سنفرة ... سنفروا كما تريدون (استلموا) ... فلستُ مسؤولاً عنه (ما لي علاقة) ...
يدور هذا النقاش حول سنفرة ... سنفروا كما تريدون (استلموا) ... فلستُ مسؤولاً عنه (ما لي علاقة) ... في قسم لقاءات في الملتقى الطبي السوري; شخصية جدليّة ... هلكتني ... وهلكت المشرفين ... هلكت الأعضاء ... هلكت القرّاء ...
ما عنده رمادي ... يا أبيض ... يا أسود ...
أفكار متحرّرة ... منطلقة ... لا
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| القرحة القلاعية Aphthous Ulcers | عندي مذاكرة تشريح 1 بكرى ومالي ملحق .......شو بدي اساوي؟!!!؟ | استفسارات بخصوص الفيزيولوجيا |
| خلونا نحل اسئلة دورات الفيزيولوجيا سوا ...Go | ||
| | LinkBack | أدوات الموضوع |
Oct, 07 2005, 15:42
| |||
| |||
| سنفرة ... سنفروا كما تريدون (استلموا) ... فلستُ مسؤولاً عنه (ما لي علاقة) ... شخصية جدليّة ... هلكتني ... وهلكت المشرفين ... هلكت الأعضاء ... هلكت القرّاء ...  ما عنده رمادي ... يا أبيض ... يا أسود ... أفكار متحرّرة ... منطلقة ... لا مُطلَق ... لا مقدّس ...  منتج للأفكار بشكل ما حدا بيتخيله ... بيسأل ألأف سؤال في الدقيقة ...  اسألوا ... سن شاين عنه ...  معنا اليوم سنفور ... مو مشان شي ... مشان أخلص من نقّه ... (مزحة)  تفضّل عزيزي سنفور ... عرفنا عن حالك متل ما بتحب ...  |
|
#121
Oct, 10 2005, 05:21
| |||
| |||
| مرهف قلتلك مرة ... قوانين المنتدى بتخجّل ... إدام واحد متلك ... قلتلك قوانين المنتدى ... غلط في حقك ... ليش وانت السنفور المعارض ما اعترضت على جزء من قوانين المنتدى إذا ما كان بيعجبك ... شو رأيك بالقوانين الحالية ... شو علامة الحرية في المنتدى من 100 % حسب سلم العلامات الخاص فيك ... بعد إسقاط علامة الجنس والسياسة والدين ... هههههههه ... قلي "شو ضل؟" طيب عندي فكرة ... لو مضمون إنه الأعضاء يتعاملوا مع أي حرف في المنتدى على إنه فكرة وبالتالي القوانين رح تقل وقائمة الممنوعات رح تقصر ... شو بكون رأيك؟ طيب المنتدى إلي مسموح فيه تحكي أي شي مهما كان ... حتى لو كان سباب في الأم ... برأيك بكون صح ... قريت في أحد المنتديات ... موضوع ... عنوانه " Beeb اللي ما بيدخل" طبعاً كلمة Beeb من عندي وأنا بدلت المسبة الأصلية ... وكانت ردة فعل الأعضاء على الموضوع كتير طبيعية ... وناقشوا وتفاعلوا ... المضمون غير العنوان طبعاً ... والتعليق الوحيد اللي قريته على العنوان هو "تاني مرة ما تسب" شو رأيك؟ صحّي؟ طيب المنتدى إلّي بقول ممنوع الإساءة للدين الإسلامي على مذهب الجماعة وأهل السنة ... وبيسمح بالإساءة لباقي الطوائف الإسلامية وباقي الأديان ... شو رأيك فيه؟ حباب ما تنشرح كتير ... ما بدنا نزعّل حدا ... طيب ليش العالم ... هون ... بتعترض على آراءك من الناحية الدينية ... وياما قالوا عنك إنك ما لك مسلم وأنا بيني وبين حالي ... بفكر إنك ما لك مقتنع في الإسلام ... أو يمكن ... موّحّد ... أو حتى ملحد ... أو أي شي تاني ... شو رأيك؟ أكيد بعرفك ما بتخجل من اللي انت عليه لذلك تشجعت وسألت هالأسئلة ... كمان ... لو قلتلك إنك متطفل على المواضيع الدينية ... وهي مو شغلتك (وقلتلك ياها من فترة قريبة ... في المكتبة) ... لأنك على ثقافتك ما قريت شي في الدين ... شو بتقول؟ شو هو مفهومك للدين؟ الدعوة ... التبشير ... و و و و أسماء عديدة تهدف في النهاية إلى ضم أشخاص جدد إلى دين ما ... أي دين نشرلك لأفكارك ... ألا يكون نوعاً من التبشير أو الدعوة؟ لهذه الأفكار بالمقابل ألا يحق للنقيض بالدعوة إلى أفكاره ؟ وما هو رأيك بحرمان الآخر في حقه من التعبير ... كما حصل في المواضيع الدينية في المنتدى ... منذ فترة |
|
#122
Oct, 10 2005, 05:23
| |||
| |||
| احكيلي عن رأيك في كل من العضوات والأعضاء التالية أسماؤهم: شنكول me مستر سام mr.sam ذاكري rwth بشري bashari نونة nooneh المتفائل Optimsto shery no one عاشق الغزالي eloni fiso سندريلا الغايبة الله يذكرها بالخير توربو السريع evereve وهي r كرمال sunshine وجكارة في نذير sunshine |
|
#123
Oct, 10 2005, 05:24
| |||
| |||
| قبل كان في عدة أشخاص أكلوها بالمقابلة ... أي المقابلات استمتعت انت فيها أكتر؟ |
|
#124
Oct, 10 2005, 15:11
| |||
| |||
| شوي . المشاركة الأصلية بواسطة Shankool شنكول،، إنت بتبالغ شوي بتقييم الشي يللي انا بشتغل فيه.. طول بالك
 كل شي بالعالم في إله قوانين.. وفي شي ممنوع الواحد يعمله.. القانون موضوع تعاقدي.. بين الناس، براعي كل الأطراف.. وبكون محصلة للشي يللي الواحد بوافق عليه.. يعني أنا بعطيك مساحة حرية بسمحلك تتحرك فيها، ومتلها باخد منك .. أو بنتفق ع حيز بنتحرك فيه وبنكون موافقين.. والشغلة اتفاقية.. تعاقدية من شان هيك.. بتشوف واحد ممكن يقبل إنو حدا حكي معه حكي كتير كبير.. وما يقبل ربعه من حدا تاني... أنا بعرف الظرف يللي نشأ فيه المنتدى، وبعرف المناخ العام... وبعرف إنو شنكول شقد فيه يتحمل أعباء.. اجتماعية، أمنية.. إلخ.. وهو قال يا جماعة أنا هيك.. بدكن تشتغلو هون، بدكن تنضبطو ب كيت كيت. كيت.. أوك، ما عجب الشخص فيه يروح ع منتدى تاني.. يعني ما فيني أقعد بحضنك وأتشرط عليك.. هي ببساطة القصة.. هلأ بعد ما يتأمم المنتدى.. ويكون عندي مطالب خاصة.. بكون وقتها ممكن أعترض وأطالب بالتعديل.. بس وقتها بكون واجب علي إني أتحمل المسؤولية عن الشي الجديد يللي بدي ياه.. كتيرين بالذات ببداية المنتدى.. بيدخلو بسبو ع الناس، وبيحكو كم كلمة كبيرة.. وبيطلعو.. أو بيمسكو الميكروفون بمحاضرة عامة.. بيسبو ع الدنيا.. وبيحكو وبيمشو.. هي فيها شوية قلة أخلاق.. بصراحة ما فتحت صفحة القانون.. بس حاسس إني ماني متضايق فيها.. ما سبق وقررت أكتب شي، وانمنع فيه.. يعني في شي اسمه رقابة ذاتية عندي.. وبعرف أقدر شو بصير ينحكى وشو الشي يللي بينحكى بيناتنا.. ويللي ما لازم أحملك مسؤوليته.. المشاركة الأصلية بواسطة Shankool ما في بالدنيا غير"دين وجنس وسياسة؟؟ ".؟.
الوضع ما سيء.. طيب.. قللي لو العالم حلت مثلا مشاكل السياسة.. أوك شو بتعمل؟؟ شو بتضل بتحكي؟ وللا خلص بيخلص الحكي؟؟ لو صارت الناس تحب بعض وين ما بدها وتعمل جنس شقد ما بدها.. بعدها شو بتعمل؟ خلص بتموت.؟ طيب لو انحلت قضايا الدين.؟ شو العالم بتسكت.؟ منيح يعني إذا ما بدنا نقعد نتجادل بهي القصص.. ما كتير مشكلة.. عموما أكتر هي القضايا ممكن الشخص يطرحها بالمنتدى بطرح لطيف.. ما يكون مخالف للقوانين.. (ممككن يزعج البعض او يبسطهن.. هدا موضوع تاني.!) تقييم الحرية.. بدو شوية شغل، بدو أحطلك معايير.. وأقيم كل واحدة.. وبدو أكون متابع لكل شي عم ينحكى ولكل شي عم يصير أحداث منع أو خلافات.. بس الوضع منيح.. نسبيا.. بين الوضع العام السيء جدا.. المنتدى كتير منيح.. مع إنو بيحمل من مشاكل الوضع العام.. بس بضل فيه شي أحسن.. القانون ما رح يضل ع حاله للأبد.. بس أصير أنا وياك عم نتفاهم مع بعض.. ممكن تعلا لغة الحكي بيناتنا والنقد يعني مثلا، (خيانة فكرية، غباء سياسي، حماقة ، تخبيص معرفي، حكي لا قيمة له، ..) هي الكلمات ممكن أقبلها منك مثلا.. بسياقات معينة.. فيعني حسب نوعية علاقات الأعضاء بين بعضهن ممكن تتغير القوانين.. يعني بيني وبين نونة.. مثلا ممكن أتهمه بإنو عم يضيع وقته بقضيايا لا طائل منها.. مثلا، ع سبيل المثال.. هي نونة أكتر واحد بمنون عليه.. بتصير أو كلمات تانية.. محبوكة بشكل ما بيجرح .. بس بعبر عن الفكرة.. لما بيتسع الأفق عند الشخص، وبتقل عنده المقدسات والمحرمات.. بصير فيه يحكي بكل شي.. بدون خوف.. لما بنصير بنعرف إنو الشي يللي أنا بآمن فيه وبحبه .. بجوز غيري يعتبره ولا شي.. وما مشكلة.. فبنصصير بنقبل بعض.. كلما تقدم الوعي، وتعمق، بصير الشخص قادر ع امتصاص الأفكار العنيفة أكتر.. وبصير بردوده ع العالم.. بيحترم التنوعات أكتر.. ! كتير ممكن إنو بعد فترة ما تكون بحاجة لهالقانون من عين أصله.. (هدا مبدأ يساري.. طوباوي ولكن ممكن) لما العالم بتتوفر عندها الاكتفاء الذاتي يعني الثقة بالنفس، وبصير عندها اشباع معرفي، وبتصير عم تدور مع بعض ع هدف أرقى، وبتصير الفرديات بتنحط ع جنب.. من شان الفكرة الأرقى.. وقتها ما في داعي للقانون.. ببساطة لما بنصير أصدقاء وأسرة وحدة هون.. ما بعود بدنا قانون، لما كل واحد بصير بيتمثل القانون بروحه وما بيعمل شي للتانيين ما بدو حدا يعمله معه..، ولما بنحترم اختلافاتنا.. وبنحترم تنويعتنا يللي ما بتسيء للصداقة.. بس بضل شي نص مكتوب منيح.. ما منه مشكلة.. المشاركة الأصلية بواسطة Shankool أنا ما بحب منتيديات فيها شتم وحكي نابي..
ما بحس الجو كويس..  ولكن بسياق فكري معين، يعني هي الكلمة ع بشاعها ممكن تطلع بشكل لطيف وما تكون جارحة للكرامة.. ولا للشعور.. هي الكلمة ممكن تنقال لشخص كتير شيطان، وقد حاله.. بينقال واحد.. عـ ! ما هي هالقصة العظيمة.. بس كمان حسب القائل.. وحسب المكان .. وممكن كمان تنقال عن شخص بمنتهى السوء والإنحلال.. وتكون عم تخدم معنى فكري.. وما تكون غلط.. وهدول.. الحمد لله كتار.. يعني مثلا.. بتشوف مصاري الدنيا عم تصب بجيابهن.. وعم يمصو خير الشعب.. ما بتقول عنهن إنهن ولاد هديك؟؟ !!! أنا ما بحبها، وبحسها مزعجة.. بس في سياقات ممكن ما تكون فيه خطيئة.. بالنهاية.. لا يوجد خطأ مطلق وصواب مطلق خارج السياق.. الخطأ قد يكون صوابا في سياق آخر.. وبالعكس.! الصواب قد يكون خطأ في سياق آخر..! ما بشوف مشكلة كبيرة.. بس متل ما قلتلك.. لازم يكون المناخ فيه صداقة وفيه ود.. وما يكون المقصود هو المعنى الحرفي.. أنا ممكن تطلع معي.. يخرب بيتك شو ملعون..! مثلا.. أو يلعن بيو شو عبقري.. ! ما قصدي لا اخرب بيته ولا ألعن بيه..! بس يعني بتطلع.. ما بحب هي النقاء والطهرانية الزايدة عن اللزوم.. بس قلت بالأساس في شي احترام للإنسان، ولأهله، وللأم.. بس الحكي والنقد إلهن، أو كم كلمة بتمسهن .. ما هي جريمة .. وإن كنت ما بحبها بالذات خارج السياق.. يمكن بينقص شوية حوارات هادئة، مع قبول من البداية لاحتمال تعدد الصواب.. هي فكرة كتير صعبة إنو يقتنع فيها الواحد بس بتحل المشكلة.. يعني إنو نحنا مجموعة عميان عم نتلمس فيل.. بيسألنا واحد شو الفيل؟؟ أنا بقول هو شي متل بربيج المي.. (بكون عم ألمس خرطومه،) واحد تاني بقول هو متل الحبل (بكون مسك ديله.. ) تالت بقول هو متل شجرة (بكون مساك إجره..) إلخ.. طيب كلهن هدول أجزاء من الفيل.. وصعب ع الشخص بلمسة وحدة يحيط بكل الفيل.. ولا بألف لمسة صعب يعمل مكاملة لصورة الفيل براسه.. نفس الشي الحقيقة بالدنيا.. صعب واحد يسيطر عليها كلها.. من شان هييك في عدة آراء حول كل شي.. لإنو كل واحد لمس جزء. ولقى شي.. في شي تاني.. ظروف تاريخية خلت الناس تنقسم عن بعضها.. واحد يصير سني، وواحد شيعي، واحد مسيحي وواحد مسلم.. طيب، لو كنت أنا بمكان تاني.. لو كنت بجنوب لبنان يمكن أكون شيعي ومتطرف كمان.. طيب لو كنت بالسعودية هلا.. كنت بكون وهابي مر، لو كنت ببيروت بجوز أكون شيوعي، أو أكون ماروني أو,..إلخ.. ما لازم شوي فكر إنو كل واحد غالبا ما هو اختار أفكاره.. حتى لو كان بيقرأ.. وبفكر.. يعني أنا مثلا.. أول كتاب كان فلسفة، لما قرأت فلسفة بطل خالد محمد خالد يمللي راسي.. طيب لو إني قرأت كتب دين أول شي.. كان ممكن أقول لأ.. التفسلف تزندق.. إلى ما هنالك.. وقلت أول شي.. لو ماكنت أنا أنا.. كان ممكن أكون أي واحد تاني.. هدا الشي بخليني ما كتير متشبث برأي.. رقم 1 وما كتير بتضايق من العالم إذا كانو بفكرو بشكل تاني رقم 2 وبحاول أحكي وأناقش، بس بعترف إني ما وصلت لليقين رقم 3 وأخيرا.. ما كتير بتضايق إذا ما اقتنع معي.. كان السؤال عن السماح بشتم الآخر، وتحريم الحديث عن الذات.. فيها تجسيد لمشكلة نفسية، بيحكي عنها سام.. فيها نرجسية شوي، وفيها قلق على بنيان بتهدم من قشة.. فيها خوف من التانيين، وفيها خوف ع أتباعهن من أفكار جديدة، يعني خاف يجي مين يلعب بعقله ويحرفه، بنسكت كل شي غير من شان نضل مسيطرين ع العقول، فيها استبداد، ووصائية ع العقل.. وع فكرة موجودة عند الكل.. ممكن لو اعترفنا لكل شخص بالحق بإنو يكون متل ما بده، ونعامله كبشر شو ما كان دينه ورأيه.. وهو نفس الشي، يعني ما نحس إنو هو جاي ليغيرلي ديني، ولا أنا هدفي أنتشله للصواب لإنو الحقيقة موزعة بين البشر.. ممكن وقتها إنو نقبل نسمع لكل الأصوات يمكن كتير حلو الجاز.. إنو فيه كل آلة موسيقية بتحكي كل شي عندها.. وع كيفها.. بدون ما تزعج التانيين، احيانا بصير تداخل أصوات، أحيانا انسجام أحيانا لأ.. بس بيطلع بالنهاية شي حلو.. ليش ما بنعمل فرقة جاز؟؟ وطنية!!!  |
|
#125
Oct, 10 2005, 15:14
| |||
| |||
| شوي . كمان.. المشاركة الأصلية بواسطة Shankool شجاع كتير يا شنكول ع هي الأسئلة.. بحييك ع شجاعتك..
بس بتضمنلي إذا تشجعت إني ما حدا يعملي شي..؟ أنا حكيت عن موقفي من الاسلام بمشاركة خاصة.. المشاركة الأصلية بواسطة Shankool الدين شغلة شخصية.. يعني لما الواحد بيحكي عن المعنى للدنيا، وعن تصوراته للحياة والموت.. وعن الروحانيات..
بيحكي عن دين فردي.. إله علاقة بينه وبين الشي المقدس يللي عنده.. وهي شغلة خاصة فيه كل واحد يحكي فيها.. بدون ما يحاسب.. يعني لكل شخص دين.. وبالتالي ما حدا بحقلله يحكي أكتر من حدا عن الدين.., كدين.. أما الإسلام.. وهو كمان فيه الرؤى المتعددة.. وفيه كل شخص يكون إله اسلامه الخاص.. جاوبتك وقتها.. إنو الدين تم تعقيده كتير.. يعني هي الإضافات والكتب المؤلفه أكترها زايد عن اللزوم.. وفيه الواحد يكتفي بالقرآن الكريم والأحاديث إذا كان رايد ياخد فكرة عن الإسلام.. يعني القضية ما كتير معقدة.. وأنا لما بحكي بحكي عن الحياة .. والحياة فيها الدين وفيها أشياء كتيرة أوسع من الدين.. وبحكي عن الأخلاق والتعامل الإنساني.. وهي كلها من الدين وخارج الدين.. وبحكي عن العلم ، وعن الإجتماع البشري، وعن النفس الآدمية.. وهي كلها من داخل اهتمام الدين ومن خارجه.. ! بالتالي إذا تقاطعت أو تداخلت مع آراء لمتدينين ما يعني إني عم أدخل بشي ما بهمني.. أو ما بخصني.. المشاركة الأصلية بواسطة Shankool لكل شخص الحق بالدعوة للفكرة يللي بآمن فيها..
بشرط يحترم حق الآخر إنو ما يآمن فيها..! ويحترم حق الآخر بتقديم البدائل عن كل فكرة.. مشكلة التدين (التدين يعني أخذ الشيء كدين، وهو طريقة في التعامل مع الأفكار، أو باسم آخر العقائدية..) إنو بيعتبر إنو من حقه يقول أ هو ب مثلا.. ما بيعتبر هي فكرة متل أي فكرة آخرى من بيناتها أ هو ج وليس ب.. طيب .. ليش هو من حقه يقول أ هو ب.؟ والتاني بكون عم يغلط بمجرد قوله شيء مختلف.؟ .؟ إذا إله الحق إنو يحكي مقولة ما، فهو عم يستفيد من حق عام في الكلام.. يعني حق الكل في قول أي مقولة.. من بيناتها عكس المقولة الأولى.. يعني إذا كان المتدين عم يطالب بحقه بإنو يعبر عن رأيه ويدعو للفكرة.. فهو عم يطالب بجزء من شيء عام.. وهو الحق في التعبير عن الفكرة... (صح.؟ لسا معي؟؟ ) والأخيرة تضمن للكل إن تحققت الحق في التعبير عن أي مقولة.. ! حاج لهون.. |
|
#126
Oct, 10 2005, 15:21
| |||
| |||
| هي شوي مواشيع مشتغ عليها هون.. وإلها علاقة بسؤال شنكول الأخير.. عيب عيب محاولة لنقد آليات تفكير في مجتمع متأخر.. محاولة لنقد آليات تفكير في مجتمع متأخر.. ما هو لي - هو لي وليس لك - وما هو لك ليس لي.. محاولة لمقاربة علاقة الفرد بالمجتمع ما هو لي - هو لي وليس لك - وما هو لك ليس لي.. محاولة لمقاربة علاقة الفرد بالمجتمع بقايا الأسرة التقليدية.. بقايا الأسرة التقليدية.. كنت عم دور ع مشاركتي الاصلية عن موقفي من الاسلام .. يومها عجبت الناس.. ما لقيتها.. |
|
#127
Oct, 10 2005, 15:41
| |||
| |||
| هذا هو موضوعك |
|
#128
Oct, 10 2005, 15:43
| |||
| |||
| مرهف مرحبا منرجع م جديد طيب ماهي الديمقراطية حكم الأكثرية طيب الأقلية إيمتى بنسمع صوتهون ؟؟؟ معقول دائماً ينسحقوا برأي الأكثرية ؟؟؟ طيب ماحقوق المواطنة تمنحون إنو يعبروا لأ و مو بس وواجب عالدولة تحقق مصالحهون شلون بتدبرها هي ؟؟؟ يعني الخضر بألمانيا و على الرغم من أفكارهون الحلوة مستحيل ينسمع صوتهون لولا الائتلافات و غالباً حقائب وزارية ضعيفة و يوشكا فيشر كان استثناء طيب شغلة تانية ؟؟؟ ديمقراطية حتى الموت ؟؟؟ حلو مرشحين انتخابيين واحد جاب 44% و التاني جاب 46% شلون بتحل المشكلة طيب هون انت أغفلت قسم كبير من البشر تحياتي حازم مالي علاقة انت قلتلي ماعمتتدايق من أسئلتي  |
|
#129
Oct, 10 2005, 15:43
| |||
| |||
| هي.. هي هي.. المشاركة الأصلية بواسطة noooneh نونة إنت شو بدك بشنكول.. أساسا أنا لقيت أسئلتي يللي طرحهن شنكول.. بالبداية صعبات ووقفت عن حلهن..
 يللي بدو سؤال خاص منهن.. بجاوبه.. بس ما رح أحلهن.. والله أصعب من المسائل العامة تبعيت كتاب الهندسة الفراغية بالبكالوريا.. كيف اكتشفت إنو هي ،، هي ذاتها هي.. وليس سواها.؟ صعب توصل ليقين بالعالم.. إلا لما بدك تلوي عنق حريتك.. هي هي هي.. ببساطة بعد 10 سنين تأمل، وتفكير بالحب، وتجربة، يعني بصير الواحد قادر يقول إنو هو هو هو.. باحتمال 80% +- 20% طيب.. بتلاقي شي من يللي بدك ياه فيه..  بتصنع بالخيال الباقي.. بتحلم إنو هو.. بتحس إنو هو.. بتنبطل تفكر بغيره.. بيمشي الحال..  عم أمزح.. ما عندي غير حواسي .. أكتشف فيهن.. وعندي القلب وحاسته السادسة.. وعندي شي براسي كمان بيحكي أحيانا.. بقللي إنو هو |
|
#130
Oct, 10 2005, 15:45
| |||
| |||
| قبلة يا زلمة.. شو هي.؟ المشاركة الأصلية بواسطة Shankool بمرحلة معينة من مراحل الحب..
القبلة هي أحلى شي بصير بين عاشقين..  قلت بمرحلة معينة.. قصدي بعد فترة من الحب.، وقبل شي تاني.. (بعد هي الفترة بتصير القبلة جزء من شي أعم وأحلى.. بس ما بتفقد خصوصيتها) نبيذ الشفتين هو أحلى سكر ممكن الإنسان يسكره بالدنيا.. وبالآخرة كمان!  أنا معه وبقوة.. بمجتمعنا صحية.. وكويسة وعين الله بتحرسهن.. بس متل ما قلتلك.. بدها وقت.. ماني مع قطف العنب وهو حصرم.. الحصرم ما بينعمل منه نبيد.. لو أجت وحدة حلوة وبتعقد متل أسمهان اللي بتغني هالكلمات بلحن كتير حلو ... وقالتلك هالكلمات ... شو بصير فيك؟ طيب لو كان معها وردة حمراء كمان وعطتك ياها ... شو بصير فيك؟ لو قال حدا هي الكلمات إلي.. بنبسط، بخجل شوي، ما بقول شكرا. (هي أسخف كلمة بتنقال لحدا بحب..) بقللها آسف كتير.. إني عملت هيك..  بحاول أردلها ع حكيها حكي.. يعني حكي عنها.. يكون لطيف بحيث تحس بحالها إنها كمان شغله مهمة للدنيا.. حكي أكيد ما رح قلها بحبك كمان.. إذا ما كنت بحبها.. بس بقللها حكي تحسه حلو، بس أقل من الحب.. بحيث ما تنجرح كرامتها أو شعورها.. إنت سؤالك شو بصير فيني.؟ مو شو بعمل.. يعني حسب.. إذا في مفاجأة.. بجوز أضحك إذا كان الطريقة حلوة.. بجوز أضحك من قلبي.. بفرح شوي.. الشغلة لطيفة إنو الواحد حدا يعبر له عن مشاعر.. بقللها نيالك إنو عم تحبي حدا..  ماني مضطر أبادلها الشعور.. إذا جايبة وردة حمرا.. باخد الوردة الحمرا، بحطها بكاسة عندي بالغرفة.. وبهتم فيها.. لإنو الوردة كانت شغلة هامة بالنسبة إلها.. وإذا حدا عطاك شي هام.. لازم تهتم فيه إذا ما متله أكتر منه.. بحاول أخبرها ع المدى المتوسط إني ما بقدر حبها.. لإني بحب حدا تاني.. بس ما بخجلها ولا بجرحها.. يعني نادر تلاقي بنت جريئة تحس وتعبر عن احساسها.. فهيك حدا بتداريه لإنو شخص استثنائي.. بعدين إلي تجربة بحمل وردة لحدا.. ورفضهن.. حسيته كتير بشع.. طيب لو شفت بإيدها وردة حمرا وهي عم تغنيلك هالغنية رح تظن إنه الوردة إلك؟ شو لو ما عطتك ياها أو ما كانت الوردة إلك ... يمكن هي آخدتها من غير واحد ... لو وصلتني رسالة بتحكي عن حب.. من حدا.. بتخيل إني أنا الحبيب.. بعيش لحظة.. وبحط نقطة.  بفكر إنو إلي.. بحلم شوي.. إذا ما إلي بكون أحسن .. لإنو بتوفر علي أشرحلها إني ما بقدر حبها.. عم تسألني التفكير بالقبلة غلط؟؟ طول بالك يا زلمة.. فعل التفكير غلط؟.؟ إييييييييييييييييييييه.. إذا بحب صبية ومرتبط معها.. بفكر بالقبلة.. وممكن ما أنام الليل وأنا عم أفكر فيها! شو هي جريمة.. قبلة هي.. قبلة!  |
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| علاقة بين انتشار الملاريا والايدز | Article Bot | آخر المستجدات الطبية | 0 | Dec, 08 2006 17:50 |
| ما عجزت عنه الفتوحات الغابرة تحققه الصحوة المعاصرة | Hani | اجتماعيات | 5 | Sep, 20 2006 16:49 |
| ما هو لي - هو لي وليس لك - وما هو لك ليس لي.. محاولة لمقاربة علاقة الفرد بالمجتمع | سنفور | اجتماعيات | 91 | Jul, 21 2005 13:47 |
كل الأوقات حسب GMT +2، والوقت الآن 03:16.