كيفية اللقاح من التهاب الكبد B في حلب

#1 Oct, 02 2005, 19:58

يا جماعة في موضوع موجعلي راسي كتير و هو طلاب الطب اللي عمينزلوا على مشفى الرازي و الاسعاف الجراحي بالجامعة -و ما أكثرهم- و هنن غير ملقحين من التهاب الكبد B
ياجماعة يعني عرفنا إنو هاللقاح مهم و انو المرض خطير و معالجته ملكفة و من اختلاطاته التشمع و سرطان الكبد يعني مو لعبة بالمرة و قطرات صغير من الدم المريض تدخل على دم واحد فينا بتبليه طيب ليش ما ناخد وقاية و رتاح
هلأ من واجب الجامعة هالشي بس أكيد نحنا عمنحلم إنو جامعتنا تسأل علينا يعني كل واحد لازم يتلقح لحالو -هاد الأغلب - على كل :
اللقاح لازم يكون على 3 جرعات جرعة أولى و بعد شهر تانية و بعد ست أشهر داعمة
موجود بمديرية الصحة عند ساحة سعدالله الجابري و حقه 370 ل.س "أكدوا إنو تقولو للموظفة جرعة بالغين لأنو جرعة الأطفال هي نص جرعة البالغ و ما بتنفع"
و ممكن تاخدوا لقاح بمشفى الكندي أو الحميات لكن بعد موافقة مدير المشفى أو بالواسطة
بمشفى الجامعة خطة لتلقيح كل طلاب الطب بس بظن بالخطة الخمسية اللي ما بعرف إينا وحدة منهون
لذلك ياجماعة درهم وقاية خير من قنطار علاج و هيي هال 370 ل.س الله غناكون عنها معلش المهم ما نخسر حدا منكون
يعني انتو أملنا معقولة !!!!!!
بتمنى إنكون تنتبهوا لحالكون تتلقحوا بأقصى سرعة
تحياتي
حازم
صحي جماعة الرازي و الاسعاف الجراحي : التهاب الكبد C مالو لقاح و فتاك كتير و منتشر عنا بحلب بشكل كبير رجاء انتبهوا لحالكون و إنتو عمتخيطوا أو تعطوا حقن أو تعلقوا سيروم منشان أي خدش أو جرح ممكن يصيبكون "بفضل تلبسوا كفوف لاتيكس بهيك حالات و ما تردوا على حدا إذا حاول يخجلكون أو يستهزئ فيكون"
إش بقي كمان أقول

؟؟؟؟؟؟؟؟؟ حالياً و لا شي المهم سلامتكون

#2 Oct, 02 2005, 20:52

فعلاً هاي مشكلة كبيرة , شفت عدد كبير من المرضى معهم التهاب كبد بالرازي

أنا أخدت اللقاح بس المشكلة ماني واثقة أنه اشتغل , ياترا المخابر كلها عندها تحليل للكشف عن عمل اللقاح و لا لازم أروح لمخابر معينة ؟؟

#3 Oct, 02 2005, 20:59

أخت إللوني
في عنا مخابر بتساوي هالاختبار و اسمو AntiHbs و لازم يكون نتيجته بالتقرير أكتر من 500ملمك/100سم3
يعني كتير سهل
المخابر اللي بتساويه المخبر المركزي و هو الأكثر وثوقية و تقريره معترف به في المستشفيات العالمية
و أنا جربت كمان مخبر الدكتور عزيز طراقجي و طلع عنده التحليل و طلعت نتيجته صح يعني > 500
بس قيمة التحليل هداك الوقت من سنة :1700 ل.س بقى ما بعرف "أنا كان برأي إنو مبلغ زهيد جداً مقابل هيك مرض "
تحياتي إلك و شكراً لسؤالك المهم
حازم

#4 Oct, 02 2005, 21:21

thank u
فعلاُ لازم أعمل التحلي
و بوصي جميع طلاب الطب أنو ما يتهاونوا بالموضوع

#5 Mar, 31 2006, 01:05

بس التحليل ما بحدد اللقاح فعال ولا مرض سابق قد شفي.

#6 Mar, 31 2006, 01:44

بس التحليل ما بحدد اللقاح فعال ولا مرض سابق قد شفي

Ok Do HBsAg with it, what's your opiniion it costs 250 Syrian pound
although I don't think that you'll have such asymptomatic hepatitis
B

yours
Hazem

#7 Mar, 31 2006, 08:27

السلام عليكم..
الله يعطيك العافية أخي حازم على النصيحة الجميلة، والتنبيه المهم.. وبحب أقول إنه حتى طلاب الأسنان لازم ياخدوا اللقاح، لأنه احتمال العدوى من المريض كبير...
والحمد لله أنا أخدته من خمس سنين، ورجعت أخدت جرعة داعمة هالسنة، لأنو متل ما بتعرفوا لازم كل خمس سنين ناخد جرعة داعمة..
وأهم شي بالموضوع وبركز عليه لكل الأطباء: البشريين وأطباء الأسنان؛ هو لبس كفوف اللاتيكس للوقاية من العدوى.. ونحن لازم نضع في الحسبان إنو أي مريض ممكن يكون حامل لمرض التهاب الكبد B أو C، أو حتى الإيدز.. ومتل ما قلت يا حازم:... درهم وقاية.. خير من قنطار علاج..

#8 Mar, 31 2006, 08:50

هلق سؤال.. في شي تحليل لازم الواحد يساويه قبل ما ياخود اللقاح.. أو ما في ضرورة؟؟
و شكرا" كتير أخ حازم على تذكيرنا.. لأنو بصراحة .. أنا كنت كتير متهاونة فيه.. وكل مرة بقول إيه اليوم و إيه بكرا..

بس يللا.. حلَا بقى..

#9 Mar, 31 2006, 11:54

شكرا لك يا دكتور حازم على التنبيه والنصيحة المهمة ...

#10 Jul, 10 2006, 05:35

مشكور كتير

Try to know the right diagnosis	مقاربة مريض بألم مفصلي	نحتاج إلى مشرفين (للأقسام ولكل الموقع)
تعالوا نشخص التهاب الكبد B مصلياً	تقربر مفصل عن فحص الكيمياء العضوية العملي لطلاب ابو بكر

المواضيع المشابهة
الموضوع	مبتدئ الموضوع	المنتدى	الردود	آخر مشاركة
تمارين القوة تعيق الشفاء من التهاب المفاصل	Article Bot	آخر المستجدات الطبية	1	Oct, 02 2006 15:11
كيفية نشر الصور كروابط وكمرفقات في المنتدى	Shankool	علوم وتكنولوجيا (حواسب واتصالات)	4	Jul, 03 2006 16:16
كيفية كتابة الشعر في المنتديات	Ghareeb	هديل الروح	6	Jan, 09 2006 12:11
أرقام مفاجئة بانتشار التهاب الكبد B محلياً	Shankool	آخر المستجدات الطبية	13	Oct, 21 2005 02:41

الأعضاء الـ 2 التالية أسماؤهم قالوا شكراً لك يا RWTH على هذه المشاركة المفيدة:
electron, Nader

أدوات الموضوع
عرض نسخة سهلة الطباعة أرسل هذه الصفحة بالبريد الإلكتروني