شخصية جدليّة ... هلكتني ... وهلكت المشرفين ... هلكت الأعضاء ... هلكت القرّاء ...

ما عنده رمادي ... يا أبيض ... يا أسود ...

أفكار متحرّرة ... منطلقة ... لا مُطلَق ... لا مقدّس ...

منتج للأفكار بشكل ما حدا بيتخيله ... بيسأل ألأف سؤال في الدقيقة ...

اسألوا ... سن شاين عنه ...

معنا اليوم سنفور ... مو مشان شي ... مشان أخلص من نقّه ... (مزحة)

تفضّل عزيزي سنفور ... عرفنا عن حالك متل ما بتحب ...

المقابلة مع سنفور كانت غنية جدا بالفكار والآراء...
صح انا ما بتفق معك بكل شي..بس انا بحترم كتير ثقافتك ومواهبك.....

انشالله تكون انت انبسطت بالقاء واكتشفت شغلات جديدة بذاتك ...
بس عن جد لازم تاخد جائوة اطول نفس للاجابة عن كل هالاسئلة...

كان لقاء نجاحا بكل المقاييس ، وحطم كل الأرقام القياسية ...

بس منيح كان هادئ بشكل عام من الأول للأخير ، تعرفنا على جزء من الشخصية الغامضة ، اللي ماكتير بيعرفو عنها ...
ومنيح طلع نفسو طويل ، وطول بالو على كل هالأسئلة اللي وجهت إليه بنفس الطريقة التي كان يوجه فيها الأسئلة للعالم ، كل واحد طالع شو في عندو ...

كما يقول المثل ، اللي غربل العالم .. نخلوه ...
ينطبق تماما على تصرفات مرهف في لقاءات العالم ، وشو عملوه معو في اللقاء ..


إلى لقاء آخر !

وين؟؟ لسا ما شبعنا من مرهف... أو سنفور... أو كليهما!

يعني عم أقرأ وأقرأ وأنا كتير مستمتع... ما خليت مشاركة ما قريتها ومحصت ووووو... (على قولة اوبتيميستو خلص دور بيت فستق )...

بحب قول أنو اللقاء كان ناجح... مرهف كان بالو طوييييييييييييييييييييييي ييييييييييييييييييييييييي ل لحسن يتابع ويجاوب (يعني هلأ عرفت اللي ما شاركو بلقائي لمين كانو عم يخبو عزماتهن!)

يمكن كل يللي جربو إنهن يكونو ملتقى معهن حسو بشي حلو..
الفكرة بسيطة كتير..
إنو في ناس عم تهتم بالشخص.. وإنو عم يحس بمحل ما بالدنيا إنو إلو قيمة، وفي ناس عم تترك شغلها مثلا (ولو لتتسلى..) وعم تجي تحكي معه،
عم تكتبله شي، عم تستنى ردوده أحيانا عن بعض أسئلة.. (حتى لو كان الفضول دافعها..)
شعور حلو.. بيخطر ع بالي إنو لازم كل الناس بالدنيا.. تحس إنو هنن هيك، يعني في حدا ممكن يهتم فيهن ، ويحبهن.. وإنهن ضروريين لشي..

شكرا لشنكول يللي أتاح إلي هي الفرصة

هلأ.. الناس بتقول إنو نفسي طويل.. وشلون صبر.. ؟ بالإضافة لما سبق
أنا بحب هي الشغلات يعني ماعم أضغط ع حالي بالمرة..
بالعكس لما خفت شوي الأسئلة مرة تضايقت..

الشباب والصبايا كانو ظريفين وممتعين بأسئلتهن..
الشكر للكل..
طبعا بعد شنكول يللي شايل الدنيا ع كتافه.. وسأل أسئلة ملعونة وأسئلة ملعوبة.. ::
بخص شيري يللي كانت أسئلتها متعوب عليهن، وأخدوا من وقتها منيح.. :
عطتني أسئلتها فرصة إني أعبر عن أهم جوانب بشخصيتي: الجانب يللي إله علاقة بحبي للحياة..

أسئلة خوليو ومعه صديقي أكتون.. كمان أشبعت الجانب العقلي براسي كتير..

كمان سام سأل الأسئلي يلي هي.. وكان لطيف باللقاء صحي ما قرأ منه شي.. بس طبعا ما رح سامحه.. وبكرا رح يقرأه من قسم الوفيات..

حازم أسئلته حفزتني أحكي عن قضاياي الأساسية، ومواضيع مشتغل فيها وبحب أحكي فيها..

أوبتمستو.. صديقي اللطيف.. كان حضوره كمان مميز.. إن بالحكي عني أو بالأسئلة..

وطبعا أبو طويلة.. قصدي نذرة.. شغلة كبيرة أبو نذرة.. عم يطول بعيني يوم بعد يوم.. وأسئلته استثنائية..

وإلوني كمان ، ظريفة.. بأسئلتها.. وشغلتني رغم ادعاءها البساطة عدد من الساعات..

هلأ سن شاين .. يمكن رأفت بي، وما انتقمت هداك الإنتقام.. بس مميزة إن بلقاءها أو بنكشاتها.. بس ما بعرف ليش 5 وردات.. لو كانو ست، كان إلها السادسة.. بس! راحت عليكي خلص..

ضل فيصو.. يللي بتمنى يأسسلنا حزب الخضر.. هون، لكون أول الأعضاء المنتسبين إله (طبعا من بعده.. ) وبتعهدله ما أنافسه ع منصب الأمين العام.. وإذا في بعثات حزبية للتصييف بالأمازون.. كمان أتركله ياهن..
فيه يعمل ربط وتنسيق مع يوشكا فيشر.. كمان! بحبه لهل إنسان كتير..

وتوربو السريع يللي كان يطل كل فترة ويعطيني هداك الدعم..

وعاشق الغزالي.. يللي أطل مرة وعطاني هديك اللـ.. إله شكري ع المشاركة يلي أغنت الحوار..

مين ضل.. فورالايف.. يللي وعدني بموضوع خاص لتحليل شخصيتي وتركيبها.. عم أستناه.. وحبيبي نونة..

آسف إذا سقط شي اسم سهوا..

طبعا كمان بشكر كل مين قرأ الموضوع..
خوليو, forlife , TURBO,shery, noooneh, Fiso , أم النور, Optimisto, Evereve, Dr.Hani, Amor, نسيبة المازنية, Dr.Ray, Amin, charming, rose, sunshine, Wiseman_a, The Man, no one, the smile of sad, Opium, Acton, RWTH, neil, Doctor, Mr.Sam, Matrix, جلنار, MA.IS, dreamer, heartbeat ,عاشق الغزالي, ALAA1, shareef, princess, Elloni, han, AJAJAJ, DashDoush, MIDO, أمل المستقبل, sansoon, babyface, lovequeen, springtears, DeSeRtRoSe, white heart, Ro Ro, subzero, moneerkanj, red flower, Onion, dr.abokamal, Ihab, Sulaiman Ali, nakry, creed, angelenajoli, mmnf, هند, ala, hazems1, سميرسمارة, Dr.Nas, drmohi

كنت متمني إنو يكون اللقاء ممتع للكل.. ومفيد، إلي وللتانيين..
أكيد كسبت أصدقاء جدد رائعين.. !
وبتمنى إذا حدا شايفني صديق كويس ما يتردد.. قلبي مفتوح.. للجميع، وعقلي
إلكن (طبعا هي نون المخاطب الساكنة .. ما نون النسوة..) حبي..

بقولو استرو ما شفتو منا..
بس ع رأي حازم.. عملت فضايح.. ما في شي رايد ينستر..
هدا أنا..

ضل أشكر حالي أخيرا..
سلام..

عن جد القاء كان اكتر من مميز

وانا حكيت من قبل عن متلازمة (سنفور + التميز)
المهم
شكرا لرحابة صدرك سنفور افندي

وانشالله نضل صحبة واحباب
وموفق

بنشكرك كتير سنفور على هل لقاء المميز

كتير استمتعت فيه , و انشالله أنت كمان

أفكارك كتير مميزة و عبرت عنها بكل صدق و صراحة و بأسلوب كتير منيح و هادا أهم شي حبيته بهل لقاء


إضافة للنثر يلي أغنى اللقاء كتير و كشفلنا جزء كبير من شخصيتك

(صحيح لاتخربط بين البسيط و بين يلي بيبحث عن البساطة ليرتاح راسه من التعقيد )



بتمنالك التوفيق

و اخيرا ......

ضروري يخلص هاللقاء ..... لانو جذب اعضاء المنتدى عن كل المواضيع التانية بتميزو

استمتعت بهاللقاء كتير ... و ما كتير فاجئتني اجوبة سنفور افندي .... الظاهر اني بعرفو اكتر مما كنت متصور

كان لقاء غير شكل لشخص غير شكل .... عئبال ما يكترو هيك لقاءات .... و اشخاص طبعا

خجلتوني أوبتمستو، إلوني، إيفريف..

أكيد الأصحاب القدامي.. رح يضلو أحباب..
وفي أصدقاء جدد.. كمان بصيرو أحباب..

طبعا إلوني، الفرق بيّن بأسئلتك..

شكرا نذير.. يمكن هدا نموذج للقاء، بس أكيد اللقاءات يللي رح تصير أحلا وأحلا..
بتمنى الوفيق للكل..

يالله شنكول.. سكرلنا الموضوع خلينا نرجع نشوف شغلنا.. والله صرلي أسبوع ما قرأت صفحة..من كتاب..

سنفوري
أنا آسف تأخرت عليك اليوم

كانت الكيبورد متعطلة اليوم وجبت وحدة جديدة

لقاءك طبعاً غير كل اللقاءات ... بتميز بإنك عطيتنا فكر

بغض النظر إذا الناس بتوافقك أو بتختلف معك ... بس كنت مليء وعطيتنا مما عندك

شكراً كتير إلك لأنك لبيت الدعوة وفي البداية ما كنت جاهز حسب ما ادعيت

بس كنت رائع برأيي على الأقل

شكراً كتير يا سنفوري