أول ستاج .. الحقونا ياعالم

#1 Sep, 23 2005, 14:38

يا جماعة الأحد رح يبدا أول ستاج
وبالنسبة إلي رح يكون جراحة بس ياريت يا أهل الخبرة تلحقوني بنصائحكن عن الستاجات بشكل عام لأنو ماني عرفان الله وين حيططني

#2 Sep, 23 2005, 15:11

حاج تنق محمد
دبر حالك

عمأمزح طبعاً
استناني ما منخجلك تكرم

المهم هلأ تستعد لستاج ما بتعرف و لا رح تعرف عنو شي بس بقللك اش تساوي لتستفيد منو صح

شباب أقللو عالبرايفت و لا بتحبوا تسمعوا
صاير ما بقى حب أحكي شي الا لأسألكون منشان ما أزعج حدا

المهم منحكي محمد تكرم
و كمان رح اسألك الشباب حوالي منشان نجمع أكبر عدد ممكن من النصائح
ولو
عندي
تحياتي
حازم

#3 Sep, 23 2005, 15:45

ضل حدا يداوم عالستاجات ، ولا حدا يروح عامستشفى ، يعني ستاج الجراحة ولا الأطفال ولا التوليد ، كلون بيسلمو على بعضون ...

#4 Sep, 23 2005, 17:53

Rwth
شو تحكي عالبرايفيت ؟
اشفق على هالمساكين اللي اسمهن طلاب الرابع !!!
عن جد بركي بتتفضلوا أنتوا الطلاب اللي سبقتونا و تحكولنا شو بصير بالستاج و شو الواحد لازم يعمل حتى يستفيد منه ....!!
مصيبة عن جد تكون طالب الطب الوحيد بعيلتك و ما يكون عندك حدا يدعمك أو يشرحلك شو بدك تواجه و شو لازم تعمل

#5 Sep, 23 2005, 18:35

د.ناس تكرمي كلمتك ما بتصير تنتين
طيب منبدأ لكان :

جماعة الجراحة :
1- الدوام فلتان
الدكتور يا بيجي يا لأ
3- كتير من الأحيان بيجي طالب الدراسات
طيب اش الحل ؟ اش لازم تعملوا؟
رأيي :
1- اشترولكون مرجع صغير بالجراحة متل Blueprints كويس و رخيص وابن ناس ، طيب ليش قلت صغير لأنو الجراحة قسم كبير منها داخلية يعني رح تدرسو كل الحكي بالداخلية فالأفضل تدرسوا هالمواضيع بالداخلية أكوس و أريح بس بيصير الجراحة موضوع مرجع صغير و مراجعة و استطبابات عمل جراحي مو أكتر و هدول بيوفرهون Blueprints
2- حضروا الستاج و سمعوا اش بيحكي طالب الدراسات "أقللكون شغلة كتير من الأحيان طالب الدراسات مفيد أكتر من الدكتور نفسو"
3- إذا صحلكون تنقو المجموعة اللي انتو فيها فحاولو تكونوتحت أسماء أخصائيين معينين "بقولهن للي بدو عالبرايفت"
4- بيخلص الستاج من هون عندكون اختيارين
إما بتمشو و بتاخدوا قصص سريرية لحالكون
أو بتحاولو تحكو مع الدكتور اللي عطاكون الستاج منشان تحضرولكون شي عملية
هلأ رجعنا عالبيت منحط هالكتاب و منقرا فيو اللي أخدناه بالستاج
طبعاً بعد حضور محاضرات نظري معينة كمان
هاد رأيي و اللي عندو إضافات من شباب الخامس و السادس يعطونا

تحياتي
حازم

#6 Sep, 24 2005, 02:59

بعرف أنو غلاظه

بس شو مشان الأطفال

#7 Sep, 24 2005, 12:06

ما بعرف اذا كنا نحنا طلاب الرابع متل المستجدين
بس والله حاسه انو ضايعة.................
ولاني بعرف انو قلبكن كبير رح اتقل دم واسأل عن ستاج الداخلية
كيف ممكن استفيد ونحنا ما دارسين شي
وشو المراجع الي ممكن اقرأها؟؟؟؟؟؟؟؟؟؟؟!!!!!!!!!!!:emot ionsp

#8 Sep, 24 2005, 17:14

منشان ستاج الأطفال مستر ميدو رح احكي عنو اليوم مساء

أخت ابتسامة الحزن راجعي موضوع المراجع العربية لتعرفي إش بيفيدك من العربي و من الأجنبي

تحياتي
حازم

ستاج الداخلية بدو حديث مطول شوي كمان بس استنوا شوي و طبعاً بتمنى إذا في حدا عندو نصائح ما يبخل و الله بيجزيه الخير و بيفقوا

#9 Sep, 24 2005, 20:24

بشكرك كتير RWTH على أخلاقك العالية
و مساعدتك لطلاب الرابعة المساكين

بكرا عندي ستاج داخلية

ياترا شو لازم أعمل ؟؟
أخدت مراجع بالداخلية NMS و ال OXFORD و بلشت فيهم شوي ( كتير رائعين ) و رح أحاول أنو أفتحهم على كل حالة سريرية بناخدها , لأنو المشكلة أنو لسا ماأخدنا شي داخلية
شو ممكن أعمل غير شي

أنا متحمسة كتير هل سنة عل دراسة , المواد ممتعة كتير بس صعبة و بدها شغل بنفس الوقت

بشكرك مرة تانية

(نصيحة مهمة للجميع ) ديروا بالكم كريب هل سنة بيخوف و كتير ثقيل أكلته مبارح و حالتي سيئة

ما تناموا عل مروحة أو الكونديشن من بعد هلأ )

#10 Sep, 25 2005, 16:29

يا جماعة ستاج الداخلية من أهم الستاجات عالاطلاق و إللوني برافو عليك المراجع اللي أخدتيها ممتازة على تناقضها "يعني NMSأميريكي و OXford بريطاني كلو علم "

المهم يا جماعة بستاج الداخلية بيحقلكون تغيبوا 5 جلسات بس يعني أسبوع
إذا كانت شخصيتكون قوية و مستعدين لبهدلة حلولو تطلعوا عالقصة السريرية لأنو بتتعلمو منيح
أحسن قصة سريرية تعلمتها أنا عند الدكتور سامي البيطار و الله بشوفوا لهالدكتور من أحسن أحسن أخصائيي الكلية بحلب لأ بسوريا كمان و خصوصاً حكالي عنه و عن تفوقوا زميل إلو جراح كان معو في فرنسا يعني فعلاً شي بيرفع الراس و بيخللينا نفكر إنو لسا الدنيا بخير .

المهم بس الزلمة بيخجل شوي بس و الله من حرصه على الطلاب لتتعلم
المهم اللي عنده ستاج للدكتور سامي يحضر الفحص العام للأجهزة و يا جماعة دخيل الله بلشوا بالفحص من الراس من الملتحمة و انتو نازلين و ما تنسوا شي هي منشان تتعلمو هلأ لبعدين لأنو اللي بيأسس حالو صح بيمشي صح

اللي بدون يقروا بالعربي يقروا تشامبرلاين وبالانكليزي History taking and clinical exam
بس أنا برأيي الشخصي و لعدم توافر الوقت عندكون في عندي أفلام للفحص السريري جايبهون من جامعة فيرجينيا و معرب فحص الصدر و القلب يعني تقريباً أهم تنين و الباقي بالانكليزي مع إنو عذبوني كتير لحملتهون و ظبطتهون بس اللي بدو بعطيه ياهون و لا يهمكون المهم ترفعولنا راسنا و تطلعو خرج المسؤولية و تكونو ناجحين

هلأ بعد ما بتخلصواالدرس الجماعي يا جماعة نصيحة شوفولكون شي دكتور عميعمل جولة و روحوا معو و اكتبو أي كلمة بيقولها و خصوصي اللي عندهون داخلية هلأ يعني رايحين على حوار الطرشان ما بيفهموا شي لذلك خللي تتراكم معلوماتكون شوي شوي ليمشي الحال و يتعبا هالمخ اللي يخلليلكون ياه

طيب بتقولولي إنو هدول كلهون مرضى مشفى أوكي الشاطر منكون بيروح يوم بالجمعة على إحدى العيادات الخارجية صدرية - قلبية - هضمية "عميقولوا الهضمية كتير مفيدة هاليومين" و بيشوف شكايات عيادة يعني بتتخيلوا حالكون بعياداتكون مو بالمشفى أوكيه
لهون حلو معناتا اللي بيلزمنا :
1- نعرف نفحص و ناخد قصة سريرية هي منتعلمها من تشامبرلان و اللي بدو يتعلم الفحص بسرعة من الأفلام
2- نحوي كتاب جيب الأوكسفورد كويس و الهاريسون كويس مناخدوا معنا عالستاج بيذكرنا بالمرض إذا لزمتنا شي معلومة
3- منرجع مندرس الحالة أو الحالات اللي مرت معنا بس بسرعة لأنو في عنا محاضرات تقيلة لا بد من دراستها

يا جماعة بدي أطلب طلب أخير كل واحد من بكرة بيروح بيشوف مين الاستاذ اللي عنده للأيام القادمة و اختصاصو و يحضر القصة السريرية و الفحص السريري قبل يومه منشان تكونو جاهزين

Elloni بتمنى أكون أشبعتلك تساؤلاتك
و كمان للبقية

إش بيخطر عبالكون أسئلة رجاء ما تخجلو و زملائي الشباب وينكون أضيفو اللي بدكون تضيفوه معقول بس أنا بوج المدفع

كلمة بكلمة مع مادة النسج (حمل المحاضرة السادسة والاخيرة)	برنامج الامتحانات النظرية للفصل الأول 2008/2009	نقاش طلابي حول مادة النسج
علامات الفيزياء و الجراحة 2	علامات الطب الشرعي و اللغو

المواضيع المشابهة
الموضوع	مبتدئ الموضوع	المنتدى	الردود	آخر مشاركة
ستاج أطفال هون بالمنتدى	Elloni	الأطفال	23	Oct, 27 2007 17:06
أميريكا شلون نقدر نسوي ستاج بأمريكا	superpipo	امتحانات الدول الغربية (بشري)	1	Jan, 02 2007 02:24
ستاج - قدم سكرية	Elloni	مستشفى الملتقى (حالات سريرية)	27	Oct, 25 2006 11:41
ستاج الأذنية	Optimisto	السنة الرابعة	11	Mar, 27 2005 14:40


الرئيسية المنتديات الألبوم مواقع المعجم المدونات مجتمع أحداث مدونتنا جديد

قال العضو التالي أسمه شكراً لك يا RWTH على هذه المشاركة المفيدة:
Avian Flu

أدوات الموضوع
عرض نسخة سهلة الطباعة أرسل هذه الصفحة بالبريد الإلكتروني