السلام عليكم

متل ما شايفين بلش الدوام وقريبا رح تبدا الستاجات كمان وبصراحه حسيت حالي نسيان كتير معلومات واكيد معظمنا هيك فقلت خلينا نراجع شوي معلومات الداخلية اللي درسناها بالرابع (قلبية -صدرية-هضمية-حركية)
رح اطرح حالات سريرية قصيرة والجواب بيكون اختيار من متعدد...لكن يفضل ذكر التفسير وليش اخترت هالاختيار لحتى نستفيد اكتر

الدعوة عامة لكل السنوات لحتى يشاركوا...وبدي نبه انه حتى لو شخص جاوب عالسؤال فهدا ما بيعني انه خلص ما حدا بيجاوب وراه...لا الكل يجاوبوا وكل واحد يكتب التفسير اللي شايفه باسلوبه
وكل سؤال رح يكون اله مدة 24 ساعة قبل طرح السؤال اللي بعده

آخر شي بدي قول هي مو مسابقه انما هي مجرد مراجعة جماعية لحتى نستفيد

خلينا نبدا

Gentlemen start your engines

المشاركة الأصلية بواسطة shakazolo

يا أخي متل هيك أسئلة بتجي بفحص الستيب وبيكون الجواب أكيد ليس COPD ......لأنو العلامات والأعراض واضحة وبتوجهك نحو هذا التشخيص .......

وحسب سؤالك المريض عنده وذمات وبالتالي هذا المريض تطور لديه Cor Pulmonale .......وهذا اسمه Congestive heart failure .......

لهذا السبب لازم تكون الإجابة CHF وليس COPD ..........

فهمت علي شلون ؟؟؟؟؟؟

والله يا شكازولو السؤال مأخود من مصدر ما اله علاقه بالستيب
الحاله مصنفه بقسم الصدرية كمان بالمصدر

على كل ما رح نخجلك ممكن نعتبر جوابك صح كمان (صار السؤال هيك يهودي )

تحياتي

شكرا توربو ......

بالنسبة للسؤال التاني .....

الجواب : منبهات بيتا راح تقتل المريض حتى لو كانت انتقائية

الأزبط هو إيقاف التدخين ........

ايقاف التدخين أجراء لازم يتم عند السليم و المريض على حد سواء

الجواب : استنشاق tiotropium يوميا

بس كتعقيب صغير على موضوع الوذمات بالسؤال الاول
بعد الرجوع لملخص الداخلية تبع الدكتور خلدون طباع لقينا مكتوب انه الـ COPD بيسبب وذمات حول الكاحل بسبب 3 شغلات:
1- قلة الحركة (الاهم)
2-نقص الاكسجة
3- قصور القلب

بالتالي مو شرط اي وذمات يكون سببها قصور القلب

شكرا لمستر ساد لانه هو طالع هالمعلومه

لي عودة مع اجابات السؤال التاني

تحياتي

برجع وبقول ...........حبيبي مستر ساد لا تتبع مراجع باللغة العربية مهما كان مصدرها لأنها بتضل أقل مستوى من بقية المراجع الأم باللغة الإنكليزية ........

وشفتو شلون ما حكيت على حدا ............هههه

شكرا ع مشاركاتكم
طبعا الاجابه الصحيحه هي ايقاف التدخين
حيث وجد انه من التداخلات القليلة اللي ممكن تطول حياة المريض
استنشاق السالبوتامول بيعمل تحسن للاعراض اثناء الهجمات الحاه...لكن لا يفيد بالانذار
الستيروئيدات الفموية نفس الشي ايضا لا تفيد بالانذار انما تاثيرها على الاشتدادات، كما انها قد تقلل من عدد الاشتدادات ومن القبول الى المشفى.
اما الخيار الاخير وهو استنشاق مضاد كولنرجي مرة يوميا، فهو يحسن الاعراض ويزيد التحمل للجهد...لكن كما في السالبوتامول لا يؤثر على الوفيات

رجعنا مع الحالة الصدرية التالته

3- جاءت مريضة ربوية الى الاسعاف بعد ساعة من تطور زلة تنفسية ووزيز. عند القبول، كانت المريضة تتكلم بصعوبة وبجمل غير مكتملة
وكانت الـ PEF = 150l\min (افضل قيمة للـPEF للمريضة تكون عادة 310 l/min )
وبالاصغاء وجدنا وزيز منتشر بالساحتين الرئويتين وكانت علاماتها الحيوية كالتالي:
النبض: 118/د
الضغط: 115/70 ملم ز
عدد مرات التنفس: 28/ د
SpO2: 94%
الحرارة: 37 درجة مئوية

كل الخطوات التالية هامة في التدبير الفوري عدا واحدة:
أ- اكسجين بتركيز عالي.
ب- سالبوتامول استنشاقي
جـ- ستيروئيدات جهازية.
د-ابراتروبيوم برومايد استنشاقي
هـ- أمينوفيللين وريدي


بانتظار الاجوبة يالله يا شباب

أنا أقول إنو الأمينوفللين ما بينعطا ..........

الجواب الخطأ هو ( هـ)

أ- اكسجين بتركيز عالي.

اعتقد هذا غلط......بال COPD عادة مابينعطا الاوكسجين بتراكيز عالية لأنو بيثبط التنفس.

المشاركة الأصلية بواسطة keane

اعتقد هذا غلط......بال COPD عادة مابينعطا الاوكسجين بتراكيز عالية لأنو بيثبط التنفس.

كين انتبه هاد مريض ربوي وليس COPD

جواب نهائي يا سير ديفدسون؟