ليس من العدل أن يتأخر حتى الآن ... أعطونا عدلا
يدور هذا النقاش حول ليس من العدل أن يتأخر حتى الآن ... أعطونا عدلا في قسم لقاءات في الملتقى الطبي السوري; عن جد كتير خليناه يتأخر
مع إنه من أقوى المرشحين
بس يالله العدالة لا بد إنها تتتحقق
لذلك تفضل يا متفائل يا أوبتيمستو لهون على طاولة التشريح
وعرفنا عن نفسك
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| | LinkBack | أدوات الموضوع |
Sep, 24 2005, 04:52
| |||
| |||
 ليس من العدل أن يتأخر حتى الآن ... أعطونا عدلا عن جد كتير خليناه يتأخر مع إنه من أقوى المرشحين بس يالله العدالة لا بد إنها تتتحقق لذلك تفضل يا متفائل يا أوبتيمستو لهون على طاولة التشريح وعرفنا عن نفسك متل ما بتحب نعرفك شيل كل الأقنعة إذا كان في وتفضل  |
|
#11
Sep, 24 2005, 15:50
| |||
| |||
| إي يا حسن شو في شي في حياتك غير الطب بيشغلك؟ هوايات؟ أقارب؟ أصدقاء؟ روحات؟ جيات؟ احكيلنا بالتفصيل عن الأشياء اللي بتشغلك غير الطب |
|
#12
Sep, 24 2005, 16:33
| |||
| |||
 حسن.... اسم على مسمى! من زمان وأنا عم أنتظر هاللحظة يلي أحسن وجه صواريخي التوماهوك (من بلاد العم سام طبعاً!) لحسن.... بدي أسألك... شو هي علاقة الحب المثالية بوجهة نظرك.... يعني أنت كيف بتحب وكيف بتحب تنحب؟.... سؤال صعب! قلتلي أنك بتحب أغاني فيروز... شو مدى تأثيرفيروز على حياة أوبتيميستو وأفكارو؟ يا ترى أنت بتأسس علاقاتك بسرعة ولا ببطئ؟ يعني ممكن تكون صداقة حميمة أو أنك تحب بسرعة ولا بتاخد وقتك بالعادة؟ أنت سافرت من فترة على مصر.... وأي تجربة بحياة الانسان بتعلمو شي جديد... فيا ترى شو علمتك هي السفرة؟ بعدين صحي.... وينها هي بخيتة؟!  وبالمناسبة... الألف ب"اشتقنااااااااالك" ما زابطة معك.... حبيب قلبي لسا بدك كتير لتحسن تحكي شامي... إيوا! ولي عودة..... |
|
#13
Sep, 24 2005, 17:06
| |||
| |||
| حسن ؟؟؟؟ اش بدي أحكي يعني اختيار موفق بس متأخر هالزلمة هاد كتير عمترتفع معنوياتي لما بشوفه " عذراً بس معنوياتي مع ابن الصلاحية بترتفع أكتر" المهم أخلاق هالزلمة من النمط العالي يعني بتحسنو تقولو عميقرب من التوب . إضافة لذلك كمان الزلمة شبابلك و بيحب طلعات الشباب "ما شاء الله جمعنا شلة من الشباب الكويسة في الدفعة و عمنعمل مشروع كبير كتير  المشروع ناجح  و حسن مساهماته قيمة فيو بكفي عمأتصبح بوجو كل سبت هي نعمة كبيرة "طبعاً بتعرفني يا حسن أنو ببج ما بحسن لذلك تأكد ما في بكلامي مجاملة" طيب اش منحكي كمان ؟بحب أقللو الله يعينك على هاللقاء و يهنيني لأنو دوري يا مارح يجي يا أما كتير متأخر يعني بتحسن تقول نفدنا . طيب أش في كمان و الله يا زلمة مخربطلي أفكاري استنى لأحكي كمان أش في؟ إش في؟ إي إي تذكرت يا جماعة حسن إنسان قوي صح و ما بيخاف على عكس ما يبدي شكلو و مو بس هيك و بدو يختص جراحة "مدهش"  المهم هلأ أسئلتي اللي كان يوصفها أسامة بالصعبة بدي أشوف وصفك إلها ؟  1- حدثني عن نسب الانجاز بحياتك ؟ موجودة ؟ و لا لأ بتاخد الأمور عالتوكل .؟ شقد للتخطيط حيز كبير بحياتك؟ 2- في عندك self-control رهيب ممكن تقللي منين حسنت تطبقه على حالك ؟ هل كان هادا بالتربية؟ و لا اكتسبته ؟ 3- بحس دائماً إنك حاطط كتير ناس على نصف قطر دائرة وحدة ؟ طب بدي أسألك لاقيت صديق حقيقي لهلأ مو محطوط على نص القطر هاد؟و إذا مالاقيتو إش هي المواصفات اللي بتخليه يقرب منك أكتر من غيرو ؟ 4- في إلك معي دين من يوم السينما إيمت بدك تاخدو ؟ هلأ هاد اللي عندي تحياتي حازم |
|
#14
Sep, 24 2005, 17:18
| |||
| |||
| أبو الشناكل و الله انت صرعة يعني كتير انبسطنا باستضافة حسن كترلنا منهون هدول خلينا نهري نعمتو و نشوفو عميتفجر بصواريخ سام . اليوم الصبح من الساعة 9:57 بشرتوا هالبشارة و يا محلى العبطة اللي بينت على وجو صدقوني لو معي كاميرا كنت صورتو و نزلتا هون بس حظي سيء كان اليوم الوحيد اللي بنساها فيو يالله حسن فرجينا اش في عندك هي عمأعملك جو و دعاية روح يالله عقبال فيسو و اللي ببالي  تحياتي حازم |
|
#15
Sep, 24 2005, 17:50
| |||
| |||
| shankool... لحتى اكون صريح معك.. من بعد ما دخلت طب ماعاد في كتير شغلات تشغلني بس مو السبب انو الطب هو اللي منعني لأ أبدا السبب هو انو انا دخلت المجال الحياتي اللي رح كمل فيه بقية عمري فيمكن عم ركز معظم اهتمامي عليه.. بس بيقى عندي اهتمامات تانية .. انا مولع بالجغرافيا يعني دول واعلام وعواصم ومدن وحدود ... بحب السياسة وخاصة التحليل السياسي او اذا بدك ماوراء الخبر .. عندي هواية جمع الطوابع ولهلأ عندي مجموعة معتبرة بحب اقرأ بالسياسة والاقتصاد وكتير بحب الجداول الاحصائية..!!!! بالنسبة للاقارب علاقتي معن كتير قوية ورفقاتي بيقلولي :"غريبة عيلتكن كتير مترابطة مع بعضها" والحمدلله هالشي مزبوط .. يعني في عنا اجتماعات عائلية مقدسة منحضرها كلياتنا ومنكيف فيها... اضافة الى انو عندي ابن خالتي ابو طه (أحمد)الملك اللي تخرج هالسنة ورح يسجل اختصاص داخية وبنت خالي يمنى سنة خامسة يعني بدفعتك واخيرا وليس اخرا بنت خالي العزيزة لولو على سن ورمح سنة رابعة رفقاتي بتعرفن ما بدي اذكر الاسماء لحتى ما انسى حدا... اضافة لرفقة المدرسة هيك يعني ممشي حالي ومتل ما قلت مبسوط بحياتي بالكلية وبحياتي خارج الكلية ...................................... |
|
#16
Sep, 24 2005, 18:27
| |||
| |||
| mr.sam يعني لسا مصمم انك تخجلني بكلماتك الحلوة .. والله هيك كتير ممممممممممممممممم بلشنا فورا بالحب وما حب؟؟؟ طيب.. العلاقة المثالية بنظري تتطلب شخصين واعيين اختاروا بعض بملئ ارادتن مناسبين لبعض عمريا وفكريا هاد بالخطوط العريضة اما انا شلون بحب وشلون بحب انحب فانا مالي شخصية استثنائية يعني متلي متل كل العالم يعني الله يبعتلي وحدة تحبني واحبا وخلص (الشغلة بسيطة موووووو؟!!) اما فيروز... يا عيني فيروز اثرت فيني كتير خلتني رومانسي اكتر يعني كتير من اغاني فيروز عن الشتا والمطر والبرد وانا بعشق الشتا وفصلي المفضل هو الشتا ويا ريت كل الوقت شتا واحب علي انو اقعد جنب النار وقدامي شباك هم ينزل عليه مطر وعم اسمع لفيروز (رجعت الشتوية)!! بالنسبة لعلاقاتي.. يا سيدي انا بطئ في تأسيس الصداقات وفعلا باخد وقت كتير لحتى اكون صداقة مع شخص جديد طبعا مع بعض الاستثناءات وبالنسبة لمصر يا سيدي قضيت هنيك 40 يوم لحالي يعني تعلمت اكتر الاعتماد عالنفس ومن هاد الحكي الفاضي وشغلة تانية هي لما بتشوف اثار مصر وعظمتها عن جد الواحد بيعتبر انو اللي بنوا هاعجائب وينن هلأ؟؟ تحت التراب أما بخيتة رجعت عمصر قال شو هي بتفضل تعيش مع فتكات وبطة وهلأ عرسها قريب على حنفي ابن عمها!! اشتئناااالااااااااااااك |
|
#17
Sep, 24 2005, 18:29
| |||
| |||
| حازم يا سيدي شكرا عالكلام اللي متل العسل واللي ما بستاهل نصو... ويا سيدي بج ولا تهتم ولو .  بالنسبة لاسئلتك.. يا سيدي حطيت ايدك عالجرح...فعلا انا ما عندي شي اسمو تخطيط للمستقبل وهاد شي كتير سلبي ..مابحب كتير التفكير باللي جاي يعني خليني انهي يومي بعدين بفكر ببكرا ..هالشي غلط بس يعني بيني وبين التخرج لحشة حجر ولسا (وانت بتعرف) مالي رسيان على بر!!! بالنسبة للself-control يمكن كلامك صح .. ما بحب كتير اني اعصب قدام العالم لانو بحسها نقطة صعف.. شلون تعلمتو؟؟ يمكن من التجارب اللي واحد بيمر فيها يعني بيعصب من شي موقف وبيندم بعدا وهيك بالنسبة لسؤال الصداقة...بصراحة اختلطت علي الامور شوي!!! بس بقول وهالشي مو جديد انو رفيقي القريب والاقرب هو فيسو (فيصل) اللي رح يرجع اليوم  وعندي رفقات تانيين بيتقلوا بالدهب واكيد انت من اولن وانا هلأ ما عم دور على غيرن يعني خلص هدول هنن رفقاتي وصفات رفيقي : اهم شي يستعد انو يسمعني ويستوعبني ويشيلني لما بكون واقع شي وقعة ولما بتتسكر الدنيا بوجهي يعطيني هو المفتاح.. بتمنى اكون جاوبتك بالنسبة لدين السينما.. انا مالي متذكروبصراحة!! بس يلا انت كريم ونحنا منستاهل |
|
#18
Sep, 24 2005, 18:41
| |||
| |||
| صعي حازم بالله كان مبين علي اني رح اغوطن لما بشرتني اليوم بالقصة؟؟؟ وشغلة تانية.. ما بتعرف شقد انبسطت لما قلت انو انا برفعلك معنوياتك.. عن جد هي شهادة كتير حلوة ... وشغلة تالتة هلأ أنا بليد؟؟؟ أو دمي بارد؟؟؟؟ (تعقيب على حديث سلاف) واذا الواحد هيك مبين عليه شو المشكلة انو يختص جراحة؟؟؟ يا زلمة قللتك داومت بدار التوليد وقمت بدور المولد لحالي اكتر من مرة وطرشت ميت الراس علي من فوق لتحت  بقا اللي صار معو هيك صعبة عليه الجراحة؟؟ ولا شو رأيك؟؟ |
|
#19
Sep, 24 2005, 19:21
| |||
| |||
| والله أيامك يا اوبتيميستو بس حظي حلو اللي خطرلي أسجل قبل ما يستضيفوك هلأ ما خاطرلي ولا سؤال بس سؤال صغير اش بتحب من أغاني فيروز أكتر ؟ سالتك حبيبي ولا حبيتك ونسيت النوم ولا سلملي عليه؟ خطرلي سؤال  بتسمع لعبد الحليم؟عفكرة كتير الك شعبية بين طلاب السنة الثالثة  بس على ايش ما بعرف؟ |
|
#20
Sep, 24 2005, 19:35
| |||
| |||
 عيوني! طبعا... أنا لما بتخيل أوبتيميستو، يتخيل شخص قاعد على كرسي هزاز، ماسك جريدة، وعميقرأ قدام ال"موقد"... طيب... منرجع للأسئلة.... شو هو هدفك الكبير بالحياة؟ على الأقل الآن؟ (لمعلومك الانسان ممكن تتغير أهدافو بتقدم الزمن، وهدا شي طبيعي)... ما بتصور أنو في اتنين بيختلفو أنك انسان محبوب، وأنك شخصية "شعبية" إن صح التعبير... برأيك ليش؟ هل هو شي بشكلك؟ أم بشخصك؟ Richard Marcinko، وروايتو Seal force Alpha يلي استعرتها من عندي وما رجعتها لهلأ.... بتحسن تقلي شو عطتك؟ (غير الكثير من الكلمات والمصطلحات يلي منلاقي قدامها كلمة taboo بالقاموس... )... وشو رأيك بهيك شخصية... يعني على هوا ما مبين بالرواية أنو إنسان شجاع، مثقف، قوي نفسياً وجسدياً، ومع ذلك في بداخلو شي كتير حساس وبريء....مشان الشامي... بكرا جاية على حلب... ومنتواجه! ولي عودة.... |
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| يجب أن يعرفه حتى العوام...فهل نعرفه؟؟؟ (الانعاش القلبي الرئوي) | dr.mohi | طوارئ وتخدير | 14 | Jun, 01 2008 00:07 |
| هذا ليس بهديل روحٍ وإنما ... بعضٌ من تهدمها | No Body | هديل الروح | 7 | Dec, 07 2006 02:04 |
| التغريبة الفلسطينية ...ليس مجرد مسلسل ...ليس ترفيهاً | Wiseman_a | اجتماعيات | 4 | Oct, 01 2005 11:32 |
كل الأوقات حسب GMT +2، والوقت الآن 06:02.
