سنفرة ... سنفروا كما تريدون (استلموا) ... فلستُ مسؤولاً عنه (ما لي علاقة) ...
يدور هذا النقاش حول سنفرة ... سنفروا كما تريدون (استلموا) ... فلستُ مسؤولاً عنه (ما لي علاقة) ... في قسم لقاءات في الملتقى الطبي السوري; شخصية جدليّة ... هلكتني ... وهلكت المشرفين ... هلكت الأعضاء ... هلكت القرّاء ...
ما عنده رمادي ... يا أبيض ... يا أسود ...
أفكار متحرّرة ... منطلقة ... لا
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| القرحة القلاعية Aphthous Ulcers | عندي مذاكرة تشريح 1 بكرى ومالي ملحق .......شو بدي اساوي؟!!!؟ | استفسارات بخصوص الفيزيولوجيا |
| خلونا نحل اسئلة دورات الفيزيولوجيا سوا ...Go | ||
| | LinkBack | أدوات الموضوع |
Oct, 07 2005, 15:42
| |||
| |||
| سنفرة ... سنفروا كما تريدون (استلموا) ... فلستُ مسؤولاً عنه (ما لي علاقة) ... شخصية جدليّة ... هلكتني ... وهلكت المشرفين ... هلكت الأعضاء ... هلكت القرّاء ...  ما عنده رمادي ... يا أبيض ... يا أسود ... أفكار متحرّرة ... منطلقة ... لا مُطلَق ... لا مقدّس ...  منتج للأفكار بشكل ما حدا بيتخيله ... بيسأل ألأف سؤال في الدقيقة ...  اسألوا ... سن شاين عنه ...  معنا اليوم سنفور ... مو مشان شي ... مشان أخلص من نقّه ... (مزحة)  تفضّل عزيزي سنفور ... عرفنا عن حالك متل ما بتحب ...  |
|
#51
Oct, 08 2005, 18:26
| |||
| |||
| المشاركة الأصلية بواسطة shery كنت مرة أقول..
عمر واحد لا يكفي! لا يكفي، لا يكفي.. عقل واحد لا يكفي.. قلب واحد لا يكفي.. رأي واحد لا يكفي.. أنا لا أستطيع أن أكون أنا دائما.. فاتركيني لحظة أعلن جنوني، أعلن أنني لا أؤمن بما أؤمن.. أعلنك إلهة للحظة ثم أتوب عنك.. أتسمحين لي للحظة أن أحب ألف أنثى وأن أحترق بكلمة من عشر حروف عن الحب! يا ليتني كنت مجنونا، .. يا ليتني كنت حرا من نفسي أكثر.. يا ليتني..! وكنت أقول، لو كان قلبي خفيفا أطلقت قلبي على كل نحلة.. المشكلة، أني رجل واحد، لو كنت أنا ألف رجل.. لأحببت كل النساء.! والمشكلة الثانية، عندي قلب واحد، وروح واحدة.. هما معا، لمن أحب.. وباسمها مكتوبان.. لو أعادتهما لي ربما أحببت أخرى.. ! المشاركة الأصلية بواسطة shery ينقل القلم الكلمات التي تنطق به الشفاه، وتلك التي تموت على شفاه خائفة.. ربما!
قد تكون الكتابة بروفا لما سنقول.. ! (للي حابب يقول لحدا بحبه، يجرب يكتبله شي ويعطيه ياه، قبل ما يروح لعنده ويحكي معه..! بضل الحكي المكتوب بمر أسلس من الحكي المشفوه..) لم أذق الكلمات الجارحة مكتوبة.. (بتوقع البهدلة المسموعة، بالذات إذا بين عالم وبالصوت العالي.. بتعلّم بالواحد أكثر من البهدلة المكتوبة، ما بالك لو استخدمت الإيدين.. أو الإجرين.. "صايرة معي بصف التاسع، ولسا لهلأ عاملتي أزمة.. وحابب أشرب من دمه!! لأستاذ الرياضة.. يومها طعماني قتلة رفس ودوس.. ودق كمان.. بس الرفس أكتر شي.. كنت بتمنى أستاذ الرياضة يبعتلي هي القتلة بقصيدة مثلا.. ولو كانت هجاء وعتب! أرحم بشوي يعني شو رأيك شيري؟) إذا ليست الكتابة هي الأكثر جرحا! لا أعتقد أن الخوف يمنع أحدنا من الكتابة إلا لو بلغ درجات مرتفعة وصار مرضيا (وهيك بنعته لعند مستر سام..متل شخص بخاف إنو ينتقد أهله مثلا لإنهن مقدسين، أو شخص بخاف يحس حاله إنو بحب، أو.. شخص خايف من الأمن لدرجة حاسسهن موجودين بتيابه وبين إجريه.. وهي بتصير) الكثير الكثير يملك دفتر مذكرات خاص، وعليه أعنف قصص الحب المكتوب (..أحيانا والمكبوت..) غالبا ما يكون الخوف من نشر الكتابات أو من إيصالها لمن هو موضوع لها..! وليس من فعل الكتابة! (مع إنو القصة كتير بسيطة.. ببساطة شب كاتب ورقة فيها قصيدة، وحامل وردات لبنت.. وأخدلها ياهن.. وقالتله لأ.. أو يعني كف خفيف.. ما بتخرب الدنيا.. دائما في حكمة بتقول.. الحماقات المرتكبة هي أفضل دائما من الحماقات التي نفكر فيها ولا نرتكبها خوفا من النتائج..!) |
|
#52
Oct, 08 2005, 18:27
| |||
| |||
| المشاركة الأصلية بواسطة shery الحب كنظارتي أرى به كل الأشياء.. وأحيانا كنظارتي المتسخة أراه أمام كل الأشياء وقبلها..
الحب لا أضعه في مكان، لأنه لا يخرج أصلا من جسدي، هو منتشر فيه كدمائه.. وموجود في خلاياه كالسيتوبلاسما.. وإن كنت ألمسه في خفقات قلبي الطري.. لكني أظن أنه ساكن في رأسي.. (في الـLimbic System وبمحلات تانية..) المشاركة الأصلية بواسطة shery الحب وعكة صحية لا تنتهي دائمة.. ليس نوبة جنون.. بل حالة جنون..
وحين يشفى القلب من مرض الحب يعلوه الصدأ، يهرم.. ويموت.. القلب الما بيعشق.. وما بجن.. ع رأي طروب ما لازم يتركبله pace maker .. الحب هو الشيء الوحيد غير العادي الذي يحدث معي دائماً! وكل مرة.. أراه جديدا وغير عادي..! الحالة الوحيدة التي يشعر فيها كل عاشق أنه نبي فرد أحد.. وأنه وحبيبته وحدهما على ظهر الأرض عاشقان.. وأن الأرض خلقت منذ الأزل لهما وتنتظر لحظة بوح من شفاههما.. بالحب يملك الدنيا ويضم السماء إلى الأرض بلسمة.. بالحب يخلق العاشقان، ومع كل كلمة يعاد تكوينهما من جديد.. بأيديهما |
|
#53
Oct, 08 2005, 18:28
| |||
| |||
| مكا بشتري جرايدي من هون المشاركة الأصلية بواسطة shery من زمان قررت ما اشتري لا تشرين ولا البعث ولا الثورة ولا الجماهير.. ولا المحرر نيوز..
بقرأ السفير.. وأحيانا النهار.. لبنانيات التنيتين يمكن لإنو السفير بتقللي خليك ببلدك.. وهي الأرض إلك.. خدها، عميل فيها شي.. حاول.. فكر، حلل، ركب، قرر.. لإنو هيك هي.. ما بتدخل ع كشك الجرايد بالجامعة.. (ع كل حال.. انا بقرأها من الإنرنت بالمجان..) ما بشتري تذكرة الهروب من أرضي.. لإنو هدا الوطن إلي.. إلنا.. وأنا ولكنا مواطنين فيه.. ما بتركلهن ياه.. |
|
#54
Oct, 08 2005, 18:34
| |||
| |||
| المشاركة الأصلية بواسطة Evereve شكرا كتير إلك نذير.. يعني نزلتلي دموعي.. ع هديك الإيام..
دموع تماسيح ما تخاف.. رزق الله.. كانت إيام حلوة.. معقول ننسى ساحة الغزالي ولعبة الطابة.. بزماناتي ما كنت أعرف ألعب بالمرة.. بس لا إنت ولا حسن كنتو أحسن مني  ولساتني بتفشكل بالطابة |
... ما بعرف اذا هنن نسيو ؟؟|
#55
Oct, 08 2005, 18:37
| |||
| |||
| المشاركة الأصلية بواسطة Evereve حبيبي في شغلة ما بتعرفها..
يعني إنت أطول مني مرتين.. ويمكن إيامها كنت عم تلعب شي شغلة ما منيحة.. فيعني الحلم والأخلاق العالية أحيانا بتكون أحسن من إنو الواحد يطلع متعور.. ! بس مين قللك إني مسامحك..؟ رح ردلك ياها.. بس أتعلم شوية جيدو.. واضمن خط الرجعة.. لحتى كت مو بس ترمس مي..   |
|
#56
Oct, 08 2005, 20:11
| |||
| |||
| لا تتذكرو من بعدنا إلا الحياة شو خلص ملت العالم..؟ ما حدا عم يسأل شي.. أنا الأجوبة صارت عندي جاهزة.. بس ما رح أبتعها.. لشوف أسئلة جديدة.. اصلا أنا ما كان لازم جاوب ع أسئلتي .. كان لازم بس جاوب ع الأسئلة الجديدة...!!!
لمحمود درويش.. ومهداة إلى شيري.. لا ينظرون وراءهم لا ينظرون وراءهم ليودِّعوا منفى، فإنَّ أمامهم منفى، لقد ألِفوا الطريق الدائريَّ، فلا أمام ولا وراء، ولا شمال ولا جنوب. "يهاجرون" من السياج الى الحديقة. يتركون وصيةً في كل مترٍ من فناء البيت: "لا تتذكروا من بعدنا إلا الحياة"... "يسافرون" من الصباح السندسي الى غبارٍ في الظهيرة، حاملين نُعوشَهُم ملأى بأشياء الغياب: بطاقة شخصية، ورسالةٍ لحبيبةٍ مجهولةِ العنوانِ: "لا تتذكري من بعدنا إلا الحياة" و"يرحلون" من البيوت الى الشوارع، راسمين إشارة النصر الجريحة، قائلين لمن يراهُمْ: "لم نَزَلْ نحيا، فلا تتذكّرونا"! يخرجون من الحكاية للتنفُّس والتشمُّس. يحلُمون بفكرةِ الطيرانِ أعلى... ثم أعلى. يصعدون ويهبطون. ويذهبون ويرجعون. ويقفزون من السيراميك القديم الى النجوم. ويرجعون الى الحكاية... لا نهاية للبدايةِ. يهربون من النعاس الى ملاك النوم، أبيضَ، أحمرَ العينين من أثر التأمُّل في الدم المسفوك: "لا تتذكروا من بعدنا إلا الحياة"... |
|
#57
Oct, 08 2005, 20:21
| |||
| |||
| ميييييييييييين؟؟؟ معقول؟ المقابلة مع سنفور؟؟؟ (على أساس ما عندي خبر من مبارح.... )يعني ما بعرف شلون بدي بلش... أو شو بدي قول عن سنفور... صديقي اللدود... هو من الناس المميزين جداً... بفكرو بأناقتو... بمثاليتو اللامحدودة... ويا مرهف أفندي أنا اللي مطلع عليك صيت (أبيض وأسود)... وإذا ما مصدق شوف موضوعي حلل شخصيتك... دائماً سنفور بفاجئني... كلما فكرت حالي فهمت عليه بكتشف أني ما فهمان شي... وأكتر شي بيعجبني فيه لسنفور هو ثوريتو... يعني مستعد يعمل ثورة مشان أكلة زيت وزعتر... (بالمناسبة... بتحب الزيت والزعتر؟؟؟).... هو الشي يلي حسنت ألمسو بسنفور أنو عصبي... يعني لا تغرك القشرة الهادية تبعو... بس هيك لمسة صغيرة عالوتر الحساس وشوف شو بيصير... يعني غيتار Maverick X1 موصول على MXR DD-11 Dime Distortion ما بيطلعلو معو... هي مجرد مقدمة ... الأسئلة انشالله بتجي بعد شوي... ومتل ما وعدتك يا سنفور.... هالمرة بالحقنة!  |
|
#58
Oct, 08 2005, 20:22
| |||
| |||
| سنفور : 1- ما رأيك بعبارة اللهم وطني إلى أي حد بتشوفها صح 2- بتسمع شي عن ثقافة العناوين إش رأيك فيها ؟ إلى أي مدى منتشرة بشعبنا 3- السياسة لعبة قذرة إش رأيك بهيك عبارة ؟ 4- طيب بدي أسألك هل يعرف السوريون "المثقفون منهم" عن إسرائيل بقدر ما يعرف الإسرائيليون "المثقفون منهم " عن سوريا و لسا بدي أرجع تحياتي حازم |
|
#59
Oct, 08 2005, 20:37
| |||
| |||
 ماذا تريد؟؟؟ قريت مرة بكتاب أنو أهم سؤال ممكن يسألو الانسان لنفسو هو ماذا أريد.... هدا السؤال بيطلع الحكمة الدفينة من الإنسان... اسمحلي اسألك... مرهف وسنفور (لأنو في فرق بينهن) شو بدهن من : 1_الطب 2_الله 3_الاسلام 4_الشيوعية 5_العلمانية 6_الوطنية 7_القومية 8_الحب وما لح أقبل إجابات سطحية... يعني بدي لكل إجابة سطرين على الأقل! وللحديث تتمة...  |
|
#60
Oct, 08 2005, 20:40
| |||
| |||
| أنا لأ.. أكتر من شخصية المشاركة الأصلية بواسطة Shankool أنا لست كلا واحدا.. أحيانا أشعر بتفكك شخصيتي وتحرك مركبات خاصة لتعمل دونا عن إرادتي..
أحيانا أشعر أني أكثر من واحد كاملين.. أنني اثنان أو أكتر.. أنا مزيج من ألف شخصية.. وهذه جزء من إشكالية أي شاب يخرج من بيئة ذات خصائص معينة ورواسب، ويشتغل على نفسه تنقيتها مما علق بشخصيته ولتطويرها.. فيقرأ، ويختلط بأناس جدد، ويجرب.. يهدم ويبني.. فيجد بعد فترة أنه كل غير متجانس.. أحتاج عشر سنين أخرى يا شنكول بيك لأصير واحدا منسجما.. |
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| علاقة بين انتشار الملاريا والايدز | Article Bot | آخر المستجدات الطبية | 0 | Dec, 08 2006 17:50 |
| ما عجزت عنه الفتوحات الغابرة تحققه الصحوة المعاصرة | Hani | اجتماعيات | 5 | Sep, 20 2006 16:49 |
| ما هو لي - هو لي وليس لك - وما هو لك ليس لي.. محاولة لمقاربة علاقة الفرد بالمجتمع | سنفور | اجتماعيات | 91 | Jul, 21 2005 13:47 |
كل الأوقات حسب GMT +2، والوقت الآن 01:56.
