سنفرة ... سنفروا كما تريدون (استلموا) ... فلستُ مسؤولاً عنه (ما لي علاقة) ...
يدور هذا النقاش حول سنفرة ... سنفروا كما تريدون (استلموا) ... فلستُ مسؤولاً عنه (ما لي علاقة) ... في قسم لقاءات في الملتقى الطبي السوري; شخصية جدليّة ... هلكتني ... وهلكت المشرفين ... هلكت الأعضاء ... هلكت القرّاء ...
ما عنده رمادي ... يا أبيض ... يا أسود ...
أفكار متحرّرة ... منطلقة ... لا
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| القرحة القلاعية Aphthous Ulcers | عندي مذاكرة تشريح 1 بكرى ومالي ملحق .......شو بدي اساوي؟!!!؟ | استفسارات بخصوص الفيزيولوجيا |
| خلونا نحل اسئلة دورات الفيزيولوجيا سوا ...Go | ||
| | LinkBack | أدوات الموضوع |
Oct, 07 2005, 15:42
| |||
| |||
| سنفرة ... سنفروا كما تريدون (استلموا) ... فلستُ مسؤولاً عنه (ما لي علاقة) ... شخصية جدليّة ... هلكتني ... وهلكت المشرفين ... هلكت الأعضاء ... هلكت القرّاء ...  ما عنده رمادي ... يا أبيض ... يا أسود ... أفكار متحرّرة ... منطلقة ... لا مُطلَق ... لا مقدّس ...  منتج للأفكار بشكل ما حدا بيتخيله ... بيسأل ألأف سؤال في الدقيقة ...  اسألوا ... سن شاين عنه ...  معنا اليوم سنفور ... مو مشان شي ... مشان أخلص من نقّه ... (مزحة)  تفضّل عزيزي سنفور ... عرفنا عن حالك متل ما بتحب ...  |
|
#131
Oct, 10 2005, 15:47
| |||
| |||
 يا عيبالشوم عليك يا سنفور ظهار على حقيقتك ظهار معناها انت كنت عم تسأل أسئلة تعجيزية  وأنا لا أقبل بأقل من إنك تجاوب على أسئلتك ما حلوة في حقك ما تجاوب على أسئلتك عن جد مو حلوة ... بنوب  طيب جاوبهن على مهلك لما بتشوف ما ضل أسئلة قدامك جاوب على أسئلتك  |
|
#132
Oct, 10 2005, 21:26
| |||
| |||
| ارحمني شوي.. يرحمك ربي.. يا حبيبي يا شنكول..  باعتلي ميتين سؤال من أسئلتي أنا.. يللي سائلهن أنا لأشخاص آخرين بسياقات تانية.. يعني معلش مع حبي إلك..  سب السؤال يللي بينسئل لأوبتمستو ما نفسه بينسئل لفراس.. ما نفسه بينسئل لسن شاين.. وبالتالي ما نفسه بينسئل إلي.. كل شخص إله خصوصية بتحاول تسأله عنها.. أنا لما سألت.. ما كنت عم عجز.. كنت عم أسأل.. من جهة تانية ما ضروري كل واحد بيسأل يكون عنده جواب.. يعني تخيل طالب عم يسأل الاستاذ.. شو هو عم يختبره إذا بيعرف الجواب وللا لأ.؟ لأ.. ما هيك.. بكون عم يحاول يسمع رؤية تانية.. من الأصل ما كان لازم تسألني ياهن مرة واحدة.. يعني وزعهن إنت.. ما كتير منيح أقعد 20 ساعة متواصلة من شان أجاوب عنهن. وهنهن يمكن ما كلهن بهمو الناس.. |
|
#133
Oct, 10 2005, 22:45
| |||
| |||
| المشاركة الأصلية بواسطة Wiseman_a في شغلة ما عم أفهمها ولاحظتها بكل المشاركات يللي حكت عني.. ما عدا خوليو ونونة..
إنو مرهف منيح.. بس أنا مختلف عنه..!!! كتيــــــــــــــــــــــ ــــــــــــ.....ــر! ليش.؟ لما بكون الواحد وجها لوجه.. بتكون تعابير الوجه الحبية عم تغطي ع الكلمات.. بينما بالمنتدى بتجي الكلمات عارية.. بتبين مستفزة.. بس هي نفسها.. بالحوار الشخص بكون عم يشوف الرد، وعم يعدل .. يزيد الجرعة أو ينقص. باملنتدى بكون مضطر يفرد كل شي عنده.. وبالتالي ممكن يحسوه مستفز.. أو متفلها، .. بالحوار في شي حبي بكون، من التواصل بين العيون.. والابتسامات.. والكلمات الحلوة.. بتغيب لما الواحد بيكتب لحاله.. سحرك بيأسرني باللحوار وايزمان.. فما بقدر غير كون لطيف.. بينما مع حالي.. بتطلع الوحوش يللي جواي.. !!! كلامك عن الكفوف حلو.. بتصير هي القصة كتير.. بالنسبة للوحدة العربية.. صعب بالمدى القريب والمتوسط.. يعني بالمدى البعيد ممكن ...بس بشرط تتغير كل الواجهة السياسية العربية.. يعني بس يطلعو من جلدهن ممكن.. بعتقد ممكن الديمقراطية ممكن تولد هيك امكانية.. باعتبارها ممكن تخلي الشعوب هي يللي تقرر.. وهيبتزيل هي الطغم الحاكمة.. وبالتالي بتخلي مصالح الناس هي يللي تمشي.. هلأ لما بصير في ديقمراطيات.. ممكن إنو تصير أشكال انفتاح بيتجاوز المصالح الحاصة لهي الطغم.. مع دول مجاورة.. أو مع دول بعيدة .. وبتحقق مصالح أقرب للشعوب.. طيب.. هلأ ما كتير عندي ياها شغلة مقدسة إنو تصير الوحدة العربية.. وما هي بالضرورة الرافعة لنهضة الأمة.. يعني ممكن اليوم مثلا تطوير علاقات مع تركيا، وماليزيا، ودول أوربية.. تكون مفيدة لتقدم هالبلد.. وممكن يعونا خبرات وتقانة وتطوير.. الهدف هو النهضة ووسائلها هي المطلوبة.. الطبيعة البشرية، أو الفطرة.. يعني شوي في عدم اتفاق ع المصطلح.. يمكن.. بيحكو عن شي موجود بالعقل مثلا سابق للتعلم.. ! شي إله علاقة بميكانيكيات العقل.. أو آليات التفكير.. وهي بتنشأ مباشرة عن بنية العقل الأساسية.. وبيحكو عن طبيعة عطت الإنسان إمكانيات كمان وغرائز أولية من شان يعيش، من بيناتها الصراخ لما بيحتاج للطعام (طفل) أو المص، أو لما الواحد بيسقط بيحمي حاله بإيديه.. أو هي شغلات.. طيب هي شغلات موجودة بالبشري وهي قبل اجتماعية.. يعني من الطبيعة.. موجودة.. هي الشغلات.. كمان الرغبة بالشخص من الجنس الآخر، وغيره من الدوافع النفسية يمكن يلي بتحاول تحافظ ع النوع الإنساني والبقاء، وحفظ الجماعة والفرد.. طيب هي موجودة.. في شي اسمه نماذج فكرية بدئية.. وهي الظاهرة بتفسر إنو شعوب بشربة أو جماعات بتفكر بشي متشابه ولو كانت بعيدة عن بعضها.. من بيناتها النقوش الموجودة بالكهوف، بأماكن متعددة بالعالم، متشابهة، وبتقول إنو العقل البشري البدائي الخام (يعني بدون الثقافة) تفاعل مع الطبيعة أو مع الشي يللي عم يشوفه بشكل متشابه.. طيب بس شو مداها هي..؟ صعب.. خود أمثلة الأمراض النفسية.. يللي إلها أساس وراثي وإلها تظاهرات سلوكية معينة.. طيب هي بتقول إنو الناس المرضى بيتورثو شي بأثر ع سلوكهن.. طيب الناس الأسوياء ما نفس الشي.؟ أنا ميال لرأي إنو الطبيعة بتعطي الإنسان أشكال استجابة معينة فطرية.. وبتجي البيئة بتعدل فيها.. بس الشكل الناتج هو مختلف قد يكون عن الشكل الفطري.. خود مثلا الفصام يللي إذا صاب أحد التوأمين من نفس البيضة، ممكن يصيب الآخر بنسبة 50% فقط!! طيب.. إذا الطبيعة أو الشي الفطري أو الشي الأصل.. ما عم يعبر عن نفسه رغم وجوده.. بسبب؟؟ البيئة.. أو الشي البشري إن جاز التعبير.. صح في شي طبيعي فطري.. ولكن .. في شي بشري كمان.. قد لا يقل عنه أهمية.. إن لم يكن يزيد عنه.. يمكن الطبيعة البشرية والإنسان .. بتشبه العلاقة بين الخام.. والشكل النهائي للمنتج.. ! بقى برايك أيه أحسن؟؟ النفط الخام وللا البنزين؟؟ للسيارة...! شو يعني شي خارق للطبيعة.؟ كل الأشياء عم تجري ضمن الطبيعة.. إذا كانت موجودة.. المشكلة ما بصير بالعادة تمييز بين الطبيعة وبين القوانين.. ! القوانين هي أشياء صورية نحنا بنفترض وجودها، بينما الطبيعة هي الشيء الموجود.. سؤالك .. متناقض شوي.. هي يوجد شيء يخرق الطبيعة داخل الطبيعة.؟.! السؤال بشكل أدق.. يمكن يكون هل يوجد شيء في الطبيعة يختلف مع قوانين العلم العامة..؟ المألوفة.. هي ممكن تكون.. يعني العلم ما وصل لكل شي.. بحس إنو في شي من الحدس.. موجود.. يعني إني أوصل للحقيقة برمية واحدة.. بدون خطوات المنطق المباشرة تك، تك، تك.. فورا خبطة واحدة..وجدتها!! إيه بتصير.. بس ممكن يكون العقل بدون ما نحنا نشوف كيف عم يشتغل.. هو عم يعمل هي التكات كلها.. وعم يوصل!! ما ممكن؟؟ طيب.. الأحلام يلل بتتوقع أشياء تصير.. وبعدها بتصير.. مثلا بتحلم بشخص معين إنك رح تشوفه.. وبالفعل بتشوفه الصبح.. كمان صايرة معي.. المشكة إنو هدا المجال شوي subjective وصعب تخضعه لمبدأ التجارب العلمية المعتاد.. إنو يعني تكرر التجربة مثلا.. ما كتير سهل التحكم فيه.. مع إنو في كتير كتب بتحكي عن كيف تنمي طاقاتك الروحية وما فوق الطبيعية.. بحس نصها دجل.. بس ممكن ينوجد نموذج لتجربة تضبطه.. وما مشكلة.. ما بشوفه كتير مشكلة.. مع إني ما ميال أصدق حدا بيحكي بهيك شغلات.. يعني لما أنا بتصير معي.. ما بصدقها.. لإنو ببساطة مجال كتير خصب للتأليف والدجل.. والله شفت اليوم هيك، صار معي هيك . كنت عم أحلم.. وصار! ما كتير بحب هي الخزعبلات.. وبحس إنو عقلي ماشي حاله بخمس حواس.. منيح. |
|
#134
Oct, 10 2005, 22:46
| |||
| |||
| الأقليات ع الراس.. المشاركة الأصلية بواسطة RWTH هون بيجي دور القانون..
القانون هو حالة تعاقديةبين كل الأطراف.. يعني لما يصاغ الدستور الوطني.. يكتب بالتراضي.. يعني براعي كل الموجودين.. وبيحترم كل الأقليات .. وصمن هدا الدستور رح تتم ممارسة العملية الديمقراطية.. هدا الدستور.. بيكفل الحقوق الأساسية غير القابلة للتفاضل بين المواطنين.. وهي حقوق المواطنة.. يعني أنا باعتباري مواطن عربي سوري.. إلي الحقوق التالية.. سواء كنت من الأكثرية المسلمة أو الأقلية اليهودية.. أو ما كان في حدا متلي وديني س من الأديان.. طيب.. هي الحقوق قلت ما قابلة لإنو يصير عليها أخد ورد.. هي حقوق بتشتق من كوني إنسان أولا، ومن كوني مواطن بهالبلد.. يعني وبغض النظر عن انتمائي السياسي أو الديني أو الفكري، أو..إلخ.. فأنا إلي حق الحياة، والكرامة الإنسانية، والصحة والعمل والتعلم، والتعبير والتفكير، والحرية،..إلخ. هي الحقوق .. ما بصير حدا ياخدها من حدا.. وهي مكفولة للناس لكونهن مواطنين.. أقليات أو أكثرية.. هي رقم واحد.. رقم تنين.. كمان في فقرة دائمة في الدستور.. خاصة بالأقليات.. يعني تقاس مدى ديمقراطية القانون.. باحترامه حقوق الأقليات.. من بينها حق الكلام باللغة الخاصة، حق تعلم هذه اللغة، حق ممارسة الطقوس والشعائر الخاصة، حق التعبير عن معتقداتهم ونشر أفكارهم، وغيرها من الحقوق التي يتطلبها كونهم من أقلية معينة.. احترام حقوق الأقليات هو واجب الأكثرية الدستوري.. ويكفله القانون.. طبعا لا تجوز الممارسات التي تمس بالحقوق الأساسية للمواطن، ولا تجوز الممارسات التي تمس حقوق الأقليات.. وهي كلها مكفولة بالنظام الديمقراطي الذي يشرح باختصار.. حكم الأغلبية مع مراعاة حقوق الأقلية.. والقانون هو الضامن لهالشي..! مشكلة الفرق البسيط في الأصوات قد تكون مشكلة.. ولكن في النهاية المرشح الذي وصل للحكم.. هو محكوم بالقانون وبالنظام العام.. الذي تعاقد المجتمع عليه وسن على أساسه دستوره.. وبالتالي عليه أن يحمي الحقوق الأساسية.. ويؤمن مصالح المواطنين.. مثلا.. ما بصير لجورج بوش يحقق مصالح الجمهوريين.. ويترك الديمقراطيين جوعانيين.. يعنيالحاكم محكوم بالقانون.. وما بصير يعمل تغيرات جذرية بالبلد ع كيفه.. بدون امتلاكه لأغلبية عالية.. بتعرف تعديل القانون بده أغلبة ثلثين.. وبعتقد فيه فقرات يمكن بدها أغلبة مطلقة لتعديلها.. القضية ما بهي البساطة.. ما تقارنها ع محلات.. القانون محطوط فيها بالخرج.. القضايا مظبوطة.. ومع الرقابة والمحاسبة.. ما في مشاكل كبيرة.. يفترض.. |
|
#135
Oct, 10 2005, 22:47
| |||
| |||
| حبيبي خوليو.. وينك؟.؟ المشاركة الأصلية بواسطة خوليو خوليو ما تواخذني ما انتبهت من العبطة.. شنكول ماسكني من أداني.. بأسئلته..
شكرا للطفك.. إنت من الأشخاص يللي ما بكون عم جامل ولا بـ 1% لما بقول إنهن اقتحمو قلبي.. بس ما ملكته.. بتعرف.. يعني قلبي مفتون بحدا تاني.. المهم مع قلة القعدات معك.. بس إنت شخص نادر.. وجذاب.. بكل شي.. يعني أكتر مني.. بكتير.. منيح إنو عم تدرس الطب بأرمينيا.. لإنو لو كنت هون.. كنت سيطرت ع الوضع تمام.. وما تركتلنا شي..! |
|
#136
Oct, 10 2005, 23:01
| |||
| |||
| المشاركة الأصلية بواسطة Shankool أول شي.. أنا ماني متل شعبان عبد الرحيم..
ومو كل مواطن عربي بيكره اسرائيل.. والله في زعامات عربية.. بتعشق اسرائيل.. وهي طريقها للبقاء بالكرسي.. بكرها اسرائيل.؟ أغبى كلمة انقالت عن موقف من القضية الفلسطينية.. أساسا شعبوللا رمز الانحطاط الثقافي العربي.. بتكره اسرائيل، متل ما بكره السمك المشوي..؟ أنا والله بحب فلسطين، والقضية.. أنا بعشق القضية.. ! هي فزلكة.. بصراحة.. كنت عم أستنى يكون الجواب ع هالسؤال.. لأ.. انا ما متل.. أنا هيك وهيك.. وهدا مشروع بالسؤال.. يعني شي متل فخ.. ما بذكر كان موجه لمين.. أنا ضد عملية السلام.. لإنو عم تصي بشروط نحنا الضعفاء فيها.. وبدون ما نكسب شي.. يعني هو تنازل بتنازل.. أنا مع السلام.. مع العالم كلها.. بس بعد ما يرجع الحق لأهله.. ماني مع الحلول الطوبوية. .يعني بدنا نكب اسرائيل بالبحر.. لأ.. اليهود يللي جو.. ممكن يعيشو هون.. بس ضمن دولة ديمقراطية.. معترف فيها للفلسطينين بحق الحياة كمواطنين كاملي المواطنة.. ومع عودة جميع اللاجئين.. ضمن دولة فلسطينة أو أيا كان اسمها.. ما مشكلة وايا كان علمها.. كمان ما مقدس العلم.. بس الفلسطيني مواطن فيها متل الاسرائيلي .. ودولة غير يهودية.. بل متعددة القوميات.. ! هدا حلم كمان طوبوي.. يمكن صعب أو مستحيل التحقيق.. هلأ.. انا مارح أكون فلسطيني أكتر من الفلسطينين.. وما رح نظر عليهن.. بإنو يعملو مقاومة حتى الشهادة او النصر.. هنن بيعرفو شو عم يعملو. . وشو بدهن يعملو.. وإن كان الوضع معقد. بس بوضعنا الحالي.. ما كتير مع الصراخ الدائم.. والحربجية.. وبدنا نحارب، ونحرر.. يعني لا حرب طلع منا ولا حررنا شي.. من مدري كم عشر سنين.  فإذا خلونا ما ننادي بالحرب ونشتغل سلام.. طيب.. شو بنعمل.؟ بنشتغل ع نهضة داخلية.. وإصلاحات وتطوير.. وبس نصير قادرين نعمل شي.. بيتغير الوضع.. تخيلو لو المصاري يللي انحطت من شان الحرب.. كانت انحطت من شان التنمية.. شو كان صار فينا. .. بشرط ما يكون فيه فساد.. والله يمكن كنا هلأ.. حققنا تنمية وحررنا أرض.. أما هيك.. عم نحارب بالحكي.. لا تنمية ولا تحرير.. ما رح أزور المسجد الأقصى.. ما كتير عندي أولولية هلأ.. بالذات إنو في حقوق ما بترجع.. هيك.. إذا تم حل القضية.. بروح.. في أشياء تانية لسا أعملها بحياتي قبل هالحلم.. أكيد ما رح زوره قبل ما رزور الكعبة مثلا!!  أبو عمار.. كان بآخر فترة عقبة قدام مشاريع.. فبعتقد إنو من مصلحة اسرائيل ينتهي.. ومن مصلحة دول عربية كمان.. يعني خلصونا بقى.. صفولنا الإنتفاضة.. وخلونا نطبع..! عقلية مؤامراتية.. بس ممكن باحتمال.. تكون صارت |
|
#137
Oct, 10 2005, 23:04
| |||
| |||
| مين سنفور المشاركة الأصلية بواسطة Shankool بيخطرلي..
مرهف..  شخص صعب الوصول..  حلم بعيد إنسان بلا حدود بينقصه صفاء ليصير أكتر من إنسان.. لسا عم دور ع حالي  ما بعرف مين أنا |
|
#138
Oct, 10 2005, 23:12
| |||
| |||
| مين سنفور المشاركة الأصلية بواسطة Shankool لما بكون لحالي بشتغل أحسن..
العمل الجماعي بحفزني إني أكون فرد أكتر..! يعني لما بكون بين جماعة عم تشتغل.. بيتحفز الأنا عندي ليشتغل أكتر.. ويسبق التانيين..ويعطي أكتر.. بيني وبين حالي أنا أكتر.. حالي إلي حياة خاصة إيه.. ما حدا بشاركني فيها.. هي أوقات بكون فيها بعكس الحب، بعكس الأمل، بقمة اليأس، بوجع الكآبة، بتعاسة السأم، بوجع الوحدة.. بهي الأوقات .. بكون عم أكتب.. عم أشتم، عم ألعن الحياة.. بكون عم أعزف .. عم أصرخ، عم أبكي.. بكون عم أمارس كرهي لحالي وللأشياء.. بكون عم خرب الشي يللي بنيته.. وعم أرجع للصفر.. وإلي حياة خاصة.. مع قصيدة أحيانا.. وأحيانا مع وردة ياسمين.. أحيانا مع موسيقا.. بحس وقتها إنو أحلى لحظة بالعمر لما بتوحد مع حالي.. لحظة ما بكون بدي حدا. .حتى أكتر الناس يللي بحبهن.. ما بكون بدي ياهن.. بكون مكتفي بنفسي.. وعايش وحدة كونية مع الدينا.. ومنسجم.. وسعيد.. أحيانا مع النجوم بالليل، أحيانا مع البحر وقت الغروب.. إلي لحظات مع كتب.. ومع أفكار وأسئلة.. بكون عم أشتغل فيها أنا وحالي.. وما بدي حدا.. بصراحة.. أسعد لحظة بحياتي.. هي لحظة بكون فيها عايش مع حالي.. ونسيان الدنيا.. ومكتفي من كل شي.. أو حاسس بعد رغبة بأحد أو شيء.. عم أتأمل بشي جميل.. أو عم فكر بفكرة.. إلي لحظات بطفي فيها الضو.. بطفي الموبايل.. وبقعد بعتمة الغرفة..بدون موسيقا.. وبدون شي.. بتأمل بالعتمة.. بس! وبحاسب حالي.. |
|
#139
Oct, 10 2005, 23:20
| |||
| |||
| مين سنفور المشاركة الأصلية بواسطة Shankool طبعا بيخطر..
 من فترة مريت قدام مدرسة نابلس.. حسيت يا الله.. أطفال هدول.. شفت كم شب واقفين ع الحيط.. واحد كان لابس نضارات.. قال هي بتعطيه ذكورة زايدة.. بحس حاله ذكر كتير.. وجذاب.. وفاتن..ضحكتله.. حسيت إنهن أطفال.. يعني ما فيني أوقف قادم مدرسة نابلس..! سبحان الله.. اليوم نبهني صديقي إني صرت سنة سادسة.. قلتله إي والله رح صير طبيب.. يعني كبرت.. أحيانا بتمنى لو كنت حابب أكتر.. يمكن لو كنت أطلقت قلبي على كل نحلة.. من لما كنت أصغر من هيك. يعني من السنوات الأولى.. هلأ.. يمكن ما أكون أعبر لحدا.. بالضرورة عن أحساسي بشي حلو فيه.. بس ع الأقل أحس.. من جهة تانية.. بفكر. . أكتر الأوقات يللي كنت فيها منتج.. هي الفترة بعد نهاية حب.. وقبل الشعور بألم الوحدة.. هي بكون فيها قفزات هائلة.. طيب.. لو برجع أكتر.. لفكر.. يمكن لو إني حابب حدا قبل البكالوريا.. كان ممكن تتأثر حياتي ودراستي.. بنصح العالم يحبو بعد الجامعة.. ما كنت حب أروح ع مدرسة نابلس.. اليوم كمان بنبهني رفيقي.. وبذكرني بشعور انكسار خفي كان عنا.. بقول "قال مجتمع ذكوري قال.. ! إي والله ألف مرة حسيت فيها بانكسار ذكورتي.. قدام خوفي وعجزي عن إني أقول كلمة أو أعبر عن شعور.." ضحكت شوي، وقلتله.. إيه..رزق الله..  كانت إيام تعيسة.. كان كتير حلو لو كان واحدنا بيقدر يحكي مع حدا.. ببساطة كم كلمة.. عفويات.. بدون خوف من بشريته. بدون عقد خمسين جيل من الكبت.. بس راحت هديك الإيام.. يعني يمكن قدرت أصلح شي من يللي خسرته.. ، ويمكن أحيانا تطرفت شوي.. بس هيك صار.. وبضل أنا وغيري إنتاج لبيئة.. ولمجتمع.. ! بس قلت.. لو إني كنت أهتم بالفتيات أكتر من صغري.. يمكن كنت خسرت كتير من التحصيل الثقافي.. وبصراحة.. كتاب حلو.. أحلى من عشر بنات..! يعني بصراحة تانية.. ممكن يكون الحب يللي بتحكي عنه القصص.. أحلى من يللي بنشوفه ع الأرض.. من شان هيك.. بحاول أكتب! |
|
#140
Oct, 10 2005, 23:58
| |||
| |||
| خلصنا بقى المشاركة الأصلية بواسطة Shankool أنا الفرد التاسع من بين أخوتي.. ::
يعني في قبلي 8 تجارب.. شخصية.. كل وحدة منها نتاج تلاقح عشرات التجارب.. بالنتيجة بحسها كلها بتصب براسي.. يعني بشوف كل الأمزجة، وكل طرق التفكير، بعيلتي.. بيني وبين أخي الكبير.. متل ما بينه وبين أبي.. يعني في جيلين بيني وبين أبي.. وعندي أخوات بكل الأعمار.. أخي الأكبر مني مباشرة.. أكبر مني بسنتين بس.. طيب.. يعني كل هي الشخصيات المتغيرة يللي عم تعيش وتجرب وتختبر.. عم شوفها قدامي.. فبطلع محصلة لإلها.. ولتجاربي انا.. يللي عشتها.. عندي تناقضاتي مع الكل.. وعندي مع كل شخص على حدة.. يعني أنا بشبه واحد، بختلف مع التاني، بتناقض مع التالت..وهيك.. :: بالتالي بيطلع شخصية مزيج.. بيضاف لهالشي.. عندي قراءاتي الخاصة.. وعندي أصدقائي الخاصين.. صعب أعرف انا هي الفكرة من وين جت لراسي.. المهم بحس إنو طريقة تفكيري .. نغلة.. يعني فيها تلاقح كتير.. في وصف للمعرفة.. تكون أرقى إذا كانت بنت حرام..! وأنا هيك.. طريقة تفكيري .. ما بعرف إذا بصير اقول هي الكلمة.. بس.. غير شريفة! يعني.. فهموها بقى.. لإنو مشتغل على أخدها من أكتر من محل.. المشاركة الأصلية بواسطة Shankool عزفت، حاولت أتعلم الرقص، تعلمت الدبكة..
اشتغلت ع الثقافة كتير.. قرأت شعر، كتبت ..  نشرت بالإنترنت.. عملت أصدقاء من خارج الجو.. (للسنة الأخيرة كان كل أصدقائي من برات الجو الطبي.. هدا بفسر إنو أكتر الناس هون بتعرفني من بعيد.. ما بتعرف مرهف يللي هو أنا.. يعني في أفكار عامة وانطباعات أكتر من إنو تكون معرفة شخصية..أكتر من شخص قال.. كل ما بنقرب بنشوف شي.. !) حاولت أعمل شوية حركات، شوية خربطات.. بعتقد أنا أبعد ما أكون (هالحكي إلى ما قبل السنة الأخيرة..) عن طالب الطب.. كانت أختي تقول عني إني طالب أدب إنكليزي ماني طالب طب.. ! حتى أنا كنت أقول عن حالي إنو مشروعي ما هون.. آخر سنة شوي تغير الوضع.. وصرت أهتم أكتر شي بالعلم الطبي.. (بس لهلأ.. شغلي ما هو بملخصات الكلية.. ، إلا ما ندر..) المشاركة الأصلية بواسطة Shankool عموما ما بحس إني مضطر أتكيف من شان أمشي حالي..
مع إنو ما هي هي الشغلة العويصة علي.. بس أوك. .أنا هيك، وغالبا بكون عندي نزق من القعدات يللي بتحسسني إني عم حلق بجو ما هو جوي.. فبهرب أو بسكت.. بدور ع محل تاني.. أو برجع للبيت لأقعد لحالي.. بس عموما بعبر عن حالي متل ما أنا.. مع إنو قد يكون هدا ممل للآخرين.. بآخر سنوات.. حسيت إنو لازم أخفف من هي الشغلة.. وعم حاول.. إني أدمج حالي مع كل الأوساط.. ما كتير الشغلة معقدة.. المشاركة الأصلية بواسطة Shankool جاوب على هالسؤال حسن بوقته..
و ما كتي حفظت أجوبته يللي قالها بحرفيتها.. ففيك تروح تشوف شو جاوب شنكول بيك.. ما ناقص غير تعملي أسئلة ع مواضيع المنتدى.. شو قال عاشق الغزالي بموضوع الدعوة إلى الحق.؟؟ شو كان رأي نونة بموضوع الغيرل فريند تبع الطائفة الوهابية..؟ صعبة شوي هي الأسئلة.. |
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| علاقة بين انتشار الملاريا والايدز | Article Bot | آخر المستجدات الطبية | 0 | Dec, 08 2006 17:50 |
| ما عجزت عنه الفتوحات الغابرة تحققه الصحوة المعاصرة | Hani | اجتماعيات | 5 | Sep, 20 2006 16:49 |
| ما هو لي - هو لي وليس لك - وما هو لك ليس لي.. محاولة لمقاربة علاقة الفرد بالمجتمع | سنفور | اجتماعيات | 91 | Jul, 21 2005 13:47 |
كل الأوقات حسب GMT +2، والوقت الآن 00:57.
