ليس من العدل أن يتأخر حتى الآن ... أعطونا عدلا
يدور هذا النقاش حول ليس من العدل أن يتأخر حتى الآن ... أعطونا عدلا في قسم لقاءات في الملتقى الطبي السوري; عن جد كتير خليناه يتأخر مع إنه من أقوى المرشحين بس يالله العدالة لا بد إنها تتتحقق لذلك تفضل يا متفائل يا أوبتيمستو لهون على طاولة التشريح وعرفنا عن نفسك
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| | LinkBack | أدوات الموضوع |
Sep, 24 2005, 04:52
| |||
| |||
 ليس من العدل أن يتأخر حتى الآن ... أعطونا عدلا عن جد كتير خليناه يتأخر مع إنه من أقوى المرشحين بس يالله العدالة لا بد إنها تتتحقق لذلك تفضل يا متفائل يا أوبتيمستو لهون على طاولة التشريح وعرفنا عن نفسك متل ما بتحب نعرفك شيل كل الأقنعة إذا كان في وتفضل  |
|
#21
Sep, 24 2005, 21:32
| |||
| |||
| white heart الله يصلحك يعني حبكت انو يخطرلك تسجلي لما بدي انزرك هالزركة.... كنا خلصنا من واحد  بالنسبة لفيروز انا عندي الاعمال الكاملة الها وبصراحة كل اغانيها انا بعشقهن وكل وحدة فيهن الها عندي مكانة خاصة وكل فترة في غنية بتستحوذ على تفكيري وبضل عم ادندنها بيني وبين حالي كل الوقت وحاليا الغنية هي "يا جبل الشيخ " عبد الحليم؟؟ اذا انتي بتحبيه فياريت تعذريني عن وقاحتي التي سترد الان انا بكرهه !!!!!!!!!!!!!!!!!!!!! سبحان الله ما بعرف ليش!! بس عن جد ما بحبو ولا بستسيغ اغانيه وعذرا من كل مين بحبو لعبدالحليم!! ومشان شعبيتي !! اول شي شكرا خجلتيني......... بس بصراحة انا ما بعرف كتير عالم من دفعتكن.. بس يلا شي منيح اذا هلأ ترشحت لشي منصب انتي بتضمنيلي اصواتن موووووووو؟؟  |
|
#22
Sep, 24 2005, 21:40
| |||
| |||
| صديقي الودود الحباب الاكابر العاقل المثقف ساااااااااااام هدفي الكبير بالحياة؟؟ هلأ أنا قلت بمشاركة سابقة انو ما بحب افكر كتير بالمستقبل .. بس اكيد من حقي انو احلم بمستقبل حتى لو كان حلم وردي!! يا سيدي هدفي الكبير بالحياة انو اصير جراح بولية ناجح ورب عائلة ناجح ويصيروا ولادي احسن العالم وبعدين لما يصير عمري 65 سنة اتقاعد من الشغل واروح اقضي اخر كم سنة بعمري باسبانيا وبالتحديد بشي قرية اندلسية قديمة لا تضحك !! شي غريب مو؟؟ بس يا ريت يتحقق هالهدف! مممممممممم.. يا سيدي تسلم محبة الناس شغلة كتير حلوة واحلى دعوة بسمعها هي الله يكتر محبينك ما بعرف اذا انا كنت عن جد متقبل من قبل رفقاتي وزملائي بس يمكن انا بحاول اكسب الكل وبعمري مازعجت حدا..بصراحة يمكن الحديث عن هالموضوع صعب شوي ..لذلك رح اكتفي هيك!! بالنسبة ل seal force alpha لعما اش كني ما نسيتو لسا عندك امل تستردو؟؟  لعما شئد صارلو عندي سنين يمكن انا بزماني قريت جزء منيح منو بس بتعرف اني نسيت كتير من التفاصيل اللي بتذكروا انو صاحبنا كان مغوار وقوي كتير وكان يسبسب عالطالعة والنازلة وفعلا من جوا كان حباب طيبة النفس والبراءة قد ماالواحد خباهن الا ما يطلعوا واذا انت كنت معلم باتعامل مع الاخرين بتعرف كيف تطالعلن خصالن المنيحة... بتمنى اكون جاوبتك عم استناك بكرا ايمتاااااا جاااااي انوووووو سااااااعة |
|
#23
Sep, 24 2005, 22:02
| |||
| |||
 ما بعرف شو لازم ؤول .... حسون (متل ما دايما بصحلو) انسان رائع بكل ما تعنيه هالكلمة يمكن انا ئئدم واحد بيعرف حسن بالمنتدى ... "من ايام طلعة عمار الحصن اذا بتتذكرا" .... بعدا اجتمعنا اكتر من مرة بنادي المهندسين لما كان يطلع مع اخو سعد ( سلملي عليه و على يحيى بالمناسبة ) بعدا جمعتنا ابن زيدون سنتين في نفس المقعد بعدنا شوي عن بعض بالثانوي و الجامعة يمكن لانو انا مجنون و متمرد اكتر منو , بالاضافة لئصة اني أغلب الوئت برات البلد .... بس عن جد حسون كتير شغلة عظيمة عندي و كتير بحترمو مو تحسب حالك نفدت ... رجعانلك بالاسئلة |
|
#24
Sep, 24 2005, 22:58
| |||
| |||
| اخ ع هديك الايام!! عن جد خجلتني لك بتتذكر روحة عمار الحصن؟؟ يمكن كنا بالابتدائي مو؟؟ بتتذكر مين كان طالع فيها؟؟ عمو ابو منير ونادي المهندسين ..ونذير لما كان يسبح متل السمكة وانا اغرق بشبر مي. (بس هلأ بسبج منيح!!).. حلوة هديك الايام كتير على كل يسلم تمك كلك زوق وانت عندي كمان شغلة كبيرة .. سلم عالاهل وهي ابوي هلأ قلي خلي نذير يسلم كتير على ابوه وعالكل (مجد وطارق وخالة!) وعقبال ما نشوفك بحلب عن قريب.. وانا عم استناك.. |
|
#25
Sep, 25 2005, 00:30
| |||
| |||
| حبيي حسن : كان شعور العبطة الرائع بادي تماماً على وجهك الوسيم الله يخليك لأمك صدقني وبشكل ممتع للتصوير بتعرفني بحب أصور المواقف المضحكة تانياً أنا ما قصدت أنك بليد أو قلبك بارد تعقيباً على حديث سلاف و إنما هالهدوء اللي عندك ياه و ال Self control هو اللي قصدته تالتا مابقى أستغرب منك شي إذا بتختص طب شرعي مابقى أستغرب شي تحياتي حازم و لي عودة و بدي أهلكك كمان |
|
#26
Sep, 25 2005, 00:31
| |||
| |||
| إي هه.. يا هيك الإختيار يا بلا. يمكن صعب علي إني أحكي هلأ، عن أوبتمستو.. الساعة تنتين نص ليل.. وراجع من سفر بس مريت لهون.. وقرأت المشاركات .. وكان لازم أقول شي.. حبيته لشنكول كتير.. لما نقا حسن، بعد ما كنت عم نتف بدقنه من فترة.. وهو كمان عم ينتف بدقني.. حسن من ألطف شباب الكلية، وأخفهن على الروح.. وأسلسهن.. يعني بينشرب مع المي العكرة.. أول شي، نيال يللي بدها تاخده.. ومسكينة يللي بتنغرم فيه.. وما بياخدها.. المشكلة إنو السعيدة هي واحدة.. بس التعاسة والحظ السيء رح يلحق المئات.. يالله من شان يصير للعم سام شغل مع المكتئبين.. أوبتمستو بيعطي الواحد شعور بإنو في ناس عم تشتغل شي إله قيمة، بيعجبني كشخص مجتهد وملتزم.. يمكن عرق دقيقة من شان يفهم شغلة ويثبتها منيح براسه.. بتسوى ساعتين حكي.. من حكي أهل الكلام.. وما بيعني هدا إنو هو لما بدو يحكي ما فيه يحكي.. لأ.. بيحكي وأحسن من شي ألفين فقيه.. حسن رايق، هادي، متوازن، في خط يمكن مرسوم بحياته.. وماشي عليه.. من كل قلبي بتمناله، يصير جراح بولية أحسن من أساتذتنا.. (وبصير..) ويصير عنده أولاد أحسن من أولادي.. وطبعا يلاقي الصبية يللي بتستاهله.. ورح تقول الصبايا نيالها.. يمكن كتير من الشباب بقولو من حبهن لحسن.. منيح ما كنا صبايا كنا رح ننغرم فيه.. والمشلكة حسن نجمه عالي.. وحتى يمكن نروح نخطبه كمان.. بس.. بقللنا حبيبتي لسا عم تمشطها الملايكة.. ولسا ما جت.. طبعا الأسئلة جاي حسون.. وبصراحة أنا مشتقلك كتير.. يمكن صرلنا 4 سنين ما حكينا مع بعض بعمق.. بتذكر إيام كنا نرجع مع بعض ع البيت.. كنت أهلك سماكن بأحاديثي.. وبشغلات تتفتق براسي كل يوم.. بس هلأ مسموح.. خليني أهلك سماك شوي.. هالأسبوع.. خاف ما نقدر نهلك سماك بعده |
|
#27
Sep, 25 2005, 14:42
| |||
| |||
| والله يا سنفور ..قدام هالحكي اللي ما بستاهل ولا واحد بالمية منو.. والله عجزت كلماتي عن الرد.. عكل تسلم وكلك زوق ...بس والله خجلتني واحمر وجهي  وانا كمان مشتقلك كتير وعم استنى اسئلتك وبتمنى انو يسعفني ذكائي المتواضع مشان اجاوب على اسئلتك العميقة.. وشكرا عكلماتك ومرورك الغالي علي كتير كتير |
|
#28
Sep, 25 2005, 16:09
| |||
| |||
| طيب منرجعلك مستر أوبتمستو : 1- اش بتعنيلك أيام الثانوي ؟ إش أكتر الحظات إحراجاً إلك بحياتك في هالمرحلة 2- في أستاذ أثر فيك كتير بالمدرسة ؟ 3- شلون بتحسن تسيطر على شعبيتك الجارفة ؟ و خاصة بعد ما وصفها سنفور أحسن وصف؟ |
|
#29
Sep, 25 2005, 16:29
| |||
| |||
 أول شي بحب أرجع أرحب فيك دكتور حسن ..... رجعت و معي كم سؤال صغير .. 1- حسن ، optimisto اسم يوحي بالكثير الكثير من التفاؤل ، هل صفة التفاؤل ملازمة بشكل حقيقي لك أم أنها أمنية أن تبقى ملازمة لك على الدوام ؟ هل مرت بك لحظات شعرت فيها أنك لابد أن تفقد شيئاً من تفاؤلك و لا سيما أثناء مشوارك في دراسة الطب ؟ 2- بالمناسبة كيف تقيّم الوضع التدريسي في كليتنا ؟ 3- هل تمنيت يوماً لو كانت بك القدرة على السفر خارج البلاد لدراسة الطب ؟ 4- التفوّق ، ماذا يعني لـ حسن ؟ و كيف ينظر لأقرانه المتفوقين ؟ 5- كيف تنظر لوضع المرأة في مدينة حلب ؟ من الناحية الثقافية ، الدينية ، أسلوب التفكير ( العجيب لو أردت رأيي !!!) ، و هل سبق أن حمدت ربك أن سواك رجلاً ؟ 6- هل ترى في نفسك حسن الملتزم دينياً ؟ أم انك تتمنى أن تكون ذلك الشخص ، أم أنك لم تفكر في الأمر قبلاً ؟ 7- لكل منا دافع في حياته يدفعه للنجاح ، ما هو دافع حسن للنجاح ؟ بتمنى أكون ما تقّلت عليك ..... مع أطيب التمنيات بالتوفيق و النجاح ! |
|
#30
Sep, 25 2005, 17:19
| |||
| |||
| حازم... أيام الثانوي هي أحلى أيام بعمري هي أيام الشقاوة (والشقاوة كلمة نسبية!!) وبالتحديد صف الحادي عشر كان صف الصياعة وبهداك الوقت كانت المرة الاولى اللي بهرب فيها من المدرسة بعد ما نطيت من عالسور (سور مدرسة الكندي! وكان معي سنفور ... بتتذكر سنفور يومها انت نطيت ووجعتك اجرك كتير!! وبعدها هربت مرة تانية واخيرة كانت بالبكالوريا هربنا انا وفيسو من الاحتفال!! وكنا شي اكتر من عشر طلاب دخلوا عالطب من الكندي ومنن انا وفيسو وسنفور وايفريف و و و و و بالمختصر كانت ايام بتعقد ومن المواقف المحرجة... لما كانت تجي سيرة مدرسة نابلس للبنات !!! لانو يمكن ما بتسدق انو ما كنت بعرف وين مدرسة نابلس.. وبالنسبة لطالب الكندي هي تعتبر كفرية!! من الاساتذة اللي اثروا فيني كتير وانا لهلأ بعشقهن هو استاذي بدورة الرياضيات أسامة سرميني  يعني هو اللي زرع فيني الثقة والامل انا بمووووووت فيه وبالنسبة لقصة الشعبية... يمكن انتو عم تبالغوا شوي ..يعني مو كل هالشي والله بعدين بصدق!!! على كل الله يديم محبة العالم لانو هي كنز مهم وانشالله اكون بستحقها.. وشلون بتعامل معها ؟؟.. بسيطة !! ابادل الحب بالحب والود بالود |
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| يجب أن يعرفه حتى العوام...فهل نعرفه؟؟؟ (الانعاش القلبي الرئوي) | dr.mohi | طوارئ وتخدير | 14 | Jun, 01 2008 00:07 |
| هذا ليس بهديل روحٍ وإنما ... بعضٌ من تهدمها | No Body | هديل الروح | 7 | Dec, 07 2006 02:04 |
| التغريبة الفلسطينية ...ليس مجرد مسلسل ...ليس ترفيهاً | Wiseman_a | اجتماعيات | 4 | Oct, 01 2005 11:32 |
كل الأوقات حسب GMT +2، والوقت الآن 05:13.
