عن جد كتير خليناه يتأخر
مع إنه من أقوى المرشحين
بس يالله العدالة لا بد إنها تتتحقق
لذلك تفضل يا متفائل يا أوبتيمستو لهون على طاولة التشريح
وعرفنا عن نفسك متل ما بتحب نعرفك
شيل كل الأقنعة إذا كان في وتفضل

بعتذر منك حسن.. بس حابب نكمل نقاشنا بهالموضوع..
ما بعتقد إني اسأت فهمك.. بس في فكرة عم تعبر عنها بشكل ما مظبوط..
موضوع العلاقة بين الفقير والغني.. إنت عم تعتبر هالشي واقع أزلي، وبتنحل القضية بالإحسان يللي عملت الزكاة متله..!
القرآن الكريم بقول، وفي أموالهم حق معلوم .. يعني حق.. مو إحسان..
الزكاة يللي حدد الرسول نصابها ب_2.5% وهو مبلغ مبدئي من (رأس المال الكلي).. يعني هدا يللي ثروته مليار بيطلع عليه، 25 مليون.. حق..
وهدا المبلغ ما تفكره بسيط.. وهو ما بس عم يتتاخد من الربح.. لأ.. هو عم يتاخد جزء منه من رأس المال.. (لإنو الربح عم يصرف كمان) والغاية من الزكاة ما بس التكافل الإجتماعي .. الغاية إعادة توزيع للثروة بشكل أكثر عدلا ومساواة.. (وإنت أبو العدالة..)
طبعا، وللدولة متل ما تعلمنا شرعا إنو تاخد من أموالهن ع قدر الحاجة.. يعني ما في شي بيمنع إنو الدولة تساوي الزكاة.. أو أي شي فيك تسميه ضريبة 5% أو 10% أو حتى تصاعدية وهي بتوصل بأوروبا لـ 40% أو أكتر أحيانا..

وبتذكر الأشعريين يللي إذا جاعو أو.. إلخ.. كانو يجمعو أموالهن وطعامهن ويقسموها.. !
هي ما هي مثاليات..
هي قوانين اجتماعية ما عم تتطبق.. وبس بسوريا ما عم تتطبق..

طيب ما بالك إنو أكثر ثروات الأثرياء اليوم من يللي سمتهن مرة شارمينغ محدثي نعمة.. هي لطش من المجتمع، من العامة..
بتقللي الإحسان منيح..؟ شو عم يدفع من جيبته..
كل المصاري إللي مضبوبة والما بتنعد ولا بنتقاس..
الله بقول.. من سابع سما،
أصلا من جياب الناس مسحوبة..
ولازم ترجع ع جياب الناس..
وهدا حق وليس إحسان..

المشاركة الأصلية بواسطة Shankool

طيب يا حسن باشا
ليش ما بتاخد معك حبيبة؟
يعني إذا انت بدك تتزوج وحدة وتكون هي نصيبك والأولى والأخيرة حسب ما فهمت منك
شو المانع إنك تاخدها معك؟ خصوصاً إنها نصيبك وانت نصيبها!!!! لا تحرمها منك يا رجل

طيب انا رايح على سجن...حدا بياخد معو الحبيبة عالسجن؟؟

لأ بفضل روح لحالي وبس اطلع من سجنك اياه
بروح لعندا وبتكون عم تستناني هي مع الولاد بالبيت!!!!!!!!!
هالسيناريو احلى!

عمرقلبي؟؟؟
مممممممم ما بعرف!!
طولة بالي؟؟ بصراحة..حسب الهبة
انا مستمتع باللقاء كتير والله العظيم!
بالنسبة لصلاح البلد...نحنا بحاجة لحتى يكون محاربة الفسادمن استراتيجيات الدولة وليس كخطوة تكتيكية..
فهمت علي ؟؟ وبالتالي الخطوات الفعالة طيلة الامد هي الاهم.. لانو صار في ضرب لمفسدين كتير بس ومع هيك
الهيئة الادارية؟؟
بصراحة سؤال محرج..انا ما بتخيل حالي بهالموقع ابدا..عذرا سنفور
مواد وابحاث......
اكيد الECG مثلا اخدنا بمحاضرتين**********� �****** بغير محل بياخدوه بفصل كامل
وغيرو كتير
اسم حبيبتي.. خلص والله رح جاوب ..بس لما بتجي ...تكرم عيونك ابو السنافر**

المشاركة الأصلية بواسطة سنفور

قلتلك بأول اللقاء إني حابب كتير أحكي معك
وأرجع أتعرف ع صديقي القديم.. حسن..
من شان هيك دبقتك.. بأسئلتي..
سؤالي .. هو إذا هلأ جعت لأجوبتك السابقة كلها..
فيك تعطي جواب صريح هي المرة.. إنو كم مرة جاوبت أجوبة دبلوماسية.. يعني هيك هيك..
؟
حاول هي المرة ما يكون جوابك دبلوماسي..
من 100 شقد إنت دبولماسي؟؟؟

يا سيدي ميت السلامة فيك سنفور بيك
لأ والله
يعني مثلا لما عم امدحك وامدح ايامنا الحلوة القديمة مع بعض ..بكون دبلوماسي؟؟
والله بكل اجوبتي حاولت احكي الصراحة بقدر المستطاع
يمكن كان في دبلوماسية ما بنكر
بس دبلوماسيتي ما بتتناقض مع الحقيقة ..وكلنا بدنا الحقيقة**...عفوا ..الحئيئة

المشاركة الأصلية بواسطة Evereve

حسن افندي ... لأي حد انت مغامر ( بالدراسة , بالسفر , بعلاقاتك مع الاخرين ) .... يعني بتحاول تجازف ولا بتلعبها عالمضمون
اش بتعنيلك الاحتمالات ? ... و كيف بتنظر لنسبة 30% ?

والله يا ابونذرة مالي كتير مغامر
بحب العبها المضمون.
واكتر من هيك..ما في شي بعملو بحياتي الا وبكون حاسب نتائجو سلفا لحتى ما اتفاجأ
يمكن هالشي مو منيح كتير ...مووووو؟؟

الاحتمالات؟؟
ما كتير بفهمها يعني لما واحد بقول انا صدقت فلان بنسبة 65% **؟؟؟ شلون يعني؟؟
اللي بعرفوا في ابيض واسود وفي كمان رمادي

كيف بنظر لنسبة 30%؟؟؟
والله يا نذير انا عندي شك بنسبة 76,88 % انو عندك غاية ما بهالسؤال... انشالله ترجح ال23,12 واكون غلطان

يا سيدي قعلا ما فهمت علي والسبب انو ما عرفت اعبر منيح
اكيد الزكاة حق وواجب...يا زلمة هي فرض من فروض الاسلام

بس انا حكيت عن شغلات تانية... لما ناس بشاركوا مشان يعملوا دار ايتام وا جمعية خيرية أو .حفلة يروح ريعها للفقراء أو معرض أو..........أو..
لما شخص ما ممكن يكون طالب جامعة بكون ماشي بالشارع وبيحيه محتاج بيسألو بقوم بيعطيه مثلا ميت ليرة او ميتين
هاد احسان..مو هيك؟؟

اعذرني على تطفلي اخي حسن
الواضح انه علاقتك بشباب دفعتك طيبه وقديمة ووطيده (ما شاء الله )
قلي من متى تعرفهم ؟ من أول سنة بالكلية؟
والله يديم المحبه بينكم

تحياتي

حسن…بتسمحلي أسألك سؤال أخير…(بس الله يخليك لا تجاوبني بما بعرف)
شو هو اللقب اللي مطالعو علي فيصل ورفقاتو؟
يعني مثلا في واحد من الشباب لقبو ب"صاري" (نسبه للاعب انس صاري)
فشو هو لقبي معقول يكون ماديو كوناتي (السنغالي)

أنا قلتلك أنو هادا اخر سؤال لأنو في عالم قالولي حل عن الزلمه بقى… واذا كان صاحبك عسل لاتلحسو كلو
وكمان رمضان قرب ولازم نشيل قناع ال ….. ونحط قناع ال
وبهل مناسبه بقلك مباركه طاعتك (سلفا)

وعلى فكره الأدعيه اللي ناوي أدعيها برمضان رح يزيدو دعائين
الأول أنو الله يوفقك وينورلك طريقك
والتاني أنو يارب أصير متل حسن بالدبلوماسيه والدماثه والطيبه والشعبيه وال….وكل شي

بس حلوه هي (دماثه) لاتقلي

باعتبار رمضان جاي..
وباعتبار حسن عسل.. فأنا بنصح الشباب إنو يلحسو منه قدر ما فيهن.. ويسالوه..
يمكن سمعتها من حسن هي الجملة..؟
"اسألوني قبل أن تفقدوني.. " يعني اسألوني قدر ما بدكن قبل ما يصير الدور لغيري وما بقى فيكن تنهلو من أجوبتي.. ومن معيني الصافي..

عن جد.. حسن معين صافي..
وحسن .. آه شو بدي أحكي ع حسن..
برجع بقول.. (وأنا ما عم أنفش بحسن.. أبدا لإنو حسن هو هيك.. وما بدو نفش لإنو بيعرف إنو هو هيك.. )
نيال يللي بدها تاخدك يا حسن.. لإنو حسن شغلة عظيمة..
أنا قلت بأول اللقاء إني حابب أتعرف ع حسن من جديد.. وبالفعل..
حسن مختلف كتير عن لما كنا صغار.. وصاير حسن .. بكل ما في الكلمة من معنى..
من شان هيك رح ضل أسأله..
ويللي بدو يلحس من عسله يلحس قد ما بده.. لإنو حسن عسل مصفى.. و مو أي عس..
حسن هو عسل الزلوع.. الصافي.. يعني عسل ملوكي..

يقى جاوبني يا حسن.. باعتبار متل ما قلت قبل ما أستفيض بوصف حسنك.. إنو هلأ رمضان جانا وفرحنا بو بعد غيابو.. وأهلا رمضان..

بتتمنى تكون إيامنا كلها رمضان.؟ وصيام..

شقد بتحس إنك صرت أصفى وأنقى برمضان؟؟

شقد بتحس العالم اختلفت برمضان عن غيره.؟.
بتحس العالم بتعرف رمضان وبتعطيه حقه؟؟

رمضان محبة.. رمضان مصالحة.. رمضان تقى.. رمضان خير على الكل..
بس أحيانا رمضان جوع، ومصاريف.. وعصبية..
شلون فينا نخلي رمضان بالفعل خير ع الكل..؟

في عندك أفكار نيرة.. من شان نعمل رمضان حلو بالمنتدى..؟
مثلا بتعزمنا ع فطور بغراند ستيشن .. وبتفطر شباب المنتدى.. وطبعا الصبايا..( بس كل مين ع طاولة.. من شان الحلال والحرام.. بتعرف برمضان يعني .. بتعرف..)
بس ما بتفطر غير الصايمين هه..
إيمت بدك ياه .. أنا بفضل بالإيام الخمسة الأولى..
باي ذ واي.. أنا ما بحب السكالوب.. فشو ممكن تطلبلي بداله.؟

بتمنى تجاوب ع أسئلتي.. وع طلباتي.. !!!

يعني الشبع هون ما كتير.. شي خمس مية واحد بس..


إحكيلنا شوي.. عن شغلات ممكن نعملها لحتى نصير أطهر وأحلى.. وأكتر انسانية برمضان الخير..
طبعا غير الصلاة وقراءة القرآن والعبادات .. هي مفروغ منها..


اسمك حسن.. ع اسم الحسن بن علي.. يا ترى تأثرت فيه شي..؟
بس الحسن أخو الحسين.. بتحس حالك ممكن تكون كربلائي؟؟ يعني خيار الموت من أجل الحياة. ؟

أنا بصراحة ماعندي اسئلة لحسون حبيبي (يلا جخ)... بس حبيت ثبت حضور وسلم عليه كونو غالي علي كتير... وأحلى حسون ... والله مشتقلك يا زلمة...

سلامة...