ليس من العدل أن يتأخر حتى الآن ... أعطونا عدلا

Sep, 24 2005, 04:52

عن جد كتير خليناه يتأخر
مع إنه من أقوى المرشحين
بس يالله العدالة لا بد إنها تتتحقق
لذلك تفضل يا متفائل يا أوبتيمستو لهون على طاولة التشريح
وعرفنا عن نفسك متل ما بتحب نعرفك
شيل كل الأقنعة إذا كان في وتفضل

#81 Sep, 27 2005, 15:10

يمكن كان وقت اختيار المقابلة مع حسن غير مناسب في الوقت الحالي بالنسبة إلي ، أنا آسف للتأخير ...أول مرة بدخل بلاقي 8 صفحات ...

مابعرف شو بدي اسألك ، فكرت كتير كتير كتير ، يمكن بعرف عنك اكتر ما انت بتعرف يعني إذا مرة كنت كتير مشغول فيي جاوب عنك هالأسئلة الكتيرة ...

بس لو بدي أحكي عنك مارح اخلص بسنة ، الحكي عنك مابيخلص ... في دعاية بيقولو كيف نعيش بلا كابريس ، وكل مابتطلع بقول كيف بعيش بدون حسن ...

طيب شو أسألك ؟.؟

شو لونك المفضل ؟؟؟
وشو برجك ؟؟ وشو كنت بتتمنى يكون برجك ؟
وشو أكلتك المفضلة ؟؟ وشو بتحب تلبس بلوزات ؟ ولا قمصان أكتر ؟؟
شو المسبات اللي بتسبون لما بدقللك بأوقات مزعجة ؟؟ ( خصوصا قبل الفحص بنص ساعة ؟؟ )

على كل ، رح كمل بعدين ......

#82 Sep, 27 2005, 16:10

يا شباب

ليس من العدل أن تتعبوه إلى هذا الحد
أعطونا عدلا

هدوا شوي على حسن مو منشان شي منشان أصابيعو هلأ بكرة بالجراحة ما بيعرف يساوي شي تقيلة ما هيك حرام و اله إبن الكيالي جراح فاشل

تحياتي
حازم

#83 Sep, 27 2005, 19:11

أخي حسن إذا شفتها لهي يللي قللك عنها ميدو.. خبرها عني..
قللها في سنفور بالمنتدى.. بيجي إذا بدك..
أو إنت خبرني.. اتصل فيني ع الموبايل.. بجيك فورا..

هي المشاركة بس لحتى شوف توقيعي الجديد..
بهديك ياه..
شو رأيك فيه؟

#84 Sep, 27 2005, 19:21

سألتك ما جاوبت..
ممكن تحب أكتر من صبية بنفس الوقت.؟
طيب.. لو كان ما في مشكلة عند حدا.. وما حدا بيزعل.. ولا حدا بينجرح.. ممكن تتزوج أكتر من امرأة.؟

شو رايك بشب حابب 3 بنات.؟ كذاب؟. ما عم يحب.؟ ولا مقبول.؟.
شو رأيك ببنت حاببة 3 شباب.؟ ....؟ ولا مقبول.؟
حسيت بفرق لما فكرت بالسؤالين.؟ ولا حكمت عليهن بنفس المعيار؟؟

شو هو العمر المناسب للزواج؟
طيب قبل الزواج... لازم الشب يحب مرة وتنتني ليعرف قلبه شو بده وعقله عمين بيستقر؟؟
طيب البنت لازم كمان نفس الشي..؟
ولا لأ.. حب أول وأخير للتنين.؟؟

#85 Sep, 27 2005, 19:30

بقولو إنو رحلة المركبة الفضائية ديسكفري.. كلفت مليارات بتكفي لتطعمي كل إفريقيا 10 سنوات!!!!!
برايك كان لازم على البشرية إنو تطعمي إفريقيا..؟ ولا تطلع ع الفضاء.؟
بمعنى تاني.. إنت مع التقدم العمودي للبشرية..؟ وللا التقدم الأفقي..؟
يعني لولا إنو في ناس عم تجمع المصاري بإيدها.. ما كان ممكن تقوم مشاريع هائلة الضخامة.. توصل البشرية للتقدم يللي هي فيه هلأ..
فشو رأيك.. لازم نطعمي العالم ونوفر الحقوق الأساسية للكل.. أول شي.. على مبدأ المساواة.. ولا لازم نغزو الفضاء..؟؟

في ناس بتقول إنو الدنيا هيك.. فيها الفقير وفيها الغني..
وفي ناس بتقول ما جاع فقير إلا لإنو في غني عم ياخد مصرياته..
إنتو شو بتقول..؟

في ناس بتقول إنو ما من حق إبن الغني يولد وبتمه معلقة من دهب.. وعم ياخد كل شي..
بينما إبن الفقير بيولد عريان جوعان.. ومريض..
بدون ما يكون أي طفل إله فضل أو دور..
برأيك في عدل بالدنيا..؟ هدا سؤال جاوبني عليه.. مع شرح..
برايك لازم يكون في إعادة توزيع عادل للثرورة ع مبدأ المساواة.. التامة..؟ وللا الجزئية.. ولا.؟؟؟؟ لأ..

#86 Sep, 27 2005, 19:32

في تصنيف للعالم.. إنو واحد حلو وواحد بشع.. وبيناتهن نص حلو أو نص بشع( طبعا هدول النصاص ما متساويين)..
هو تصنيف ما كتير دقيق بس هيك للتسلاية..
طيب.. أول شي، في ناس بتقول الحلوة بلا مخ.. شو رأيك بهالحكي.؟
ممكن تكون حلوة وبمخ؟؟ أو نص مخ..؟
طيب بصراحة.. وبدون لف ودوران.. إنت شفت صبايا كتير .. بالعالم ..
حطللي مع أرقام.. مثلا.. بلا مخ 40% بنص مخ30% مخ.. يعني مخ 45% عكيني تقديراتك.. إنت للحالة

إذا سألتك هالسؤال للشباب.. عطيني تقديراتك..
ما تفكر تخجل من الصبايا يللي بيعرفوك هون.. أو من انتشار الخبر بالكلية إنك عم تقيم ..
لإنو كل واحد رح يفكر إنو هو من أهل المخاخ الكبيرة.. يعني من النسبة ال45% يللي حكيتلك عنها..
طبعا هي النسب ع سبيل المثال.. بس

#87 Sep, 27 2005, 20:02

شو هاااد

الظاهر أنو أمواجي عم تتهادى على شاطئك ….كنت محسب حالي اعصار
بس بظهر انو قدامك عم بطلع شوية رياح صيفيه لا راحت ولا اجت

المهم ما بصير ايئس وانا عم بحكي مع شخص اسمو optimisto لذلك…
اذا ما اقدرت احرجك رح اخليك تحكي عن الاحراج (هي طبيعتي

صدقني)
لذلك رح اسألك
شو هنن اكتر موقفين محرجين بحياتك لحد هلأ؟
وواحد تاني …شو هيه أكتر مره حسيت فيها بالحزن؟

DR.NAS
أنا مو بس مالي قليل لأ انا كتيركمان
وبالنسبه للسؤال............. حسن اللي عم ينسئل هلأ مو أنا

#88 Sep, 27 2005, 20:43

يمكن في ناس بتستحق اكتر مني .. يعني سنفور وحازم وفيسو وسندريلا وسنشاين وغيرن وغيراتن

له له...مين ذكر سن شاين هلأ؟ الله يسامحك...يعني انا كنت حبابة وما سألتك ولا شؤال..قصدي سؤال..ليش حتى
تتمنالي هالعلقة ؟

#89 Sep, 27 2005, 22:42

اهلا فيسو

عجبتني هي انو ممكن تجاوب عني .. رح فكر فيا!!
بالنسبة للوني المفضل هو الازرق
بحب الكنزات اكتر من القمصان
برجي برج الحمل وانا بصراحة ما بفهم بالابراج واصلا بعتبر هاد كلو حكي فاضي

اكلتي لمفضلة ... بحب الفاصوليا البيضا وبحب اليبرق + اي اشي عند غراند ستيشن!!

يا سيدي لما بتدقلي قبل الفحص ....كتير كتير بنبسط وبتنفرج اساريري

#90 Sep, 27 2005, 22:50

لك يا شباب..
أنا في شغلة ما عجبتني..
صرلي عم فكر فيها 4 ساعات..
شو هي إذا شفت بنت حلوة.. بتحمر وبتصفر...؟ وما بتعرف شو بدك تحكي..
يا أخي اتصل بصديق..
شو بدك بنساعدك وقت الحاجة ولا يهمك روح طحاش وقت يللي بدك.. وما تتردد..

انا لوشفت هالبنت الشغلة على قولتك وهي عطتني الاوكي بنظرتا
بصراحة ما بروح لانو .... هيك
عن جد ما بروح والله عن جد

لانو اذا حدا ما بعرفوكتير بكون خجول ومتردد وفورا بيحمر وجهي

ما عيب عليك تحكي هالحكي وحواليك شباب .. يعني شباب..
بساعدوك وقت اللزمة.. إنت بس أشر ع صبية.. وبعتلي صفاتها.. (لون عيونها، شعرها، طولها بالإنش.. ،)
وأنا بفصلك أحلى قصيدة لحسابك.. وإذا بدك عمك أبو النيز بنقلك الكلمات..
وشو بدك مساعدات.. وإمدادات نحنا جاهزين أنا وكل الشباب بالمنتدى..
ما معقول صرت سنة سادسة وما بتروح..

وللا قللك.. لا تروح.. بعتني أنا..

القرحة القلاعية Aphthous Ulcers	عندي مذاكرة تشريح 1 بكرى ومالي ملحق .......شو بدي اساوي؟!!!؟	استفسارات بخصوص الفيزيولوجيا
خلونا نحل اسئلة دورات الفيزيولوجيا سوا ...Go

المواضيع المشابهة
الموضوع	مبتدئ الموضوع	المنتدى	الردود	آخر مشاركة
سباقات السرعة: يجب أن يعرفه حتى العوام...فهل نعرفه؟؟؟ (الانعاش القلبي الرئوي)	dr.mohi	طوارئ وتخدير	18	Oct, 21 2008 02:35
هذا ليس بهديل روحٍ وإنما ... بعضٌ من تهدمها	No Body	هديل الروح	7	Dec, 07 2006 03:04
التغريبة الفلسطينية ...ليس مجرد مسلسل ...ليس ترفيهاً	Wiseman_a	اجتماعيات	4	Oct, 01 2005 11:32


الرئيسية المنتديات الألبوم مواقع المعجم المدونات مجتمع أحداث مدونتنا جديد

أدوات الموضوع
عرض نسخة سهلة الطباعة أرسل هذه الصفحة بالبريد الإلكتروني