بسم الله الرحمن الرحيم
بدايةً حبيت أبلغكن تحياتي و تقديري لمجهودكن الواضح في اغناء هالمنتدى.
الحقيقة أنا متفاجئة بطلاب كلية الطب لأنو يوماً ما كنت متخيلة أنكن ما بتعرفو غير تدرسو وبس.. لكن اكتشفت انكن "ما شاء الله" ملحقين على كل شي!!!

حابة أطرح موضوع تعطو رأيكن فيه: ليش طالب الكلية العلمية غالباً بيكون اجتماعيا "صفر"!!!
الحقيقة شيء مخجل أنو طالب الطب أو الصيدلة ما بيعرف شي من هالدنيا الا اختصاصه!! و الكثير منهم "مع الأسف" يفتقد للثقافة العامة و الدينية و اللباقة الاجتماعية..
طبعاً ما بدي أظلم الكل, لأنو في عدد منهم يتمتع بثقافة و لباقة عالية, و لاحظت منهم عدد لا بأس به في هالمنتدى..
مرة ثانية بقول اني فخورة بهذا المنتدى, وأكيد رح يكون إلي مشاركات فيه...

Welcome Shams
That's a very good question. I think you have the answer for it. Each one of us had to work very hard to get to the high level of grades required to be medical or pharmacy student. Most of us spend most the time between school, books and library. There is very little time to learn the social skills or to practice them. Even at home our parents push us to study more and nothing else. The situation does not get any better after joining medical school or pharmcy school since these school (especially medical school) will take more time to succeed. Obviously all that pressure make the "science" student lose even the little social skills and general knowledge he/she possess. Things get worse wth time and by the time we graduate we are almost separated from the world. Again there are exception for any rule. If you want a proof for what I said go to other less intense schools (Like Law or literature -adab-) and notice the difference. I will have to say that I am surprised how good this website is and that it is run by medical students......maybe things are changing....who know. Thanks

المشاركة الأصلية بواسطة shams

بسم الله الرحمن الرحيم
بدايةً حبيت أبلغكن تحياتي و تقديري لمجهودكن الواضح في اغناء هالمنتدى.
الحقيقة أنا متفاجئة بطلاب كلية الطب لأنو يوماً ما كنت متخيلة أنكن ما بتعرفو غير تدرسو وبس.. لكن اكتشفت انكن "ما شاء الله" ملحقين على كل شي!!!
حابة أطرح موضوع تعطو رأيكن فيه: ليش طالب الكلية العلمية غالباً بيكون اجتماعيا "صفر"!!!
الحقيقة شيء مخجل أنو طالب الطب أو الصيدلة ما بيعرف شي من هالدنيا الا اختصاصه!! و الكثير منهم "مع الأسف" يفتقد للثقافة العامة و الدينية و اللباقة الاجتماعية..
طبعاً ما بدي أظلم الكل, لأنو في عدد منهم يتمتع بثقافة و لباقة عالية, و لاحظت منهم عدد لا بأس به في هالمنتدى..
مرة ثانية بقول اني فخورة بهذا المنتدى, وأكيد رح يكون إلي مشاركات فيه...

أخت شمس

مرحبا
ما تكوني كل هاد Aggressive يعني مو لهالدرجة

و الله عندي كل رفيق آكل السبعة و زمتها و لا ترضي إلا من الأوائل أوبتمستو مثلاً

ما بعرف بظن شوي كلامك مو دقيق
شغلة تانية : لما بدك تطلعي على النضج الاجتماعي و الثقافي كتييييييييير مهم تعرفي هالشخص اللي عمتحكي عليه من أينا بيئة طلع ؟؟؟؟؟
ماهيك
طلعي عالسواد الأعظم بكليتنا أو بغير كليات بيصلك الجواب

تحياتي
حازم

تحياتي للجميع..
الحقيقة أنا هدفي من طرح هالفكرة أنو أسلط الضوء على نقطة مهمة , و هي أننا "جيل لا يقرأو ليس عنده فضول ايجابي!!:..يعني لما بيكون عند الواحد مننا وقت فراغ لازم يستغله بقراءة أو اطلاع على أشياء توسع أفقه بعيداً عن اختصاصه,و كمان لازم يحاول يستفيد من مدرسة الحياة قدر المستطاع و ما يتقوقع على نفسه و يقعد في برجه العاجي لوحده.. لازم يقرأ ويفتح عقله و قلبه لكل أنواع البشر و يحاول يختلط معهم و يفهم طريقة تفكيرهم... الانسان في عمر الشباب لازم يكون عنده فضول ليفهم كل شي حواليه , ولكن مع الأسف في كتير من الشباب و البنات بيتخرج و هو لسه "ورقة بيضاء" وما عنده أي خبرة بأنواع البشر اللي ممكن يصادفهم في الحياة..
والحقيقة أنو أحد أهم الأشياء اللي ممكن تساعدنا على الحصول على سعة الأفق هو "العمل في مجالات مختلفة:, و الشاب حتى لو ما كان محتاج مادياً لكن الشغل بيصقله اجتماعياً وبيعطيه خبرة في التعرف على أنواع الناس و التعامل معهم, لذلك أنا شخصياً بحترم الشاب اللي بيرمي حاله على "الشغل " خلال دراسته حتى لو كان مو من اختصاصه لأنو هالشي بيغني خبرته في الحياة و في التعامل مع البشر..
ما بعرف اذا بتوافقوني في هالفكرة , أو حدا عنده رأي تاني!!

أنا موافق ع عدد من الأفكار يللي قلتيها..
أول شي.. بينقص طالب الكليات العالية.. خبرة حياتية .. يعني هو ما معاشر كتير ناس.. والأكترية بيئتها هي أصدقاء من نفس الجو.. وطبعا الكتب الجامعية.. وبالتالي بيطلع الشب أو البنت.. والبنت أكتر من الشب.. ما بيعرف يحكي كلمتين ع بعض.. وما بيعرف يركب حنفية لمغسلة، وبتبلعه (إذا كان طبيب.. )أول ممرضة بتعطي وجه.. وبالنسبة للفئات التانية كمان بينبلعو بسهولة..
هدا الحكي بشخص مشكلة موجودة عند شريحة واسعة.. بس متل ما قال حازم.. لا تعمم ع الكل..
هلأ.. في مشكلة أساسية عامة بالمجتمع ككل وبعاني منها طلاب الكليات العليا متل غيرهن.. إنهن ما بيعرفو يشغلو وقتهن بشي يوسع أفقهن الفكري أو الروحي أو اليقافي أو الإجتماعي..

لكن بالمقابل.. كلية الطب وغيرها من الكليات العالية إذا بدك تاخدي مقارنة مع غير كليات..
فيها أكتر الناس ثقافة بشكل عام.. وفيها مواهب عالية.. فنية، (موسيقا رسم.. شعر.. إلخ) وفيها عقول عم تشتغل بغير شغلات (كمبيوتر وبرمجيات..إلخ..) وفيها الناشطين سياسيا.. مانن قلال.. وإذا بتذكري الشي يللي كان يتسمى بسوريا ربيع جامعة حلب.. ويللي ما تكرر متله بجامعات تانية بالقطر.. كان أساسا قائم ع أكتاف طلاب طب..
فيكي كمان تتذكري آخر سنوات بالجامعة.. كان عدد كبير من النشاطات عم يقوم فيه طلاب الطب.. حفلات موسيقا، اعتصامات.. معارض.. إلخ..

أنا بعتقد كون الشب أو البنت مرى ببيئة بتعلمه على الإلتزام.. بشي منيح (وهي الإيام الدراسة منيحة .. يعني لإنو إذا ما درس فغالبا عم يصيع..)
فأنا بعتقد إنو فيكي تلاقي بهي الكليات خامات ما بتالاقيها بغير محل.. لإنو الناس هون معودة أكتر من غير محلات.. ع شي اسمه إلتزام..
طبعا بتضل الشغلة نسبية..
وأنا عم أحكي ع مستوى نسبة الـ4% ..
يعني بكليات الطب والصيدلة.. و.. فيكي تلاقي 4% من الناس بينحكى معها.. وعندها شي.. بغير كليات .. ما بتلاقي ال1% ..
فيعني خلونا نشتغل عليهن..

بس برجع بقللك.. إنو في ضعف احتماعي.. كبير..
هي بتلاحظيها بمقارنة بسيطة بين الطالب يللي راسب 3 سنوات .. بالطب، ورفيقه يللي ما راسب ولا سنة.. يعني أنا مثلا مواليد 83 وغيري كتير.. بالسنة السادسة.. بتقارنيني مع طالب سنة سادسة بس مواليد الـ80 بتلاقيه بيبلعني بلع.. كمان السن إله حقه.. والوقت يللي قضاه واحد منا ليمشي كل سنة بسنتها .. كمان إله حقه.:
يعني بين ما أروح أسهر شي سهرة.. وأنزل أشتغل بشي محل.. كنت عم أدرس. . وإذا زاد عندي وقت.. عزفت شوي، وبالوقت الزايد كنت عم أقرأ شوية شعر أو شي كتاب .. كتير خير الله إذا طلعت هيك..

ولسا واحدنا هون ما دخل ع الحياة العملية لحتى يتعلم..
شوفينا بعد كم سنة.. والله لحتى نحرق دين الأخضر واليابس..