شخصية جدليّة ... هلكتني ... وهلكت المشرفين ... هلكت الأعضاء ... هلكت القرّاء ...

ما عنده رمادي ... يا أبيض ... يا أسود ...

أفكار متحرّرة ... منطلقة ... لا مُطلَق ... لا مقدّس ...

منتج للأفكار بشكل ما حدا بيتخيله ... بيسأل ألأف سؤال في الدقيقة ...

اسألوا ... سن شاين عنه ...

معنا اليوم سنفور ... مو مشان شي ... مشان أخلص من نقّه ... (مزحة)

تفضّل عزيزي سنفور ... عرفنا عن حالك متل ما بتحب ...

طبعاً ما رح لاقي أسئلة بتناسبك متل أسئلتك ... لذلك ... خود ... متل ما وعدتك ... بدي أهري نعمتك ...

وجنت على نفسها ... براقش ...

من هو أنت؟

ثمة مشكلة في من يستخدم لغة الكتابة وتكون الطريق الوحيد الذي تعبر فيه صورته إلى الناس..
هي في استخدام لغة قد تكون أكبر أو أصغر مما نريد..
وتصير وظيفة اللغة في التعبير عن الشخص بالذات أصعب.. حين يكون من الصعب على الفرد نفسه ربما أن يتلمس وجهه بين وجوه الشخصيات الروائية..
حينها تغرق الكلمات في التداعيات..
وتصير كل مفردة مفتاحا لقصة، أو مدخلا لرواية...
لن أسألك من أنت.. لأني أستطيع توقع الجواب..

أسأل هنا..
هل ترى نفسك (لو وضعنا جانبا إشكالية التفكك الشخصي الإنتقالي الذي يكون مرحلة عابرة ولو تكررت نحو تشكيل تركيبة جديدة منسجمة ) كلا واحدا أم شخصية من شخصيات!؟
ما رأيك بالخسة!
ما رأيك بالوردة الحمراء!
ما رأيك بالنرجس!
ما رأيك بالمرآة؟
والمرأة.. لو تركنا الأم جانبا.. هل هي لاعب في حياتك..؟ وهل تعطيها دور البطولة أم تترك البطولة لنفسك .. والكومبارس من هو..؟

شو رأيك بالحب؟؟ قبل الزواج ..
شو رأيك بالبنت الشرقية..
بتعتقد رح تلاقي بنت بتناسبك بحلب؟؟
إذا قررت تتجوز.. رح تخللي أمك تدورلك ولا إنت رح تحب ووتجوز..؟؟
ولو رفضو إهلك .. شو بتعمل..؟ بتاخدها خطيفة .. وللا بتقللها ما مشي الحال والله ..

بتصنف حالك بين الناجحين بحياتهن..؟ وللا بتعتبر بدك شي لسا بعيد عنك؟؟
مرتاح من إنجازك الحياتي لهلأ..؟ وللا بتشوف ..إنو وييين!.. بدك كتير..

بتحس إنك وصلت ليقين حول معنى الحياة.. والوجود.. والقضايا الفلسفية الكبرى.. عن الله والإنسان، القدر والحرية..؟
بتشوف الحياة بتستاهل تنعاش.. وللا هوا..
بتعتقد إنو الدنيا منظمة بأسنفور ما يجب..؟ وللا بتشوفها ناقصة.. كتير..
بتعتقد إنو الإنسان هو مركز الكون .؟ وللا هو حشرة صغيرة على ظهر البسيطة.؟؟

شو رقم موبايلك..

سنفور
شو علاقته مع الحب.؟
داق الحب..؟
شو رأيه بالفتاة الحلبية..؟
يا ترى شلون الوضع بالشام؟؟
بتحس حالك متصالح مع المجتمع؟؟ وللا في جدال.. أو تناقض.؟
عندك فكرة يوتوبية للمجتمع؟؟ كيف..!
لسا في أسئلة تانية..
بتجي

برايك..
الحب شو هو؟؟ يعني لما إنت بتلاقي سنفورة .. شو بكون صار..؟
وليش بتدور عليها هلا..
برايك الحب بزيد وبينقص؟؟
طيب..
ممكن يكون عندك سنفورة1 وسنفورة2 وسنفورة 5؟
طيب بلا 5.. سنفورة وسنفورة..؟

برأيك لحتى توصل لأنثاك لازم تكون مجرب الحب أكتر من مرة.؟
طيب.. إذا حبيبتها.. ممكن تتركو بعض؟
..
إذا بدنا نسأل ع التقيل..
بتقلك فيروز.. الله يطول بعمرها..
فيكن تنسو صور حبايبكن..
لكن.. وشو ما صار..
لا تنسو وطنكن..!
لا تنسو وطنكن.. وطنكن!!!
شو هو الوطن بالنسبة إلك؟
لقيته بسوريا.؟ وللا بتآمن بوطن من نوع مختلف .. يعني بحلم عربي؟ أو بيوتوبيا إسلامية..؟
برأيك كيف الواحد هلأ.. فيه ما ينسى وطنه..؟
..
شو رأيك بمقولة..
"كلنا للوطن..
صح كلنا للوطن.. بس لازم كمان يكون الوطن إلنا كلنا..!
الوطن إلك.. خده"
....
إذا قدرت تهاجر.. وصار عندك ظروف مناسبة..
ممكن ما ترجع.؟ على مبدأ حيث ما تكونو أنتم في أرض الله..؟
......
لو عملوك رئيس هيئة إدارية بكلية الطب.. شو بتعمل؟؟
......

إذا إجتك امرأة.. ورايدة تجهض.. بتساعدها..؟
إذا كلن إبنها غير شرعي.. ؟ بتساعدها..؟
إذا كانت مغتصبة.. ؟
؟...

الاستنساخ لأغراض علاجية شورأيك فيه.؟
..

طيب..سؤال كتير معقد.. وما وصلت البشرية لجاوب شافي..
وأغلب الأجوبة هي عقائدية.. أكتر منها علمية..
خلق أم تطور؟؟..
يعني هل خلق الإنسان هكذا..؟ أم تطور من كائنات أقل رقيا عبر ملايين سنين.؟
.........
والبقية تأتي

شو حدود وطنك.؟ يعني سوريا والأردن واحد!! وللا الله واحد والعالم واحد يعني أممي.؟ ولللا وطن عربي كبير.؟

بسألك.. سؤالي..
من وين بيجي الملل؟؟
ليش في ناس ملولة أكتر من ناس؟.
ليش أنا مثلا ما كتير بستحمل حدا يقللي شو رايك بالندورة المعفنة .. ع سبيل المثال.. وبفرض جدلي إنو هالسؤال عم يتكرر لكل مطرب وممثلة ..
يعني إذا كل ما بيطلع حدا رقاص مثلا. بيسألوه شو رايك بالبندورة المعفنة ويا ترى لسا عم نشوف منها بالسوق؟؟
طيب ما بمل الواحد..؟
طيب.. سؤال تاني..
دقت إحساس الملل من النفس.. ؟
أنا من الأشخاص يللي بتنازق من حالي..
ومن خيالي.. ومن الحوالي.. ! ليش؟؟
برأيك ..

يا ترى الحياة فيها شي هيك.. تقدر تتصبح بوجهه وتقعد معه.. ,تاكل منه.. بدون ما تشبع.؟
وللا مقدر على كل الأشياء إنو تحسها بعد فترة متل الهوا.. !

جاوبني.. وأسعفني..