هل توافق على بيع كليتك؟؟ شاركنا برأيك
يدور هذا النقاش حول هل توافق على بيع كليتك؟؟ شاركنا برأيك في قسم اجتماعيات في الملتقى الطبي السوري; -->
بالرغم من القيود القانونية الصارمة المتبعة في مختلف أنحاء العالم على تجارة الأعضاء غير الشرعية واستغلال الفقراء إلا أنها ظواهر لا تزال رائجة في العالم والمنطقة العربية ليست استثناءا.
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
 |
| | LinkBack | أدوات الموضوع |
|
#1
Sep, 25 2008, 21:14
| |||
| |||
| هل توافق على بيع كليتك؟؟ شاركنا برأيك بالرغم من القيود القانونية الصارمة المتبعة في مختلف أنحاء العالم على تجارة الأعضاء غير الشرعية واستغلال الفقراء إلا أنها ظواهر لا تزال رائجة في العالم والمنطقة العربية ليست استثناءا. ففي مصر بحث مجلس الوزراء المصري مشروع قانون جديد ينظم زراعة الاعضاء البشرية تمهيدا لإحالته للبرلمان لمناقشته. ويجرم القانون المقترح الحصول على مقابل مادي للتبرع بالأعضاء ويعاقب كل من يتورط في ذلك بالسجن والغرامة كما تخضع وسائل الاعلام التى تنشر اعلانات للتبرع للعقوبة ايضا. وتقوم مستشفيات مختلفة بعمليات نقل للأعضاء بالفعل خاصة الكلى والقرنية ومؤخرا الكبد. ويسافر العديد من الاثرياء لزراعة أعضاء خارج البلاد، لاسيما في الصين. هل تؤيد سن تشريعات تقنن نقل الاعضاء البشرية؟ وهل أنت شخصيا مستعد للتبرع بكبدك أو كليتك إذا لزم الأمر؟ وإذا كنت مؤيدا، الى من تتبرع؟ وهل تقبل بتعويض مادي مقابل تبرعك بأحد أعضائك؟ ولماذ ترفض إذا كنت من المعارضين؟ شاركونا بآراءكم ولي عودة مع وجهة نظري الخاصة تحياتي   |
|
#2
Sep, 25 2008, 21:39
| |||
| |||
| أول ما شفت العنوان ...فكرت هل توافق على بيع كلّيتك ... قلت لحالي تنباع بالعزا ...إش استفدنا منها خلال 6 سنين ... بعدين طلع الموضوع عن الكلية ...المصفاية يعني ممم أنا بتبرع ما عندي مشكلة ولكل محتاج بيستحق ...بس ما بأيد إنو تصير تجارة لأنو رح ندخل بمتاهات إلها أول ما لها آخر ..ورح يفقد الموضوع الجانب الانساني وأكيد ما بقبل بأي تعويض لأنو أنا ما عببيع أعضائي وإنما عبتبرع  رح نرجع مع التفاصيل ...بس لنشوف آراء الزملاء شكرا أبو التر عالموضوع  |
|
#3
Sep, 25 2008, 21:58
| |||
| |||
| موضوع حلووووووووووو كتير وبيجنن وكنت بدي نزل موضوع بس بغير صيغة يعني (ممكن تقبل تتبرع بجميع اعضائك الاساسية يلي بتفيد حدا من بعدك بعد وفاتك ........ممكن تحسو انو السؤال سهل بس اذا فكرتو فيه صعب ومن خلال سؤالي لكذا حدا من رفقاتي اغلبون رفضو هالشي ...فياريت بعد ماتجاوبو على سؤال توربو تجاوبو على هاد السؤال ) اسفة توربو اذا غيرت مجرى موضوعك بس اذا دايقك هالشي خلص حذوف المشاركة ولاتخاف تروووب نحن نتقبلها بروح رياضيه  وببقى بنزلها بعدين بموضوع لحالي ورح جاوب هلق على سؤالك .....اذا بيع ورح اخد مصاري عليها مستحييييييل انو اقبل اعطي كليتي لحدا لو مين ما كان بس اذا تبرع...حسب الشخص يعني اذا شخص احتاجني وما لقى غيري خصوصي اذا بنت بنفس عمري او ولد صغير فممكن اتبرع فيها بكل فرح وتفاؤل  بس شووووو توربو ما عم بعرفك موضوع بيجنن حلنا بقى نتسلى بمواضيع حلوة متل هاي |
|
#4
Sep, 25 2008, 23:53
| |||
| |||
| صحي دكتور توربو اذا انت فتحت الموضوع ما بتجاوب  حطلنا رايك كمان |
|
#5
Sep, 25 2008, 23:59
| |||
| |||
| موضوع حلو يعطيق العافية انا شخصيا ممكن اتبرع بكليتي اذا كان انسان بعرفه وما له حدا من اقربائه يتبرع وانا أؤيد التبرع بالاعضاء بعد الوفاة وما بتفرق معاي اذا كنت بعرف الشخص ولا لا في احد البلدان الاسكندنافية كل انسان توفى وهو بصحة جيدة تأخذ اعضائه مباشرة الا في حالة وجود هوية تذكر فيها رفضه بتبرعه باعضائه وبعرف حدا مرض بالسلطان فقالولو انو مومسموحله يتبرع باعضائه لعدم اثبات الاثار الي ممكن تصير |
| الأعضاء الـ 4 التالية أسماؤهم قالوا شكراً لك يا قمر على هذه المشاركة المفيدة: | ||
|
#6
Sep, 26 2008, 00:32
| |||
| |||
| الموضوع جميل جداً وأكثر من رائع بالنسبة لرأيي فأنا أفضل إنو توضع تشريعات وقوانين تنظم عمليات نقل الأعضاء أو زرعها ......ولكن بشرط أن تكون دون مقابل يعني ببلاش أما إذا الشغلة بدها تنظمها الدولة مشان تصير بمصاري ن معناها راح تصير عنا سوق سودا ........وهيك بتضيع الحقوق والملكيات بالنسبة إنو أنا بتبرع .......مممممممم؟؟؟؟؟؟؟ أنا فعلياً ما بحب أتبرع بشي ........بس إذا لقيت إنو الشخص بيهمني أمره كتير يعني حدا من العيلة .........فما راح قصر أكيد بالنسبة للتعويض المادي .......فأنا ضده تماماً ........لأنو ببساطة أنا ما اشتريت أعضائي لما الله خلقها إلي ، يعني الله حطها عندي أمانة وأنا لازم حافظ عليها ..فشلون أبيع شي أعتبره أنا عندي أمانة ومن مين ؟؟؟؟؟؟؟ من رب العالمين ........ أنا برأيي إنو التبرع بالأعضاء بعد الوفاة هو وسيلة رائعة جداً وأفضل من التبرع أثناء الحياة .......... ولنا تفصيلات أخرى بإذن الله حول هذا الموضوع ........... |
| الأعضاء الـ 5 التالية أسماؤهم قالوا شكراً لك يا shakazolo على هذه المشاركة المفيدة: | ||
|
#7
Sep, 26 2008, 01:07
| |||
| |||
| المشاركة الأصلية بواسطة TURBO نعم التشريعات ضرورية....يعني هيك شغلة مهمة...لازم يكون فيها قوانين صارمة...
نعم...ممكن اتبرّع اذا لزم الأمر بدون ما يأثر هل شي على وظائف جسمي بتبرّع لأي شخص محتاج...بالحالات السعافية متل ما قيل...لكان ليش اسمو تبرّع!!! المشاركة الأصلية بواسطة goldenrose مستحيل...لأنو هيك بكون عدمت جثتي....
بكون انتهكت حقوق جثتي... إلا إذا كان التبرّع بعضو معين...معلش...بس مو كل الأعضاء!!! |
| الأعضاء الـ 4 التالية أسماؤهم قالوا شكراً لك يا Atlantis على هذه المشاركة المفيدة: | ||
|
#8
Sep, 26 2008, 14:02
| |||
| |||
| أخوي أتلانتيس .........إن كان عضو ولا 20 عضو ...........شو راح تفرق معك ........ وبعدين الجثة بعد الوفاة والتبرع يتم إعادة شكلها إلى الطبيعي .......وما راح يختلف شكلها الظاهري كثيراً ومو بس هيك ؟؟؟؟؟؟؟؟؟؟؟ مين راح يشوف الجثة لما تكون بالقبر ............. بس لا تقوللي إنو خايف يجونك أنكر ونكير ...........وإنت مو مزبط شعراتك الحلوين أو مو لابس العدسات الزرق تبعك ...... |
| الأعضاء الـ 2 التالية أسماؤهم قالوا شكراً لك يا shakazolo على هذه المشاركة المفيدة: | ||
|
#9
Sep, 26 2008, 14:37
| |||
| |||
| بتشكر الجميع على ردودهم الحلوه وتفاعلهم بظن كلنا متفقين على انه بيع الاعضاء مرفوض تماما...وهالشي متل ما وضح شكازولو ، لاننا مؤتمنين على هالاعضاء ولسنا نملكها لحتى نبيعها -ولا يجوز للمرء ان يبيع ما لا يملك!- وكمان بعتقد كلنا متفقين انه الواحد ممكن يتبرع بعضو ما لم يؤثر ذلك على وظائف الجسم وعلى صحة الانسان شخصيا انا بتحفظ على الموضوع شوي...وما بقبل اتبرع بأي عضو بسهولة الا اذا كان الشخص المحتاج قريب جدا (اخ - ابن) ويكون احتمال الفائدة من نقل العضو عالية ومرجحة اما بالنسبة للتبرع بكل الاعضاء بعد الوفاة -وهون الخلاف- فأنا بأيد كلام اتلانتس...بأنه هيك بكون انتهكت حرمة جثتي وعدمتها...ومتل ما بتعرفوا للجسد البشري حرمة لا يجب ان يؤذى او يؤخذ شئ منه الا عند الضرورة لانقاذ شخص معين وبيكون التبرع بعد الوفاه بنظري مقبول فقط عندما يكون لعضو محدد (كلية -قرنية-كبد) ولشخص محدد وطبعا اهم شي بالموضوع هو سن القوانين والتشريعات اللي بتنظم من هالشي، او استحداث جهة مسؤولة عن مراقبة وتنظيم نقل الاعضاء ما بعرف مين منكم شاف مسلسل Gray's Anatomy الموسم الثاني، حيث بيكون بالقصه في مريض معه قصور قلب متقدم وبينتظر عملية نقل قلب اله... الفكرة انه بأميركا في جهة مسؤولة عن مراقبة عمليات نقل الاعضاء وتحديد اولوية المرضى بالحصول على الاعضاء بحيث يتم وضع المرضى عاليي الخطورة على رأس القائمه وهكذا...وطبعا القرار يتخذه مجموعة اطباء في هذا المركز وبهذه الطريقه لا يبقى مجال للواسطات او (اللي بيدفع اكتر بياخد العضو) او الامور التجارية الاخرى التي قد تحصل الموضوع شائك ولسه ما حكينا بوجهة نظر الدين الاسلامي واحكام نقل الاعضاء لانه كمان موضوع خلافي وفيه اجتهادات كتير وما بحبذ نطرح فتاوى بالموضوع لانه ممنوع بقوانين الملتقى التطرق للفتاوى الدينية (مع اني بشجع كل شخص يبحث ويقرا عن هالموضوع لانه بيهمنا كأطباء) بالاخير ما بخفيكم القول كنت بصراحة افكر باختصاص زراعة الاعضاء Transplantation Surgery، بس حسيت الموضوع خطر وممكن يتحول الطبيب بأي لحظة لسمسار اعضاء يتاجر بالناس. ولغيت الفكره  تحياتي |
| الأعضاء الـ 5 التالية أسماؤهم قالوا شكراً لك يا TURBO على هذه المشاركة المفيدة: | ||
|
#10
Sep, 28 2008, 04:53
| |||
| |||
| المشاركة الأصلية بواسطة shakazolo يعني تصور يشيلولي عيوني...كيف بدي شوفهن...؟
يعني ما ضل غير جثتي بالعالم اللي ممكن تخدم البشرية...؟  والله فكرة اختصاصك يا تربو حلوة...بس ليش لغيت الفكرة؟؟ يعني فكرك ما عم يصير بالوقت الحالي عمليات زراعة أعضاء؟؟!! |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| هل توافق على حكم الاعدام? | Philip Hardo | اجتماعيات | 71 | Aug, 16 2008 17:10 |
| الخيميائي ..باولو كويلو..اقرأ و شارك برأيك. | TERMINATOR | قصص وروايات | 4 | Feb, 14 2008 01:04 |
| الحكومة الألمانية توافق على أطلاق مشتقات القنب في الصيدليات | keane | الإخباري | 4 | Nov, 09 2007 01:34 |
| شوية إتيكيت.. من شان نصير أحلى بشوي.. شاركنا حملتنا | سنفور | اجتماعيات | 70 | Aug, 04 2006 01:00 |
كل الأوقات حسب GMT +2، والوقت الآن 06:17.
