أريد أن أعرف فقط كيف يصبح أي أمر في حياتنا مقدّساً؟ مثلاً الدين الأخلاق السمعة ربّما هي مقدّسات عند الكثير منّا أليس كذلك؟

وفي الوقت الّذي يكون المقدّس لدينا ليس مقدّساً لدى غيرنا، ومقدّس غيرنا ليس مقدّساً لدينا
وعندما لا نقبل النقاش في مقدّساتنا ونرى الآخرين يخوضون غمار مقدّساتنا نقداً وتمحيصاًّ!!!!
ما هو التصرف السليم برأيكم في مثل هذه الحالة؟ من خلال تجاربكم وآرائكم ومعارفكم

السلام عليكم
يجب انه الإنسان يحترم مقدسات ومعتقدات غيره حتى ولو كانت بإعتقاده انها باطلة
حتى يتجنب أن يساء إلى مقدساته ومعتقداته

تحياتي

السلام عليكم
أنا أعتقد أن الاخلاق والمبادئ هي خطي نسير عليها ونتلقاها من ديننا أي دين كان....ولكن هناك فرق بين ما نتمناه وهو ما يجب أن يكون ( الاخلاق والمبادئ) وما بين ماهو كائن أي الظروف الفعلية للحياة والتي قد تكون بعيدة تماماً عن الاخلاق، كل ذلك يسمي الاشكالية فى البحث العلمي

السلام عليكم


أنا مع الجماعة !
يعني حسب الأكثرية، لأن معتقدات البعض قد تسيء للآخرين لأن مبادئهم تكون متعاكسة تماماً. مثلاً إذا واحد عندو الحرية الجنسية مقدرسة وينشر هذه الثقافة ، فإنها تقف عائقاً في وجهي (نعم شخصياً) ومعتقداتي.
في ظل العولمة وسهولة التنقل وصغر المسافات، يمكن للإنسان أن يعيش في جماعات تناسب معتقداته وطريقة معيشته، طبعا العائق الأكثر وقوفاً هو المادي.
قد لا يجد الانسان المكان الإيديال لمعتقداته، لكن قد يجد الأقرب له.
في ظل حماية الإنسان لمعتقداته، يتناقص مفهوم "الوطن"، لأن المعتقدات هي style of life الذي يصنعه الإنسان بنفسه ... فإن جعل معتقده يتشابك مع ظروفه، تتوالد مشكلة. مثلاً بناء دولة كردية في سوريا .

على الصعيد الشخصي، لم أطالب روسياً يوماً بأي شيء يخص معتقداتي في هذه الحياة (مبادئي الشخصية أو الدينية)، لكنني قد أطالب بها في سوريا !

احترام المعتقدات لا يعني تقبلها على الصعيد الشخصي، بل تقبّل الأمر أن الناس مختلفون، والخارطة ليست المنطقة .. كل إنسان ينظر إلى الدنيا بزاوية معينة.


والسلام

على الصعيد الشخصي، لم أطالب روسياً يوماً بأي شيء يخص معتقداتي في هذه الحياة (مبادئي الشخصية أو الدينية)، لكنني قد أطالب بها في سوريا !

صراحة ما بعدها صراحة.. ..ولكن!!

ليش مابتطالبي باللي بدك ياه بروسيا.....هل يعتبر المغترب الحاصل على جنسية أخرى نفسه أدنى مرتبة من اقرانه ال native .....الأقليات لازم تطالب بحقوقها دوما...طالما الدولة اللي عايش فيها بتصون هالحق...........واللي عندو مطلب محق بيضل وراه حتى ياخدو طالما عم يشتغل ضمن القانون........على كل حال موضوع ايجاد الجماعة المناسبة ماعاد مشكلة كبيرة في ظل تواجد جاليات كبيرة في المغترب....هون ممكن يحقق المغترب الغير قادر على تقبل المجتمع الجديد مايصبو أليه...ولكن!!!
راح أحكي شغلة صغيرة على هامش الموضوع in general مو عليكي بالذات:
المغتربون بشكل عام يعيشون حالة تناقض بمقارنتهم المستمرة بين بلادهم وبلاد الغربة على الرغم من وجود جاليات في بلاد الغربة...وعلى الرغم من توافر أجواء شبيهة بالوطن ومع ذلك نجدهم عندما يعودون يتصرفون كالملوك المتوجة على الرغم أنهم من المفترض أن يصلوا الى التوازن الذي كان الهدف من الهجرة بالأصل......ولكن بما أن ماذكرته سابقا لاأجده في مغتربينا ...من هنا استنتج انها فكرة مثالية.....لذلك أدرجها ضمن قائمة المثاليات ......التي نتمنى أن يتحقق أكبر قدر منها........


قصة صغيرة: بعرف اتنين واحد من أمريكا والتانية من السلفادور.....أجو على حلب ليشتغلو بمدرسة ...وهنن عايشين مع بعض وليسو متزوجين....ولمعرفتهم أن المجتمع هنا لايتقبل هذا الموضوع.....أخبروا المحيط أنهم متزوجين.....ولكنهم لم يتزوجوا لكي يرضوا المحيط.. ...
هذا ما اسميه تصالح مع الذات.... ...

السلام عليكم

ليش مابتطالبي باللي بدك ياه بروسيا.....هل يعتبر المغترب الحاصل على جنسية أخرى نفسه أدنى مرتبة من اقرانه ال native .....الأقليات لازم تطالب بحقوقها دوما...طالما الدولة اللي عايش فيها بتصون هالحق

لأن الأكترية هون مو من ديانتي .. يعني مو معقول أغير المجتمع وأطالب مثلاً بتسكير كل البارات أما كحقوقي الشخصية فبالعكس بتمتع فيها كلها سواء اللبس يلي بيوافق معتقداتي أو أماكن العبادة يلي عندي حرية بزيارتها وهي متوفرة، أو الأكل يلي كمان بيتوفر موافق لمعتقداتي كمان.. أنا هون كان قصدي لمعتقدات غيري يلي بتتنافي مع معتقداتي !!!

بمقارنتهم المستمرة بين بلادهم وبلاد الغربة على الرغم من وجود جاليات في بلاد الغربة...وعلى الرغم من توافر أجواء شبيهة بالوطن ومع ذلك نجدهم عندما يعودون يتصرفون كالملوك المتوجة على الرغم أنهم من المفترض أن يصلوا الى التوازن الذي كان الهدف من الهجرة بالأصل

1. روسيا بلدي كمان
2. الهجرة عندي إلها أهداف تانية
3. ما فهمت شو يلي ما وجدتو فينا ؟ (مغتربيكون) ؟؟ والتصرف كملوك


والسلام عليكم

المشاركة الأصلية بواسطة Kliopatra

السلام عليكم



لأن الأكترية هون مو من ديانتي .. يعني مو معقول أغير المجتمع وأطالب مثلاً بتسكير كل البارات أما كحقوقي الشخصية فبالعكس بتمتع فيها كلها سواء اللبس يلي بيوافق معتقداتي أو أماكن العبادة يلي عندي حرية بزيارتها وهي متوفرة، أو الأكل يلي كمان بيتوفر موافق لمعتقداتي كمان.. أنا هون كان قصدي لمعتقدات غيري يلي بتتنافي مع معتقداتي !!!




والسلام عليكم

فهمان عليكي كليو....بعرف أنو حقوقك تمام هنيك ....بس أنا كنت عم أحكي بشكل عام....حقوقك وحقوق غيرك....

على فكرة أنتي متفقة معي وموافقة على كلامي بدون ماتحسي....وهذا الدليل الدامغ..

أنا هون كان قصدي لمعتقدات غيري يلي بتتنافى مع معتقداتي

أنتبهتي وين التناقض.....هنيك حاطينك على عينهن وراسن وعاطينك حقوقك بجميع أشكالها وأن كنت لست من الأكثرية .....ولكنك لست مستعدة لاعطاء المختلف عنك في بلدك الأم سوريا...حقوقه بجميع اشكالها....

هذا اسمه الكيل بمكيالين .....

كين

لما الواحد بيمارس حقوقو من دون ما يكون إلو تأثير عالأكثرية ... فهادا انا معو.
بس أن الأقلية تنادي بتغيير كل المجتمع كرمال يتماشى معون ... فأنا ضدو.

هون مافي أي ازدواجية ... لأن إذا على كلامك فأنا لازم أطالب بأن يعملولي بالجامعة يوم الجمعة عطلة مشان صليها جماعة بمسجد واحضر الخطبة !!! لكن بما أن عندي دروس يوم الجمعة .. فبتوقع أن الله أدرى فيني ويسامحني لعدم الحضور (طبعاً هادا الشي بيتعلق بالشباب اكتر مني كبنت).

يعيشوا الأقلية بمجتمعنا بسوريا وين المشكلة بس ما يأثروا عباقي المجتمع يلي هو الأكثرية .. وينادوا بحقوق مسلوبة منون.
دائماً وأبداً بسوريا كان في أقليات محفوظ حقوقها .. على كل مدى التاريخ الاسلامي !

بذكر حادثة .. لما إجوا قساوسة لعند عمر بن عبد العزيز يشتكوا لهدم المسلمين جزء من كنيستون لتوسيع المسجد الأموي. فأمر الخليفة أن ينهدم هالجزء من المسجد ويرجع للطائفة.

أكتر من هيك حقوق ؟


والسلام

يعني مو معقول أغير المجتمع وأطالب مثلاً بتسكير كل البارات

طيب البارات شو بتضرك اذا تركتيها .....

1. السكران ممكن يطلع من البار .. ممكن يأذي اللي حواليه .. ممكن يأذيني
2. ممكن البار يشد المراهقين (لا حدا يقلي المراهق بيعرف مصلحتو) - ممكن يكونوا ولادي


هي أقل الشي