إلى خبراء المصطلحات!!!

#1 Sep, 26 2005, 21:17

السلام عليكم يا شباب ويا صبايا

والله اكتشفت مشكلة جديدة تواجهني وهي مشكلة كيفية نطق المصطلحات!!! (ما حدا يضحك

)

لانه والله المصطلحات تزيد يوم بعد يوم وكل كلمة اصعب واطول من التانية ولازم الواحد يسمعها حتى تثبت بذهنه لكن للاسف مافي مجال عندنا للسماع حيث كل المحاضرات متل ما بتعرفوا بالعربي إلا كم كلمة اذا كان الدكتور إله نفس يحكيها بالانجليزي

فكنت بفكر لو في برنامج مثلا لنطق الكلمات الطبية أو تنصحوني بطريقة حتى نتعلم النطق الصحيح وكمان أتدرب على سماع هي الكلمات

بانتظار المبدعين

تحياتي

#2 Sep, 27 2005, 05:02

شوف يا توربو
قضية التطق قضية بدها شغل وصعبة
ون خلال تجربتي وجدت إنه الأساتذة عنا مو بالضرورة يلفظوا صح
وفي كتير كلمات الكل عنا بيقروها خطأ واكتشفت الخطأ لما سجلت دورة المصطلحات الطبية في الاستشاري

مبدئياً في سيدية بالسوق لمعجم أوكسفورد إنجليزي - إنجليزي وناطق وفيه كلمات طبية بشكل منيح
فيك تستفيد منه
وإذا مان بدك لهجة أميركية فالحل كتير بسيط
بتنزل على مركز التصوير وبتطلب المعجم الطبي الموحد 2004 وهاي هيه

#3 Sep, 27 2005, 05:38

على فكر الويندوز فيه معه برنامج للفظ الكلمات باللهجة الأمريكية
استفيد منه
موجود في لوحة التحكم control panel

#4 Sep, 27 2005, 05:47

على ما اظن في كمان قاموس لونغ مان .... هاد كمان فيو كمية منيحة من المصطلحات
بس بصراحة بدك تدور عواحد عامل كذا ستاج برا او طالع عاميركا او بريطانيا فترة منيحة.... هاد الحل الوحيد و الامثل لتسمع و تتعلم اللفظ صح

حاول تخصص ساعة من وقئتك يوميا لتحكي انكليزي ..... طبعا بئصد بصوت عالي مو بينك و بين حالك مشان يتعود لسانك عالنطق

انا شخصيا كنت اتخيل حالي بموئف ما و مثلو ئدام المراية ( مجنون ما هيك )

المهم انت بلش تمرن و شوي شوي بيمشي الحال و بتصير بتلفظ احسن من اوبتيمستو

#5 Sep, 27 2005, 06:17

The best thing I saw is Lippincott and williams Cd for medical terms pronouncaition .....its very useful and ncie and easy to learn............i recommedn it strongly

#6 Sep, 27 2005, 09:38

شكرا لكم اخواني شنكول و Evereve و Amin على ردكم
اخي شنكول
انا عندي المعجم الطبي الموحد بس ما بينطق!!

اخي ايفريف
فكرة حلوة رح اجربها

اخي أمين
بالنسبة لهذا السي دي هل متوفر بأسواقنا؟

شكرا لكم مرة اخرى

#7 Sep, 27 2005, 12:44

Hi TURBO:

في سي دي مصطلحات طبية اسأل عنو

كمان في بمركز التصوير سيديات مثل : معجزة الشهر التاسع-نسائية- ناطق حلو

جراحة-عملية ويبل +عملية نيسن
هذا الي متذكرو حاليا

#8 Sep, 27 2005, 15:05

joe the 1st
شكرا لك اخي العزيز
رح اسأل وأشوف

بالنسبة للسيديات الأخرى اظنها تخصصية وما تلزمني حاليا

شكرا جزيلا لك

#9 Mar, 27 2006, 17:28

سلام لجميع الزملاء والزميلات

معك حق زميل توربو فعلا نطق المصطلحات مشكلة

وشكرا لجميع الزملاء
Shankool Evereve joe the 1st Amin
الذين أفادونا

لكن عندي سؤال صغير ::

وين بقدر لاقي Lippincott and williams Cd for medical terms pronouncaition

وياريت تعطوني عنوان المحل أو المكتبة كامل (من طقطق للسلام عليكم )لأنني لست من حلب بالاضافة الى ان زيارتي القادمة الى حلب (بعد عدة أيام ان شاء الله ) هي الاولى .

شكرا سلف

#10 Mar, 27 2006, 22:33

قاموس Oxford talking dictionary موجود بالأسواق ... وهو ينطق معظم الكلمات الطبية ...

بالنسبة لنطق الدكاترة بالكلية ... نصيحة أخوية مني إلك : إذا بدك تدمر لغتك انطق مثلهم ! ...

وبعدين مشان الفروق باللهجات ... يعني حقيقة هي ليست مشكلة كبيرة ... لأن الأميركان نفسهم ينطقون الكلمات بطرق مختلفة أحيانا ...

معلومة مهمة لأنها تتكرر كثيرا :

إذا جاء حرف P قبل حرف S أو T فإنه لا يلفظ ... وهذه المعلومة التي تعلمتها بالصف الأول ابتدائي يخطىء فيها بعض الدكاترة ...

pseudo تلفظ "سيودو " بالانجليزي و " سودو " بالأميركي ...

phthalein تلفظ " ثالين " ... phenolphthalein " فينول ثالين " وليس : فينول فتالئين ...

المواضيع المشابهة
الموضوع	مبتدئ الموضوع	المنتدى	الردود	آخر مشاركة
المصطلحات التشريحية لطلاب السنة اللأولى	dr.abokamal	كتب ومراجع	9	Oct, 01 2006 07:33


الرئيسية المنتديات الألبوم مواقع المعجم المدونات مجتمع أحداث مدونتنا جديد

أدوات الموضوع
عرض نسخة سهلة الطباعة أرسل هذه الصفحة بالبريد الإلكتروني