سنفرة ... سنفروا كما تريدون (استلموا) ... فلستُ مسؤولاً عنه (ما لي علاقة) ...
يدور هذا النقاش حول سنفرة ... سنفروا كما تريدون (استلموا) ... فلستُ مسؤولاً عنه (ما لي علاقة) ... في قسم لقاءات في الملتقى الطبي السوري; شخصية جدليّة ... هلكتني ... وهلكت المشرفين ... هلكت الأعضاء ... هلكت القرّاء ...
ما عنده رمادي ... يا أبيض ... يا أسود ...
أفكار متحرّرة ... منطلقة ... لا
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| القرحة القلاعية Aphthous Ulcers | عندي مذاكرة تشريح 1 بكرى ومالي ملحق .......شو بدي اساوي؟!!!؟ | استفسارات بخصوص الفيزيولوجيا |
| خلونا نحل اسئلة دورات الفيزيولوجيا سوا ...Go | ||
| | LinkBack | أدوات الموضوع |
Oct, 07 2005, 15:42
| |||
| |||
| سنفرة ... سنفروا كما تريدون (استلموا) ... فلستُ مسؤولاً عنه (ما لي علاقة) ... شخصية جدليّة ... هلكتني ... وهلكت المشرفين ... هلكت الأعضاء ... هلكت القرّاء ...  ما عنده رمادي ... يا أبيض ... يا أسود ... أفكار متحرّرة ... منطلقة ... لا مُطلَق ... لا مقدّس ...  منتج للأفكار بشكل ما حدا بيتخيله ... بيسأل ألأف سؤال في الدقيقة ...  اسألوا ... سن شاين عنه ...  معنا اليوم سنفور ... مو مشان شي ... مشان أخلص من نقّه ... (مزحة)  تفضّل عزيزي سنفور ... عرفنا عن حالك متل ما بتحب ...  |
|
#81
Oct, 09 2005, 12:28
| |||
| |||
| أهلا بسنفور أهلا وسهلا بسنفور العزيز..  كنت متوقعة تكون المقابلة معك من زمان.. إجت هلأ.. شكرا لشنكول.. مع إنو التأم عليك وعدلك أسئلتك.. نفسها.. بس إنت قدها وقدود..  |
|
#82
Oct, 09 2005, 12:38
| |||
| |||
| حبيب إنت؟؟ إنت حبيت مرة وحدة.. وللا أكتر..؟ شقد..؟ 3_ 10.؟!!! في شي مشترك بين البنوتات يللي حبيتهن..؟ وللا كل وحدة شكل.؟؟ولون وطعم..؟  لما بتحب حدا.. بتحبه من أول نظرة، وللا بعد ما تعرفه وتشوفه لفترة طويلة؟؟ |
|
#83
Oct, 09 2005, 13:17
| |||
| |||
| المشاركة الأصلية بواسطة shery بتذكر.. إيه.. ما بكل يوم.. لأ.. أحيانا بقمة الإحساس الحلو.. بفكر بحدا كان ع وشك.. وراح..
بخجل إني أحكي شي لما بكون الموضوع هو إنسان عم يموت.. شهيد الحكي حكي.. إحساس إنو عم نعيش الموت، وإنو الموت قريب مننا، وعم نشوفه بشكل يومي.. بتخليني متمسك بالحياة أكتر.. وتخليني أحاول أكرس نفسي من شان تقدر الناس تعيشها.. من حق الناس بكل محل إنو تعيش، إنو تكون فرحتها مو بتقديم شهيد عريس للأرض.. تكون برفع تنين عرسان وتزويجهن بعد حب.. الموت بخليني أشتغل من شان الحياة، أحاول إنو الناس يللي الحياة بين إيديها وما عم تعيشها.. أقللها انتبهي فيه بين إيديكي وقت لو راح بتخسري كتير.. أقللهن فكروا بالحياة، بالفرح، بالحب، بالورد، بالإبتسامة.. اتركوا الحزن، اتركو الكآبة.. ما دائما بكون سبب الحزن والكآبة بيتعالج بكلمة.. شو ممكن نعمل؟؟ لسا الحياة فيها إمكانية لمشاريع كبيرة.. إنسانية.. بالعادة ما بحكي عن هي القضايا، لما ينقال .. ! أنا بعتقد الأوروبيين يللي عم يجو ع الأراضي المحتلة كدروع بشرية، وعم يعملو مظاهرات ضد جدار الفصل ناس بمنتهى الرقي.. فينا نعمل متلهن.. ويللي عم يروحو ع أفريقيا، من شان أعمال طبية وإنسانية.. كمان فينا نعمل متلهن.. أنا لمست هالشي لما رحت ع معسكر الباب.. يمكن ندمت ع إيام قضيتها بدون ما أطلع مع الفرق الطبية.. بس بالإيام ال3 يللي رحت فيهن، مرتين ع مدرسة( حكيتلهن فيهن عن مشاكل نفسية بتمس الشباب، وحسيتهن متعطشين يسمعو وحدا يسمعهن..) ومرة ع ضيعة من شان نوزع أدوية.. كمان حسيت إنو في عنا مجال واسع للنشاط الإنساني.. هلأ بخجل من حالي، إنو ما كتير متمكن علميا من شان أفيدهن منيح.. بس فيني أحاول.. فينا نعمل هالشي هون، فينا نرفع شوي حساسيتنا للقضايا الإنسانية يللي بتهمنا وبتهم الناس يللي عم يعانو من شي.. وفينا نقدم مساعدة.. طيب.. أنا هيك بشوف إنو لازم الواحد يفكر إذا تذكر الشهداء أو الناس يللي عم يموتو.. بمبدأ استنقاذ ما ممكن استنقاذه.. ومساعدة يللي بيحتاج لمساعدة.. هون وبكل محل.. المشاركة الأصلية بواسطة shery ما عم أقدر حس بهدا الشي يللي سميتيه حنان غامض وعطيتيه ملامح أمومة.... !
بوقت الوطن عم حس إنو الوطن عم يعيش حالة Dehydration وبده نقل سوائل إسعافي.. هدا السؤال ما دقيق.. يعني من إيمت إنت مواطن.. ؟ أو من إيمت إنت ما بتكذب.. أو من إيمت إنت بتحب بلدك.. هي القضايا فطرية بالشخص، وبتخلق معه.. وعي الوطن، أو تحول الوطن لهاجس فكري.. وجزء من مشروع الحياة.. فيكي تقولي بعد الجامعة.. لإنو بتعرفي إنو كل كتب التربية الوطنية.. بتحدى إذا بتزيد الشعور الوطني عند إنسان بكمشة.... إذا ما كان العكس هو الصحيح.. يمكن هي يللي بتحجزلك ع أول طيارة من شان تهاجر .. بعد الجامعة، صار فيني أقرأ بحرية، وأفكر أكتر، وصار عندي وقت أكتر.. بس بتذكر من الشغلات يللي بحنلها بدموع كتيرة,.. وبحسها جزء من تكويني الروحي.. "حق لا يموت.. " لغسان كنفاني.. أكيد شعر سليمان العيسى.. متل كتب القومية.. بتذكر إني كمان كنت أسمع مارسيل خليفة وجوليا، من لما كنت بصف التالت.. يمكن فترتها كانت الانتفاضة الأولى بنهاياتها.. |
|
#84
Oct, 09 2005, 13:19
| |||
| |||
| الحرية لا تجزأ.. المشاركة الأصلية بواسطة shery ..
الحرية شيري لا تجزأ.. ولا توجد في مجال دون آخر، لا حريات فردية بدون حريات للتعبير والتفكير وللمشاركة السياسية، ولا حرية للوطن بدون حرية للمواطن فيه (نموذج الحرية بالبلاد العربية، استقلال بس المواطن مأسور بسجن كبير ) ولا حرية للمواطن بدون حرية للوطن (النموذج العراقي، مواطن "ينعم بالديمقراطية" والوطن محتل وغير صاحب قرار ولا سيادة..) طيب، ننتبه إنو ما يطغى شي ع حساب شي.. ما قول المشكلة من برا.. لأ.. في شي جوا كمان.. هي أحد الجوانب، لا يدافع عن الوطن إلا إنسان حر.. بعقله بإرادته بفعله ..  الحرية تعني أن أكون أنا كما أريد أنا أن أكون... وأن أعمل بنفسي ما أريد أن أعمل، وأن أشارك ببناء وطني وفق الخيار الحر الذي أعتقد به.. حرية شخصية( تضمن ارتقاء ملكات الإنسان، وتطوير قدراته، وفتح آفاق لعقله، وتحسين شعوره بذاته من إحساس الدودة إلى إحساس الديك! ) . .. حرية عامة( تضمن مشاركة الإنسان الفرد الحر في الشأن العام ، بإرادته الحرة، ووفق قناعاته التي اتشغل عليها وتعاقد عليها مع من يتفق معه بها.. في أحزاب وجمعيات..) حرية وطن (تضمن للوطن أن يكون في الخارج سيدا مستقلا صاحب سيادة..) حرية الوطن لا تنعكس على المواطن إلا حين يخرج خارج حدود البلد.. أما داخل حدود البلد فالحرية هي حرية المواطن..! وضحت الفكرة؟؟ |
|
#85
Oct, 09 2005, 13:21
| |||
| |||
| أهلا ريد فلور أهلا فيكي red flower بعد زمااااااااان.. من الصبح ما شفتك..  شكرا ع ترحيبك وثقتك.. العمياء! بجاوبك.. بعد شوي.. |
|
#86
Oct, 09 2005, 14:00
| |||
| |||
| لحازم.. المشاركة الأصلية بواسطة RWTH أحيانا بين عالم بتكون عم تلعن.. بلعن
بعد شي فتلة ع دوائر دولة، من تجميع ألف توقيع.. بلعن الظلام.. بعد مادة بدرس فيها منيح وبتجي أسئلة غريبة عجيبة.. بلعن شوي.. مو كتير.. بالنسبة لتشعيل الشموع.. بحب أشعل شموع أكتر.. بس ما دايما بكون معي قداحة.. أنا بحترم الناس يللي بتشاعل أكتر.. .. بفترة كنت عم أشتغل ع تشعيل الشموع.. وتشعيل كل ما يمكن تشعيله.. من شان يتحرك شوي الوضع.. صار في نكسات، وشوية انقلابات.. وإحساس بصعوبة تشعيل شي شمعة هلأ.. فعم خبي ناراتي لبعد ما أتخرج.. بلكي بقدر أستخدم شي شعلة من راسي، إني أشتغل ع شي إله علاقة بالشأن العام من موقعي الجديد.. يعني بعد ما أتشغل ع حالي، فكريا، وثقافيا.. بمعنى أصنع أدوات عقلية تكون قادرة ع مقاربة الواقع وتحليله أفضل من هلأ.. لتكون مشاركتي أكتر جدوى.. وحابب أكون متخصص أكتر بجانب منه.. الجانب النفسي.. وبحس إنو ممكن شاعل فيه كم شمعة.. تحررت من النظرة الشمولية للسنين الأولى.. يعني ما أنا المنقذ للكون. وسوريا عم تستنى ناس كتيرين يشتغلو.. بس ما أنا يللي بدي حارب الفساد، وبدي أحلل بنية النظام الأبوي، وتكوينة العلاقات السياسية.. مع أهمية كل هي الشي.. رح أساهم فيها بس بقدر ما بقدر ورح تكون جزء من ثقافتي العامة.. وشغلي.، بس رح أشتغل أكتر ع القضايا النفسية.. كمدخل مختص لمشاركتي بالشأن العام.. المشاركة الأصلية بواسطة RWTH بعد دراسة الأطفال.. صرت أنتبه ع المشاكل الصحية يللي ممكن يعاني منها.. وصرت أبحبش فيه.. أعمله جس، وفحص لوزات.. بنتبه ع عيونه، ع وجهه، ع طوله مقارنة مع عمره، ع وزنه.!!! بقبسه ع مؤشرات الطول والوزن والعمر.. بشوف عنده فشل نمو؟؟
بنتبه لتطليعته، (حزين، مبسوط، متجاوب مع الناس، مبتسم.. عم يحكي..) لحركاته ( نشيط ، بليد، ..) لبراءته.. بحاول أشوف الدنيا شلون هو عم يشوفها.. ما كتير بضل عم أتأمل فيه.. بحاول أمسكله وألاعبه شوي.. بحب أضحكله.. بجن لما بشوفه عم يردلي الضحكة.. كان عندي إحساس إنو الأطفال ما بحبوني.. بس اكتشفت بآخر فترة إنو لأ.. ممكن يتجاولو معي.. ويضحكولي.. لو كان مزتوت بالشارع..؟ بقول.. الويل لأمة.. المشاركة الأصلية بواسطة RWTH بآخر سنوات.. لما كان مزاجي اكتئابي.. كان بيتحسن الوضع بالليل.. كنت أسرح مع الليل.. بحسسني بصفاء، وبخليني رايق أكتر.. ومرتاح..
بآخر شهور.. تغير شوي الحال.. بحب الليل لسا.. بس بحب المغيب أكتر شي.. وبحب الشروق كتير.. يعني أنا بين الليل والنهار! المشاركة الأصلية بواسطة RWTH لما بكون عم ساعد حدا..
 لما بحس إنو حدا محتاجني ولقاني.. وقدرت أعطيه من نفسي أكتر.. لما بكون عم فكر بشي فكرة فلسفية، وبحس حالي لمست المعنى.. لما بكون عم أدرس وبحس حالي عم أفهم..  لما بكون عم أحكي بمؤتمر طلاب مثلا عن شي خطأ وعن رؤية للصح.. لما بكون عم قول لأ.. لشي لازم يقول إله الواحد لأ.. لما بحس إنو الحب عم يغمر قلبي..  لما بحس بصفاء بروحي .. وبقلبي نقي كتير.. لما بحس إني عم أطفو ع السما.. وعم طير ع نسمة.. هون بكون مرهف الأشقر |
|
#87
Oct, 09 2005, 14:38
| |||
| |||
| شو عملتيني دون جوان؟؟ والله هي إشاعات كذابة عني.. المشاركة الأصلية بواسطة red flower أكتر من مرة.. حبيت..
شقد؟؟ اكتر مما بتتصوري.. أنا ماني دون جوان.. شرحت القضية من قبل.. المشاركة الأصلية بواسطة red flower في شي مشترك.. إنهن حبيتهن..
أكيد إنو كل وحدة شكل، لو كانو كلهن متل أول حدا بحبه.. كنت ضليت عم حبه.. المشاركة الأصلية بواسطة red flower بتعرف عليه وبشوفه.. لفترة طويلة.. وبتكشف بعدها إني كنت عم حبه من أول نظرة.. !
|
|
#88
Oct, 09 2005, 14:41
| |||
| |||
| إيه.. المشاركة الأصلية بواسطة shery لا..
لست أنا من يعبث بالكلمات، لا أملك أصلا من مفاتيح اللغة ما يتركني أسرح بها كما أريد كقطيع من حروف.. كثيرا ما يخلقني نص كتبته بيدي، وعرفت بعده ما لم أعرفه من قبل في نفسي.. كثيرا ما تساءلت.. هل أنا الكاتب هنا؟ أم أنا كلمة لا أكثر.. ينقصني، شيري، كثير من الصفاء في روحي، (لأعبث باللغة أو بغيرها..) وينقصني أن أسيطر على نفسي ولغتي كما أسيطر على جيادي.. كثيرا ما تسحبني المفردات كمن تعلق بحصان جامح فرماه في واد لا يعرفه ولم يبحث عنه. . بعد أن أكتب نصا لا أكون أكثر من قارئ له، وأنسى من أين أتت الكلمات.. لست حرا فيما أكتب، ولا أتلاعب بمفرداتي.. تحصل هيفا وهبي من التصفيق أكثر مما تأخذ فيروز على مسرح.. ! لم يعد اندهاش الجمهور معيارا لجودة النص، أو لقيمة العمل.. أخاف على نفسي أكثر ما أخاف من موقف البهلوان في السيرك أمام المصفقين.. وإن كان البهلوان في داخلي يبحث أحيانا عن كلمة حلوة.. يطير بها على حبال فرحه بنفسه.. إذا، لا أتلاعب، قد أتفرج على وقع الكلمات على الوجوه أجل، أسعد أحيانا باندهاشهم فيراودني فورا شك بقيمة ما كتبت، وخوف من المجاملات البليدة خصوصا من فتاة، قدراتي ليست مذهلة.. في ما أكتب، لا أبحث عن ثوب يستر تناقضات أراها في داخلي.. أنا أكتب لأرى نفسي، عاريا أمام نفسي، ولأكشف تناقضات آدمي أمام الناس.. لغتي مليئة بالتنقاضات.. هي تنقاضاتي نفسها التي لا يهمني إن اختبأت عن عيون الناس أو رؤوها في عيوني.. وكلامي أنا هكذا، أبيض وأسود (ولست إما أبيض أو أسود) وعندي بقية الألوان .. الصارخ منها في قلب الهادئ..  المشاركة الأصلية بواسطة shery
إن وجدت، فهي جثتي أنا.. أخاف أحيانا أن تندثر كلماتي بموتي.. (لما بكتب بكتب ع الكمبيوتر مباشرة، وعندي كلمة سر للكمبيوتر، وكلمة سر لكل ملف وورد، يعني بس متت.. بروح كل شي..) أخاف أن يكون لها معنى -ربما لا أجده أنا- معنى ضروري لغيري.. ربما يحتاجها عاشق ليحب من جديد.. أو تقرأها فتاة فتحلم بغريب يأخذها من تحت ذراعها.. أحاول أن أنشرها أحيانا.. لتبقى.. بغيابي.. وتشتغل بحياتها الخاصة دوني.. ربما تمنحني خلودا.. (بعد شي 200 سنة.. بيقرأها مراهق وبقول هيك كانو الناس يفكرو وقتها.. يا الله شو كانو عقيمين!) ولكن قد أسأل.. ماذا يهمني الخلود بعد موتي..؟ إن رحلت أنا.. من سيفرح بالخلود بغيابي..؟ هل يهتم من يموت بنفسه لو بقيت أعضاؤه في جسد أو صارت غبارا وهواء؟. الدخول في العدم : ربما تجربة حلوة تستحق المحاولة.. (بس كل شي بوقته حلو..) وفيها لا شأن لي بالخلود.. المشاركة الأصلية بواسطة shery الفقدان.. الوحدة.. الحنين.. الضياع..
يمكن بتجي بوقت بدون سبب، وأوقات لما بتأمل بالبيت يللي ساكن فيه، لوحدي.. بعد ما راح كل يللي سكن فيه من قبل.. بتأمل بالحيطان، بتتطلع بالصور المعلقة.. بتأمل بالمرايا.. لأتطلع ع عيون بتشبههن ، وإيدين.. متل إيديها.. بشوفهن كلهن.. أمي، أبي، إخوتي وأخواتي.. بتسحبني للحظات كنت فيها بالست سنين.. لما كنت أركض حوالي أمي.. تجرني من إيدي.. وللحظات أخيرة.. لما التفتت آخر مرة.. وقالتلي وداع.. للحقيقة يللي كانت دايما تنطق فيها شفافها.. ولحنانها لما كانت تضمني بعد ما ترجع من السفر.. أي شي إله علاقة بالأمس.. هو أمي.. وهو عمري يللي راح.. يللي كان حلو.. بتذكر كل هي الأشياء.. لما بحس.. بالوحدة، بالضياع (وين بدي روح..؟ تعبت من حالي.. سئمت.. يئست..! مين أنا.؟ ) بالفقدان.. وبالحنين.. .. بس لحظة.. أنا ما بستعين فيه.. من شان أكتب.. هو بيطلع لحاله.. |
|
#89
Oct, 09 2005, 16:37
| |||
| |||
| مرهف أنا كتير مستمتع بقراءتك وخصوصاً إجاباتك على شيري انت عمتجاوبها شعر طيب أكيد ما لازم يمر اللقاء بدون ما نسترجع أيام ماضية قضيناها بهدف واحد وكنا إيد وحدة بتتذكر أيام الاعتصامات؟ ... بتتذكر أيام الاعتصام المفتوح ؟ ... ما بدي أغمق كتير بالحكي وأخليك تحكي حكي بعرفه مسبقاً وما بريد يطلع منك بس سؤالي كتير سطحي بالنسبة للي كنا مع بعض فيه بيوم من الأيام لساتك بنفس الحماس؟ عندك شي تعطيه ولا خلص يا دوب تظبط وضعك ومستقبلك؟ شو رأيك بالعمل ككل؟ كان كويس؟ طيب كان ماشي تمام ولا فيه أخطاء؟ طيب شو رأيك بالدكتور محمد عرب؟ طيب انت ليش في النهاية انسحبت وفي آخر اللحظات؟ ما بدي أغمق أكتر من هيك حاج  |
|
#90
Oct, 09 2005, 16:41
| |||
| |||
| مرهف انت بتعزف عود ابتدأت متأخر بعد ما دخلت على الجامعة بتحس العود شخص آخر معك؟ ولا بتحسه عضو إضافي إلك بتنتمي للعود؟ أم هو ينتمي لك؟ من هو الأكثر فناً بينكما؟ أكيد بتعزف تقاسيم؟ من عندك؟ بتحاول تخلق لحن ما؟ ولا بتحاول بس تقلد غيرك ويادوب؟ اسمعت نصير شمة؟ شو مشان المقارنة بينه وبين مارسيل خليفة؟ |
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| علاقة بين انتشار الملاريا والايدز | Article Bot | آخر المستجدات الطبية | 0 | Dec, 08 2006 17:50 |
| ما عجزت عنه الفتوحات الغابرة تحققه الصحوة المعاصرة | Hani | اجتماعيات | 5 | Sep, 20 2006 16:49 |
| ما هو لي - هو لي وليس لك - وما هو لك ليس لي.. محاولة لمقاربة علاقة الفرد بالمجتمع | سنفور | اجتماعيات | 91 | Jul, 21 2005 13:47 |
كل الأوقات حسب GMT +2، والوقت الآن 00:58.
