شخصية جدليّة ... هلكتني ... وهلكت المشرفين ... هلكت الأعضاء ... هلكت القرّاء ...

ما عنده رمادي ... يا أبيض ... يا أسود ...

أفكار متحرّرة ... منطلقة ... لا مُطلَق ... لا مقدّس ...

منتج للأفكار بشكل ما حدا بيتخيله ... بيسأل ألأف سؤال في الدقيقة ...

اسألوا ... سن شاين عنه ...

معنا اليوم سنفور ... مو مشان شي ... مشان أخلص من نقّه ... (مزحة)

تفضّل عزيزي سنفور ... عرفنا عن حالك متل ما بتحب ...

شو رايك بالموت الرحيم؟.؟
يعني مريض سرطان end stage وعم يتألم ألم كتير كبير.. ورح يموت بعد أسبوع.. ورايد يموت..
برأيك بنساعده وللا بنتركه.؟ لألمه..؟

طيب.. مريض coma مع موت دماغي.. وعايش ع المنفسه فقط.. بنرفع عنه التنفس.؟ ولا بنتركه وممكن يطول شهور .. مع احتمال إنو يكون عم يتألم..؟

طيب.. الإجهاض هل هو من حق الوالدين .؟؟ أم هو جريمة قتل لنفس بشرية..؟

الجسد الإنساني برايك ملك للشخص نفسه ولا ملك للمجتمع كمان.؟.
يعني إنت ممكن تتقبل حرية الشخص إنو يعمل بجسده ما يشاء..؟ ع سبيل المثال حقه بالحصول ع المتعة يللي بده ياها..
طيب إذا لا.. ممكن تعتبر إنو هالشي مقبول بمجتمع ومرفوض بآخر..؟ ولا لأ بالمطلق..؟
(في أسئلة فرعية للمرة الجاي.)

شو هو العمر المناسب للزواج؟
طيب قبل الزواج... لازم الشب يحب مرة وتنتني ليعرف قلبه شو بده وعقله عمين بيستقر؟؟
طيب البنت لازم كمان نفس الشي..؟
ولا لأ.. حب أول وأخير للتنين.؟؟

بقولو إنو رحلة المركبة الفضائية ديسكفري.. كلفت مليارات بتكفي لتطعمي كل إفريقيا 10 سنوات!!!!!
برايك كان لازم على البشرية إنو تطعمي إفريقيا..؟ ولا تطلع ع الفضاء.؟
بمعنى تاني.. إنت مع التقدم العمودي للبشرية..؟ وللا التقدم الأفقي..؟
يعني لولا إنو في ناس عم تجمع المصاري بإيدها.. ما كان ممكن تقوم مشاريع هائلة الضخامة.. توصل البشرية للتقدم يللي هي فيه هلأ..
فشو رأيك.. لازم نطعمي العالم ونوفر الحقوق الأساسية للكل.. أول شي.. على مبدأ المساواة.. ولا لازم نغزو الفضاء..؟؟

في ناس بتقول إنو الدنيا هيك.. فيها الفقير وفيها الغني..
وفي ناس بتقول ما جاع فقير إلا لإنو في غني عم ياخد مصرياته..
إنتو شو بتقول..؟

في ناس بتقول إنو ما من حق إبن الغني يولد وبتمه معلقة من دهب.. وعم ياخد كل شي..
بينما إبن الفقير بيولد عريان جوعان.. ومريض..
بدون ما يكون أي طفل إله فضل أو دور..
برأيك في عدل بالدنيا..؟ هدا سؤال جاوبني عليه.. مع شرح..
برايك لازم يكون في إعادة توزيع عادل للثرورة ع مبدأ المساواة.. التامة..؟ وللا الجزئية.. ولا.؟؟؟؟ لأ..

تصنيف للعالم.. إنو واحد حلو وواحد بشع.. وبيناتهن نص حلو أو نص بشع( طبعا هدول النصاص ما متساويين)..
هو تصنيف ما كتير دقيق بس هيك للتسلاية..
طيب.. أول شي، في ناس بتقول الحلوة بلا مخ.. شو رأيك بهالحكي.؟
ممكن تكون حلوة وبمخ؟؟ أو نص مخ..؟
طيب بصراحة.. وبدون لف ودوران.. إنت شفت صبايا كتير .. بالعالم ..
حطللي مع أرقام.. مثلا.. بلا مخ 40% بنص مخ30% مخ.. يعني مخ 45% عكيني تقديراتك.. إنت للحالة

إذا سألتك هالسؤال للشباب.. عطيني تقديراتك..
ما تفكر تخجل من الصبايا يللي بيعرفوك هون.. أو من انتشار الخبر بالكلية إنك عم تقيم ..
لإنو كل واحد رح يفكر إنو هو من أهل المخاخ الكبيرة.. يعني من النسبة ال45% يللي حكيتلك عنها..
طبعا هي النسب ع سبيل المثال.. بس

ِو لسا بدنا نسألك أسئلة غليظة ما انسألت..؟

شقد عمر قلبك.. ؟

شقد طول بالك..؟

بكم ليرة مستمتع باللقاء هون ، والأسئلة..:
برايك لحتى ينصلح البلد.. نحنا بحاجة لقطع كم راس، وللضرب بيد من حديد على كم رقبة، وقص كم إيد عم تسرق وتنهب..؟
ولا بحاجة لهيك خطوات طويلة الأمد.. وع النفس الطويل والمستريح؟

بتحس إنو في مواد أو أبحاث كاتن لازم ناخدها بتوسيع أكتر..؟
في مواد ناقصة من دراستنا..؟ .

لو سألك الله.. شو اسم حبيبتك يللي بتحب أبعتلك ياها.. من كم حرف رح تختاره.؟.
جاوب حباب.. ع هالسؤال.. !!

من 100 شقد إنت دبولماسي؟؟؟

المشاركة الأصلية بواسطة سنفور

كيفك.. شنكول. ؟

إذا مفكر فيني إنو تحطني بالمقابلة..(وبتمنى ما تكون مفكر..) فغض النظر..

ما كتير نفسيتي بتسمح هالأسبوع.. وعندي تقصير يعني مقرر ما أدخل ع المنتدى هالأسبوع..

إذا كنت (وأحسن إذا ما كنت رايد تختارني..) فأجللي الموضوع..

ممنونك..

حاج دلال ياه ...

لسه نفسيتي وشو بيعرفني

بعدين أنا مالي علاقة بنفسيتك

أكيد وقت بدك تشوف الأسئلة راح تنفتق شهيتك

حبيبي سنفور تفضل وحاج دلال

طبعاً متل ما قلت من قبل

اخترت أسئلتك مشان أعذبك متل ما عذبت غيرك

وكمان لأنه صعب حدا يطرح عليك أسئلة متلك

إلك حبي

الله يصطفل فيك.. يا شنكول..

الله ما قال هيك..

بعيدن قلتلك إني ما خرج هي الإيام..والله ما كنت عم أتدلل عليك.. أو ع غيرك..


ع كل رح حاول.. ما كون تقيل دم كتير ع الناس..
بس مفكر ما فيني جاوب ع أسئلتي.؟ ..؟
كان لازم إذا بدك تعاقبني تسألني من هديك الأسئلة يللي ما بعرف أفكر فيها ولا جاوب عنها..

انشالله يكون أسبوع ممتع.. للي عم يقرأ.. ومفيد إلي..

كنت عم قول لسن شاين.. إنو هي الأسئلة هون فرصة للواحد يتعرف ع حاله من جديد..
بتمنى أجاوب ببساطة وصراحة.. وبشكل إيجابي مفيد..

شكرا مقدما للي بدو يسأل..

عزيزي
إذا هلق عندك كسر ومالك ملحق

بعدين شو بتكون

بقا سكوت وحاج دلال

طبعاً أنا عدت أسئلتك منه تعذيب ومنه تقدير كمان

من لما كنت عم شوف طريقتك بالاسئله للتانيين كنت عم استنى تقعد ع هالكرسي...شكرا شنكول.

هل صحيح اننا لا يمكن ان نكتب عن حياتنا الا عندما نشفى منها...عندما يمكن ان نلمس جراحنا القديمه بقلم دون ان نتألم مرة اخرى؟
عندما نقدر على النظر خلفنا دون حنين..دون جنون...و دون حقد ايضا...ايمكن هذا حقا؟
هل نشفى من ذاكرتنا حقا؟

هل الورق مطفأة للعواطف؟
نترك فوقه كل مرة رماد سيجارة الحنين الاخيره و بقايا الحقيقة الاخيره؟
من منا يطفئ او يشعل الاخر؟الورق ام نحن؟

هل من حقنا ان نختار كيف ننكتب؟
ام القدر يضعنا كل مرة مصادفه عند منعطفات فصول الروايات؟

هل لابد ان تكون رجلا لامرأة واحده؟

هل صحيح ان القلم هو الأكثر بوحا والأكثر جرحا أم ان رعشة الخوف تشل أيدي الكثيرين و تمنعهم من الكتابه؟