سنفرة ... سنفروا كما تريدون (استلموا) ... فلستُ مسؤولاً عنه (ما لي علاقة) ...
يدور هذا النقاش حول سنفرة ... سنفروا كما تريدون (استلموا) ... فلستُ مسؤولاً عنه (ما لي علاقة) ... في قسم لقاءات في الملتقى الطبي السوري; شخصية جدليّة ... هلكتني ... وهلكت المشرفين ... هلكت الأعضاء ... هلكت القرّاء ...
ما عنده رمادي ... يا أبيض ... يا أسود ...
أفكار متحرّرة ... منطلقة ... لا
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| القرحة القلاعية Aphthous Ulcers | عندي مذاكرة تشريح 1 بكرى ومالي ملحق .......شو بدي اساوي؟!!!؟ | استفسارات بخصوص الفيزيولوجيا |
| خلونا نحل اسئلة دورات الفيزيولوجيا سوا ...Go | ||
| | LinkBack | أدوات الموضوع |
Oct, 07 2005, 15:42
| |||
| |||
| سنفرة ... سنفروا كما تريدون (استلموا) ... فلستُ مسؤولاً عنه (ما لي علاقة) ... شخصية جدليّة ... هلكتني ... وهلكت المشرفين ... هلكت الأعضاء ... هلكت القرّاء ...  ما عنده رمادي ... يا أبيض ... يا أسود ... أفكار متحرّرة ... منطلقة ... لا مُطلَق ... لا مقدّس ...  منتج للأفكار بشكل ما حدا بيتخيله ... بيسأل ألأف سؤال في الدقيقة ...  اسألوا ... سن شاين عنه ...  معنا اليوم سنفور ... مو مشان شي ... مشان أخلص من نقّه ... (مزحة)  تفضّل عزيزي سنفور ... عرفنا عن حالك متل ما بتحب ...  |
|
#141
Oct, 11 2005, 00:00
| |||
| |||
| خلصنا .. لأ.. المشاركة الأصلية بواسطة Shankool ما كتير كافي.. لأ..
 يمكن بحاجة لوقت أكتر.. رح نحس بهي المشكلة بس نصير حوالي الأربعين.. يعني لما بنبدا بتتناقص المرونة بعقولنا.. يمكن بدنا شي عمرين لنفهم ليش نحنا موجودين هون.. وقدهن لنعمل شي للدنيا.. عمر لحتى نحب، وعمر لحتى نتعلم، وعمر لحتى نعزف موسيقا.. عمر لحتى نعمل ولاد.. وعمر لحتى نتأمل بجمال صبية عيونها زرق.. وعمر لحتى نفهم السر المخبى في جسد أنثى..!  المشاركة الأصلية بواسطة Shankool بعيش 80 سنة.. بشرط أكون محافظ ع حيويتي ونشاطي. .
أما لو تعبت وشاخت روحي.. بفضل اموت ولو كنت بال30.. |
|
#142
Oct, 11 2005, 00:03
| |||
| |||
| إنسان وبس.. والباقي.. ما بدي ياه.. المشاركة الأصلية بواسطة Shankool الخلود..؟
 شو بعمل فيه.؟؟ : لأ.. بدي أعمار إيه.. بس العمر كله.. صعب.. أصلا لو ما بعرف إني رح أموت.. كنت ما اشتغلت شي.. كنت كل يوم بقول بكرا بعمل، وبكرا بحب، وبكرا برقص.. هلأ.. أنا هربان من هالموت ... وهالموت لاحقني.. فبدي أشتغل شي.. قبل ما أروح.. وبدي أروح.. حابب أعرف شو رح يصير بعد هالرماد.. المشاركة الأصلية بواسطة Shankool لو خيروني..
ما بقبل كون إله.. ما بحب إنو مافيني لا حب أنثى ولا حدا يقللي بابا، ولا أضم ولد لقلبي.. ما بحب إنو مافيني أكره حدا.. ما بحب إنو ما أكون أشتهي شي.. ما بحب ما أشعر بالعجز، ما بحب ما أخاف، ما بحب أكون فوق كل شي.. ما بحب أكون أكبر من كل شي موجود.. إذا كنت إله... معناتها ما رح يكون عندي إله أشعر بضعفي وألجأله.. ما بدي الشيطان..:: ما بحب العالم تذنب وتزت الذنب ع ضهري.. ما بحب الصورة البشعة يلي بيرسمولي ياها.. ما بحب يعملولي دنب .. ما بحب يخوفو الأطفال مني، ما بحب يحسوني بشع، ويشوفوني رمز للشر.. ما بدي ملاك.. بدي أخطأ، بدي أخبص، بدي أجرب، بدي أشتهي، بدي أعتذر، بدي أموت.. بدي أحس بوجع بإيدي يللي بتنزف، وبقلبي يللي بيبكي.. بدي أضم حبيبتي بإيدي مو بجناحي.. بدي حس بشفافها .. ما بدي كون رقيب ع البشر،، ما بحب شغلة المحاسب حامل السجل.. ما بدي إنسان..  آه.. ما أحلى كوني إنسان.. خفيف، قوي، بين الألوهة واللاشيء، قدماي على الأرض ورأسي فوق الغيوم، لي جسدي يئن ويناديها إن مرت قربه كفراشة، ولي حلم بأن أكون يوما، أن أكبر، أن أتغير، حلم بأن أكون ما لست أنا.. وأن أبني بيتا وأزرع حوله وردتين، أن أضم طفلا ليس ابني، وأن أصنع عالما أكثر عدلا لفقير، أن أبني بابل جنة لي على دنيا من زوال، أن أرفع قصور الرمل.. لتهدمها الريح فأبنيها.. وأن.. أختار حريتي أو شكلا لنظام لي أنا أهدمه متى أشاء إنسان أنا.. إنسان.. هل أحلا من أن أكون إنسانا!  |
|
#143
Oct, 11 2005, 00:05
| |||
| |||
| سؤال من سنفور.. سنفور.. بدي أسألك سؤال سنفوري.. مبسوط باللقاء ولا لأ. ؟ إذا إيه شقد.؟ وإذا لأ.. ليش..  ؟ |
|
#144
Oct, 11 2005, 00:07
| |||
| |||
| لا والله ما كتير.. حبيبي سنفور.. بدك الصراحة وللا أزعبر عليك.؟  في أكذب ع الناس.. لكن ما في أكذب على حالي.. هيك قال أخونا أبو الفضل شاكر.. لأ.. كنت مبارح إيه..  أسئلة غنية.. ونكشات.. وشغلة جديدة وظريفة.. بس اليوم.. روتين.. عم أحكي وحاسس حالي عم أحكي معك بس.. وشنكول عم يقرا أحيانا.. وما بعرف بجوز عم يطف سطر كمان.يمكن الناس مللت..؟ شورأيك تقترح ع الناس.. تقصر القصة.. ونروح كل واحد منا أنا وياك عبيته؟؟ وكفاها الله.. معقول تضل إنت المحاور وإنت المجاوب وإنت المشاهد.. ما ضل غير تصير إنت الشاشة كمان.....  |
|
#145
Oct, 11 2005, 00:34
| |||
| |||
| أنا لسا عم استنى الأجابه ع بقية الاسئله....ولا....مليت؟ |
|
#146
Oct, 11 2005, 01:02
| |||
| |||
| ما ضل.. شيري أسئلتك جاوبت عليها كلها.. ما بعرف في شي ناقص..؟ أسئلتي عم جاوب عليها ع مهلي.. بس ما منيحة.. يعني أنا أسأل حالي.. شلون بتشوفي إنتي.؟ |
|
#147
Oct, 11 2005, 02:25
| |||
| |||
| شوف يا سنفور حكيك عن قوانين المنتدى كتير عجبني بس انت ليش مثلاً حكيت بلهجة قوية مع كتير ناس في المنتدى وانت ما بتعرفهن وما في بينك وبينهم الموانة الموجودة بينك وبين نونة؟ بتذكر ردك على محمد يوم اللي قلك الشيطان بده يمنعنا عن نهضة أمتنا لحد هي اللحظة الموضوع موجود في قسم المحذوفات ... وكل ما بقراه بضحك كتير على سخريتك في إجابتك ... طيب ليش حكيت هيك مع محمد وانت ما بتعرفه وما بتمون عليه ... مع إنه هو كتب هيك ومقتنع إنه الشيطان عم بخليك توقف في وجه نهضة الأمة ... ليش كانت لهجتك قوية ؟ مع إنه الشب محمد ما سبّك ولا غلط بحقك باعتقادي؟ طيب إيمتا بدك تتخلى عن النظرة الفوقية للشعب المسكين؟ يعني انت حكيت عن احترام للتنوع وإنه هذا شي كويس ... بس ليش يبدو عليك عدم احترام التنوع وخاصّةً وحصراً في المواضيع الدينية؟ ردودك في المواضيع الاجتماعية كتير بتعجبني ... وبتكون منطقية ... متزنة ... غير هجومية ... ليش ما بتنطبق هاي الصفات على مشاركاتك في المواضيع الدينية؟ يعني حتى لو كنت عم تحكي بالمنطق بس بتبرز لهجة تهكمية مزعجة كتير ومستفزة ... وما في حدا من الصبايا والشباب إلا استفزيته حضرتك ... شو تعليقك؟ الإسلام هو الحل ... ما اعتراضك على هذه الجملة إذا كان عندك اعتراض؟ طبعاً بدي كلام علمي ومنطقي وما برضى بأقل من هيك وإلا ... تجاوز هذا السؤال القرآن كتاب هداية فقط ... انت قلتها ... سؤالي ... بتوافقني إنه القرآن الكريم أعجز العرب بلاغيّاً؟ إذا كان إيه ... وين المانع من كون القرآن الكريم متضمناً لبعض الإشارات الإعجازية العلمية ... ما هو بالأصل أعجز العرب ... طيب ليش ما يعجز العلماء ... هذا عندي بتمنى إجابات واضحة ... وشكراً إلك |
|
#148
Oct, 11 2005, 02:26
| |||
| |||
| المشاركة الأصلية بواسطة سنفور الحواس الإنسانية قاصرة يا سنفور ... يعني العين ما بتفرجيك كل الأطياف اللونية ... في ألوان نحن ما منعرفها كبشر ...
في أصوات ما منسمعها وما منعرف شو هي ... الشم ضعيف نسبياً في الإنسان ... الحواس ما بتعطيك الحقيقة كاملة قدر الإمكان ... ليش بتعتمد عليها ؟ القلب ... ما بفكر ... قصدك القلب الروحي؟ الحاسة السادسة؟ طيب الحاسة السادسة قد تكون صحيحة ... وممكن كتير تصدق معنا ... بس مو دائماً ... كمان غير مثبتة علمياً ... وين انت رايح؟ وأدواتك ما بتفرجيك كل الحقيقة وما عندك غير العقل أداة منيحة يمكن ... |
|
#149
Oct, 11 2005, 08:38
| |||
| |||
| خلينا ع أسئلتي.. أقللك أخي أبو الشناغل...؟ خلينا ع أسئلتي يلل بتحكيها ع لسانك.. لكن أرحم.. ع كل يأتيك جوابي.. جوابي ما سترى لا ما ستسمع..  (طبعا ع شاشة الكمبوتر.. مو شي تاني.. ) |
|
#150
Oct, 11 2005, 12:43
| |||
| |||
| المشاركة الأصلية بواسطة Shankool على فكرة ..
نظريّة التطوّر .. تعتبر من بديهيّات العلم في المراكز العلميّة العالميّة .. ويبقى عنصر النقص فيها أنّها غير قابلة للوضع تحت التجربة المخبريّة لأنّها أصلاً تمّت خلال آلاف السنين ونظراً لصعوبة تطبيق الظروف المحيطة السابقة مخبرياً .. ومع ذلك هناك تجارب مخبريّة تثبت النظريّة .. بالإضافة لعلوم التشريح المقارن .. وعلوم الوراثة .. و أمّا محاربتها .. فتتم لأغراض عقائديّة .. ومع هيك .. عندي صديق ذكي "على النت" أثبتها قرآنيا .. بالآية التالية : إنّا خلقنا الإنسان من سلالة من طين .. عفواً عالتطفّل .. عكلّ أنا طرحت ما أعرفه .. وما قرأت عنه الكثير .. لكنني لن أدخل في جدال عن هذه النظريّة في هذا المكان .. ويمكن لمن أراد الحديث أن نفتح مواضيع مستقلّة .. نؤيّدها بأدلّه علميّة .. خوليو |
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| علاقة بين انتشار الملاريا والايدز | Article Bot | آخر المستجدات الطبية | 0 | Dec, 08 2006 17:50 |
| ما عجزت عنه الفتوحات الغابرة تحققه الصحوة المعاصرة | Hani | اجتماعيات | 5 | Sep, 20 2006 16:49 |
| ما هو لي - هو لي وليس لك - وما هو لك ليس لي.. محاولة لمقاربة علاقة الفرد بالمجتمع | سنفور | اجتماعيات | 91 | Jul, 21 2005 13:47 |
كل الأوقات حسب GMT +2، والوقت الآن 03:51.
