أعرف منها الاسم وأعض أصابعي..
يدور هذا النقاش حول أعرف منها الاسم وأعض أصابعي.. في قسم هديل الروح في الملتقى الطبي السوري; من هي.؟
لا أعرف منها غير الاسم الذي يكفي وحده ليتركها سيدة على قلبي
ويرفع عرشها إلى السماء، يكفي..
لا يهم إن لم أر أي آخر فيها.. فلتكن هي كما
| |||||||
 أنت تتصفح الموقع كزائر، للحصول على مساعدة في التسجيل أو استرجاع كلمة المرور اضغط هنا. |
| هل توافق على بيع كليتك؟؟ شاركنا برأيك | من هم الأشخاص الواجب التحري عن إصابتهم بالتهاب الكبد B : | القرحة القلاعية Aphthous Ulcers |
| تخفيض خدمة العلم إلى 21 شهرا اعتبارا من بداية 2009 | ||
 |
| | LinkBack | أدوات الموضوع |
Mar, 03 2005, 22:27
| |||
| |||
| أعرف منها الاسم وأعض أصابعي.. من هي.؟ لا أعرف منها غير الاسم الذي يكفي وحده ليتركها سيدة على قلبي ويرفع عرشها إلى السماء، يكفي.. لا يهم إن لم أر أي آخر فيها.. فلتكن هي كما هي .. وهم أم حلم..؟؟ لا يهم.. هي تكفي ليمتلئ قلبي.. لا.. آه لم يعد الأمر امتلاءا للقلب، قد صار عشقا، وجعا، موتا، لاينتهي.. إلى اين تمضي؟ أين تختفي؟ من أي طريق تمر؟ وإلى اين ترحل؟؟ كيف لي أن أعرف من أين تشرق وأين تغيب.؟ كنت مستعدا اليوم.. لو لحقت بها أن اقف أمامها مسطولا.. أسرق من شفتيها بسمة لو تحدثت معها كنت سألتها: أكاد أجن.. لماذا ملأتني فيك.. وغبت؟ أحترق بها عندما تمر، واحترق أكثر عندما تختفي.. هل تفضحني عيناي؟ يا ليتها تفضحني أمامها فتعرف.. هي تراني.. ولا يتركني مرورها كما كنت.. لا أعرف لوجعي نهاية، ولا أعرف كيف أصل إليها.. لا أعرف ماذا سأقول لها الآن.. يكفي أن تبتسم ليزهر اللوز ويبدأ ربيع آخر.. البارحة عرفتها أول مرة، سمعتها واليوم أعرف كيف أعيد كلماتها نفسها وهي ترن في قلبي وجعا، وأذكر لفتتها.. أعرف من ملامح وجها نورا يجتاحني ويتركني شريدا بها.. كيف أطفئ ناري بها؟ كيف أمشي إليها دون أن أموت على الطريق إلى قلبها.؟ ربما كانت تكفيني كلمة، لا.. ولو .. بسمة أعرف أنها لي أنا.. هي بين ألف ولا تخفى على قلبي.. لا أفهم كيف سيحتمل أن يتقاسمها كل هؤلاء ولا أكون أنا إلا ظلا لحزن يحرقني كورقة خريف صامتة! وأنا هنا الآن، أنتظر حضور يوم لقاء.. أتسلى بنظرة ملأت عيني أغمض جفني عليها! لكنها مرت بجانبي كغريب، مرت. هكذا كما لو أنها لم تطفئ أحلامي لتكون وحدها سيدة على الروح.. كما لو أنها لم تحرق كل أخضري لتبقى وحدها احتمال خصوبة ممكنة.. تسحرني تمشي ترقص كخيال في حلم، تضحك كنسمة يخفق القلب على إيقاعها.. والآن، أجتر الذكرى.. وأبكي هل أراها؟.. سحقا للأيام.. علي أن أنتظر.. وأعض الأصابع..  |
|
#21
Apr, 06 2005, 23:21
| |||
| |||
| لازم نعرف نخلص كتير ظريفة فكرة بتقولها صبية عن إنو إذا الشب حب.. يروح يحكي.. طبعا أنا بنصح الشباب (إنهن ما يسمعو كلام البنت لما بتقول إنو روح عبرلها..) ما بعرف كم شب من هالشباب الطيبة هون آكله شي شحاطة عاطفية بشي يوم من الإيام لما استجمع (عرأي وايزمان شو معرفني كان خشب صار تراب صار بعدين نار.. بتشوفو المشاركة بإنها المرأة..) وراح حكى.. أو شال وردات وراح يقول.. وللا إنو شو يعني هو حس إحساس متميز فيها.. وهي غير شكل.. طبعا كتير حلو إنو حدا يجي يقول.. (وهيك كل صبية بتقول..) بس طيعا النص التاني من الحادثة غالبا لا يروى.. يعني لا الشاب يللي أكل الكم بيحكيه لحدا.. ولا الصبية يللي لزقته الشحاطة بتقول لشب إنو هيك كان، لإنو والله حلوة الشغلة.. كل يوم يجي شب.. وكل يوم نلزقه شحاطة (عاطفية طبعا..) .. ((طبعا كل الحكي السابق مزح لولو.. ) ) أنا طبعا بتفق مع لولو.. وطبا يعني أنا ما لهلأ عم عض أصابيعي.. خلص قرطتهن ومشي الحال.. حلو كتير إنو الواحد يعبر.. وأكيد أنا بعد التعبير عرفت وين الله حطني.. ما ضروري تعرفو وين.. طبعا فكرة إنو البنت إذا حبت ما رح تروح تحكي.. ما كتير دقيقة.. لإنو بس يجد الجد ويصير الحب حب مظبوط.. لا بعود فيه لا شب ولا بنت.. أنا بعتقد كتيرين مننا تعبرلهن، إنو هنن محبوبين، وكمان هنن عبرو.. ما بعتقد أزمة.. بس المشكلة هي إنو بظن (وهدا رأي مو متأكد منه، ) إنو البنت بمجتمعنا متحفظة أكتر بموضوع العواطف من الشب.. يعني ما كتير بتترك لمشاعرها إنها تمشي ع كيفها.. بينما الشب هو غالبا أسرع ف الوقوع في الحب.. (وربما أسرع في الخروج منه أحيانا، على فرض قدرنا نحط تعريف واحد للحب..) بس أكييد في حواجز بتفق معك.. يعني أنا بعتقد إنو الحب الحقيقي بيجي بعد أكتر من تجربة.. يعني بعد (ولو كانت العبارة ربما تبين مبتذلة..) "خبرة".. يعني شخص عم يجرب مشاعره وعم يشوف قلبه لوين بروح.. وعم يشوف هل بيتطابق معي هالشخص ولا لأ.. وهي الإمكانية للشب أكتر من البنت.. وإن كان الشب الحبيب ما كتير مقبول.. بس البنت الحبيبة أكتر ما كتير مقبولة.. .. !وبعتقد هي أزمة.. بتمنى أسمع آراء عن هالموضوع.. لإنو يعني صار لازم إنو نخلص من قصة إنو والله هي البينت كانت تحكي مع شباب.. ما كويسة، وهي كانت على علاقة مع فلان ما تخطبها، وهي كانت رفيقة لفلان ما منيحة.. الإنسان بكل لحظة هو حصيلة التجارب يللي عاشها.. والحب هو شي هيك.. الحب ما هو إرتباط أزلي، ولا هو قدر محتوم.. الحب أبسط بكتير من هيك.. مع إنو إله كل المعنى يلي بنحكي عنه |
|
#22
Apr, 07 2005, 00:21
| |||
| |||
أو غير محققة لأنوثتها أو تشعر بالنقص فيها أومحتقنة فيها بدون تنفيس لدرجة الاختناق وهذا كله برأي غير مشجع لاقامة أي علاقة ناضجة جدية معها |
|
#23
Apr, 07 2005, 00:34
| |||
| |||
| تماما، من آليات الدفاع النفسية، بعد فترة رغبة طويلة مقهورة، بس يعني ما حدا يروح فكره لبعيد بفكرة الرغبة.. الرغبة قصدت إنو الواحد يعيش بتشارك مع، ويعبر عن حاله بمواجهة آخر، ويشوف المختلف، .. بعد ما بيتراكم القهر والكبت.. بتلاقي هالشخص إنو والله شو.. هو ما بيحكي مع بنات.. ولا شو هي قال يا عيب الشوم شوفو هديك بتمشي مع شباب ياخ.. ! وإنو هي ما بدها.. (عم إحكي بالموضوع بلهجة ربما تبين مبتذلة بس عم أوصف حكي بينقال) معلش يا أخي.. لتكون سوي، كرجل سوي، بدك متل ما قال شعاع، مقابل إلك سوي، ومع بعض بتعملو بشرية سوية.. أما الإحتقانات.. فما بتولد غير عقد، وكركبات.. والأخطر إنفجارات مدوية ونتائج ما حدا بدو ياها.. يحكى عن إنحلال خلقي بالسعودية لا توازيه إنحلال بالعالم. وبنفس الوقت تطرف.. أنا برأيي أصلا احد مداخل فهم ظاهرة التطرف الديني هي هي.. الكبت الجنسي.. ! وإلي عودة لهالموضوع الحساس.. وشكرا للدكتور راي.. يللي ما بعرف ليش بيحرمنا دائما من مشاركاته مع إنه بحط إيده دائما على الجرح |
|
#24
Apr, 07 2005, 01:00
| |||
| |||
| سنفور صحيح البنت متحفظة أكتر من الشب في موضوع العواطف وبصراحة بحسها أكتر ععقلانية عموماً |
|
#25
Apr, 07 2005, 03:29
| |||
| |||
| انا مالي معك يا شنكول بانو البنت اكتر عقلانية لانها وقت اللي بتحب بكون عقلها مو معها بالمرة و بكون معمي على قلبها (بالعامي هيبلتها وماشية سوري عاللفظ ) وبعتقد انو الشباب هنن اللي بسيطرو على عواطفن اللي بتجي بالمرتبة التانية بعد العقل وشغلة تانية انا مالي ضد انو البنات يحكو مع شباب اذا كان الحكي ضمن نطاق الادب ويعني نحن طلعنا ولا نزلنا طلاب طب واغلب حكينا عالدراسة والعملي والستاجات والاختصاص و.......بقى وين الغلط و متل ماقال سنفور ليش في ناس بنظرو للبنت اللي بتحكي مع شب انا مو منيحة ولا كويسة ولا حدا يقرب منها ؟؟؟؟؟ |
|
#26
Apr, 07 2005, 10:16
| |||
| |||
|
|
#27
Apr, 07 2005, 12:44
| |||
| |||
| حلوه كتيير...... يالله بكفيكن الاسم......... |
|
#28
Apr, 07 2005, 13:04
| |||
| |||
| أنا معك يا لولو لازم الشب يعبر عن الي حاسس فيه للبنت و ألا هي منين بدا تعرف.....من التطليع والا لاء لازم تنجم... اما البنت ما مشكله هي مو الشغله الوحيده.. تاخد حسبي الله و نعم الوكيل... |
|
#29
Apr, 07 2005, 14:03
| |||
| |||
| الغريب إنو الحكي لهلأ كان عن إنو الشب لازم يعبر عن أحاسيسه.. طيب أنا يمكن هي أول مرة بقول هي الفكرة. . إنو شقد كاتب مشاركات بواحة الشعر (وهلأ يمكن أضربهن فرد مرة.. ) بس هي كلها تعبيرات عن احساس.. احساس.. بس لما رحت بدي أعبرلها.. شفت إنو ببساطة.. ما هي!!! طيب هلأ.. أنا عم أحكي كلمات هناك، كلها مشاعر وعواطف.. وشي جياش.. يعني ببكي الحجر على حد تعبير البعض( وفيكن تشوفوه.. ) وبالفعل كنت صادق فيه لما كتبته.. يعني كنت عم أكتب شي عم حسه.. بس هلأ.. شو.؟؟ ولا شي.. في مشاعر مختلفة.. القصة ما هي قصة إحساس.. من هي التجربة.. يا ترى بستنتج إني لازم أروح أعبر بالمرة الجاي ولا ما اروح أعبر..؟ أنا برأيي القصة ما هي إنو متل ما قالت نواعم من وين البنت بدها تعرف.. ما مشكلة تعرف أو ما تعرف.. القضية إنو تكون المشاعر مبنية ع أساس.. والحمد لله.. إنو يعني نحنا بالكلية وين عم نشوف البنات.؟ بالستاج وللا بدرس العملي.؟ وللا تحت المظلة..؟ يعني كلها ما كافية لأعرف هي مين.. ولا هي بشو بتفكر.. (هي إذا كانت بتفكر والحمد لله صعب كتير يلتقى حدا بفكر.. ) طيب إذا في مشكلة جوهرية عم تعمل أزمات.. إنو أنا ما عم أقدر أتعرف على البنت منيح.. قبل ما أحبها.. وعم يكون الحب هو مجرد احساس.. بيجي من وين.؟؟ غالبا من كم تطليعة.. أو أحيانا إنو شوفو هي ما بتتطلع.. معناتها شغلة كبيرة.. وأكيد مخبية شي ورا هالصمت.. وهالـ"كبرة".. ! |
|
#30
Apr, 07 2005, 23:55
| |||
| |||
| يا جماعة البنت ما بتفكر بالحب قد ما بتفكر بنتيجة الحب، يعني بدها تحب واحد تعرف حالها إنه بده بالآخر يجي ويخطبها من أهلها ويتجوزها أما الشب بحب لمجرد الحب لمجرد إنه البنت عجبته أو حركت جواته شي إحساس وبالنسبة لموضوع مين يحكي يا سيدي الشب بيحكي هي فهمناها والبنت لازم تعبر كمان بالنظرات على الأقل يعني إذا حبت واحد بتضل بتحبه حتى تشوفه بالأخير حب وحدة غيرها لذلك لازم تعبر ولو بنظرات قليلة إذا ما بدها تروح تحكي وعلى فكرة كنتيجة للتعبير عن العواطف للطرف الآخر الشب ما ببطل يحكي مع البنت إذا أفصحت عن عواطفها تجاهه وهو رفض بينما البنت بتعمل قصة وبتزعل منه ليش حبها وبتبطل تحكي معه وبتقلب معدتها منه وبتقرف كل ما شافته المشاركة الأصلية بواسطة سنفور نتيجة تجربة فاشلة لازم ما تأثر على التجربة اللي بعدها أبداً ولا تتعلق فيها أساساً لأنه الظروف بتختلف
وسنفور بالنسبة لقولك من وين بدي أعرف بشو بتفكر لذلك أنا بشوف إنه كتير صعب الواحد يحب وحدة ما بحكي معها ولا بيعرفها غير من بعيد لبعيد وإذا كان فهيم وحط بباله إنه يتعرف عليها ويشوف تفكيرها وحياتها بروح بحكي معها أو بدبرله شي صدفه مقصودة أو بروح دج بتعرف عليها النتيجة إنها رح تفهم ليش جاي يحكي معها وهون يا بكون عندها قبول أوّلي وبتسمعه وبتعطيه فرصة أو (بتكشه من الأول) وبتصده لأنه مو عاجبها وهون راحت عليه لو إنك بتضمن ردة فعل الطرف الآخر إنها تكون منطقية وواعية بتجسن بتعمل كتير بس لإنك مالك ضمنان عندك حاجز كتير كبير أمام اتخاذ أي قرار |
|
| Bookmarks |
| أدوات الموضوع | |
| |
المواضيع المشابهة | ||||
| الموضوع | مبتدئ الموضوع | المنتدى | الردود | آخر مشاركة |
| عايز أعرف من الأخوان عن نظام التعديل | almoheeb | الدراسات العليا والامتحان الوطني | 5 | May, 11 2007 18:02 |
| أعرف نفسك من رنة موبايلك | B O G Y M A N | اجتماعيات | 14 | May, 07 2006 20:11 |
| مقدمة لا بد منها | RWTH | إعلانات الملتقى الإدارية | 8 | Sep, 22 2005 18:18 |
| الرسالة الأولى لحبيبة.. لا أعرف عنها شيئا.. | سنفور | هديل الروح | 8 | Apr, 17 2005 01:49 |
كل الأوقات حسب GMT +2، والوقت الآن 01:00.
