنا وأنت مندرك أنها مانا حقيقية ومانا واقعية بتريحني وبترتاح ... وبدون ما تحاول .. انك تقولني ما لم أقله .. وتطالعني .. عم عربد طول اليوم   ... أنا اللي قلت أنو اللي حابب يعمل هيك هو " حر " وقلتلك بدك نحكي رأينا بهالقصة فتاح موضوع لحال....  وقتا بعطي رأيي .. اللي بتمنى انك ما تستعمل زكائك باستنتاجو من بين السطور لأني وقت بشوف شغلة وبآمن فيا بكتبا وبصريح العبارة ما بتركلك ياها .. تدور عليا . ... ... كمان ... اللي ما بسمحو لأي حدا .. أنو يقلي تركي البلد .. ‘إذا ما عاجبك .. ويقلي هالمجتمع أسلامي .. ديري ضهرك وامشي .. شوف عمو أنا سورية ولا انت ولا غيرك مسموح يقلي وين لازم عيش .. ولا انت ولا غيرك مسمحلو يقيم أنا بنتمي لهون أو لأ... لهيك الله يخليك ... انتمائي لهالبلد مانو موضوع نقاشنا .. هون ... كمان حابب نحكي عن انتمائنا لهالبلد .. كمان افتاح موضوع .. ( بس ما عاد تشتت هالموضوع أكتر ) |
|
#24
Apr, 18 2007, 08:39
| |||
| |||
| هلق منرجع على أنا ورفقاتي .. ومدري مين ومدري شو حاول ما تشخصن الحوار .. تحاور دون شخصنة يعني ... أنا ما قلت انا مع إهانة المقدسات وما بتذكر أني هنت مقدس حدا ...  واما واقع كوني بغار على مسيحيتي أو لأ... كمان هادا شي .. ما بيحقلك تقيمو .. عم حاول أني لاقي جمل حوارية ما فيها شخصنة ناقشك فيا ..
)
 بيبقى فكرتين مفيدات بالرد .. الأولى أنو الأقوى بيحقق المقدس ؟؟ لكان ليش قامت الدني وقت اعتدو على حرمة الأقصى مع أنو هني الأقوى ؟؟؟ ... المقدسات بتحددا الأغلبية لدرجة ما .. وليس الأقوى .. أنا برأيي ( وبتمنى تفهمو كما هو دون إضافات ) أنو ما نبالغ بالدفاع عن مقدساتنا .. يعني ما ننغلق عمقدستنا أمام الفكر والحوار .. انا ما قلت مسبات وإهانات ومدري أنا ورفقاتي .. شو عم نعمل طول اليوم ... أنا قلت .. نكون مرنين بالحوار .. وما يصير كل الفكر مصادر بحجة المقدسات ( ما بتقدر ابدا تلغيني بدك تسمعني وتحكيني ) أما عن احترام الآخر ... انا بحترم انسانيتو قبل علاقتي معو ... يعني انا بحترم البوذيين لأنسانيتهم رغم اني للأسف  ما بعرف ولا حدا بوذي ... ما بكتب خوفا عمشاعر حدا ... بكتب من منطلق شي أسمو ثقافة الاختلاف .. أن احترم أنه مختلف .. وأنو حوارنا ولقائنا على اختلافنا مصدر غنى .. حباب وقت بدك ترد .. انا مرسيل وأمثل نفسي ونفسي فقط ولا أمثل بالمجمل إية طائفة دينية .. أمثل نفسي فقط .. أفخر بانتمائي الديني .. بس بكره وبنزعج وقت أصنف كالناطق بأسمو أنا دوبي انطق بأسمي |
|
#25
Apr, 18 2007, 11:49
| |||
| |||
| هلاء الشيء المتفق عليه انو المفروض كل واحد يحترم مقدسات التاني بس المشكلة وين انو احيانا ما بيتحقق هالشيء بسبب اصطدام الحريات و هون بيت القصيد الخط الفاصل بين الحرية و احترام وجهة نظر الغير يعني متل قصة الحجاب بفرنسا لو في احترام لمقدسات الغير و حرية يتركو اللي بدا تحط حجاب تحطو و اللي ما بدا و اللي بدو يحط صليب او ما بدو طالما ما عم ياذي غيرو و نفس الكلام بدول تانية بتفرض الحجاب ع المواطنات بس كل شيء الو وضعو يعني مو لانو بدنا يكون في حرية و احترام لمقدسات الغير شو ما قال هالغير نعملو يعني الحرية مو مطلقة و كل حالة الا حل يعني مو بحجة الحرية نقبل زواج المثليين بس مشان كم واحد و الاغلبية اللي بتشوف انو غلط نخليا تضرر بس بحجة الحرية و كمان حالة ترك البارات بتختلف يعني لانو اغلاقها ضد الضرر الناتج منا لدلك بتتدخل ارادة الاغلبية اما قصة الحجاب فواضحة انو ضد المعتقد باسم العلمانية حجزو حرية هالاقلية و منعو مقدساتا هون رح حدا يقول ليش لما سكرتي البارات باسم الاغلبية ما حجزتي حرية الاقلية رح قلو لاء لانو ما عم يتلاحقو ادا بدن يشربو كل القصة انو منعو بمكان عمومي خاص يعني متل منع التدخين بالاماكن العمومية مو يمنعو من التعليم لانا محجبة( و على فكرة في بلد عربي بيمنع الحجاب و الكل بيعرف) بالنهاية اكيد الهدف من احترام كل واحد لمقدسات غيرو هو العيش بسلام و ادا في حالات ما بدا تطبق هالشيء و تسيء (و باكد على كلمة تسيء مو تناقشني.. تسيء ) الى مقدساتي باسم الحرية فهي قليلة و لا تعبر الا عن نفسا لدلك ما بتستحق حتى اني اعطيا ذرة اهتمام مو رد عليها و اعملا قيمة ( مثل الرسام الدنماركي اللي عملولو قيمة مع العلم انو الصور كانت نشرت قبل هديك المرة و ما حدا شالو من ارضو ) السلام عليكم |
|
#26
Apr, 18 2007, 13:24
| |||
| |||
| بيغ بوس بصراحة عيب عليك هالنظرة الطائفية اللي عندك ... واحد قال انو النبيذ إلو فوائد صحية بتقوم فورا بتربطها بخلفيته الدينية ... شفت هالطريقة من التفكير هي؟ هي مو طريقتك لوحدك وإنما للأسف كتير من الناس التعبانة من حولنا ، وبحب أقلك "مع محبتي إلك" انو هالطريقة من التفكير التي بيتربى عليها كتير ناس هي طريقة تفكير سفيهة وتافهة ... طيب أنا كمان بقول نفس الشي ... ما تكون بدك كمان تروح تعمل مشكلة مع أهلي لأني هيك حكيت؟ وأهلي بالمناسبة ناس كتير بيعجبوك، فبلا هالربط التافه هاد ...هدا حكي علمي ومو كل الناس متعودة على "تسييس العلم" ، ولا بطلعلك تجبرن على هالشي ... "تسييس العلم" هو انك تدعي انك أبو العلم وتعملي محاضرات في "الإعجاز العلمي" وتألف كتب في العلم وانت تلات ارباع العلم ما بتعترف فيه ! يعني بتاخد من العلم اللي بيناسبك واللي ما بيناسبك ممنوع حدا يحكي فيه ... |
|
#27
Apr, 18 2007, 14:51
| |||
| |||
| السلام عليكم يا لطيف شو بتتخانقوا انتوا الجوز  يلعن هداك اليوم يلي .............. ميموتي  والسلام عليكم --------------
............ |
|
#28
Apr, 18 2007, 22:45
| |||
| |||
| لك على كم واحد بدي لحق رد أنا .. زوربا .. وهاني .. وأماريل .. وكليو .. كيف بدي رد على كل هدول ؟ كم ساعة بدي ! .. لذلك رح اختصر وما رح رد على كل شي .. اعذروني .. ما عندي كل هالوقت .. زوربا .. أنا رااااااااااااااايق ليوم الرواق .. ومو أنا اللي عم اعمل المشكلة .. بالعكس .. شوفي لقللك .. انا كنت كتير حذر بردي .. وما شخصنت تجاهك إطلاقًا .. وما استنتجت أي شي من عندي (وهاد رد عليكي وعلى كليو) .. خليني وضح بعض النقاط ..
.. خليكي دقيقة .. وشوفي شو أنا قلت :
أنا قلتلك تتركي البلد ؟؟  "فيكي تروحي" .. يعني فيكي تتطلعي .. تروحي زيارة .. مو تقليع يعني .. يا عيني .. البلد هون بلدك .. وسوريا حقك فيها مو أنا اللي بعطيكي إياه .. ولا فيني قللك تتركي البلد .. هاد الحكي مستحيل يطلع مني .. لذلك لا تقوليني ما لم أقله .. وكمان : المشاركة الأصلية بواسطة BigBoss وين الشخصنة هون !!
أنا كنت كتير دقيق .. وقلت أنو عندك فكر .. ما حكيت عن العمل .. ولا حتى حددت ماهية فكرك .. أنا قلت أنو عندك فكر .. وعم تخليني هلئ ارجع عيد نفس كلامي ووضح الواضح .. لأنك عم تتقولي عليي وعم تتهميني أني شخصنت وهاد ما صار أبدًا .. المشاركة الأصلية بواسطة BigBoss أنا ما قلت أنو أفقك ضيق .. يعني بيجوز يكون أفقك واسع .. وأنا عم طالبك بمزيد من التوسع ..
فما في شخصنة إطلاقًا .. النتيجة أنو أنا ما شخصنت أبدًا .. ولا استنتجت شي من عندي أنت ما قلتيه .. بل بالعكس .. أنت اتهمتيني بشي أنا ما حكيتو .. أو بالأصح .. أنك فسرتي كلامي على كيفك .. بس كلامي واضح وما بيتفسر بعشر تفاسير .. كليو .. كل واحد ينتبه لحالو قبل ما يحكي على غيرو .. مو ؟  حبيبي هاني .. لي بحسك أحيانًا بتحب تتفلسف وبس .. ؟؟ يعني بدك تفهمنا أنو أنت الفهمان .. وصاحب العلم .. وعداك كل حدا بيحكي .. فهو ما بيعرف من العلم غير القشور.. مو هيك ؟؟ وأحلى شي أنك بتقعد أشو في مصطلحات غريبة بتنكشها وبتحطها .. وكأنو الفهمنة والعلم قائم على الإتيان بمصطلحات وكلمات جديدة .. ؟؟ فالله يخليك .. ما بدي ادخل معك بنقاش .. لأنو أنت بتعرف وأنا بعرف شو نتيجتو مسبقًا .. اوكي عيوني ؟ .............. أنا ما طالبت حدا أبدًا أنو ما يفكر .. فكروا يا حبايبيني .. فكروا قد ما فيكن .. التفكير .. هو شيء مقدس .. والكل لازم يفكّر.. بس مو كل واحد بتطلع معو فكرة مدري كيف شكلها يجي يتحفنا فيها .. برجع بأكد على نفس النقطة .. التفكير حق للجميع .. واحترام مقدسات الآخرين ما بمنعنا من التفكير فيها .. لأنو هية ما كانت لتكون مقدسات لولا أنها خضعت للتفكير والنقاش والتمحيص .. بس بدون إساءة .. شايفين ما أبسطها .. "بدون إساءة" .. فيكن تعملوها ولا لأ .. ؟ يعني مو باسم الحرية نبلش إساءات .. هي هية الفكرة مو أكتر .. والسلام عليكم |
|
#29
Apr, 19 2007, 02:07
| |||
| |||
ذكرتيني بأبيات الشافعي : نعيب زماننا والعيب فينا .... وما لزماننا عيبٌ سوانا ونهجو ذا الزمان بغير علمٍ .... ولو نطق الزمان لنا هجانا |
|
#30
Apr, 19 2007, 07:10
| |||
| |||
| معلش هذا الموضوع خرج كتير وزيادة عن اللزوم .. وخاصةً لما دخلت فيه الطائفية وهو مخصص لنقاش الأسئلة التالية:
|
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| تحت الحصار..الجزء الثاني للعبة ((تحت الرماد))..ليست مجرد لعبة.. | TERMINATOR | علوم وتكنولوجيا (حواسب واتصالات) | 6 | Oct, 16 2006 00:41 |
| المصلحة تحت غطاء الصداقة | sadekly | اجتماعيات | 6 | Nov, 16 2005 00:22 |
كل الأوقات حسب GMT +2، والوقت الآن 15:14.
