طالب سنة أولى!!!!اتفضل لهون شوي...
يدور هذا النقاش حول طالب سنة أولى!!!!اتفضل لهون شوي... في قسم السنة الأولى في الملتقى الطبي السوري; -->
هاي شباب ...........هاي صبايا........
انت طالب سنة أولى؟؟!!؟!
الله يعينك!!!!.......معبوط !!! وما عبتعرف شو تدرس وشلون تدرس؟؟!!؟! .........
طريقة دراسة البكالوريا ما عبتمشي؟؟!!؟!............وسببت الك وجع راس كتير؟؟!!؟!.........
روق أعصابك
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| القرحة القلاعية Aphthous Ulcers | عندي مذاكرة تشريح 1 بكرى ومالي ملحق .......شو بدي اساوي؟!!!؟ | استفسارات بخصوص الفيزيولوجيا |
| خلونا نحل اسئلة دورات الفيزيولوجيا سوا ...Go | ||
 |
| | LinkBack | أدوات الموضوع |
|
#1
Sep, 14 2008, 14:57
| |||
| |||
| طالب سنة أولى!!!!اتفضل لهون شوي... هاي شباب ...........هاي صبايا........ انت طالب سنة أولى؟؟!!؟!  الله يعينك!!!!.......معبوط !!! وما عبتعرف شو تدرس وشلون تدرس؟؟!!؟!  .........طريقة دراسة البكالوريا ما عبتمشي؟؟!!؟!............وسببت الك وجع راس كتير؟؟!!؟!......... روق أعصابك !!!!........واشرب عندنا كاسة شاي على كيفك؟؟!!؟! كم مادة عندك؟؟؟؟؟ 6في الفصل الأول ..........و7 في الفصل الثاني..........مصيبة!!! خلينا نبدا نحكي عن كل وحدة لحال.........وانشالله رح نفك العقدة....... يتبع...........   |
|
#2
Sep, 14 2008, 15:00
| |||
| |||
 عملي النبات هاي شباب..........هاي صبايا......... أول مادة رح نحكي عنها وهي علم النبات.......اللي بدرسها الدكتور عبد المنعم عبد الحافظ........ يا سيدي........هالمادة احلى ما فيها الدكتور...........يعني لذيذ كتير ورايق وطبعا منتوجه بالشكر اله ولشخصيته المرحة...... المقرر هو كتاب للنظري وكتاب للعملي متوفر في مديرية مطبوعات جامعة حلب.........(يعني ما في ملخصات في مركز التصوير)...... يا ترى بدنا نبصم الكتاب من البداية للنهاية؟؟؟!!؟! الجواب : لا رح نحكي عن العملي في البداية لانو فحصه قبل النظري........مستلزمات الجلسات العملي: عدة تشريح , دفتر رسم , علبة شرائح (سلايدات) المستلزمات متوفرة في مركز تصوير كلية الطب أو أي مكتبة....... ما يجري اثناء الجلسة: الدكتور رح يشرح شوية نظري من الكتاب ........وبعدها بعلمك شلون اتساوي المحضر ........وكل هالشي ما الو لزمة للفحص........ يعني عليك بس تلقط صورة بموبايلك لأفضل المحضرات وتخبيها عندك مشان احكيلك شو بتستفيد منها بعد شوي....... مدة الجلسة ساعة ونصف.......بس انت عليك تلقط صور وتطلع يعني مدة نصف ساعة.... كيف بدي ادرس للمذاكرة؟؟؟ المذاكرة عبارة عن سؤالين أو تلاتة نظري بيعطيها الدكتور إلك وعليك الحل..........انتبه ما في مجال كبير للغش......الوقت قصير والمراقبة شديدة ورفيقك على بعد عشرين متر........ عليك تدرس العناوين الرئيسية.......وأما الفقرات اللي فيها لت وعجن كتير فبكفيك بس الفهم........ وهيدا رابط لموضوع فيه نموذج عن اسئلة المذاكرة http://www.syrianmeds.net/forum/topic7978.html كيف بدي ادرس للفحص؟؟؟؟؟؟ طريقة دراسة الفحص غير المذاكرة....... يعني نموذج الفحص: عندك 10 محضرات مجهزة وخالصة .......وعليك تدور على هالمحضرات...... كل محضر اله دقيقة وحدة .....ولازم عليك تكتب اسم المحضر بالعربي واللاتيني وتمشي.... والدراسة رح تكون على الشكل التالي: امسك الصور اللي لقطتها بموبايلك للمحضرات وبلش بحفظ كل صورة لأي نبات تكون.....بالعادة قبل الفحص باسبوع بنزل واحد من الشباب الصور على سيدي في مركز التصوير.......فاشتريها اذا ما كنت لاقط صور بالموبايل...... يعني الفحص بلزمه حفظ صفحتين بس ..........والصفحتين فيهم بس أسماء النبات بالعربي واللاتيني....... وهيك منكون خلصنا العملي النبات وبعلامة انشالله عالية......  .يتبع........ آخر تعديل كان من قبل Glory Twin: يوم Sep, 24 2008 في الساعة 23:03. السبب: اضافة روابط |
|
#3
Sep, 14 2008, 15:02
| |||
| |||
 نظري النبات هاي شباب ..........هاي صبايا...... بالنسبة لنظري النبات.........فمتل ما عودنا الدكتور عبد المنعم عبد الحافظ........فهو من الدكاترة اللي ما بحبوا يتقلوا على طلابهم......مشان هالطلاب يحفظوا كم كلمة تضل معهم بهالعمر(طبعا منتوجه بالشكر للدكتور عبد المنعم) كل سنة بتكرر من أسئلة الدورات ما يعين الطالب على النجاح.........وفي سؤالين بكون الدكتور عاطيهم ملاحظة أثناء المحاضرة من خارج الكتاب وعليهم بس علامتين.........بضل شي 10 علامات اسئلة بتعتمد على فهمك للمنهاج.... بالعادة بكون قبل فحص النبات مدة 7 ايام..........بهالمدة بلش واقرا الكتاب ....واحفظ بس العناوين ورؤوس الفقرات......وانشالله رح اتجيب علامة مرتبة وبحب اذكرك......... لا تضوع هالمادة.............هالمادة مادة معدل............  يتبع...... |
|
#4
Sep, 14 2008, 15:06
| |||
| |||
 لغة 1+2 هاي شباب.......هاي صبايا....... شو رايكم نبدى تحكي عن مادة اسهل شوي.........شو هي؟؟؟ ما في غيرها مادة الانكليزي........ المقرر: كتاب Quest 2 بالتاكيد انت متحمس ورح تحضر المحاضرة الاولى بكل نشاط...........ورح اتشوف حالك في المحاضرة ما الك فهمان شي........وكانك ما بتعرف شي بالانكليزي.........لانو الانسة رح تحكي بالانكليزي وما رح تحكي بالعربي....... روق اعصابك.........وبكل بساطة الحل سهل وموجود.........شو هو؟؟؟ لا تحضر المحاضرة........وادرس بالبيت او استنى الفحص وادرس بليلته.........يا ترى بتجيب هالدراسة علامة؟؟؟ طبعا رح اتجيب .......بس اذا اتبعت هالكم نصيحة........ بالعادة الانسة بتحذف صفحات من الكتاب.........فقبل الفحص جيب من شي واحد كان بيحضر المحاضرات شو هي الصفحات المحذوفة......... وجيب ترجمة الكتاب من مركز تصوير كلية الطب البشري.......وكمان رح يكون عنده حل التمارين....... بس اتوفرت عندك هالعدة فبيومين رح يخلص معك المنهاج............أهم شي انك تقرا اسئلة دورات من قبل مشانا تشوف نموذج الاسئلة.........وركز على القواعد الموجودة ضمن مستطيلات مع الامثلة المرافقة لهالقواعد....... وانشالله رح اتجيب 100  يتبع..... |
|
#5
Sep, 15 2008, 22:25
| |||
| |||
| التشريح هاي شباب...........هاي صبايا........ عن أي مادة يا ترى بدنا نحكي؟؟؟!!؟! خلونا نحكي عن مادة التشريح......... تشريح جسم الإنسان رح يتم تقسيمه إلى ثلاثة أقسام: تشريح 1 : ويتضمن الطرفين العلوي والسفلي .......ويقرر في الفصل الأول من السنة الأولى...... تشريح 2 : ويتضمن الجذع...........ويقرر في الفصل الثاني من السنة الأولى.......... تشريح3: ويتضمن الرأس ...........ويقرر في الفصل الأول من السنة الثانية....... كيف بدي ادرس التشريح؟؟؟؟ التشريح هي واحدة من المواد اللي بتتطلب الدمج بين القراءة والفهم والصورة..........في البداية رح تعتقد أنها صعبة.....شي طبيعي!!!! لانو طريقة الدراسة جديدة.......... الشغلة الصعبة اللي رح اتواجهك هي: طريقة دراسة البكالوريا ما رح تمشي معك.......فالمقرر 500 صفحة فكيف رح تقدر تبصمه؟؟!!؟! ومن ميزات المادة عدم القدرة على الفصل بين النظري والعملي بشكل جذري متل ما كان في مادة النبات...... شو هي مستلزمات لدراسة؟؟؟؟ أطلس تشريح ........بتوفر في المكتبات عدد كبير من الأطالس .....ومن أشهرها الكمال وسوبوتا والوولف..... سيدي أطلس تشريح اسمه Adam وهو مقرر في العملي....... سيدي أطلس تشريح Netter وهو مقرر في النظري........ كتاب التشريح الشهير واسمه سنل وهو مفيد للملخصات العملي........... العظام وهي مهمة للغاية في تشريح 1+ 3 ......... بالإضافة إلى المقرر اللي رح يحدده الدكتور وبالعادة بنزل ملخصات في المكتبات...... يعني الخلاصة: عليك تقرا من المقرر + كتاب سنل........تتبع الصور على الاطالس ......وترسم جسم الإنسان في مخيلتك كما هو في سيدي Adam .....وهيك بتنحل العقدة........... خلونا نحكي عن التشريح 1 بصفته مادة الفصل الاول....... بالعادة بيعطي المادة الدكتور علي حسن.......والمقرر موجود في مركز التصوير ........فالحضور غير مهم..... عليك بدراسة المادة أول بأول...........بعد شي محاضرتين رح يبدى العملي.......وهون لازم تكون محضر النظري تمام...... بتقدر اتساوي ملخص بسيط...........بفيدك للفحص وبضل أسهل........ خليك تبدى في الملخص بالعظم .........فاحكي عن مواصفات العظم (حديبات وأخدود وأقسام......).....وبعدها عدد العضلات اللي بترتكز أو تنشا من العظم ...........وبهالطريقة بتكون خلصت نصف المقرر......... وهيدا رابط لموضوع حلو حاولت اطبق فيه الفكرة ذاتها http://www.syrianmeds.net/forum/topi...html#post81577 النصف الثاني بتكلم عن العضلات.......وهون صمم جداول تبعا للمقر اللي رح يقرره الدكتور عليك....... في الجدول اكتب اسم العضلة ومنشئها ومرتكزها وتعصيبها وترويتها وعملها.......... وبهالشي بتكون خلصت المقرر....... نصائح تائهة في محيط المادة: عليك بالاهتمام بالمادة منذ بداية السنة ......ففي الفصل الأول عندك بس مادة التشريح اللي بتتطلب الدراسة منذ بداية السنة........ عدم الإصغاء إلى الإشاعات عن صعوبة مادة وعن نسبة الرسوب فيها .......فمتل ما بتعرف( في شي اسمه صعب بس ما في شي اسمه مستحيل)....... الاهتمام بأسئلة الدورات.......ومتوفرة بكثرة.......... من بداية الدراسة حاول تحفظ المصطلحات بالعربي والانكليزي فعليها علامات في العملي والنظري يتبع.......... آخر تعديل كان من قبل Glory Twin: يوم Sep, 17 2008 في الساعة 15:09. السبب: اضافة روابط |
|
#6
Sep, 15 2008, 22:27
| |||
| |||
 عملي التشريح 1 هاي شباب ..........هاي صبايا....... متل ما شفتو في المشاركة السابقة.........اتكلمت بشكل عام عن مادة التشريح بس خلونا نحكي شوي عن العملي وطريقة الفحص.......... في العملي رح تدخل على المخبر .......بس ما رح اتشوف جثة كاملة .......رح اتشوف بس طرف علوي....... يمكن تدوخ في البداية من ريحة الكلوروفورم..........من الأفضل يكون معك دروبسة مشان تاكلها وقت تحس بالصداع.... صور بالموبايل الجثة وركز على الشرح النظري اللي رح يعطيه الدكتور في بداية الجلسة....... بالعادة بتنزل سيديات في مركز التصوير قبل الفحص بأسبوع وبتضمن تصوير للجثة........ نموذج المذاكرة: المذاكرة هي عبارة عن سؤالين نظريين بتكتبهم على الورقة وبتمشي....... وهيدا رابط لموضوع فيه نموذج من اسئلة المذاكرة http://www.syrianmeds.net/forum/topic7979.html نموذج الفحص: أمامك عدد محدد من الجثث والعظام..........بالعادة 12 محضر......... لكل محضر مدة دقيقة.........وبكل محضر رح يكون مربوط شي عضو بالخيط .........وعليك تكتب اسم العضو مع الإجابة على السؤال المرافق........ في كم محضر بكونوا عظام.......وعليك تكتب اسم العظم بالانكليزي ......وبكون الدكتور مؤشر على منطقة في العظم بالطبشور.......وعليك في السؤال المرافق تكتب اسم المنطقة او اسم العضلة اللي بتنشا او بترتكز في هالمنطقة ......وذلك حسب السؤال في عندك ست أسئلة بطلب منك تكتب اسم العضو بالانكليزي......... لا تخاف ولا تنعبط!!؟؟!؟ ....... الدقيقة رح اتكفيك..........أنت ادرس كويس وانشالله رح تتيسر معك.... وإذا ما عرفت سؤال فلا تنعبط فيه........انساه واتوجه للسؤال اللي بعده......... وهيدا رابط لموضوع فيه نموذج عن اسئلة الفحص http://www.syrianmeds.net/forum/topic8282.html نصائح تائهة في الهواء: عليك بالتركيز على صيغة السؤال المرافق........وخاصة على لون الطبشور.......فمن الممكن يكون مؤشر على العظم باكتر من لون ........وهون عليك تعرف أي لون بده الدكتور........وكمان الجثة يمكن اتشوف أكثر من خيط أو دبوس وكل واحد بلون........طبعا السؤال المرافق رح يخبرك عن اللون......... وكمان عليك بالتركيز على السؤال المرافق .........إذا كان بطلب منك اسم العضلة اللي بترتبط بالعظم في المنطقة المؤشرة أو بطلب اسم المنطقة من هذا العظم........ يتبع...... آخر تعديل كان من قبل Glory Twin: يوم Sep, 24 2008 في الساعة 23:00. السبب: اضافة روابط |
|
#7
Sep, 17 2008, 21:12
| |||
| |||
| مادة الوراثة هاي شباب...........هاي صبايا.......... بعد ما خلصنا من الحديث عن مادة التشريح (طبعا دائرة النقاش مفتوحة إذا حدا عنده أي سؤال) شو رأيكم نزور مادة الوراثة بمناسبة شهر رمضان الكريم........ رح احكيلكم عن المادة حسب ما حكولي الطلاب اللي أعلى مني ............لانو بسنتي استلم دكتور جديد...... طبعا المادة استملها الدكتور علي سريو (مشكور) بس بسنتي استلمها الدكتور محمد عجان الحديد والدكتور لؤي شاكردي.... المادة مهمة ..........فالطريقة اللي بناها الدكتور علي سريو في إعطاء المادة سلسة كتير وبتعطيك المهم والاهم...... الحضور مفيد وضروري ........لأنو الدكتور لذيذ......... أسئلة الدورات اللي نازلة على الموقع للعام 2007-2008 ما رح تفيدكم لانو المقرر متغير....... بس انشالله رح انزل اسئلة الدورات 2005-2006 و 2006-2007 لانها بتفيدكم ونفس المقرر........ ما بعرف شو بدي احكي .......المادة لذيذة والتعمق فيها الذ.........وهي مادة معدل يعني الكل فوق التسعين....... وموفقين........ |
|
#8
Sep, 20 2008, 09:35
| |||
| |||
| شكرا على هالموضوع الحلو وان شاء الله منستفيد منو  |
|
#9
Sep, 20 2008, 19:27
| |||
| |||
| اللي صار أنو الدكتور عطانا 40 صفحة و أنا لسه ما اشتريت أطلس تشريح أو سيدي .. و المقرر متل ما بتعرفوا ما فيه صور المهم جيت أقرأ شوي من المقرر منشان أفهم ( لأني ما فهمت شي من المحاضرة  ) و ما فهمت شي و حسيت حالي بدي أرسب هالسنة  ما بعرف يمكن لأنو ما ربطت القراءة بالصور و الفهم الكامل بس المهم تشاءمت و مشي الحال عجب شي طبيعي أحس هيك و لا الطبيعي أني أفهم ؟ |
|
#10
Sep, 20 2008, 19:29
| |||
| |||
| إي صحيح كمان كان بدي أسأل المصطلحات كلها بدنا ندرسها باللاتيني ؟؟ يعني بالمقرر كل شي بيكتبوا بالعربي و اله مرادف باللاتيني .. بس عندي أمل ما نكون مطالبين بكلهم لأنو صعبين شوي |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| طلب مساعدة: حول الصعوبة في طب الأسنان - سنة أولى | Good Doctor | قبل أن تدرس الطب أو الصيدلة | 13 | Aug, 29 2008 19:01 |
| علامات طب بشري سنة أولى | Shankool | نتائج امتحانية | 0 | Jun, 15 2007 11:17 |
كل الأوقات حسب GMT +2، والوقت الآن 02:10.
