ضياء الشمس جميل جدّاً خاصةً إذا كان منبعهُ شخصية مميّزة جدّاً
يدور هذا النقاش حول ضياء الشمس جميل جدّاً خاصةً إذا كان منبعهُ شخصية مميّزة جدّاً في قسم لقاءات في الملتقى الطبي السوري; اليوم ضيفنا ضيفة
شخصية بحسها أكتر من مميزة
أكتر من التميّز بذاته
عرفتوا مين؟
sunshine
تفضلي يا سن شاين إلى الكرسي الهزّاز الكهربائي ... عفواً كرسي الاعتراف
تفضلي وعرفينا عن
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| القرحة القلاعية Aphthous Ulcers | عندي مذاكرة تشريح 1 بكرى ومالي ملحق .......شو بدي اساوي؟!!!؟ | استفسارات بخصوص الفيزيولوجيا |
| خلونا نحل اسئلة دورات الفيزيولوجيا سوا ...Go | ||
| | LinkBack | أدوات الموضوع |
Oct, 01 2005, 01:09
| |||
| |||
 ضياء الشمس جميل جدّاً خاصةً إذا كان منبعهُ شخصية مميّزة جدّاً اليوم ضيفنا ضيفة شخصية بحسها أكتر من مميزة  أكتر من التميّز بذاته عرفتوا مين؟ sunshine تفضلي يا سن شاين إلى الكرسي الهزّاز الكهربائي ... عفواً كرسي الاعتراف  تفضلي وعرفينا عن نفسك وعلى الأجزاء اللي ما عندك مانع نتعرف عليها من هويتك الشخصية  |
|
#31
Oct, 03 2005, 08:47
| |||
| |||
| المشاركة الأصلية بواسطة drmohi ليش أنت بتاخد الشغلة ع سوء نيّة؟؟
المخلوقة ما بتعرف بالرياضة , يعني تكذب مشان ترضيك؟؟؟ و بعدين لو سألتها عالآرسنال رح تجاوبك نفس الشي  |
|
#32
Oct, 03 2005, 10:09
| |||
| |||
 سنفور مفكر.... من اول المقابلة وانا خايفة من اسئلة سنفور لانو بدها مخمخة...  بس لسا القصف خفيف وما وصل لعندي...
 رح جاوب عليهن حسب ما فهمتن: سن شاين هي سن شاين لانو بتحب الشمس كتير وبتلاقي فبها مصدر النور والحياة والدفا...صح الشمس احيانا بتحرق بس بدونها ما في حياة..." عجب هيك بكون جاوبت على سؤالك ولا على سؤال تاني :شو رأيك بالشمس؟؟؟"
سن شاين هي سن شاين لابعد الحدود اللي بتضل فيها سنشاين...."فهمت شي؟  "
ما بعرف..انا سن شاين وبس وما رح كون غير حدا يعني يا سن شاين يا بلا..: ا نشالله كون جاوبت بشكل شافي على اسئلتك...عن بستنى كمالة الأسئلة.. |
|
#33
Oct, 03 2005, 10:52
| |||
| |||
| بس ما بصير هيك  الاسئلة أكثر من الأجوبة...... وينك sunshine لا تكوني مزوغلجية.... يعني فكرك إذا اتباطئت رح تفلي من الاجوبة !!!! لازم تكوني مثل حارس المرمى تصدي الهجوم واحد ورا واحد مو تصدي واحد وعشرة يدخلوا بمرماك....  عملي همة بدنا الاجوبة عكل الاسئلة |
|
#34
Oct, 03 2005, 12:28
| |||
| |||
 شو هالمفاجأة الحلوة يا شنكول ؟!؟.... سن شاين فرد مرة ؟!؟.... يعني عن جد صبرنا و نلنا .... بيخطرلي أحيانا إني لو مسكت شي قاموس و دورت فيو عن كلمات ( أرق , ألطف , أحلى , أروع , أذكى , ألبق ..... إلخ ) من الكلمات الجميلة , فرح أشوف صورة لسن شاين كصورة توضيحية للمعنى ... أنا كتير مبسوطة لأني رفيقتا , و أروع ما فيا أنو ما بتنكسف كل 500 سنة متل بعض جماعات .... أسئلتي قريبا في الأسواق ..... |
|
#35
Oct, 03 2005, 14:38
| |||
| |||
| حضري حالك.. طبعا ما بصير تسألي صديق.. إنتي حيادية..  ؟ وللا إيجابية وللا سلبية.؟؟ عندك قبول بالواقع وللا عندك أحلامك الثورية..؟ إنتي بتعتبري حالك شخص غير الغير.. وعنده حلم خاص.. بحب يعلمه.. هو حلم سن شاين للدنيا.؟  بترضي بالنصيب.؟ وللا إنتي بتعملي القدر متل ما بدك؟؟ بتآمني بحرية الإنسان..  ؟ وللا إنو هيك صار.. ماشي االحال.. ؟.؟  بين النعم واللا.. إنت لمين أقرب.؟ |
|
#36
Oct, 03 2005, 14:42
| |||
| |||
| إذا قال واحد.. الوضع بالبلد كتير كويس.. شو بكون؟؟  وإذا قال الوضع بهوي.. ؟ وهيك وهيك من هالدولة ع هالشعب.. شقد بكون معه حق..؟ طيب إذا قال.. الوضع ما منيح.. لإنو .. ..؟؟ إنتي بتقولي لإنو  1- 2- 3- .. .. 10- 14- بكتفي منك بـ 14 سبب.. |
|
#37
Oct, 03 2005, 14:46
| |||
| |||
| بتمنى إنك ما تطفي سؤال. .لإني تعبت وأنا عم فكرلك فيهن.. فحاولي تجاوبي ع قدر ما فيكي.. عمرك هلأ.. 20 سنة. . لو خيروكي تبقي بال17 سنة.. وتكملي حياتك.. بتبقي؟ بتحبي ترجعي طفلة صغيرة.. بدون مسؤوليات ولا شي.. ولا بتتخيلي حالك امرأة مكتملة... ؟ فيكي تتخيلي حالك عمرك 73 سنة.. ؟؟ شو بتتمني وقتها.؟ بتحبي تعيشي 130 سنة..؟ بتحبي يكون عندك ولد ولا بنت.؟ بتحبي يكون خمسة ؟؟ تسعة؟؟ |
|
#38
Oct, 03 2005, 14:48
| |||
| |||
| الشب يللي بتحلمي فيه.. أشقر ولا أسمر.؟ طويل ولا متوسط الطول وللا قصير..؟ عيونه .. شو لونها.؟. إذا شي مرة حبيتي شي شب.. ممكن تروحي تقوليله.. بحبك.. ! لو قللك أنا حبيت من قبل.. بتحسي إنو هو ما كان منيح..؟ طيب لو رفيقتك حبت من قبل.. ورجعت حبت شب تاني.. بتحسيها ما منيحة؟ بتوافقي ع تعدد الزوجات؟؟ طيب.. في ناس بتقول.. إذا كان التعدد سيشرع.. فيجب أن يشرع للجنسين.. لإنو مبرراته وحدة عند الطرفين.. والجنسين متساويين بالإنسانية.. وإذا كنا غير قادرين نشرعه للجنسين.. فيجب منعه كلية.. شو رأيك؟؟ إذا شفتي شب وصبية ماشيين مع بعض.. بتحكي عليهن؟؟ طيب إذا أكتر من الحكي.. ممكن تقوليلهن يا ناس هيه.. طولو بالكن عم تغلطو.. ؟؟ وللا بتمشي بحال سبيلك.. وبتتركيهن لحريتهن..؟ |
|
#39
Oct, 03 2005, 14:49
| |||
| |||
| الدنيا بتسحق إنو تنعاش..؟؟؟ إذا لأ.. ليش.؟ وإذا إيه برهنيلي.. ؟اعتبريني أنا شخص متشائم وعم قول إنو الحياة ما فيها شي.. ؟ السعادة في الحب.؟ ولا السعادة في العمل؟. وللا السعادة في الأولاد..؟ وللا السعادة في الحصول على السلطة.؟ إذا عبرلك شخص عن إعجابه بأسلوب محترم.. (وكان هو محترم..) وحمللك وردة مثلا.. بتقوليله روح من هون.. .؟ وللا بتسمعيه..؟ ممكن إنتي تحملي وردة لشب؟ طيب إذا عبرلك أكتر من شخص عن إعجابه.. ممكن الواحد يكون قلبه محتار.. هدا ولا هداك.. ؟ خديجة وللا حسنية..؟ صافي وللا نعسان..؟ وللا هدا ما حب..؟ ليش برايك البنت ما بتحب أكتر من خمس مرات..؟ لإنو ما بصير، يعني المجتمع ما بيسمحلها..؟ وللا لإنو هي بدها حبيب واحد وبس.. سالت من قبل.. الشب لما بحب بيطلع ع الميدنة وبقول.. بحبها يا ناس.. البنت ما بتطلع ولا بتنزل.... برأيك هدا مؤشر ع شو..؟ جموح وهدوء.؟ انفعالية واتزان.؟ جنون وبرود..؟ |
|
#40
Oct, 03 2005, 14:51
| |||
| |||
| الوطن.. وين؟؟ وطني عيون الحبيبة..؟ شو رأيك.. وطني حيث أقول بحرية..؟ شو رايك..؟ وطني حيث أحترم كإنسان؟؟ شو رايك..؟ وطني حيث يعطيني وطني حقوقي..؟ شو رأيك.؟ وطني هو بلادي وإن جارت علي؟.. شو رأيك.؟ وطني.. وظلم ذوي القربى أعز.. وأبشع..؟ شو رأيك.؟. وطني هالتراب والمطر وهالبشر والشجر..؟ شو رأيك..؟ شو الوطن لولا الإنسان.. ؟ شو رأيك..؟ الوطن شعار رفعوه فوقنا.. وداسونا تحته.؟. شو رأيك..؟ الوطن ليس كلمات.. الوطن هو أنا وأنت.. ؟ شو رأيك.؟ أرض الله واسعة.. شو بدك يا أخي.. وطني حيث أكون.. ؟ شو رأيك..؟ آخر سؤال لليوم.. هو مو سؤال.. هو هدية.. أنا رح أهديكي التوقيع يللي بيطلع تحت اسمي.. هو مو هدية هيك لله بالله.. الأسئةل عنه جاي.. بالقصفة الجاي.. |
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| أميريكا متابعة تعليمك الطبي في أمريكا، تجربة شخصية | Shankool | امتحانات الدول الغربية (بشري) | 1 | Feb, 18 2008 18:38 |
| الوليد بن طلال ضمن أقوى «25» شخصية في آسيا | Kliopatra | اجتماعيات | 12 | Jan, 12 2007 01:34 |
| إذا كان لدى أحدكم مقاعد وزارة التعليم العالي أرجو إضافتها | basboos | الدراسات العليا والامتحان الوطني | 4 | Oct, 05 2006 21:25 |
كل الأوقات حسب GMT +2، والوقت الآن 01:53.
